Archive for the 'Crazy' Category

تخيل العالم بدون تكنولوجيا

يوليو 15, 2009

CLIPART_OF_17358_SM_2تخيل العالم بدون تكنولوجيا …بدون انترنت ,كمبيوتر او موبايل

ليس هذا فقط بل تخيل العالم بدون كهرباء !! اليست صدمة كبيرة … تخيل كل النتائج لاتوجد كهرباء اذا لا توجد اضائة لاتوجد الات لا توجد وسائل مواصلات , كل شيء يعتمد علي القوة اليدوية

اول شيء فكرت فيه في اول مرة سمعت فيها الموضوع دة “كارثة” ,في اضيق الاحوال لا يمكن ان اتخيل العالم بدون انترنت و اجهزة كمبيوتر .

لاكن بالفعل ماذا لو حدث ؟كيف ستكون الحياة ؟ كيف سيكون يومك ؟ ليس فقط بغياب الانترنت و الكمبيوتر فهناك الكثير من الناس لا تتعامل بها في الاساس لاكن تخيل غياب الكهرباء…

من بداية اليوم و متطلباتة الاساسية الاكل و الانتقال و العمل كمثال تخيل الوقت المطلوب تحضير وجبة من الاساس الاكل غير متواجد لعد وجود تلاجة لحفظة وماذا عن الاعداد و الطهي , الانتقال من مكان لاخر قد يكون الوقت للذهاب للعمل هو 5 دقائق بالسيارة من طريق البحر لاكن اعتقد انها لن تقل عن 30 دقيقة سيرا علي الاقل  و دة مثال عن الانتقال الداخلي البسيط جدا ماذا عن السفر , العمل نفسة هناك مجموعة من الاعمال ستنقرض و تصبح من التاريخ و تتحول الاعمال للاعتماد علي القوة اليدوية لغياب الالات .

ماذا ستفعل حينها ؟

الإعلانات

حجات غريبة بتحصل في الامتحانات

يونيو 3, 2009

prod_901 سبكم من ان الامتحانات الاتلاتة الاولنين كانو عزاب

والامتحان الرابع كان قرب يجيلي حول من كتر الارقام العشرية اللي كتبتها

كل اللي فات دة عادي و بتحصل في كل الكليات لاكن سؤال صغنن بس….

لية كان في وحدة زميلتنا معاها برجل و كانت بتستعملو في امتحان الـ fuzzy ؟؟

طبعا دي حرية شخصية بيكفلها القانون لكل شخص انة يشيل برجل بس انا نفسي افهم الخدعة اللي في الموضوع !! لان انا للاسف لما شفت المشهد دة اعدت اقلب في ورقتي رايح جاي شمال و يمين مش لاقي حاجة ممكن استعمل فيها البرجل كان هيجيلي اكتئاب جوة اللجنة !!

اعتقد ان الاجابة بسيطة جدا “وانا مالي :D”

بؤلكم اية انا جاي من السفر و تعبان و هدخل اريح شوية سلام

ذكريات سعيدة

أبريل 15, 2009

وكمان بوست عشان الحبايب 😀

لحظة سعيدة انا افتكرتها و حبيت اشارك كل اللي كانو موجدين سعتها و افكرهم باليوم و الموقف دة

فكرين الصورة دي و فكرين اليوم بتعها

dsc00079

:)) محدش يتخض اة دة اللابتوب بتاعي و اغلب اصحابي موقعين علية بس متقلقوش الكلام دة بيتمسح عادي هو مش هيفضل كدة

بس كان يوم عجيب و مش عارف اية اللي طلع الفكرة المجنونة دي في ان الناس كلها تمضي علي اللاب و لحد لما مفيش مكان فاضي , م شعارف انا كنت سعيد جدا باللحظة دي و كل لما اشوف الصورة لحد دالوئتي بدحك جدا اية الجنان دة 😀

رضيت بالوندوز و الوندوز مرضيش بيا

فبراير 23, 2009

حجاااااات كتير عايز اكتب عنها هبتدي من اي حاجة

عرفين المثل “رضينا بالهم و الهم مرضيش بينا” ايوة انا بقي “رضيت بالوندوز و الوندوز مرضيش بيا”

أقرأ باقي الموضوع »

Crazy

أبريل 23, 2008

مفيش حد حس سعات ان الناس كلها بتعاملة علي انة مجنون , وان مفيش حد فاهم اية اللي الواحد بيعملة او بيعملة لية رغم ان ممكن تكون حاولت توضح الفكرة او تبسطها و حاولت كتير ان انت توضح ان اللي بتعملة دة لسبب مش جنون وخلاص !!

