Archive for the 'هياس' Category

حاسبات تتحدي الملل

ديسمبر 29, 2009

انا قلت قبل كدة احلي حاجة في الكلية دي ان مفهاش بزر

والله الكلية فعلا بتتحدي الملل عمرك ما في الكلية تحس بالملل و احلي وقت وقت الامتحنات الواحد بيحس ان دماغة بتبقي فوق , فوق فين معرفش بس بتبقي فوق و خلاص

يعني من اول اليومين اللي جاين دول هنبقي فووووووووووق بجد

لان خير اللهم اجعلة خير اكنشفت مرة واحدة ان عندي كل يوم تقريبا امتحان , و الجميل ان كل دكتور بيقول ابل الامتحان بـ اسبوع و يقولك انت عندك اسبوع كامل تزاكر فية و الدكتور اللي بعدة تاني يوم يقول نفس الجملة تكتشف في الاخر ان كل مادة ليها يوم واحد بس 😀

بمناسبة ايام الامتحنات دي كانت 513 بتلعب بنج و واحد صحبي قالي ان احنا مبقناش بنهيس زاي الاول في البلوج !! تقريبا دة عشان احنا عدينا المرحلة دي خلاص و بقينا فوووووق : ))

كل فترة كدة بحب اللف في الصور و الزكريات اللي عندي علي اللاب و لقيت دول

دي كانت حالة فراغ في محاضرة مش سكشن 😀 واضح ان موضوع الورق دة منتشر اوي في حاسبات مش قلت حاسبات تتحدي الملل

الصورة دي من زمان بس انا لسة معايا البطة دي في المحفظة 😀 انتو فكرين من اللي عملها انا فاكر 😀

صباح او مساء الزكريات حسب التوقيت المحلي لبيت كل واحد

سلام

🙂

Advertisements

انا في CS :D

ديسمبر 22, 2009

خير اللهم اجعلة خير الاقي نفسي دالوقتي حالا في محاضرة لـ قسم CS

و اللي حضرين 9 من القسم و 3 من قسم IT  و انا من الثلاثة دول

:))

تحديث : في 2 كمان جم 😀

الفراغ

ديسمبر 20, 2009

اكتشفت اكتشاف فظيع انهردة

يوجد في المدينة تنس

ايوة تنس الشباب من الفارغ عملو قاعة تنس لوحدهم في المدينة

طبعا القاعة دي عبارة عن غرفه و هم شالو السرابرومقلكوش علي امكنيات الملعب و المضارب

و دة ملوش اي اسم غير فرااااااااااااااااااااااااااغ

بس مرضتش ارفع الصور منعا للفضايح

دي برايفت لـ 513 😀

امتحنات الميد ترم

نوفمبر 22, 2009

Panadol extra الراعي الرسمي لامتحنات الميد ترم

وبمناسبة امتحنات الميد ترم احب اقدم اغنية “بلد شهدات” لـ كريم نجيب لكل الطلبة 🙂

المتش شغال

نوفمبر 18, 2009

اة المتش شغال و انا مش بتفرج عليا

و اة انا والله العظيم مصري 😀 وكمان نفسي ان مصر تكسب

و لو مصر كسبت هفرح و لو خسرت مش هزعل

و دي النقطة: انا مش لازم حياتي تقف يوم ما المنتخب يلعب ولا لازم يجيلي اكتئاب لو خسر , لو ان شاء الله كسبنا هفرح بس لو خسرنا اذا hard luck

من نظري في مجموعة كبيرة كل معرفتها بالرياضة ان هيا تتفرج علي الكورة امال فين التنمية الزاتية و ان انا العب رياضة و محدش يقول مفيش وقت مهو الوقت موجود اهو عشان المتش ما تستغلة صح و تلعب انت بدل ما يتلعب ب اعصابك لمدة ساعة و نص

و  فين قدرة اناس و رغبتها علي الحلم الناس سلمت دماغها اللي صدت و انا اسف في اللفظ بس اة دة نوع من انواع الاعطال او الصداء اللي بيصيب الانسان ان قدرتة علي الحلم تروح و يكون طموحة و حلمة هوا حلم حد تاني

