Archive for the 'Open mind' Category

السعادة

مايو 7, 2009

laughing-cutie_feb_
“ياللي بتسئل علي السعادة ياللس بتسئل علي الحياة الشعادة مش في منصب او فلوس كتير و جاه , السعادة في ابتسامة طفل لسة الخير جواة ,او احساس واحد بيغرق و بترميلو طوق نجاه ,متعش تفكر في ماضي اوعي تيئس وابقي راضي حتي لوحلمك بعيد هتوصلو دة اكيد هتعيش بسيط هتموت سعيد , اياك تستسلم لو وحيد اوعك تقول انا مش مميز اكيد جواك في شيئ فريد ,عيش الدنيا واوعي هي تعيشك يوم افضل احلم لو وئعت اكيد هتقوم اوعي تيئس لو مهموم , لية هترضا تعيش مظلوم , الكلام دة اكيد مفهوم”

كريم نجيب- السعادة

عرفين احساس السعادة المطلق اللي هو ان الواحد يكون فعلا فعلا سعيد , سعات كتير بندور علي الاحساس دة و مبنكونش عرفين نوصله و نكون مدايقين او اي حاجة تانية

المشكلة ان في الموقف الصعب بندورعلي حاجة كبيرة نعملها تخرجنا من الموقف و ترجعلنا احساس السعادة , و الغلطة هنا ان احنا بندور علي حاجة كبيرة و في نفس الوقت الحجات اللي بتحسسنا بالسعادة حجات صغيرة خالص لدرجة ان انت مش بتحس بيها

أقرأ باقي الموضوع »

نقطة تحول في الشخصية

أبريل 25, 2009

0f0kqhhyvYes man || No man

دول اختيارين في الحياة او اسلوبين ممكن الانسان يختار واحد فيهم و يعيش بية ومش هنكر ان انا كنت بستخدم او كنت عايش بـ اسلوب No man اكتر من التاني و كنت غالبا برفض التغير و اغلب الحجات الجديدة مكنتش بهتم بيها و مش ببص للفرص اللي بتكون موجودة

لاكن اكتشفت ان انا كدة غلط و في حجات كتير انا موقف نفسي عنها عشان مجرد المبداء الاساسي عندي كان هو الرفض بس جه الوقت اللي اتحولت فية و انا اللي فرضت التحول دة و قررت و التزمت بـ ان انا اكون Yes man بتوضيح اكتر انسان متفتح مقبل علي التحديات و التغير و موافق علية و بتفح عني علي الفرص و احاول استغلها و اقول “اه” اكتر و ابعد عن الرفض

لحد لما جت مرحلة اكتشفت ان انا بوافق علي حجات كتير فعلا و اكتر من اللازم , هي مش حجات غلط بس حجات صح كتير و كترها ضرر اكتر منة منفعة , ولو حد شاف فلم yes man هيفهم انا اصدي اية بس الحمد لله مكنتش وصلت للمستوي اللي في الفلم دة سواء في yes او no

وبعد الفترة دي وضحت لي الرسالة اللي في اخر الفلم ان الانسان المفروض يكون متزن و ينظر للفرص المفيدة  لان مش كل فرصة مفيدة , و من وقتها و انا قررت ان اكون

Quitter

و الكلمة دي لو حد حب يترجمها ممكن تطلع الترجمة “انهزامي” لاكن لا المقصود غير كدة المقصود : محاولة التخلي عن الفرص او المشارع الي قيمتها معدومة و التركيز اكتر علي الاستفادة .

