Archive for the 'Life' Category

وداعا hunikal.wordpress.com مرحبا hunikal.com > eslam.me

نوفمبر 22, 2010

البداية كانت في 31/7/2007

واليوم 22/11/2010 مش النهاية دي بداية جديده بعد مرحلة مهمة عشت مع البلوج دة فترة طويلة شاف زكريات كتير مش هقفلة لكن هنتقل لموقعي الشخصي hunikal.com و تكون الكتابة علي البلوج هناك من الان.

البلوج الجديد سوف يحتوي علي مواضيع شخصية بعض المواضيع التي تتحدث عن البساطة و السعادة افكار و تجارب متعلقة بهم و بعض المواضيع عن تطوير المواقع و مشاريعي الشخصية.

يمكن متابعة البلوج من خلال RSS or Twitter

تحديث: انتقل الموقع الشخصي مرة اخري الي eslam.me

تدوينة من داخل الكلية – مجموعة حجات

يوليو 10, 2010

المكان: كلية الحاسبات و المعلومات جامعة المنصورة – معمل 5

الزمان: دالوقتي بص علي تاريخ التدوينة بلاش عبقرية

تقربا اول مرة اكتب تدوينة من الكلية اة هي اول مرة انا كتبت من المدينة ابل كدة بس مش فاكر ان انا كتبت من الكلية ابل كدة المهم ادينا اعدين في المعمل كما يفرض القانون العبقري الفز الذي لا مثيل له الذي لا يعترف بامكانية الشغل اونلاين علي الرغم من ان احنا كلية الكمبرورر و بتوع النت والحجات دي -صحيح الواحد بيتعب شويا عبال ما يوصل لاي حد هوا المفروض بيشتغل اية والكلية دي هتطلعة يعمل اية غير انة يفتح سيبر-

المهم احنا بنيجي كل يوم عشان نشتغل في مشروع التخرج في الكلية مع بعض علي الرغم من ان احنا خلصنا جزء كبير منة في طول السنة و دة المفروض انة الطبيعي مش اختراع يعني ولا عبقرية مننا و بس الكلية مش مقتنعة !! المهم مجبر انك تتعطل كل يوم و تنزل تشتغل في الكلية طب احنا نسبيا مخلصين نشتغل في اية و الشغل اللي باقي كل واحد شغلة منفصل و مش محتاجين نتجمع غير يومين في الاسبوع مثلا

هوا موضوع الكلية مفيد برضو بس مش بالشكل اللي هم متخيلينة

حاجة من المجموعة

عرفين فلم the secret انا كتبت تدوينة عنة سابقا

المهم ان في مبدا من المبادء اللي بيتكلم عليها هوا قوة الشكر, تخيل ان تبدا يومك بالشكر و مدي القوي الموجودة في التصرف دة تصحي من النوم تقول كام حاجة انت شاكر ليها و تشكر ربنا عليها دة الشكر نفسة نعمة محتاجين نشكر ربنا عليها

حاجة من المجموعة

نحدي ظريف لكل اللي يقرا التدوينة دي يجيب ورقة و قلم و يحاول يكتب 100 حاجة هو بيحبها ورقة بيضاء كبيرة عنوان في النص فوق “انا بحب”و يبدا يكتب 1- كذا 2- كذا و يكمل و بعدين 100 دة رقم مش كبير احنا عيشين في الحياة دي كلها و معقول مش هنلاقي 100 حاجة بنحبها

بجد الموضوع دة مفييد جدا وبعدين تخيل لحظة حزن عندك و بصيت في الورقة دي هل هتفضل موجودة 🙂

حاجة من المجموعة

اتمنوا لينا التوفيق في المشروع ان شاء الله 🙂

قوة البساطة

مايو 23, 2010

ببساطة في البداية كنت اتابع مدونة “الطريق الابسط” لصاحبها عبد الله المهيري كانت تتحدث عن البساطة وهيا من اول مدونة عربية اعرفها تتخصص في هذا الموضوع

ثم توقفت المدونة و ظهر مجموعة غيرها تتخذ نفس المنهج تقريبا مع اختلاف الاسلوب

واخيرا وليس اخرا اعلن صديقي عبد الله سعيد رجل الحلول البسيطة كما اطلقنا علية عن مدونتة  Simplutions التي تتحدث عن الحلول البسيطه, اتمني له التوفيق

🙂

الاهداف التنموية للالفية

مارس 3, 2010

Millennium Development goals او ما يعرف بالاهداف التنموية للالفبة جائت ضمن مقررات قمة الالفية في الامم المتحدة في سبتمبر 2000

ليس المقصدود بالحديث هوا تلك الاهداف نفسها لاكن المقصود هوا التخطيط للمستقبل قمة الامم المتحدة حددت اهداف للالف عام الفادمة لاكن علي المستوي الشخصي هل حددت اهداف لهذا الشهر علي الاقل ؟

الاجازة

فبراير 21, 2010

كانت اجازة اسبوعين بس حلوة فيها حجات كتير

  • لف و سفر من اسكندرية لمطروح للقاهرة لاسكندرية تاني لفة تحفة
  • فرح اخت محمد صحبنا عقابل الجميع في مطروح واللمة مع الشباب اللي من هناك
  • معرض Cairo ICT2010  و لمة الشباب بتوع الكلية و الـ C@
  • اتعلمت شوية حجات جديدة الحمد لله
  • اهتميت اكتر بمدونة 7asobaty
  • الفلنتاين اللي اضيتة مع تامر و الاهلاوي و 513 كانت بتحتفل بالفلنتاين علي طريقتها
  • في نهاية الاجازة الخبر السعيد بفوز خدمة GoFast في مسابقة موقع Name.com للمشاريع الصغيرة

كل اجازة و انتو طيب

the best thing about life .. that u don’t know what is going to happen..

