Archive for the 'Open mind' Category

العقل المبدع يستمر في العطاء

أغسطس 22, 2010

بسم الله الرحمن الرحيم

كم عدد الفكار التي تمر علي ذهن الفرد في اليوم الواحد؟… الكثيــــــــــر

نعم الكثير و من هذا المنطلق تاتي فكرة الموضوع ان العقل المبدع يستمر في العطاء ولا يتوقف, كلنا تمر على اذهاننا افكار كثيرة كل يوم.

هناك من تاتي له فكرة و يتحمس لها كثيرا و يبداء في التنفيز لكن قد تواجهه العقبات او يفشل فيها او تسرق منة او يتراجع لاي سبب من الاسباب و يظن ان هذة هي نهاية العالم فيصاب بالاحباط لكن بالفعل ان هذا العقل المبدع الذي جاء بتلك الفكرة لن يتوقف عن العمل فهو يستمر في العطاء و كل ما علينا هوا الاصغاء جيدا لما يقول و الايمان بقدراتة

لذلك دائما تزكر العقل المبدع يستمر في العطاء

السبب الوحيد الذي تحتاجة حتي لا تستسلم

مايو 30, 2010

اقرا و اتابع الكثير من الدونات التي تهتم بتطوير النفس و تتحدث عن السعادة, كثيرا ما تجد تدوينة بعنوان “22 سبب حتى لا تستلم” و “5 اسباب تحتاجها حتي تستمر” واذا بحثت في جووجل تحت عنوان reasons not to give up ستجدون الكثير علي هذا النمط

لكن لنفكر قليلا هل انا فعلا بحاجة لاسباب خارجية تحثني علي الاستمرار … اعتقد لا بل كل ما احتاج اليه هوا سبب واحد فقط وهوا العامل المشترك الموجود بين كل تلك التدوينات التي قراتها

السبب الوحيد الذي تحتاج ان تعرفة حتي لا تستسلم هوا لانك مازلت “حي

نعم حياتك هيا اغلي ما تملكة واذا كنت حي في هذه الدنيا لماذا لا تعيش احسن حياة !!

كل الكلام الممكن عن الدوافع و الرغبة في النجاح و السعادة ليس لة قيمه بدون ان تعي انك حي وتقدر اهمية حياتك :), والا ما الدافع للاستمرار .

كل العثرات التي قابلتها من قبل لم تقتلك انت مازلت حي لتستمر و تنهض وتكون اقوي من ذي قبل فانت واجهتك المشاكل و تصديت لها وتعلمت و ستستمر في المحاولة طالما انت حي

هناك نوع من الناس جاء الي الدنيا و عاش و وضع لنفسة اهداف و قابلتة المصاعب و استسلم و مات واعتقد ان هذا الشخص لم يكن حي من الاساس ليموت فقد كتبت شهادة وفاتة يوم استسلامة

والان ماذا عنك هل تنوي ان تعيش في الدنيا كان لام يكن ام انت شخص حي تستحق حياتك, فلتقم الان مادمت حيا وتقوم بما اردت دائما القيام به واذا واجهتك الصعاب تعلم منها و حاول من جدبد, الان يجب ان تاخذ القرار انك لن تياس وسوف تستمر و تقدر قيمة الحياة.

5 دقائق

أبريل 23, 2010

سلام عليكم بقالي كتير مكتبتش في البلوج و وحشني جدا

سيبكم من الامتحنات بتاعت الاسبوع اللي فات مش هتكلم عليها

هوا موضوع بسيط و مش هياخد وقت طول كل الحكاية 5 دقائق

عايز من وقت كل واحد 5 دقائق في اخر اليوم قبل ما ينام, هتبقا 5 دقائق يراجع فيها اللي عملة طول اليوم بس 🙂

الهدف اية من الموضع دة كل الحكاية ان سعات كتير بنحتاج وقت نراجع فيه اللي عملناه, لو كان في اخطاء هتعرف انت محتاج تعمل اية بكرة, مش بس عشان الاخطاء لا عشان الحجات الكويسة اللي بتعملها نحس بيها وتكون اخر حاجة بنفكر فيها قبل النوم و تكون بداية اليوم الجديد.

سلام 🙂

لو فضلنا نحلم نموت !!

فبراير 13, 2010

ايون “لو فضلنا نحلم نموت” و دة اللي انا عايزة يوصل مع كل تقديري للكنج محمد منير لما قال “لو بطلنا نحلم نموت” انا كنت من الناس اللي بتشجع و نتشرالجملة دي جدا و كنت من اشد المعجبين بيها بس دالوقتي اتبلورت في دماغي ان لازم الجملة تكون “لو فضلنا نحلم نموت”

اوضح لية بقي: الجديد دالوقتي عن الوقت اللي فات ان في ناس كتير من اللي اقتنعو بالجملة دي -مش كلهم طبعا- بينفزوها بالحرف يعني حفظين مش فهمين بيحلموا بس !! اة بيحلموا بس و سبحان الله مستنين الاحلام تتحقق لوحدها طب ازاي ؟

