@Smart-Village

امبارح كان يوم جميل جدا قضيناه في القريه الذكية و كارفور القاهرة , كانت جولة سريعة في القرية الذكية و باقي اليوم كان في كارفور

من اجمل الحجات ان كنا اغلب شباب 513 مع بعض وكمان قابلنا bingo و رجعنا مع بعض و اتكلمنا كتير و دحكنا كتير و استفدنا اكتر

و بعد ما رجعنا المنصورة سافرت انا علي الاسكندرية عشان يبقي شكل اليوم من 1- المنصورة 2- القاهرة 3- المنصورة تاني 4- الاسكندرية وبكرة مسافر تاني المنصورة !!

الماضي و الحاضر و المستقبل

الماضي : هو تجارب و خبرات يتعلمها الانسان في حياتة , تستطيق ان تنظف الماضي حتي لو كان فية تحديات او سلبات لان الماضي راح و انتهى  اسئل نفسك “ما الذي تعلمتة من الماضي ؟ لو رجعت بالزمان كيف ستتغير تصرفاتي ؟” اكتب المهارات التي تعلمتها فالماضي ما هو الا مهارات و قوة

الحاضر : عشة ايجابيا بكامل معانية عيشه بحب لله سبحانة و تعالى , عيش كل لحظة كانها اخر لحظة في حياتك ,عيش بالصبر ,عيش بالايمان وقدر قيمة الحياه ,لاتعيش علي احاسيس سلبية من الماضي لان الماضي خلاص راح و انتهى , ولا تنظر لمستقبل من الممكن ان لا ياتي وتنس الحاضر وهو عبارة عن الطريق للمستقبل, اجعل مستقبلك رؤية من الامل

المستقبل : اسئل نفسك هذة الاسئلة , “ما هو اسوا شيء يمكن ان يحدث لي ؟ ما هو افضل شيء يمكن ان يحدث لي ؟” واعلم ان لا يوجد شيء اسمة فشل بل هناك نتائج مختلفة ,اذا كنت غير راضي عن النتائج غير الاسلوب و الخطة و ضعهم في الفعل و استمر في التقيم و التعديل حتي تصل لهدفك

مستوحي من كتاب “قوة التفكير” لـ د. ابراهيم الفقي

يوميات راكب قطار

البوست دي عن مغامرات و ايام الواحد شفها في القطر و هو بيسافر ومتقلقوش هي مش مغامرات سعيدة خالص

طب اية اللي خلاني اكتب عشان كلمة واحد صحبي وهو مسافر معايا و اتكلمنا عن الحجات اللي الواحد بيقبلها في الطار والكلام تطرق للكلام عن البلد و اللي بنشوفو و كدة وقال “انت عارف ان احسن حاجة عندنا ان عمر ما حد كان يعرف يعمل حاجة وحشة ادام الناس , عكس الدول التنية اللي ممكن تحصل اي حاجة في الشارع و محدش يتدخل” دي فعلا ميزة عندنا في شعب مصر لكن هل الموضوع دة قرب يختفي هقول الموقف و انتو احكمو

واحنا مسفرين انهردة ركبنا قطار ممل جدا بتاع 12:30 من المنصورة قطر رايح في داهية بس كنت عايز اروح البيت بدري بـ اي شكل انهردة المهم طبعا تعبنين من الامتحان شفوي و عملي عقبال عندكو و من السهر و كدة فـ نمنا احنا الاتنين , صحينا في مكان ما معرفش فين والله بس لسة موصلناش طنطا صحينا علي صوت ست كبيرة بتتكلم و تزعق و بتحكي ان في شب ضرب بنت كانت ركبة في القطار و تقريبا ميعرفهاش اصلا و هو كان “مبرشم” و محدش عمل حاجة !! والقطر دة كان راكب فية كمية طلبة شباب كبيرة هو اغلبو طلبة اصلا ومحدش عمل حاجة معاة !!!! هو القطر دة كان سيدات فقط ولا اية , كل الشباب دول ومعملوش حاجة دي بس لو زعئت هتلاقي ميت راجل ولا هم راحو فين تقريبا من بعد ما لبسو تي شرتات الـ playboy خلاص علية العوض , دة مش في وعيه اللي عمل كدة يعني شب واحد ولا اتنين بالكتير من اللي كانو موجدين ممكن يتكفلو بية لا تقربيا سبوة ينزل و محصلش حاجة ….

احكلكم موقف كمان

برضو انهردة و انا احنا مسفرين نزلنا طنطا و ركبنا قطر تاني بتاع 2:15 و بعد دمنهور بشوية في شوية شباب مرة وحدة لقيتهم بيزعئو و خناقة و بيضربو بعض انا شايف الموضوع من الاول طب كل دة عشان اية عشان هم شلتين شباب تيـــــــــت و معام بنتين تيـــــت بيهزرو و يـ تيـــــــت مع شلة منهم و الباقي لا , ازاي دة يحصل !! قام كل شب تيــــــــت من دول يتخانق مع التنين و الكومدي في الموضوع ان منهم كام واحد كان لابس تيشرتات الـ playboy وكل واحد فيهم عايز يعمل راجل طب كان واحد منكم يهز طوله في الاقطر الاولاني و يدافع عن البنت الغلبانة اللي الواحد ميعرفش حصلها اية دي , لاوالارخم ان هم قامو شدين فرامل الطوارق -دي ليها حكاية لوحدها- اللي في القطر و وقفوة عشان ينزلو يتخانقو تحت و اول ما نزلتلهم شرطة القطار كل واحد تيـــــــت من دول جرا زاي الـ  تيــــــت و قعد ولاتسمعلهم صوت