يناير 7, 2010

the best thing about life .. that u don’t know what is going to happen..

هقتبس الكلام دة من الرد في البوست اللي فات لان فعلا عجبتني الجملة دي جدا جدا و حستها اليومين اللي فاتو احكلكو حكاية مش طويلة اوي بس هيا حكايتي في الاسبوعين اللي فاتو ب اختصار شديد

الاسبوع اللي فات كان كل اللي نفسي فية ان مواعيد الامتحنات تتظبط عشان اعرف احضر الفرح يوم 4-1 الاتنين اللي فات الفرح اللي كتبت عنة لان كنت عايز اغير جو بشكل فظيع و كان نفسي افرح فعلا

المهم المواعيد اتظبتط و لقيت نفسي حعرف احضر الفرح الحمد لله و تيجي المفاجئات متتالية وفاة خالتي يوم الحد 3-1 ثم وفاة جوز عمتي يوم الاتين 4-1 الله يرحمهم و دول اللي خلوني اكتشف ان كل اللي كنت حاسس بية الفترة اللي فاتت ملوش اي لزمة و كنت بفكر ب اسلوب غلط او مش غلط هوا كان تفكير من منظور معين يومين ورا بعد اشارك في دفن و اروح المقابر و الواحد يشوف الموت بالشكل دة احساس عجيب

اليوم التالت امبارح التلات 5-1 عملت حدثة و انا راكب المشروع و انا رايح اجيب ماما , الحمد لله انا سليم محصلش حاجة بس بجد موضوع غريب يومين ورا بعض حالات وفاة و تالت يوم اعمل حدثة !!

في الحياة الواحد عمرة ما هيعرف اية اللي ممكن يحصل , عمري ما كنت اتخيل ان دة يكون سنريو لتلت ايام امر بيهم

و من اللي حصل دة كله الواحد يطلع ب حجات جديدة خالص

انا بكتب الكلام دة عشان افكر نفسي بية لان انا ديما برجع تدوينات الاديمة اللي بكتبها و لعل حد يكون بيقرا يستفيد

سلام 🙂

Life is Good

يناير 5, 2010

Yes Life is Good and i isA will always say that “Life is Good” 🙂

في بداية عام جديد 2010 لم اتوقع ان يكون بعد اول بوست تدوينتان عن حالات وفاة لاكن هذا هوا قضاء الله و قدرة

بعيدا عن حالة الحزن التي حلت علي المدونة …………. اردت اليوم ان اقدم تهنئة مليئة بالحب و السعادة للعروسين “محمد” و “هدى” كان امبارح الفرح 1000 مليون مبروك ليهم و ان شاء الله يعيشو في سعادة و عقبالي و عقبال كل اللي عايز 🙂

و دة السبب اللي بيخليني اقول ان Life is Good الحياة مبتقفش عند حالة حزن و اللي خلاني اكتب البوست دي اكتر تعليقات زاي “السنة دي باينة من اولها فقر” !!

طب انتو اية رئيكو ؟

البقاء لله

يناير 4, 2010

السلام عليكم
بصراحة لم اكن متوقع ابدا ان اكتب نفس الموضوع يومين متتاليين
وبصراحة مش عارف اقول اية لاكن كل اللي يتقال في المواقف دي “الحمد لله”

اليوم انتقل الي رحمة الله تعالي احد اقاربي رجل نحسبة خير ولا نزكي علي الله احدا
ادعولة دعوي طيبة لعلها تصيبة برحمة او مغفرة
و ادعو للاهل بالصبر و الثبات
سلام

البقاء لله

يناير 3, 2010

السلام عليكم و رحمة الله وبركاتة

اليوم عندنا حالة وفاه انتقلت الي رحمة الله تعالى خالتي

اتمني من كل اللي يقرا البوست دي يدعلها دعوة بظهر الغيب لعلها تصيبها بالرحمة و المغفرة

و ادعو للاهل بالصبر و الثبات

اللهم اغفر لها و ارحمها و ادخلها فسيح جناتك

اللهم ثبت اهلها و الهمهم الصبر

سلام

الفراغ

ديسمبر 20, 2009

اكتشفت اكتشاف فظيع انهردة

يوجد في المدينة تنس

ايوة تنس الشباب من الفارغ عملو قاعة تنس لوحدهم في المدينة

طبعا القاعة دي عبارة عن غرفه و هم شالو السرابرومقلكوش علي امكنيات الملعب و المضارب

و دة ملوش اي اسم غير فرااااااااااااااااااااااااااغ

بس مرضتش ارفع الصور منعا للفضايح

دي برايفت لـ 513 😀