لا فعلا سعات في مواقف بتحصل او ممكن مش مواقف هي غالبا بتكون فترات انا كان في اغنية كنت شفتها زمان و مكنتش فاكر اسم المغنية او اسم الاغنية علي الاقل ,بس كنت فاكر جزء من الكلمات ( اية علاقة الاغنية باللي بنتكلم فية دة !! ) هي الكلمات بتاعتها بتعبر فعلا عن اللي بتكلم علية بالظبط

جزء من الكلمات :

Sometimes I try to talk to people
They don’t get a word I say
I try to keep it plain and simple
They just think that I’m crazy

والله صح هو دة اللي بيحصل بجد

بس المشكلة ان الواحد برضة احيانا بيوصل لمرحلة ان هي مش فارقة معاك الناس تعتبر اية اللي انت فية دة و حكم الناس برضة سعات بيكون متعلق بـ المناظر و انا كنت اتكلمت عن الموضوع دة قبل كدة في تدونة سابقة و لو الواحد وصل لمرحلة يصعب فيها التواصل اعتقد ان الرد هيكون برضة زي ما جة في الاغنية

you think i’m crazy?
Well you know what (ha) damn right i am

I’m crazy but it’s ok, i don’t mind
To get crazy but it’s ok, it’s allright
Well I’m crazy but it’s ok, i don’t mind
To get crazy but it’s ok, it’s allright

اعتقد فعلا ان دة اللي هيكون الرد بصراحة مش لاقي اي رد ينفع غير كدة 🙂

اعترف بصراحة (حوار بيني و بين نفسي)

أبريل 12, 2008

محدش متخيل مقدار الصعوبة اللي انا بواجها دالواتي و انا بكتب البوست دي

تاريبا دي 3 مرة اكتب و امسح اللي كتبتة كلة

انا عشت انهردة يوم صعب جدا معرفش لية !

بجد كنت داخل في دور حزن رهيب مع ان دة عكس تماما الايام اللي فاتت يعني اليومين اللي فاتو انا كنت عايش ايام بجد جميلة جدا و كنت فرحان و سعيد و بعمل كل حاجة تيجي فـ دماغي يعني يومين من الاخر

لاكن جيت من امبارح بالليل و المود بداء يتغير معايا خالص !!

احساس بـ ملل رهيب .. , مخنوء .. , زهئان من كل حاجة .. , حاولت اخرج اغير جو و اعمل اي حاجة تخرجني من الاحساس دة لاكن برضة احساس الملل و الروتين جالي من كل الاماكن اللي بخرجلها ! و الحل البسيط جدا رجعت البيت منغير معمل اي حاجة

و قائمة المواضيع اللي ممكن تساعد علي الاكتئاب بدئت تكبر و الموضوع كان هيبوظ مني خالص و الجملة السحرية اللي كل ما حد يسئلك مالك تؤلو “مشعارف والله زهئان ” طب من اية “مشعارف”

لاكن لا انا من رئيي ان كل واحد فينا عارف اية اللي مدايئة او اية اللي بيدايئة الموضوع مش محتاج غير انك تعد معنفسك اعدة صراحة وتدور جواك علي اسباب الموضوع سعتها بس هتعرف اية اللي مدايئك و هتكون اول خطوة عشان الموضوع يتحل

انا فعلا حاولت اطبق الكلام دة عليا و عرفت احدد اية اللي كان مسببلي الحالة دي ..(بس مش هؤلوكم هنا) و اعتقد ان الموضوع كدة اصبح ابسط و اوصح كتيـــــــــــر

و ممكن اي حد فينا يحتاج انة يجلس مع نفسة عشان يوصل لحاجة جواة بس مش واضحة ادامة

بس اهم حاجة ان الواحد يوفر لنفسة الجو المناسب يعني مثلا

  • منغير مقاطعة من اي حد
  • جو هادى بدون ضوضاء او تشتيت
  • ممكن في ناس تحب تعمل الحوار مع نفسها بصوت عالي (بس خاللي بالك محدش يسمعك عشان ميؤلوش الواد/البنت اتجنن) عادي دة انا دخلت عملت حوار معايا علي البلوج (او ممكن الواحد يكون فعلا لسع خلاص)
  • اعتقد ان اهم حاجة الصراحة (انت بتكلم نفسك هتتكسف من اية)
  • ممكن مثلا تخلي معاك ورقة و قلم و تكتب شوية افكار (سدئوني هتكون مفيدة)
  • اي حاجة تنية توصلك للجو المناسب…..