الاحلام بالنسبة لبعض الناس اصبحت كـ، المخدرات تغيبة عن الواقع و تقربة من اللي هوا عايزه بس لما يفوق لارض الواقع و يجد ان التحقيق صعب و محتاج مجهود يرجع تاني لاحلامة و مجرد احلام و هتفضل كدة  الناس دي فضلت تحلم لدرجة ان هيا بقت بتحلم و هيا صحيا و عاشت حلمها لدرجة لم تعد تميز بين الواقع و الحلم, عيزين امثلة

1- الشاب الجميل اللي نفسة يبقي غني و عندة عربية و يلف بيها في الشارع و يفضل عايش كدة بقي فعلا عايش كدة بس كدة دي عالي علي بابا و ماما و طول اليوم في الشارع مش بيلف بالعربية لا ساند علي عربية شبة اللي هوا نفسة فيها و غرق في الحلم و سدق ان العربية دي بتعتة باين !!

2- الراجل اللي نفسة يشوف البلد دي احسن بلد و بيحلم بكدة طول الوقت بس عاش في الحلم و برضو مش بيعمل اي حاجة تساعد البلد او علي الاقل يساعد نفسة و بالتالي البلد هتتحسن لا فكر ازاي يحسن دخلة ولا ازاي يعلم ابنة الحفاظ علي نظافة الشارع و مستني البلد تتحسن لوحدها !!

ما علينا ان هدف و حلم الشاب الاول كان غلط بس رغم كدة مش بيحاول يسعي لتحقيقة طب الراجل اللي هدفة او حلمة كبير و سامي بيعمل اية عشان تحقيق الحلم دة ولا حاجة

عشان كدة لو فضلنا نحلم نموت لازم نعدي المرحلة بتاعت الحلم و نوصل للفعل

ياريت كل واحد يراجع نفسة و حلمه و يشوف هل هوا غرقان في الحلم و مش بيحاول يصحى ولو كدة يحاول يفوق و يبدا تحقيق حلمة قبل ما يقتلة , لو فعلا بيسعي لتحقيق حلمة يحمد ربنا و يستمر و يحاول ياخد بيد اي حد حوالية غرقان في الاحلام

المتش شغال

نوفمبر 18, 2009

اة المتش شغال و انا مش بتفرج عليا

و اة انا والله العظيم مصري 😀 وكمان نفسي ان مصر تكسب

و لو مصر كسبت هفرح و لو خسرت مش هزعل

و دي النقطة: انا مش لازم حياتي تقف يوم ما المنتخب يلعب ولا لازم يجيلي اكتئاب لو خسر , لو ان شاء الله كسبنا هفرح بس لو خسرنا اذا hard luck

من نظري في مجموعة كبيرة كل معرفتها بالرياضة ان هيا تتفرج علي الكورة امال فين التنمية الزاتية و ان انا العب رياضة و محدش يقول مفيش وقت مهو الوقت موجود اهو عشان المتش ما تستغلة صح و تلعب انت بدل ما يتلعب ب اعصابك لمدة ساعة و نص

و  فين قدرة اناس و رغبتها علي الحلم الناس سلمت دماغها اللي صدت و انا اسف في اللفظ بس اة دة نوع من انواع الاعطال او الصداء اللي بيصيب الانسان ان قدرتة علي الحلم تروح و يكون طموحة و حلمة هوا حلم حد تاني

في حاجة الكورة مش من اهتماماتي اصلا بس كنت فرحان جدا لما فزنا المتش اللي فات بتاع الجزاير هنا في مصر لية ؟

عشان اصحابي كلهم فرحنين و جو عام من الانبساط طاقتة الايجابية عالية جدا كان جو ممتاز لان انا كنت عايز اغير الجو بتاعي

اة و مشيت في الشارع و اعد الف و اغني لحد لما كان صوتي رايخ تاني يوم في السكشن و مكنتش عارف اتكلم 😀 بس مش مشكلة انا اللي كنت عايز كدة

انما دة مش طبيعي انة يكون الوضع العام و العادي اعتقد ان دة نتيجة للكبت اللي عند الناس و كل واحد مسدئ وجد فرصة يزعق بصوت عالي و يعمل اللي هوا عيزة

انا مش بحاول احكم علي حد ولا ليا اصلا ان انا احكم علي اي حد

وكل واحد في الاخر دماغة مريحاه 😀

تحديث: للاسف دالوقتي خسرنا الماتش Hard luck لية جمبي حاليا 2 مكتئبين و حالتهم صعبة !!

هيا الناس دي فيها امل ؟

نوفمبر 16, 2009

الامل موجود في حالة وحدة بس لو الناس عندها رغبة داخلية بس

مع اعتزاري

When nothing goes right go left

أكتوبر 5, 2009

بقالي كام يوم مكتبتش , طب اكتب عن اية ؟

  • عن سوء ادارة الازمات اللي احنا عيشين فية في بعض الاماكن ؟
  • عن اللابتوب اللي لسة بيتصلح و معرفش مصيرة ؟
  • عن خط الانترنت السيء جدا جدا دة غير في بعض الاوقات القليلة ؟
  • عن ان الواحد محتاج يقف 3 سعات في طابور ملوش اي لزمة و الموظف مش عارف كبل الكيبورد بيتركب فين في الكمبيوتر ؟
  • عن ….

