Archive for the 'Friends' Category

قوة البساطة

مايو 23, 2010

ببساطة في البداية كنت اتابع مدونة “الطريق الابسط” لصاحبها عبد الله المهيري كانت تتحدث عن البساطة وهيا من اول مدونة عربية اعرفها تتخصص في هذا الموضوع

ثم توقفت المدونة و ظهر مجموعة غيرها تتخذ نفس المنهج تقريبا مع اختلاف الاسلوب

واخيرا وليس اخرا اعلن صديقي عبد الله سعيد رجل الحلول البسيطة كما اطلقنا علية عن مدونتة  Simplutions التي تتحدث عن الحلول البسيطه, اتمني له التوفيق

🙂

الإعلانات

ذكريات سعيدة

أبريل 15, 2009

وكمان بوست عشان الحبايب 😀

لحظة سعيدة انا افتكرتها و حبيت اشارك كل اللي كانو موجدين سعتها و افكرهم باليوم و الموقف دة

فكرين الصورة دي و فكرين اليوم بتعها

dsc00079

:)) محدش يتخض اة دة اللابتوب بتاعي و اغلب اصحابي موقعين علية بس متقلقوش الكلام دة بيتمسح عادي هو مش هيفضل كدة

بس كان يوم عجيب و مش عارف اية اللي طلع الفكرة المجنونة دي في ان الناس كلها تمضي علي اللاب و لحد لما مفيش مكان فاضي , م شعارف انا كنت سعيد جدا باللحظة دي و كل لما اشوف الصورة لحد دالوئتي بدحك جدا اية الجنان دة 😀

فوايد السفر

يونيو 24, 2008

انا بصراحة مش فاكر اية هم الفوايد دول لاكن اللي متاكد منة ان انت تتعرف علي ناس جديدة دي من اهم الفوايد اللي ممكن تخدها من السفر ,

و زي ما انتو عرفينا انا اصلا من اسكندرية و الكلية بتعتي في المنصورة و الحمد لله ان ربنا وفقني و اتعرفت علي ناس كتير في المنصوة من اهلها و من برة المنصورة و فعلا اتعرفت علي ناس كويسة جدا انا مش هتكلم علي كل واحد فيهم لا انا بس عايز اقول ان فعلا في رجالة انا اتعرفت عليهم و هم عرفين انا بتكلم علي مين , مش هتكلم علي انهم سعدوني في اوقات ولا وئفو جمبي و لا هتكلم عن كل الحجات دي لان صعب تتكتب هي تتحس بس .

رجالة و اصحاب لى و اضينا مع بعض اوقات زي الفل منها الكويس و منها الصعب لاكن في النهاية كان المهم ان احنا مع بعض و رغم ان ممكن اكون انا بعيد عن المنصورة لاكن لازم نتقابل و علي الاقل موجدين اونلاين

اة و انا بكتب دالواتي لائيت الابيات دي


تغرب عن الأوطان في طلب العلى***وسافر ففي الأسفار خمس فوائد
تفرج هم واكتساب معيشة***وعلم وآداب وصحبة ماجد
فإن قيل في الأسفار ذل ومحنة***وقطع الفيافي وارتكاب الشدائد
فموت الفتى خير له من معاشه***بدار هوان بين واش وحاسد

البقاء لله “هديل محمد الحضيف”

مايو 16, 2008

البقاء لله

توفت صباح اليوم المدونة “هديل محمد الحضيف”

صاحبة مدونة “باب الجنة

انا لا اعرفها لاكن تابعت مدونتها

عرفت انها تعبت و كانت في المستشفى

حاربت المرض و كنا نتمني لها الشفاء لاكن امر الله نافز

لا تنسوها بالدعاء

الله يرحمك ياهديل ويغفر لك ويسكنك فسيج جناته

يارب اغفر لها و ارحمها

يارب اغفر لها و ارحمها

يارب اغفر لها و ارحمها

……….

كلمات …

أبريل 10, 2008

غرفتي و اللاب و الاضائة

النسكافية و الكتابة

قلم و ورقة و الوحدة

التفكير و الزكرى

الناس و الزحمة و الحياة

الاصدقاء و العزلة

امل و شوق وحيرة

الطموح و الغيرة

التئمل و النظر و الفكرة

المستقبل و بكرة

1-4-2008

أبريل 3, 2008
يوم جميـــــــــــــــــــــــــــل جدا
يوم بجد ميتنسيش مع الصحابي كلهم
كنا في رحلة الى دريم بارك
اجمد حاجة ان احنا كانت شلتنا كلها موجودة مع بعض
و كان يوم ميتنسيش هياس و لعب و جري و Discovery
اة دي لوحدها مصيبة بس بجد بجد لعبة جمدة جدا
و بعد دريم بارك رحنا الحسين
و لفينا هناك و عشنا يوم ميتنسيش
و اعدنا نغني لحد لما الواحد صوتة راح
( من الغناء مش من الصويت 😀 )
و احسن حاجة ان احنا كنا كلنا مع بعض
كلنا كلنا 😉

HAKUNA MATATA !