طب احكمو انتو دة يوم عادي جدا من السفر في القطار و ياما بنشوف

java.pause();

image from flickr

كلام كتير – الحمد لله انا سعيد جدا-

الحمد لله و الشكر لله بجد الكام يوم اللي فاتو دول حصل فيهم حجات كتير و انا سعيد جدا جدا بيهم و حابب اتكلم عنهم بشكل اكبر هنا من اول الـ session بتعتي في الكلية عندنا لحد انهردة اخر يوم في الـ CAT Scope مرورا بتحضير للـ WordCamp Egypt و الـ session بتعتي في الـ CAT Scope 10 و عايز اتكلم عن الحجات دي اكتر هنا اية رئيكم نجيب من الاول

21 ساعة اجازة

21 ساعة اجازة

من الخميس الساعة 9 مساء الي الجمعة 6 مساء

:))

تخيلو دي بجد اجازة وسط الامتحنات 21 ساعة اصاد حوالي 20 يوم 😀 جميل جدا بجد والله تئريبا روحت ابوس ايد ماما و بابا و رجعت تسدئو انا بجد بدئت احب الموضوع دة اة والله عرفت قيمة السفر و الفوايد اللي فيه ,اكتشفت انة تدريب جميل جدا علي حجات كتير

• لياقة بدنية ( بسبب الشنطة اللي اد الدهية اللي الواحد بيشلها دة انا كان سعات بيجيلي شد عضل بتفكرني ب ايام التمرين نفسي اعرف وزنها كام ؟ )
• تحمل و صبر ( علي القطر لما يجي متاخر علي معادة سعتين و يقف كمان في الطريق )
• مرونة ( في التعامل مع انواع البشر اللي الواحد بيقابلها و انة يتاقلم مع المكان  )
• حجات تانية كتير ….

رغم كل دة اكيد و منغير نقاش مفيش احسن من البيت

اروح استريح انا بقي دالوئتي سلام

back to school

النتيجة

الحمد لله عدت سنة كبيسة في الكلية

و الواحد جاب النتيجة و نجح نضيف

بما ان الناس كلها كتبت بوستات عن النتيجة

اهو انا بؤل انا نجحت مش عارف مكنش في دماغي لية

ممكن اكتب عن اليوم بتاع النتيجة بعد كدة لما افوق شوية

حد عايز اي حاجة ابل ما اخلص البوست…. ابقي سيب رد

فوايد السفر

انا بصراحة مش فاكر اية هم الفوايد دول لاكن اللي متاكد منة ان انت تتعرف علي ناس جديدة دي من اهم الفوايد اللي ممكن تخدها من السفر ,

و زي ما انتو عرفينا انا اصلا من اسكندرية و الكلية بتعتي في المنصورة و الحمد لله ان ربنا وفقني و اتعرفت علي ناس كتير في المنصوة من اهلها و من برة المنصورة و فعلا اتعرفت علي ناس كويسة جدا انا مش هتكلم علي كل واحد فيهم لا انا بس عايز اقول ان فعلا في رجالة انا اتعرفت عليهم و هم عرفين انا بتكلم علي مين , مش هتكلم علي انهم سعدوني في اوقات ولا وئفو جمبي و لا هتكلم عن كل الحجات دي لان صعب تتكتب هي تتحس بس .

رجالة و اصحاب لى و اضينا مع بعض اوقات زي الفل منها الكويس و منها الصعب لاكن في النهاية كان المهم ان احنا مع بعض و رغم ان ممكن اكون انا بعيد عن المنصورة لاكن لازم نتقابل و علي الاقل موجدين اونلاين

اة و انا بكتب دالواتي لائيت الابيات دي

تغرب عن الأوطان في طلب العلى***وسافر ففي الأسفار خمس فوائد
تفرج هم واكتساب معيشة***وعلم وآداب وصحبة ماجد
فإن قيل في الأسفار ذل ومحنة***وقطع الفيافي وارتكاب الشدائد
فموت الفتى خير له من معاشه***بدار هوان بين واش وحاسد

بعد اول امتحان : communication !!

انا ؤلت ان الامتحنات دي هتشوف بوستات كتير و انا مسدئتش

انا مش داخل اكتب يومياتي ولا حاجة لا بس هي حالة الامتحنات بتكون فيها مواقف و حجات كتيـــر

الحمد لله انهرضة الامتحان كان حلو

كان امتحان مادة communication بس هي علي الكتاب اسمها Data&computer مش عارف لية !! بس ماشي …

بس سيبكوم من الامتحان نفسة و شوفو اللي حصل في الامتحان

تاريبا دة تاني امتحان انا اعد اضحك في اللجنة بالشكل دة بس مسكت نفسي الحمد للهبدل ما اهيس و سعتها كان ممكن معرفش اكمل امتحان طب هو اية اللي حصل لـ دة كل للي ماعانا في الكلية يسئلو اصحابهم الي في اول لجنة هههههههههههههه

و للي من برة الكلية متئلئوش يا جماعة انا في حاسبات المنصورة يعني اي حاجة ممكن تحصل و بلاش عشان الناس اللي عندها الضغط ميتعبوش

بس بصراحة في اصحابي كتير كانو بيعانو من الشمس لان اليوم كان صعب جدا و كان مكانهم شمس جدا ربنا معاهم باقي الامتحنات

و بعد الامتحان قدينا يوم علي طريقة 513 😀

و اليوم لم ينتهي بعد و مازال الهياس مستمر

سلام

🙂