و دة المقصود او الهدف ان الواحد يكون بين الانسان المنغلق و الرافض لكل فرصة او شيئ جديد , و بين الانسان اللي يقبل كل شيئ جديد و عدم التركيز علي قيمة الفرصة

أقرأ باقي الموضوع »

كل يوم و انتو طيبين

أبريل 15, 2009

208282005051702040631

كل يوم و انتو طيبين

ايوة كل يوم و انتو طيبين , اه انا عارف ان انهردة مش عيد ولا بكرة ولا حاجة لاكن انا اذ افتكرت فجئة ان كل يوم بيجي و بيعدي دة يوم مش هيجي تاني اذا دة يوم لازم نحمد ربنا ان احنا شفناه , ايوة اليوم اللي بيجي و بيروح دة فرصة جديدة و لازم يكون خطوة في الطريق اللي الواحد ماشية 🙂

و اليوم انهردة و كل يوم من حياتي كـ “بلوجر” او “مدون” لية معني كبير , اتمني فعلا ان اقدر اعيش في العالم اللي اعتقد انة مش مش مستحيل و لا فنتزيا اتمني ان اقدر ادخل من اي مكان في الجامعة علي النت في اي وقت و مش الاقي ان الشبكة مش بتلقط او بيظة او مش موجودة اصلا, اتمني الوقت اللي فية بعد ما اخرج من الامتحان اعرف ابعت بوست علي البلوج او علي تويتر ببساطة من الموبايل !!

عارف و عارف اوي كمان ان ناس كتير بتدحك  او ممكن تكون قفلت البوست دي دالوئتي و مكملتش قراية لاكن للي كمل اة انا عارف ان في حجات كتير مهمة و مطلوبة في الحياة و تعتبر اساسيات عن كدة كمان لاكن دالوئتي دي حاجة انا عايزها

كان نفسي اكتب عن الامتحنات بعد كل امتحان لاكن الموضوع مكنش متاح بالبساطة دي

هو اية اللي جاب سيرة الموضوع دة دالوئتي مش عارف لاكن اهو جة انتو اية رئيكو ؟

ايام وبنعشها

فبراير 7, 2009

ايام و بنعشها

  • وحشني البلوج
  • وحشني البيت
  • وحشني السرير
  • وحشني كبل اللان بتاعي
  • وحشتني اسكندرية
  • وحشني الاعدة علي البحر بالليل
  • وحشوني اهلي و اصحابي هناك

ايام و بنعشها

  • فرحان اني بكتب في البلوج
  • مبسوط بالاعدة هنا
  • مبسوط من التغير
  • برضو في كبل لان هنا
  • مبسوط بالكورس
  • تجديد الاعدة علي النيل (لو اعتبرناة نيل) جميلة برضو
  • تواصل اكتر مع اهلي اللي خارج اسكندرية و اصحابي اللي هنا

أقرأ باقي الموضوع »

طنش تعش تنتعش

يناير 17, 2009

“طنش تعش تنتعش”

دة شعار انا اعرفة من حوالي 8او7 سنسن سمعتو مرة و انا في اعدادي من ناس قرايبي ومنسعتها و دخل دماغي جدا و منستوش لحد دالوئتي . طب اية اللي جاب سيرة دي دالوئتي ؟…….. اقولك ياسيدي كام موضوع حصلو الفترة اللي فاتت دي و بجد ملهمش حل غير الشعار دة وهقولك علي المواقف برضو بص و احكم انت معايا

  1. امتحان غريب و توزيع الدرجات بتعتو غلط 100% و اكبر اسئلة و اصعبهم عليها اقل درجات !! و الحمد لله خلصنا الامتحان خلاص اذا اشغل دماغي لية طبق شعار “طنش تعش تنتعش” تمام
  2. امتحان اغرب و اغرب و تحس انو امتحان في اختبار سرعتك علي الكتابة مش كمية اسئلة كتير و كل نقطة في سؤال فيها اسئلة فرعية و ممكن متخدش بالك منها و الحمد لله عدي برضو اذا اشغل دماغي ليه طبق شعار “طنش تعش تنتعش” تمام اللي بعدو
  3. موضوع غريب و انتو عرفينة ناس كبيرة بتخبط في بعض و ناس صغيرة مشفهمين متصدرة للموضوع و بيتكلمو في حجات مشعرفين اية اللي وراها ولا المواضيع دي بتمشي ازاي وفي كلتا الحالتين مش هيحصل فرق كبير اذا فكك متشغلش دماغك بالموضوع و طبق شعار “طنش تعش تنتعش” والله تمام
  4. ناس بتتغير و بتبان علي حقيقتها , ناس مشعرفة تتغير ومعزبين نفسهم ….. و  المهم ان الواحد فهم الموضوع و عرف مين رايح فين ياريت نركز في احنا ريحين فين و فكك من كل دة كل واحد فاهم و عارف مصلحتو فين طبق الشعار العزيز انت لسة محفظتوش ولا اية “طنش تعش تنتعش” و سلملي علي كل الناس دي

