Archive for the 'learn' Category

صدفة

مايو 8, 2008

“عشان انا عيزة ان انا اكون كويسة”

دي مش جملتي يا جماعة دي جملة انا سمعتها من بنت في التلفزيون كانت بترد علي المزيعة في البرنامج و كان السؤال : طب اية اللي خلاكي كويسة ؟. نجيب القصة من الاول

كنت اعد بتفرج علي برنامج في التلفزيون و كان في برنامج بيتكلمو فية علي الشباب و البنات و الجواز العرفي و الحجات دي كلها و كانو بيستضيفة شباب و بنات و يسئلوهم عن هل يعرفو حد متجوز عرفي ولا لا .

المهم كان في مداخلات تلفونية للبرنامج و منهم المداخلة اللي صحبتها قالت الجملة دي (الجملة اللي خلتني افكر بجد) “عشان انا عيزة ان انا اكون كويسة” كانت البنت بتتكلم علي نفسها و علي ان الظروف مهما كانت صعبة فهي مش شماعة تعلق عليها الاخطاء ولا تدفع الشباب للتصرفات الخطء المهم البنت قالت ان هي :

ابويها توفو من و هي صغيرة و عاشت مع جدتها شوية و بعدين مع خالتها و (علي قول البنت) خالتها طردها بالزوق و بعدين عاشت مع عمتها و البنت دي دالواتي بتدرس و بتشتغل شغلانة في غير مجالها و تعتمد علي نفسها .

الفكرة في ان المزيعة قالتلها

-طب لية انتي طلعتي كويسة في ظل الظروف دي؟

-و كانت الاجابة عشان انا عيزة اكون كويسة

يعني الدافع شخصي و داخلي من الفتاه رغم كل العقبات و هي تتحدث عن نفسها صوتها كان فية احساس بالسعادة النسبية و قالت جملة برضة صغيرة لاكن معبرة “انا عيشة حياه حلوه” رغم كل الصعوبات اللي بتواجها .

اد اية فعلا الجملتين اللي البنت دي قالتهم خلو الواحد يفكر و يحمد الله علي كل النعم اللي الواحد فيها و ممكن مكنش حاسس بيها قبل كدة و كن معتبرها من المسلمات

فعلا دي كانت صدفة ان انا اتفرج علي البرنامج انهردة و اسمع الكلمتين دول لكن اعتقد ان دي صدفة سابت اثر كبير و زي ما زميلة ليا في الكلية اتكلمت في موضوع الصدف و هل ممكن تسيب اثر او تتسبب في تغير في الاشخاص انا بعد الموقف دة متاكد ان فعلا ممكن صدفة تكون السبب في ترك اثر كبير

انا نجحت الحمد لله

أبريل 3, 2008
الحمد لله
الف حمد و شكر ليك يارب
جبت نتيجة الترم الاولاني و نجحت الحمد لله
منغير مواد و دة انجاز عظيم
خصوصا ان انا كنت تعبت في اخر امتحان و سيبت الامتحان و مشيت
مع انها المادة الوحيدة اللي كنت ناوي اجيب تقدير فيها
الحمد لله
و عقبال كل تيرم يارب
و عقبال كل الشلة
و كل اعضاء 513

College

مارس 30, 2008
1 – اية اخبارك يا مان
2 – تمام الحمد لله اية اخبارك
1 – اهو الحمد لله اية اخبارك في الكلية ؟
2 – ياريت بلاش السيرة دي
1 – لية يبني مالك
2 – انت متعرفش اصل احنا عملين ازاي في الكلية
1 – لا يبني اعرف انت نسيت ان انا معاكو في الكلية ولا اية !!
( اة صحيح انا نسيت ان انا بكلم نفسي )
2 – طب بدام انت عارف و شفت اللي حصل في السكشن بتسئل لية !
1 – D:
2 – بتدحك لية ؟!
1 – اة اصل شفت بس اقول اية … اهو مشمشكلة
2 – لا المشكلة ان انت لما تكون = واحد محضرش السكشن هنا المشكلة
1 – اة صح .
2 – بس تسدئ فعلا الواحد عرف ان الكلية دي ….. , بعد ما حضر الميتنج بتاع الـ depiak و الـ OS
1 – عندك حق والله , بس هنعمل اية في الكلية
2- سيبها على ربنا هنشوف هنعمل اية
1 – ان شاء الله خير
2 – ان شاء الله

Lets start

مارس 13, 2008
why ? where ? how ? what ? when ? yes or no ?…..etc

بتحب ؟ اية رايك ؟ انت فين ؟ طب لية ؟ ممكن ؟ لمين ؟ مين ؟ ممكن تعمل ؟ ماذا ؟ ما ؟ ….

اسئلة اسئلة اسئلة اسئلة اسئلة اسئلة اسئلة اسئلة اسئلة اسئلة

!!

