Archive for the 'Uncategorized' Category

سنحيا بالقران

سبتمبر 13, 2009

quranposterfor

كشف حساب 2

يونيو 28, 2009

زاي ما قلت ابل كدة استمرار للفضايح و التدبيس العلني دة كشف حساب رقم 2 😀

  • tech
    • PHP
      • ارفع اول بروجكت خلص فاضل نحجز الهوست و الدومين
      • اخلص بروجكت تاني في خلال شهر ابتداء من انهردة 13-6-2009 PAUSE
      • اخلص الشغل اللي ورايا في depiak
    • Java
      • اراجع كورس الجافا اللي اخدتة راجعت جزء كبير منة الحمد لله
      • اخلص بروجكت بية في خلال شهر من انهردة 13-6-2009
  • Health
    • العب رياضة علي الاقل 3 مرات في الاسبوع ينفع تتحسب ان كنت بمشي 3 سعات لمدة 5 ايام
  • اتعلم السواقة

انا جبت كتاب “البنات عايزة ايه”

مايو 28, 2009

فكرين التوبك دة كتبتو يوم 6-يناير-2009

كتبت عن كتاب “البنات عيزة ايه” وكنت معجب جدا بفكرته

و انهردة الحمد لله 28-مايو-2009  جبت الكتاب هاااااااااااا

انا اول ما قريت عن الخبر بتاع ان الكتاب هينزل في مكتبة Books & Beans و هيكون في حفل توقع ان شاء الله يوم 5-يونيو-2009 فرحت جدا لان انا حاولت اجيب الكتاب حتي من القاهرة لما كان في المعرض ومعرفتش و دورت علية في اسكندرية و معرفتش اجيبة برضو : ( وعرفت انة لسة منزلش عندنا في الاسكندرية

وتشاء الظروف ان انا اعرف اجيبة من هنا من المنصورة 😀

رغم ان عندي امتحان يوم الحد اللي جاي و المفروض ان انا اعد ازاكر لكن كدة كدة بيكون في وقت ضايع و اخترت ان اروح اسئل علي الكتاب ولقيتة و جبت نسختي منة , لما نشوف هم عيزين ايه 😀

39

41

بالمناسبة ان شاء الله هيكون حفل التوقيع الثاني في مكتبة Books & Beans
يوم الجمعة 5 يونيو من الساعة 6 الى 9 – فى المنصورة
7-ش جزيره الورد المشايه السفليه امام نادي الجزيره
التفاصيل هنا
http://www.facebook.com/event.php?eid=90412301575&ref=nf

Forever and for always

فبراير 23, 2009

Keep it up

ديما بحب الجملة دي “Keep it up” جدا جدا و بفكر نفسي بيها كتير طب اية الموضوع

الموضوع مش عارف اكتب فية حاجة لان انا متاكد من ان المواضيع دي مش بتتحل غير بالكلام

نفس صوتي يرتفع لحد السحاب و ينزل تاني مع المطر و يوصل لكل انسان

مش عارف اكتب و مش عارف اوضح بس السؤال المهم في الموضوع دة هو

لحد امتة ممكن الانسان يحاول ؟

عرفين لحد امة  Forever and for always

الموضوع دة كنت فاكر ان انا هكتب فية كتير لاكن جيت وقفت امام صفحة الكتابة و عجزت عن التعبير , فعلا عمر ما المواضيع دي بتتحل غير بالكلام

اذا فهو الكلام

Life

ديسمبر 31, 2008

Life is ending at ?????? so whatever you must do do it now

Post

يونيو 17, 2008

مش عارف اكتب اي حاجة احساس غريب

!!

اجمل يوم 4-6-2008

يونيو 6, 2008

اتاخرت اوي في كتابة البوست دي بس بجد كان اجمل يوم

انا بتكلم عن يوم اخر امتحان في الترم دة و يعتبر اول يوم في الاجازة بجد يوم ميتنسيش

بداية اليوم بتبتدي بـ ان اصحى الساعة 6 الصبح عشان الحق قطر 7:10 و الحمد لله لحئت وركبت ومجموعة من اصحابنا الاسكندرانية اللي معايا في الكلية و الحمد لله وصلنا بالسلامة و اليوم كان حر جدا جدا جدا و رحنا المدينة و سلمنا علي صحابنا اللي مشهنشوفهم تاني و بعدين رحنا الكلية بس انا كنت مهيس جدا و دة طبيعي لان

الحر + الشمس + الصحيان بدري + السفر + منغير اكل + امتحان = انا مهيس جدا

بس كان ختامها مسك و الامتحان كان حلو جدا بعيد عن امرائبة اللي كان في لجنتنا واحدة غريبة جدا ماعلينا منها

بعد ما خلصنا امتحان و نئدر نؤل ان رسميا خدنا الاجازة هاااااااااااااااااااا اتلمينا كلنا انا و شلتنا كلها و سلمنا علي الناس كلها و وصلنا اصحابنا اللي هيسافرو و متعرفش طلبت لية -مين دي اللي طلبت ؟- دماغنا 😀 طلبت لعب كورة فـ دبسنا ضياء انة يجروح يجيب الكورة الواد راح و جة جري-بطل- و اعدنا نلعب و طبعا كنا اخر ناس ماشين من كليتنا و لعبنا كورة لحد لما متنا كلنا و لعبنا مع العمال الي بيبنو المبني بتاعنا و لغلبناهم اكيد 🙂