و انت ياللي بتقرا البوست دي متشغلش نفسك كتير بالموضوع دة و “طنش تعش تنتعش”

البنات عايزة اية ؟

يناير 6, 2009

اخيرا صدر كتاب البنات عايزة أيه ؟

الاعلان علي البلوج الرسمي

توجد أصدارات دار الكاتب فى معرض الكتاب في سراي 2 جناح المحروسة الخاص بمكتبة البلد)
يصدر في المعرض عن الدار
البنات عايزة أية _ بسمة و بدرية
كلام في الحب و أشياء أخري _ هند السيد
ظل رجل _ هبة هاني
أشتغل و انت فى البيت _ محمد التهامي


انا هقتبس الكلام اللي موجود علي الفيس بوك لانة وصف الموضوع بوضوع

أقرأ باقي الموضوع »

Anonymous

ديسمبر 25, 2008

دي بوست جد شويا مع اني كنت ناوي اكتب بوست عن السنة دي و هي في نهايتها لاكن هئجلو و اكتب دي الاول لان الموضوع لفت نظري جدا

anonymousوصف عام : احنا في الكلية لينا منتدين بنشتغل فيهم بيضمو مواضيع عن الدراسة و المجال شغلنا عموما و حوار عام انا متابع واحد فيهم هو اللي انا شغال فية اكتر الي هو منتدي نور الهدي و طبعا المنتدي لية قوانين اللي محددها الادمن بتاع المنتدي و من ضمن القوانين دي ان الكلام في المواضيع اللي بتمس الشباب و الفتيات و علاقتهم ببعض سواء زمالة او صداقة او حب او جواز الي اخرة دة مش هنقول ممنوع انما فية حساسية عليا جدا

الموضوع بدقة : في ناس علي المنتدي بيرفضو و بشدة الكلام في المواضيع دي لاكن تخرج بره المنتدي تلاقي الناس دي عيشة في مجتمع افتراضي تاني علي النت وبيتكلمو بمنتهي الحرية و الانفتاح و بيدخلو في نقاشات حادة و حفيفة في جميع الجوانب السابق زكرها !! علي الرغم من رفضهم للكلام في المواضيع دي داخل المنتدي ؟

مقارنة : لو حبينا نقارن بين مجتمع المنتدي و المجتمع التاني الاول المنتدي نعرف بعض كلنا من اكتر من سنتين و تئريبا الكل يعرف بعض يعني نعرف كل مستخدم هو/هي مين في الحقيقة , بالنسبة للمجتمع التاني محدش يعرف التاني خالص غير من البيانات المكتوبة و نسبة المصداقية فيها اعتقد انها ضعيفة جدا

تحليل الموقف : اعتقد ان دة اية !! بصراحة مش عارف احلل الموقف بعد النظر لان الشخص بيتكسف يقول افكارة و يتناقش فيها امام الناس اللي يعرفها و بيجاهر بيها في اي مكان تاني هو مجهول الهوية فية !!. اعتقد ان دة نتيجة لان الناس منكتر اعدتها امام الكمبيوتر خلقو لنفسهم شخصية ثانوية متحررة مجهولة علي النت فـ بسبب انهم معرفين في المنتدي و الحقيقة اذا بيهربو لمجتمع هم غير معروفين فية عشان يحسو بحريتهم

