Archive for the 'alex' Category

Vive Alexandria :)

مايو 22, 2010

Alexandria

مفيش كلام يتقال اكتر من بحبك يا اسكندرية

🙂

الإعلانات

زكريات

أبريل 24, 2010

زمااااااااان وانا صغير كنت بحلم اجيب تقدير اصدي كنت بحلم ابقي كبير, و دالوقتي ان شاء الله فاضلي كام شهر و اخلص اخر سنة في الكلية 🙂 في حجات حلو و حجات وحشة في الموضوع دة, بس الحمد لله وربنا يسهل اة موضوع الزكريات

اليومين دول امبارح لقيت نفسي ماشي انا و محمد صحبي وكنا قريبين من المدرسة بتاعتنا واحنا صغيرين انا كنت في المدرية دي فترة حضانة و ابتدائي و اعدادي يا وصباح الزكريات بقي اللي رجعتلنا و الدحك للصبح

وانهردة كان عندي مشوار برضو لقيت نفسي قريب من مدرسة الثانوي بتعتي عديت عليها و نفس اللي حصل زكريات و دحك 🙂

طب وبعدين؟ بس خلاص 🙂

حجات كتير :)

أبريل 3, 2010

بقالي كتير مكتبتش في البلوج بس ليا مزاج اكتب شويا انهردة و هتكلم عن كذا حاجة حابب ابدائهم واقول ان من موقعي هذا في صالة البيت بكتب البوست دي علي الويرلس اية علاقة دة بـ اي حاجة مش عارف بس دة يسبت ان انا مهيس من الرحلة

ايوة الرحلة اللي طلعت اسكندرية -اة انا من اسكندرية- انا قابلت الرحلة هنا واللي حصل فيها دة مشفتوش في رحلة تانية خالص من اول السواق اللي مكنش عارف الطريق لحد المعمورة اللي مدخلنهاش و الناس كانو ركبين الؤتوبيس اكنهم ريحين عزاء -دة رحلة للقرية الذكية كان فيها صجات- لحد كوبري استالي و الـ DJ اللي الرحلة مراحتهوش تقريبا-انا سبتهم و روحت لما قالو مش رايحين و مروحين المنصورة وفي الرحلة دي اتوقع اي حاجة تحصل- اة انا اتصورت جمب الاؤتوبيس 😀 بس كانو كام ساعة حلوين و الرحلة دي مكنش فيها غير حسنة واحدة بس و شوية مغامرات مش دي اسكندرية اللي كان المفروض تشوفوها بعتزرلكم توصلوا بالسلامة ان شاء الله 🙂

يااااااااااه رحلات و سفر فكرتوني و انا جاي الاسبوع دة من المنصورة ركب جمبي واحد معرفوش -اكيد يعني مهو قطار- كان راجل كبير في السن المهم الموضوع اتفتح مش فاكر موضوع اية بس اهو الكلام جاب بعضة و عرفت ان الراجل خريج هندسة اسكندرية و ولادة هناك و بيسافرلهم خميس و جمعة و هوا مدير شركة بس راجل قال كلمتين زاي الفل اول مرة اسمع كلام بالشكل دة اتكلمنا عن الشباب و الشغل و التدخين -الحمد لله انا بعيد عنة- و الجيشالكلام الجميل دة خلاني مستمتع وانا مسافر ان الواحد بيستغل وقتة كويس

اة موضوع الوقت دة كمان حكاية مش عارف اية اللي طالع علي الواحد اليومين دول و طلبة قراية كتب و لقيت الموضوع دة جميل و مفيد جدا في استغلال وقت السفر و دة مفيد بالنسبالي اني بسافر كتير بس اغلب الكتب من نوعي الادب الساخر اللي تحس ان في حد اعد يتكلم معاك و يحكيلك حاجة -رغم ان الجروب اللي بسافر معاة كبير و مش نقصين رغي- بس موضوع ممتاز انصح اي حد يجربة و هوا مسافر للي مبيعرفوش يناموا في السفر

بؤلوكوا اية كفاية رغي كدة و تصبحوا علي خير او صباح الخير حسب التوقيت المحلي لكل واحد فيكم سلام 🙂

Alex the way i like :)

فبراير 7, 2010

رجعت من المنصورة يوم الاربع الصبح و كان استقبال اسكندرية بهوا شديد و مطر خفيف استقبال تحفة 😀

واعدت كام يوم منزلتش من البيت بصراحة كنت بنتقم من السفر

و امابرح نزلت انا و بودي و احمد صحابي اللي منها لله الكلية مش مخياني عارف اشوفهم انا في المنصورة و احمد هنا و بودي في السويس كان فاضلنا بس الرفيق الرابع محمد بس مكنتش ظروفة تسمح امبارح

المهم نزلنا و اتمشينا و لفينا شويا حلوين و رجعت ايام زمان مش زمان اوي بس كان جو واحشني جدا

peace 🙂

A Day Off

يناير 18, 2010

Relax دة الاحساس دالوقتي بعد فترة ما يعلم بيها الا ربنا كويس ان انا مكتبش اي بوست الفترة اللي فاتت دي