بعد اللعب ؤلنا هناكل لازم -انا لسة مكلتش من الصبح- بعد نقاش كبير اتفئنا ان هناكل في كوك دوور و كمان كان في مناسبة مئجلنها هي عيد ميلاد ميتو و كان يوم ميتنسيش في المطعم طبعا دخلنا طلبنا تربيزة كبيـــــرة عشان تاخد الناس دي كلها و الاعدة اتظبطت و الهياس بداء و الاكل وصل و كلة تمام و محدش بقى عارف يتحرك من الاكل اللي اكلة -كلنا انتخنا 😀 – خرجنا بعد ما حولنا نتحرك و ئدرنا الحمد لله

و بدائت الرحلة الكبيرة في المشي الكتيـــــــــــــر و كنا بنسيب اي ضحية تقع مننا -ندالة بقي- اللي كان بيعد يريح كنا بنسيبة و نكمل و بعدين يجي يحصلنا و كان معانا كام ضحيا لحد لما وصلنا لخط النهايا اللي انا مش عارف هو كان فين بس كان بعيـــــد و طبعا الشباب كلها عاشت طفولتها و جبنا غزل البنات -فكرينة اللي بيتاكل دة بتاع العيال 😀 – مش كلنا بس كنت شوية حجات متتنسيش

و احتفالا بـ و صولنا لخط النهايا شربنا عصير و رحنا اعدنا عند الكبري اللي جام الهابي لاند و طبعا كنا هلكانين جدا لاكن علي مين برضة فضلنا مصممين ان اليوم لازم يستمر و مننا ناس نامت -عرفين مين …. بلاش فضايح- و بعدين ؤلنا هندخل الهابي لاند دخلنا و اعدنا نلعب كورة برضة شوية و بعدين اعدنا لعبنا “سبين بوتيل” او بالعربي الصراحة و اعدنا نحكي شوية و كان وقت جميل جدا و قت ميتنسيش بصراحة و بعديها اعدنا نعمل شوية حركات علي حبة break dance و طبعا الكثير من الوقوع و ناس كتير معاها اصابات بس بجد متعة تاريبا الوقت دالواتي حسب التوقيت المحللي لساعتنا كان 2 بالليل 🙂

ؤلنا نروح بقي طبعا اهل المنصورة كل واحد روح علي بيتهم و انا و الناس اللي بتسافر رحنا المدينة الجامعة و لاول مرة ادخلها بعد متخلص الامتحنات المهم نمنا شويا و صحينا بدري حوالي 7:30 عشان نركب قطار 9:10 و كويس ان احنا صحينا بدري لان ركبنا مواصلات غلط و القطار كان هيفوتنا و هو فات واحد صحبنا – بلاش برضة نقول مين عشان الفضايح :)) هو عارف نفسة – بس اطمنا علية انة وصل بالسلامة

حاجة وحدة بس هي اللي بجد كان نفسي اعملها او علي الاقل معناها يوصل كان نفسي اقول “see you later”

يعني اكشن و لعب و هزار و اصحاب و هياس و يوم من اجمل ايام اللي اضيتها في المنصورة في السنتين اللي فاتو

🙂

قبل اول امتحان !!

مايو 18, 2008

!!

انا عندي امتحان كمان 12 ساعة

مكنتش متوقع ان انا هدخل اكتب اي بوست في الوقت دة ؟

انا تاريبا كنت ناوي اخد فترة اجازة بمناسبة الامتحنات و مكنت هكتب حاجة بعد تدوينة الحافز

غير ان جه الخبر و عرفت ان المدونة هديل انتقلت الي رحمة الله

بس هو احساس غريب و السمعات دالواتي علي وداني و الاغاني شغالة و زميلي في المدينة اهم …..

اعدت ادور بين مواقع النت اللي انا متابعها و دخلت علي الريدر بتاعت جووجل

لائيت برضة زميلة من الكلية دخله تكتب و برضة عندها امتحان معانا بكرة 😀 !!

و ناس تنية دخلة ترد واضح ان الناس كلها ؤنلاين دالواتي و دي حاله عامة عند كل الحسوباتين

واضح ان فترة الامتحنات دي حتلائي بوستات كتير مني و مش زي ما انا كنت متوقع خالص

يلا خير اشوفكوم بعد الامتحان انا حبيت بس اسجل الاحساس دة دالواتي .