مارس 13, 2008

هاكونا ماتاتا
يعني إشتري دماغك
هاكونا ماتاتا
حكمة نغمها لذيذ
هاكونا ماتاتا
إرمي الماضي الي يغيظ
إنساه و المستقبل
إديه كل التركيز
هذا هو البهريز
الفلسفي
هاكونا ماتاتا
أقرأ باقي الموضوع »

Open Mind

ديسمبر 7, 2007

 هل في حاجة اسمها ” زمالة & صداقة & اخوة ” بين ولد و بنت ؟

ياريت الناس تؤلي اية رائيها هل فعلا في حاجة زي كدة

يعني هل الـ 3 موجدين ولا مش كلهم ولا ولا وحدة

 

الانسان و الانسان الآخر

نوفمبر 15, 2007

في البداية انا كنت كتبت ابل كدة تدوينة عن موضوع الثقة بين الناس ” الثقة تكون او لا تكون تلك هي المشكلة
كان الموضوع للي مقرائهوش ان في مشكلة اتوجدت بين الناس عموما في مسئلة الثقة نتيجة لاستغلال بعض الناس لطيبة البعض الاخر و رغم ذلك فـ تلك المشكلة تعتبر بالنسبة لي مشكلة غير منتهية لان ايجاد الحل لها اتضح انة شيئ مستحيل !! و كما كان في رد “حسن ” : لو لازم تثق في حد اتكلم مع واحد من الصين و ؤلة اخبارك برحتك واهو هو واحد لا تعرفة ولا يعرفك
برضة وجهة نظر …

انا مش هرجع لموضوع الثقة تاني لكن في مشكلة تنية موجودة و برضة المشكلة ان الواحد ميعرفش ينكرها
الانسان بطبيعتة كائن اجتماعي يعيش و يتعايش مع باقي الانسانية و الناس من حولة , لذلك الانسان نتيجة لتداخل مصيرة مع مصائر باقي البشر و تصادم الاقدار الذي يقع او بلفظ اصح يوقع الناس مع بعضهم البعض مما يؤدي الي

التعامل الذي يحدث بين الناس الذي يؤدي بدورة الي انشاء علاقات انسانية بين الاشخاص
بعضها اعلاقات شديدة الترابط و بعضها علاقات عابرة و منها مايؤدي الي الاحساس بالقرب من الانسان او البعد عنة سواء لاختلاف في وجهات نظر او مجرد احساس حتى لو كان مجرد احساس بعدم القبول
لكن كل تلك االاسباب لا تمنع ان الشعور الناتج من الاقتراب او التعامل مع الغير هو احساس مختلف من انسان للاخر حتى انة احساس مختلف بين الشخصين المرتبطان

لذا فالنفرض ان التعامل بين اثنين اوجد بينهم احساس بالالفة و التقارب الفكري مما اوجد بينهم احساس بالارتياح النفسي هنا و في تلك المرحلة بالتحديد ينشئ الرابط الغير مرئي فـ من الممكن ان يتحول مجرد التعامل او المقابلة العادية الي ماذا ؟… قد يكون ارتباط او ارتياح في الحديث فـ هذا الانسان قد تعود مكالمة شخص ما قد يكون الكلام هنا لمجرد الاطمئنان علي الشخص الاخر الذي يحس النسان انة لدية نفس الشعور فيتحول الاحساس الي علاقة زهنية و ارتباط عقلي بين الاطمئنان علي الانسان و الشعور بالراحة و الاطمئنان الزاتي

كل هذا الكلام لايؤدي إلا الي طريق واحد فقط عودة مباشرة الي موضوع الثقة …. نعم للاسف هو موضوع الثقة مرة اخري

لكن هذة المرة الثقة هنا علي مستوى اخر و معاني اخرة فهي ليست مجرد ثقة في الاسرار رغم ان هذا هو جزء اساسي و كبير لكن هناك الثقة في الاحساس فقد اعطي كلا منهم للاخر احساس بالامان و بمستوي من القرب فيما بينهم , هذا الاحساس بالقرب و الامان يحتم عليهم علي الاقل ان يكون كلا منهم علي نفس المستوي من الشجاعة و الصراحة في مواجة الاخر >> المواجهة هنا تاتي عندما فرضا ان احساس احدهم قد تغير و هذا جزء وارد في العلاقات الانسانية الصراحة هنا مطلوبة في الاخبار و الحديث لااعتقد انة من العدل ان ينسحب احد طرفي تلك المعادلة دون اعطاء الاسباب للاخر او علي الاقل الفرصة لمعرفة الاسباب مما قد يؤدي الي تصليح الاشياء فقد يعلم انة قد اخطء في شيء ما او انة قد اخذ منة تصرف او فعل علي محمل اخر مما يؤدي الي افساد الامر بشكل عشوائي و ظالم
كل هذا الحديث عن الارتباط بين الاشخاص لماذا ؟ حقيقتا لا عرف بمجرد ما فتحت المدونة و بدئت في وضع مؤشر الكتابة في مكانة و بدئت يدي بالعمل دون تحكم مني ..

ربما هو اخراج لمجموعة من الافكار التي تشغل زهني حاليا ربما ..

ربما هو واقع يحياة الانسان حاليا ربما ..

لكن في النهاية ارجو من الجميع ان يفهم المقصد الحقيقي من معاني الكلمات وليبحث كل انسان داخل نفسة ليرا هل هو بالفعل مقصر اتجاة انسان متصل به ام هي مجرد او فلتعتبروها مجرد كلمات عابرة ولا تعيروها اهتمام .. يبقي الرد لك .