ياريت فعلا اي حد يستفيد من الموضوع دة و نخرج خارج ديرة “معرفش ماللي”و نواجة نفسنا بصدق

و ياريت انا استفيد منة و اخرج من الحالة دي بسرعة (دة احنى دخلين علي امتحنات)

يلا كفاية كلام

سلام

1-4-2008

أبريل 3, 2008
يوم جميـــــــــــــــــــــــــــل جدا
يوم بجد ميتنسيش مع الصحابي كلهم
كنا في رحلة الى دريم بارك
اجمد حاجة ان احنا كانت شلتنا كلها موجودة مع بعض
و كان يوم ميتنسيش هياس و لعب و جري و Discovery
اة دي لوحدها مصيبة بس بجد بجد لعبة جمدة جدا
و بعد دريم بارك رحنا الحسين
و لفينا هناك و عشنا يوم ميتنسيش
و اعدنا نغني لحد لما الواحد صوتة راح
( من الغناء مش من الصويت 😀 )
و احسن حاجة ان احنا كنا كلنا مع بعض
كلنا كلنا 😉

College

مارس 30, 2008
1 – اية اخبارك يا مان
2 – تمام الحمد لله اية اخبارك
1 – اهو الحمد لله اية اخبارك في الكلية ؟
2 – ياريت بلاش السيرة دي
1 – لية يبني مالك
2 – انت متعرفش اصل احنا عملين ازاي في الكلية
1 – لا يبني اعرف انت نسيت ان انا معاكو في الكلية ولا اية !!
( اة صحيح انا نسيت ان انا بكلم نفسي )
2 – طب بدام انت عارف و شفت اللي حصل في السكشن بتسئل لية !
1 – D:
2 – بتدحك لية ؟!
1 – اة اصل شفت بس اقول اية … اهو مشمشكلة
2 – لا المشكلة ان انت لما تكون = واحد محضرش السكشن هنا المشكلة
1 – اة صح .
2 – بس تسدئ فعلا الواحد عرف ان الكلية دي ….. , بعد ما حضر الميتنج بتاع الـ depiak و الـ OS
1 – عندك حق والله , بس هنعمل اية في الكلية
2- سيبها على ربنا هنشوف هنعمل اية
1 – ان شاء الله خير
2 – ان شاء الله

can U find U ?

مارس 19, 2008

1- انت عارف هدفك ؟

2- اية يا عم الدخلة الجمدة دي

1- لا بجد والله انت عارف هدفك سؤال بسيط جدا صح ؟

2- اهو يعني شغال

1- شغال !! طب شغال في اية , مهو انت ممكن تكون شغال في حاجة انت مش عايزها

2- مش فاهم ؟

1- يعني انا اقصد انت عرفت هدفك اية في الحياة ناوي علي اية نفسك في اية ولا هتفضل مئضيها ,دخلت اي كلية و بتدرس اي حاجة و هتطلع تدور علي شغل و نفسك تتجوز و بعدين تخلف عيال و تعجز و تموت

2- يا عم اهو كلنا عيشين سبها علي الله

1- ونعم بالله , لكن انت كدة ماشي بـ مبدا “جئت لا اعلم من اين … ابصرت طريقا فـ مشيت” ولا اية يعني من الاخر مئضيها منغير لزوم و جيت الدنية و هتمشي منها ولا كئنك كنت هنا

2- طب والحل يا فالح ؟

1- دور بص حواليك شوف الدنيا مشيا ازاي شوف انت نفسك في اية ؟ افتكر ايام زمان كان اية طموحك ؟ دور و اتعلم حاجة جديدة ,حاجىة مفيدة حقق زاتك

2- اية ياعم الكلام الكبير دة

1- والله لا كلام كبير ولا حاجة . طب اسئلك سؤال تاني ابسط , هل انت وجت نفسك ولا لسة ضايع في وسط الحياة الكبيرة و وصت دوامة الدنيا يعني وجت نفسك من الاخر .

السؤال بـ اسلوب تاني ” هل انت تستطيع ان تجد نفسك ؟”

فكر و رد علي نفسك …..

HAKUNA MATATA !

مارس 13, 2008

هاكونا ماتاتا
يعني إشتري دماغك
هاكونا ماتاتا
حكمة نغمها لذيذ
هاكونا ماتاتا
إرمي الماضي الي يغيظ
إنساه و المستقبل
إديه كل التركيز
هذا هو البهريز
الفلسفي
هاكونا ماتاتا
أقرأ باقي الموضوع »