اكتب OR اكتئاب

مايو 6, 2008

stress

بئالي كتيـــر مكتبتش مع ان انا كنت متابع و كنت بدخل علي البلوج بـ شكل شبه يومي

بس المشكلة انا في فترة امتحانات لاكن مش زي الطلاب العادين لا دي فترة امتحانات في كلية حاسبات و معلومات جامعة المنصورة وما ادراك من الكلية دي

المشكلة مش ان الامتحانت صعبة لا والله في امتحانات بتكون سهلة جدا

لكن تبص مثلا علي الضغط النفسي اللي بتسببة الكلية بالامتحانات ان انت مرة وحدة تعرف ان انت عندك امتحان كمان يومين , طلع منين الامتحان دة متعرفش طب هنمتحن في اية بالظبط في المادة متعرفش !! هههههههههههههه

والله الواحد يدحك احسن ما يعيط

لا وتلاقي ان الامتحنات دي عندنا موضة مثلا متعرفش يعني مثلا من يومين كان عندنا امتحان شفوي و تسليم شيت و شوية حجات كدة تسئل الامتحان فين تلاقي الناس محتارة و محدش عارف طب هنمتحن في اية برضة محدش عارف و اللي يؤلك انا سمعت الدكتور بيقول في كذا و اللي تؤل ان هي اتصلت بالدكتور و قال لا هنمتحن في كذا ( “كذا” تاني خالص غير الـ “كذا” الاولاني )

ماعلينة مش مشكلة احنا برضة خدنا علي التعب و هندور علي الدكتور و هنزاكر كل حاجة تيجي يوم الامتحان تلاقية اتلغى مع ان انا اصلا مش من المنصورة و كنت اعد هناك بقالي كتير و نفسي اروح مهو انا مش اعد في السجن و الا في الجيش يعني المفروض ان انا اتحرك براحتي لا يجي الامتحان يتاجل و لازم تترمى هناك ولا تتحرك ولا حد يعمل اعتبار ليك علي اساس ان انت مش انسان اصلا  طب تبزل كل المجهودات الممكنة و تتحايل علي الدكتور ان انت تمتحن يومها و الحمد لله يوافق و تمتحن و تقول اخيرا الدنيا هتكون حلوة و هشوف البيت اللي انا نسيت شكلة اصلا

يجي دكتور تاني يؤلنا ان عندكم امتحان كمان 4 ايام

تاقريبا هم حلفين ان انا مشوفش البيت و نوين ان اهلي ينسو شكلي اذا مكنوش نسيوه اصلا 😦

و رغم كدة اتحايل علي المواعيد كلها و الاقي يومين اروح فيهم الحمد لله الحياة بدئت تكون حلوة تاني اهو لا لية تكون حلوة انت لازم تفضل تتفرم علي طول ادخل علي منتدي الكلية و الاقي الخبر السعيد ان في امتحان كمان يومين يعني انا لازم اسافر بكرة انا مش عارف هل هم متفقين ان انا معودش في البيت اكتر من 48 ساعة ولا اية ؟

و زي ما عنوان الموضوع بيئول ان انا يا امة كنت اكتب البوست دي يا امة كان هيجيلي اكتئاب

في شوية حجات كانت بتساعد الواحد زي مبادئ و نظريات 513

و النظرية الشهيرة لينا

“فيه امتحان السبت… هو النهاردة الجمعة؟؟ .. لا .. يبقى لسة مافيش امتحان … D

احلا حاجة في الكلية دي ان مفهاش بزر و سلملي علي الاستبيان

يناير 25, 2008
احلا حاجة في الكلية دي ان مفهاش بزر
اة بزر اة والله كلية انا منكرش ان هي من الناحية العلمية كلية كويسة
و ان شاء الله مسئبلها كويس
لكن سيبك من المستئبل خلينا في الوضع الحالي
هههههههههههههههههههههه
هؤلكم انا بدحك لية عشان مثلا في حاجة اسمها عندنا “استبيان الطلاب”
دي حاجة بتعملها عندنا شؤون ادارة حفظ الجودة و الاعتماد
متئلئوش دي حاجة ملهاش دعوة بالاكل لا دول ناس بيخدو رئي الطلبة في الدكترة و في المواد عشان يحسنوها في المستئبل
نجي للي بيخليني ادحك مهم اصلا عملين موقع عشان الحكاية دي ( حلو برضة لزوم التكنولوجيا ) و كمان ياسيدي بيؤلولك ان انت نتجتك مش هتطلع الا لما تعمل الاستبيان ( برضة و مالة ) لا الحلاوة في الي حصل انهردة
ؤلت ادخل اجرب الموقع بتاع الاستبيان مع اننا لسة في اول الاجازة و الموضوع دة ملوش لزمة دالواتي
المهم دخلت شوفو طلعلي اية
سبحان الله
والله انا الليحة بتاعت الكلية عندي بتؤل ان انا عندي 5 مواد بس الترم دة
اخر مدتين دول والله معرف عنهم حاجة
لا و ئية المواد ملهاش محاضرين يعني مفيش لنكات للاستبيان علي المحاضر بتاع المادة
يعني من الاخر تاريبا المفروض ان انا اروح اولع في نفسي
بس الاول انا الضغط ارتفع عندي اول مشوفت الحكاية دي
و بعديها البت معايا بهياس و دحك للصبح اسبكم انا و اروح اكمل دحك
ههههههههههههههههههههههههههه