منتدي مفتوح اكتر مواضيع فيها ردود بتعتمد علي الاحصائيات و الاسئلة

سبحان الله انسان كل وقتة الفاضي علي الانترنت انة يسئل الناس التنية و الناس التنية الي فضية برضو و مبتعملش حاجة كل الي بتعملة انها ترد علي الاسئلة ! طب لية اية الاستفادة

انا مع ان يكون في مناقشة جادة قائمة علي سؤال و كل واحد يدخل ليقول راية الشخصي و نتناقش للوصول الي هدف او الاستفادة العامة

لكن تحول الوضع الي ان في انسان قائم علي الاسئلة و الباقي فقط قائمين علي الردود لية

  • – زيادة عدد الردود
  • – بحاول اكون كوول
  • – التعرف علي البنات
  • – اي حاجة هيفة تنية

دة نمط الحياة داخل المنتدي في الحوار العام

و دة للاسف طبعا انما نلقي نظرة داخل منتديات البرمجة او اي حاجة تنية مهمة

تلاقي مواضيع و ناس عيزة تشتغل لكن ممكن يكونو 2 او 4 بالكتير و الردود صفر لاكن علي رئي واحد صحبي مواضيع الهيافة ماشاء الله منغير حسد الردود بالصفحات

من الاخر يا ريت نبدا نفوق و نشتغل و اعتقد ان احنا شفنا الناس الي شغالة ياريت نتعلم

و اخر جملة عمر ما الوقت هيكون متاخر علي البدا بس “ياريت نبدا”

CS isA

فبراير 29, 2008

طريقة اختيار القسم المناسب
انا من و انا في سنة اولى و انا محتار في اختيار القسم
لحد لما الحمد لله قررت القسم الي عيزة
و نتيجة لخبرتي في اتخاز القرار الصعب دة هؤلوكم علي الطريقة
اولا هات الليحة بتاعت الاقسام و شوف المواد الي فيها
و بعديها امسح الليحة و بعد مهتكون خت قرار بتسبة 25 % علي القسم

الخطوة الثانية قوم صلي ركعتين استخارة و اطلب من ربنا انة يهديك للطريق الي فية فيدة

الخطوة التلتة انت لو تعرف حد في سنة تلتة و ربعة اتكلم معاة و حاول تفهم الموضوع ماشي ازاي
كدة بئت 75% نكمل

سيبك بئة انت فاضلك 25% دول مش هيجو غر بالطريقة السرية و هؤل عليها
انت هتلك بكتين كبتشينو دامور او اي نوع انت بتحبة و افتح الكمبيوتر و شغلك اغنيتين لـ Evanescence او linkin parkاو Boflot لو تعرفة
و ياعم حط السمعات علي ودنك و جمبك كباية الكبتشينو و اعمل بلاي لست جميلة كدة و عيش و علي دماغك و فكر في القسم
طبعا الكلام دة كلة في مكان هادي محدش يزعجك فية

و بعديها هتلائي الموضوع بيوضح لوحدة و بدئت تكمل اختيارك
بعديها لو كنت اسكندراني و من بلدي انزل اعد علي البحر شوية بالليل ( متؤليش الجو سئعة احنا مبتفرئش معانا ) في الوقت دة البحر بيكون فاضي و الجو جمل و مفيش غيرك انت و دماغك و الكون كلة بتاعك
لو مش من اسكندرية اعد مثلا علي البلوج بتاعك اكتبلك كلمتين من جوةدماغك بجد و خرج الي جواك هتحس بالهدوء و دماغك هتفوق من الدوشة كلها
او انزل اي مكان انت بتحس فية بالهدوء و الجمال و عيــش و صفي زهنك تمام

ظبط نفسك في التفكيرو ارجع علي البيت و صليلك كمان ركعتين لله و اضرب الكباية التنية من الكبتشينو ( انا بموت فية )
اعتقد ان كدة قرارك في القسم هيكون 110% و انت متئكد و اتوكل علي ربنا و اتئدم للقسم الي نفسك فية و شايف مستئبلك فية

انا بكتب الموضوع دة و انا جمب كباية الكبتشينو التنية ( دماااااااااغ ) و ان شاء الله خت القرار D: و يا رب وفقني فية

CS ان شاء الله
Computer science

PHP

يناير 25, 2008
ايون بي اتش بي
ان شاء الله انا نويت اكمل في الموضوع دة
احنا كنا بدئنا فية في الكلية يعني خدنا شوية مبادئ و اساسيات فيه
لكن بصراحة الموضوع عجبني و ؤلت اكمل فية
بس اهم حاجة ان الواحد ميكسلش في النص
و بالمناسبة دي احب اشكر اصحابي الي حطو resource جمدة فية
حجات بصراحة سعدتني جامد بس الواحد في البداية و بيحاول
ادعولي اكمل
اهي تدوية صغنتتة كدة لحد لما اعد و افوء للكتابة ان شاء الله