لالالا When nothing goes right go left 😀

when nothing goes right, go leftوتبع الشعار دة قررت ان اغيراللي بتكلم عنة و اركز حاجة تانية ايجابية و ان شاء الله هتكلم في كام بوست جاي عن

The Secret

كن ايجابيا

أغسطس 5, 2009

08052009

دي صورة انا مصورها من علي حيطة في الشارع و عجبتني جدا عشان الورقة اللي في وسط الصورة مكتوب عليها “كن إيجابيا” جديدة جدا الجملة دي في ورقة ملزوقة علي الحائط

بس واضح من شكل الورقة انها اديمة و ناس كتير حولت تشلها , بس بعيد عن اي حاجة انا عجبتني جدا كن ايجابيا في ورقة علي الحائط بعيد عن كل اليفط اللي متعودين عليها سواء الديني منها او الاعلنات اللي حلاص الواحد بقي حافظها لدرجة ان انت اول ما تقرا اول كلمة من الاعلان تعرف الباقي و منغير ما تقرا كمان لا انت تشوف شكلة من بعيد تعرفة علي طول اعلانات و كلام كتير مبقاش بيئثر من كتر ما اتعودنا علية و وجودة زاي عدمة

دي فعلا اعتقد انها اليفطة اللي محتجين منها كتير و محتجين الناس مش بس تقراها لا تنفزها محتجين نكون ايجابين كتر

تخيل العالم بدون تكنولوجيا

يوليو 15, 2009

CLIPART_OF_17358_SM_2تخيل العالم بدون تكنولوجيا …بدون انترنت ,كمبيوتر او موبايل

ليس هذا فقط بل تخيل العالم بدون كهرباء !! اليست صدمة كبيرة … تخيل كل النتائج لاتوجد كهرباء اذا لا توجد اضائة لاتوجد الات لا توجد وسائل مواصلات , كل شيء يعتمد علي القوة اليدوية

اول شيء فكرت فيه في اول مرة سمعت فيها الموضوع دة “كارثة” ,في اضيق الاحوال لا يمكن ان اتخيل العالم بدون انترنت و اجهزة كمبيوتر .

لاكن بالفعل ماذا لو حدث ؟كيف ستكون الحياة ؟ كيف سيكون يومك ؟ ليس فقط بغياب الانترنت و الكمبيوتر فهناك الكثير من الناس لا تتعامل بها في الاساس لاكن تخيل غياب الكهرباء…

من بداية اليوم و متطلباتة الاساسية الاكل و الانتقال و العمل كمثال تخيل الوقت المطلوب تحضير وجبة من الاساس الاكل غير متواجد لعد وجود تلاجة لحفظة وماذا عن الاعداد و الطهي , الانتقال من مكان لاخر قد يكون الوقت للذهاب للعمل هو 5 دقائق بالسيارة من طريق البحر لاكن اعتقد انها لن تقل عن 30 دقيقة سيرا علي الاقل  و دة مثال عن الانتقال الداخلي البسيط جدا ماذا عن السفر , العمل نفسة هناك مجموعة من الاعمال ستنقرض و تصبح من التاريخ و تتحول الاعمال للاعتماد علي القوة اليدوية لغياب الالات .

ماذا ستفعل حينها ؟

الماضي و الحاضر و المستقبل

يونيو 29, 2009

3663252278_c263b05f13

الماضي : هو تجارب و خبرات يتعلمها الانسان في حياتة , تستطيق ان تنظف الماضي حتي لو كان فية تحديات او سلبات لان الماضي راح و انتهى  اسئل نفسك “ما الذي تعلمتة من الماضي ؟ لو رجعت بالزمان كيف ستتغير تصرفاتي ؟” اكتب المهارات التي تعلمتها فالماضي ما هو الا مهارات و قوة

الحاضر : عشة ايجابيا بكامل معانية عيشه بحب لله سبحانة و تعالى , عيش كل لحظة كانها اخر لحظة في حياتك ,عيش بالصبر ,عيش بالايمان وقدر قيمة الحياه ,لاتعيش علي احاسيس سلبية من الماضي لان الماضي خلاص راح و انتهى , ولا تنظر لمستقبل من الممكن ان لا ياتي وتنس الحاضر وهو عبارة عن الطريق للمستقبل, اجعل مستقبلك رؤية من الامل

المستقبل : اسئل نفسك هذة الاسئلة , “ما هو اسوا شيء يمكن ان يحدث لي ؟ ما هو افضل شيء يمكن ان يحدث لي ؟” واعلم ان لا يوجد شيء اسمة فشل بل هناك نتائج مختلفة ,اذا كنت غير راضي عن النتائج غير الاسلوب و الخطة و ضعهم في الفعل و استمر في التقيم و التعديل حتي تصل لهدفك

مستوحي من كتاب “قوة التفكير” لـ د. ابراهيم الفقي