انهاية : نفسي اعرف احدد دول اسمهم اية او وصفهم اية , يعني لية الانسان ممكن يعمل كدة ؟ لية الشخص يعيش في ازدواجية بين الحياة الفتراضية علي النت وبين ارض الواقع ؟ انا رافض الموضوع دة في النهاية , و مع ان انا هو انا سواء اونلاين او في الواقع و هحاول افضل مطبق المبداء دة ان شاء الله

المستقبل مشكلة و حل

ديسمبر 14, 2008

انا كنت عايز اتكلم علي موضوع مهم جدا بالنسبالي اليومين دول “المستقبل” هو مش مهم ليا انا بس لا لكل الناس

المشكلة :

ناس كتير بتفكر في المستقبل البعيد و هعمل اية في المستقبل و كدة و الحياة بعد التخرج و الشغل و الكلام دة كلو و بينسو اهم حاجة و هي اللي هتحقق المستقبل دة (ان شاء الله) هي “الحاضر” ايون الحاجة اللي ناس ككتير بتنساها في كل زحمة و سرعت الدنيا دي هي الحاضر انا هعمل اة انهردة عشان احضر للمستقبل اللي بفكر فية .

نقطة كمان في المشكلة ان ناس كتي و انا منهم سعات بيجهدو نفسهم في التفكير الكتير في مشكلة او موضوع و بيحللو الموضوع اكتر من الازم و طبيعي بيحصل تئخر في القرار هو اة ممكن نوصل للحل الامثل لاكن ممكن نوصل متاخر.

الحل :

بالنسبة للنقطة الاولانية اعتقد ان الحل بسيط و واضح ان نهتم بالحاضر اللي هو يعتبر المستقبل القريب و دة فترة بتمتد من ساعة في المستقبل الي سنة لازم الواحد يهتم ب الجزء دة والا بعد سنة هنفضل نحضر للخمس سنين اللي بعديها و نسيب سن ة ونحضر لل5 اللي بعديها و مش هنعمل حاجة في الاخر

بالنسبة للنقطة التانية الحل السحري و السهل جدا let it come to you خلي الحاجة تحصل مش لازم انت اللي تعملها و تحضر الموضوع كلو لا سيب المواضيع تمشي بطبيعتها و في الوسط اقف و قيم الموضوع و عدل لو محتاج و سعتها هتوصل لاصح حل ب اسرع طريق , طبعا مش بتكلم عن التسرع لا لا انما عدم التاخر مثال انا كنت سمعت مرة في حلقة لدكتور ابراهيم الفقي ان في مقابلة سئلو تئريبا صاحب شركة كبيرة علي مستوي العالم ازاي بياخد قراراتة لانها قرارات كبيرة بالملاين و مسؤليات كبيرة جدا قال “مش اكتر من 10 دقائق ” و تفسيرة انة لازم يقرر بسرعة لاكن بيقف و يعدل و يقيم القرار كل شوية و دة بيخلي حتي لو في اخطاء الموضوع تتصلح و برضو بسرعة

اعتقد ان دي مشكلة بتقابل ناس كتير لو انا حطيت حل غلت الموضوع مفتوح للنقاش لان الموضوع نسبي و مفتوح للنقاش
سلام 🙂

موضوع لايمكن السكوت علية

أكتوبر 17, 2008

انا مش عارف ابداء ازاي في الموضوع دة لاكن زي ما هو العنوان واضح موضوع لايمكن السكوت علية

زي منتو شيفين الصورة اللي في الموضوع دة رمز اصبح منتشر كثيرا الايام دي علي التيشرتات للشباب و البنات و مش بس التيشرت لا و في منو ستيكر للعربيات و علي الحزام و الشنط كمان !!

وللاسف الشديد دة رمز لشركة من اكبر شركات الـ porn و اسمها playboy و برضو الاسم سعات كتير بيكون مكتوب  , انا مش متخيل ان ممكن شب او فتاة يكونو مشين و  يحملو الرمز دة و هم مش عرفين اية معناة و بيرمز لـ ايه و لو عرفين دة رمز اية دي مصيبة تانية .