ايام وبنعشها

فبراير 7, 2009

ايام و بنعشها

  • وحشني البلوج
  • وحشني البيت
  • وحشني السرير
  • وحشني كبل اللان بتاعي
  • وحشتني اسكندرية
  • وحشني الاعدة علي البحر بالليل
  • وحشوني اهلي و اصحابي هناك

ايام و بنعشها

  • فرحان اني بكتب في البلوج
  • مبسوط بالاعدة هنا
  • مبسوط من التغير
  • برضو في كبل لان هنا
  • مبسوط بالكورس
  • تجديد الاعدة علي النيل (لو اعتبرناة نيل) جميلة برضو
  • تواصل اكتر مع اهلي اللي خارج اسكندرية و اصحابي اللي هنا

أقرأ باقي الموضوع »

21 ساعة اجازة

يناير 24, 2009

21 ساعة اجازة

من الخميس الساعة 9 مساء الي الجمعة 6 مساء

:))

تخيلو دي بجد اجازة وسط الامتحنات 21 ساعة اصاد حوالي 20 يوم 😀 جميل جدا بجد والله تئريبا روحت ابوس ايد ماما و بابا و رجعت تسدئو انا بجد بدئت احب الموضوع دة اة والله عرفت قيمة السفر و الفوايد اللي فيه ,اكتشفت انة تدريب جميل جدا علي حجات كتير

  • لياقة بدنية ( بسبب الشنطة اللي اد الدهية اللي الواحد بيشلها دة انا كان سعات بيجيلي شد عضل بتفكرني ب ايام التمرين نفسي اعرف وزنها كام ؟ )
  • تحمل و صبر ( علي القطر لما يجي متاخر علي معادة سعتين و يقف كمان في الطريق )
  • مرونة ( في التعامل مع انواع البشر اللي الواحد بيقابلها و انة يتاقلم مع المكان  )
  • حجات تانية كتير ….

رغم كل دة اكيد و منغير نقاش مفيش احسن من البيت

اروح استريح انا بقي دالوئتي سلام

home sweet home

ديسمبر 6, 2008

home-sweet-home

في البداية كان في ناس كتير مستنين البوست دي مني اول ما سفرت و رجعت البيت لاكن الحمد لله النت كان فاصل فـ مكتبتش البوست لان كنت هكتب بوست كئيبة كلها احزان و مئاسي السفر و الاعدة في المدينة لاكن الحمد لله انا بحاول ابعد عن السلبيات و الزكريات الحزينة فـ نويت اكتب البوست بشكل مختلف

اول حاجة انا استفدت اية من الاعدة هناك , بجد كان في استفادة الواحد اعد لوحدة فترة بعيد عن دوشة اي حاجة يفكر , في كام موضوع خلصتو و انا هناك لو كنت رجعت البيت كنت كسلت , بالنسبة للكلية في كام موضوع برضو خلصو و انا هناك مكنش ينفع اسافر و اسيهم, لما اعدتفارة طويلة هناك ركزت في السكاشن و خلتها كلها في كام يوم و اخدت اجازة كبيرة شوية , الواحد بيعرف يعد برة البيت فترة طويلة عادي لو في ظروف تحتاج كدة اعتقد انها مرونة في التعامل و ده شيئ مطلوب , برضو الواحد طلع بيعرف يعتمد علي نفسو في حجات كتير , عرفت قيمة البيت و الحجات اللي الواح مش بيكون واخد بالو منها لاكن ليها قيمة كبيرة عندو و لازم يهتم بيها

انا عارف ان الكلام مبهم شويا لاكن ممكن يتوضح في كام بوست قريبا

طب والله كويس انا مكنتش فاكر ان الموضوع مفيد كدة يلا الحمد لله و حمدلله علي السلامة ليا ولكل الناس اللي كانو هناك و رجعو 🙂

Home Sweet Home

اسكندريــــــــــــــــــة

أغسطس 19, 2008

اسكندريــــــــــــــــــة

يا اسكندريــــــة

بحرك عجايـــــب

ياريت ينوبنى م الحب جانـــب

تحدفنى موجــــه

على صدر موجــــه

والبحر هوجـــة

والصيد مطايــــب

أغسل هدومى

وأنشر همومى

على شمسه طالعه

وأنا فيها دايب
أقرأ باقي الموضوع »

20-7-2008 يوم جميل جدا

يوليو 21, 2008

الحمد لله كان انهردة يوم جميل و مفيد جدا

رحنا انهردة انا و احمد مسعود لـ مكتبة الاسكندرية و كان يوم جميل جدا لفينا في المكتبة كلها و بجد المكتبة دي فخر لكل مصري و اسكندراني خصوصا 😀

اليوم كلة تئريبا كنا بندور علي الكتب احني مرحناش من اول اليوم لاكن اعتقد ان دي مش هتكون اخر مرة لان بجد جو مفيد جدا و يساعد علي التركيز و الانجاز

انا مش عارف ازاي مكنتش بروح كتير بس ان شاء الله هيكون ليا زيارات تانية