في حاجة الكورة مش من اهتماماتي اصلا بس كنت فرحان جدا لما فزنا المتش اللي فات بتاع الجزاير هنا في مصر لية ؟

عشان اصحابي كلهم فرحنين و جو عام من الانبساط طاقتة الايجابية عالية جدا كان جو ممتاز لان انا كنت عايز اغير الجو بتاعي

اة و مشيت في الشارع و اعد الف و اغني لحد لما كان صوتي رايخ تاني يوم في السكشن و مكنتش عارف اتكلم 😀 بس مش مشكلة انا اللي كنت عايز كدة

انما دة مش طبيعي انة يكون الوضع العام و العادي اعتقد ان دة نتيجة للكبت اللي عند الناس و كل واحد مسدئ وجد فرصة يزعق بصوت عالي و يعمل اللي هوا عيزة

انا مش بحاول احكم علي حد ولا ليا اصلا ان انا احكم علي اي حد

وكل واحد في الاخر دماغة مريحاه 😀

تحديث: للاسف دالوقتي خسرنا الماتش Hard luck لية جمبي حاليا 2 مكتئبين و حالتهم صعبة !!

اهم اهم اهم المصرين اهم

يونيو 19, 2009

اهم اهم اهم المصرين اهم

😀

اعتقد ان دي اول مرة تشوفو بوست عندي في البلوج بيتكلم عن الكورة

بس انهردة مصر غلبت ايطاليا يا عالم هاااااااااااااااااا

مش عارف ها لية وانا اصلا مش من مشجعي الكورة ولا من اهتماماتي اصلا بس

اهم اهم اهم المصرين اهم

اهم اهم اهم المصرين اهم

والله انا حسيت بالاعلان دة انهردة

وانهردة يوم عجيب اصلا لا عجيب جدا جدا و مش هنساة في حياتي قابلت شخصية مكنتش اتخيل اني اشفها اصلا

و دة موضوع عايز بوست تاني لوحدة ان شاء الله اكتب عنة

وفي الختام متنسوش كلو يشجع و يقول

اهم اهم اهم المصرين اهم

😀

بعد الشفوي CV !!

مايو 13, 2009

Wide_Black_Polka_Dot_Headband

هو كان المفروض يكون امتحان شفوي

و الامتحان اتاخر ساعتين

و كل ما الامتحان يتاخر الدماغ تعلى و التهيس يزيد

و يبداء الامتحان و يطلع تحريري هو مش صعب بس مفاجئة , و لو جيت تلعب بديلك في الامتحان عمرها ما بتنفع معايا : ((  !! مشمشكلة

تيجي تاخد درجة الميد ترم تلاقي الرد الوحيد اللي يطلع منك ادام الدكتور

“WoooW”

يلا انا حبيت ان افكر نفسي قبل الترم ان اسلوبي لازم يتغير مع المادة دي

افتتاح اسبوع شباب الجامعات

فبراير 9, 2009

يوم دماااااااااااغ بكل الطرق الممكنة 😀 بجد انهردة يوم دماغ في كل حاجة

  • من اول امبارح بالليل مع د.زويل في برنامج العاشرة مساء
  • الي الصحيان بدري عشان التربية العسكرية
  • ثم اللطعة ساعة خارج الجامعة لاسباب امنية تئريبا !!
  • و اللطعة جوة المدرج في الاستاد من 8 ال 1 او 2 مش بنعمل اي جاجة خالص نهائي لاسباب يعلمها الله وحدة !!
  • مرورا بضربة الشمس اللي علت الدماغ اكتر
  • ومنساش الاستعراض الرائع اللي عملة الشباب في افتتاح اسبوع الشباب الجامعات واهل كليتنا اللي شرفونا في الافتتاح
  • لحد الافراج عننا الساهة 4 و شوية تقريبا و شكل الكلية الجديد بعد ما اتظبتط كلها و بقت 100% وتم الفتتاح المبني رسميا
  • ثم احلي دماغ اوردر COOK DOOR يعتبر نهايمة ممتازة لن اقبل بـ اقل منه لنهاية يوم قاتل بالشكل دة 😀
  • وكمان دماغ بسبب الجو انهردة من اجمل الاوقات اللي شفت فيها المنصورة الساعة 5 الا ربع انهردة الجو ممتاز و الشارع فاضي و نسمة هواء تحفة و
  • و مكنتش مركز خالص : ))