للاسف انا كتبت الموضوع دة بعد مالقيت التيشرتات دي انتشرت جدا و حتي في الجامعة لا مينفعش ان دة يكون واقع الناس تتعايش معاة سواء كان سببة جهل او اباحية زايدة من الناس او الشركات .

انا كتبت الموضوع دة بغرض ان الناس تعرف و تبعد عن التيشرتات دي , دة كل اللي اقدر اقولو اعتقد ان الموضوع مش محتاج كلام كتير .

سلام ;

تحديث الصورة من : b89dy

ناس و ناس 2

سبتمبر 25, 2008

بعد النجاح الساحق للجزء الاول من الموضوع “ناس و ناس 1” قررت استكمال الاجزاء كما و عدتكم في سلسلة “ناس و ناس”

ههههههههههههههه اية المقدمة دي بتفكرني بـ مخرجي الافلام 😀

ماعلينا المهم انا هكمل كتابة المواضيع دي عن الناس و الشخصيات اللي الواحد بيقابلها

الشخصية بتاعت المرادي افضل وصف ليها هو الصورة دي الانسان المتفائل السعيد رغم كل اللي حولو من ناس و احباط

انا حبيت يكون كل شخصية سيئة هتكلم عنها اتكلم عن المناقد ليها وبشرط انة يكون مثال حي موجود في مجتمعنا و اخترت الدكتور ابراهيم الفقي 🙂 ليمثل الجانب الجيد في هذا الموضوع

من هو الدكتور ابراهيم الفقي ؟

  • مؤسس ورئيس مجلس إدارة المركز الكندي للتنمية البشرية (CTCHD).
  • مؤسس ورئيس مجلس إدارة المركز الكندي للبرمجة اللغوية العصبية(CTCNLP) .
  • مؤسس ورئيس مجلس إدارة شركة كيوبس العالمية(CIS) .
  • دكتور في علم الميتافيزيقا من جامعة لوس أنجلوس بالولايات المتحدة الأمريكية
  • د. إبراهيم الفقي هو المؤلف لعلم Neuro Conditioning Dynamics (NDC) .
  • مؤسس علم قوة الطاقة البشرية Power Human Energy (PHE) .
  • متخصص ومدرس متقدم في التنويم بالإيحاء من المؤسسة الأمريكية للتنويم بالإيحاء
  • والأكاديمية الأمريكية للتنويم بالإيحاء والمعهد الأمريكي بنيويورك في التنويم بالإيحاء
  • والمؤسسة الكندية للتنويم بالإيحاء.

بعيدا عن الالقاب و المناصب العلمية هو انسان ايجابي بكل معني الكلمة , لم يقف عن حد ايجابيتة لاكن اصبح ينشر و يعلم الناس الايجابية و طرق الوصول لها و كيفية تحقيق السعادة.

انا مش هتكلم عن تئثير الدكتور عليا شخصيا لان لة يد في مساعدتي كثيرا

لة الكثير من الكتب و المحاضرات الصوتية و المرئية ومن الكثر الكتب اللي قرئتها و استمتعت بها كتاب “قوة التفكير” فعلا كتاب مميز و لمعرفة ما الذي اتحدث عنة اتمني ان يشاهد الجميع محاضراتة و ان لم تتمكن لكم الحضور المباشر هناك الكثير من المصادر على النت عن محاضراتة و youtube يحمل الكثير منها

فعلا هو خير مثال يقف امام الشخصية السلبية المتشائمة اللي اتكلمت عنها المرة اللي فاتت

في النهاية احب اقتبس جملة الدكتور الشهيرة التي يختم بها اغلب احاديثة

“تذكر دائما عش كل لحظة وكأنها اخر لحظة في حياتك , عش بحبك و ارتباطك بالله عز و جل , عش بالتطبع بأخلاق الرسول علية الصلاة  والسلام , عش بالامل , عش بالكفاح و الإقدام و الصبر وعش بالحب , و قدر قيمة الحياة “

🙂