طنش تعش تنتعش

يناير 17, 2009

“طنش تعش تنتعش”

دة شعار انا اعرفة من حوالي 8او7 سنسن سمعتو مرة و انا في اعدادي من ناس قرايبي ومنسعتها و دخل دماغي جدا و منستوش لحد دالوئتي . طب اية اللي جاب سيرة دي دالوئتي ؟…….. اقولك ياسيدي كام موضوع حصلو الفترة اللي فاتت دي و بجد ملهمش حل غير الشعار دة وهقولك علي المواقف برضو بص و احكم انت معايا

  1. امتحان غريب و توزيع الدرجات بتعتو غلط 100% و اكبر اسئلة و اصعبهم عليها اقل درجات !! و الحمد لله خلصنا الامتحان خلاص اذا اشغل دماغي لية طبق شعار “طنش تعش تنتعش” تمام
  2. امتحان اغرب و اغرب و تحس انو امتحان في اختبار سرعتك علي الكتابة مش كمية اسئلة كتير و كل نقطة في سؤال فيها اسئلة فرعية و ممكن متخدش بالك منها و الحمد لله عدي برضو اذا اشغل دماغي ليه طبق شعار “طنش تعش تنتعش” تمام اللي بعدو
  3. موضوع غريب و انتو عرفينة ناس كبيرة بتخبط في بعض و ناس صغيرة مشفهمين متصدرة للموضوع و بيتكلمو في حجات مشعرفين اية اللي وراها ولا المواضيع دي بتمشي ازاي وفي كلتا الحالتين مش هيحصل فرق كبير اذا فكك متشغلش دماغك بالموضوع و طبق شعار “طنش تعش تنتعش” والله تمام
  4. ناس بتتغير و بتبان علي حقيقتها , ناس مشعرفة تتغير ومعزبين نفسهم ….. و  المهم ان الواحد فهم الموضوع و عرف مين رايح فين ياريت نركز في احنا ريحين فين و فكك من كل دة كل واحد فاهم و عارف مصلحتو فين طبق الشعار العزيز انت لسة محفظتوش ولا اية “طنش تعش تنتعش” و سلملي علي كل الناس دي

و انت ياللي بتقرا البوست دي متشغلش نفسك كتير بالموضوع دة و “طنش تعش تنتعش”

العيد فرحة ماااااااااء

ديسمبر 8, 2008

اية دة هي الناس كلها راحت تاكل اللحمة ولا اية 😀 متئلوش في اللحمة عشان عندنا امتحنات بعد العيد مش بعيدة و مش نئصين هياس :))

مش عارف مالي طلبة معايا كتابة اوي في البلوج بس خير ,طب هتقول اية المرادي ؟ هتكلم عن اللي حصل امبارح …..

امبارح في السهرة في ليلة العيد حصل كلام حاجة معجبونيش منهم

  • الساعة بتعتي اتكسرت
  • الدنيا مطرت وانا ماخدتش بالي رغم اني كنت في الشارع لاكن دخلت مول الف شويا و اشوف المحلات و خرجت لئيت الدنيا مطرت و وقفت 😦
  • ابو كمال كان قافل ودة يعتبر المصدر الاساسي لينا في العشا

بس مع مبداء التفائل اللي بحاول اتبعة اليومين دول و ناوي استمر علية لازم اقول علي الاقل 6 حجات حصلت كويسة في المقابل مع الحجات اللي فوق دي نشوف

  • الدنيا مطرت و الجو اتحسن
  • خرجت انا و اصحابي اللي بقالي كتير مكنتش شفتهم
  • شفت واحد صحبي انتمي في اسكندرسة مكنتش شفتو بقالي كتير
  • لعبنا و هزرنا و هيسنا كتيييييييير
  • اتمشيت علي البحر و اعدت هناك الاعدة اللي بتعمل دماغ دي
  • صليت العيد 🙂

دول كفاية تمام كدة في توازن في الموضوع يلا اشفكم البوست اللي جاي ان شاء الله