Archive for the 'مناسبات' Category

كل عام وانتم بخير عيد سعيد

سبتمبر 9, 2010

كل سنة ويارب الجميع يكون بخير و في سعادة عيد سعيد علينا جميعا ان شاء الله

كنت قبل كدة بقدم التدوينة دي لطلبة حاسبات و دفعتي العزيزة دالوقتي التدوينة دي لخريجي حاسبات برضو دفعتي العزيزة 😀

وكل سنة و انتوا بخير  🙂

Happy birthday to me :D

أغسطس 17, 2010

سلام عليكم 🙂

انهردة زاي العادة و لرابع سنة علي التوالي الحمد لله بقول لنفسي كل سنة وانا طيب بمناسبة عيد ميلادي والسنه دي عيد ميلادي الـ 21 واو برضو تدوينة بنفس العنوان و نفس الصورة 🙂

لاكن الاحساس مختلف كل مرة بس الحمد لله لو الاحاسيس كلها بتنقسم تحت فرعين اساسين حلو و وحش اذا انا في النص الحلو و السعيد ان شاء الله

بس جديدة عليا ان عيد ميلادي يبقي في رمضان و السنة اللي فاتت كان قبل رمضان و احتفلت مع اصحابي كلهم الشباب ن المنصورة و شباب اسكندرية هنا في البيت, بس المراة دي في رمضان الوضع مختلف

كان نفسي في تورتة و شمع عشان اتمني امنيه واحدة بس هي مش واحدة بس اللي انا عيزها بس دي اهمهم واللي تفتح الطريق لتحقيق باقي الاماني, بس مش هقولكم عليها عشان المفروض تفضل سر و متتقلش عشان تتحقق

بكرة هيكون يوم مختلف يارب اجعلة يوم سعيد 🙂

رمضان كريم

أغسطس 11, 2010

رمضان كريم ان شاء الله علينا و علي الجميع 🙂

مميزات ان انت تبقي سنجل في الفلانتين

فبراير 14, 2010

مميزات انك تبقى سينجل فى الفالنتين  زاي ما وصلتني هنقلهلكم

1-توفير للفلوس بكافه انواعها (عزايم – هدايا – رصيد تليفون -…….. الخ ) .
2- مش هاتضطر تلبس احمر وهو اساسا مش لايق عليك
3-تبقى قاعد مأنتخ فى البيت وياعينى المأنتمين برة فى الشمس والحر والتراب او السقعه والشتا ودور البرد
4-بدل الهدية والكلام الفاضى هاتجيب لنفسك جزمه بدل اللى اتخرمت وصباعك خرج منها دى
5- هاتحس بنشوة الاختلاف ان انت بتعمل حاجة غير اللى بيعملها عامة الشعب من لبس احمر وهدايا وخلافه
6-هاتختلف كمان مع الناس فى نوع الاغانى اللى بتسمعها يعنى مثلا كل الناس تلاقيها بتسمع اغانى حب ورومانسية وكدة وانت تضرب شريط حسن الاسمر ابو اتنين جنية ونص وتفضل تسمع فيه طول النهار ولو زهقت شغل مصطفى كامل
7- فى اليوم دة هاتتقرب لربنا اكتر لانك هاتفضل تصلى طول النهار وتدعى من قلبك ان اى واحده تعبرك بدل مانت عمال تحقد وتحسد عالناس لحد مابقيت شبه اللمونه
8- كمان لما تبقى سينجل ربنا هايكفيك شر الخناقات فى الشوارع لو حد عاكس المزة اللى معاك وخلافه وطبعا كلنا عارفين ان انت مع اول قلم هاتسيبهالهم وتجرى
9- لو اتجننت وحبيت تخرج فى اليوم ده هاتنزل مع اصحابك السناجل برضو وتفضلوا تكروزوا بالعربيه طول النهار بدل ماتترمى تقعد فى كازينو او كافيه انت والمزة وتبقى فرجه لكل البنى ادمين
واخيرا كون انك سينجل هايعفيك بقى من انك تسمع الكلام اللى ولا يودى ولا يجيب اللى دايما بيتقال فى اليوم دة

  • -امتى بقى يا حبيبى هاتيجى تقابل بابا
  • -نفسى يا حبيبى الفالنتين الجاى نكون سوا فى بيتنا
  • -انا ماما امبارح قالتلى هاتفضلى كدة لحد امتى
  • – انا بنت اخو عم خال مرات اخو جارنا اتخطبت امبارح مش ناوي بقى تخطبنى زيها

ومتنسوش Happy valentine day 🙂

Life is Good

يناير 5, 2010

Yes Life is Good and i isA will always say that “Life is Good” 🙂

في بداية عام جديد 2010 لم اتوقع ان يكون بعد اول بوست تدوينتان عن حالات وفاة لاكن هذا هوا قضاء الله و قدرة

بعيدا عن حالة الحزن التي حلت علي المدونة …………. اردت اليوم ان اقدم تهنئة مليئة بالحب و السعادة للعروسين “محمد” و “هدى” كان امبارح الفرح 1000 مليون مبروك ليهم و ان شاء الله يعيشو في سعادة و عقبالي و عقبال كل اللي عايز 🙂

و دة السبب اللي بيخليني اقول ان Life is Good الحياة مبتقفش عند حالة حزن و اللي خلاني اكتب البوست دي اكتر تعليقات زاي “السنة دي باينة من اولها فقر” !!

طب انتو اية رئيكو ؟

Happy new year 2010

يناير 1, 2010

2010

Its a New Year

Just Smile 🙂

7 ايام قبل نهاية العام

ديسمبر 25, 2009

7 ايام علي انتهاء عام 2009 و بداية عام 2010,كل عام و انتم بخير 🙂

عام مضى بكل ما فيه خيرة و شرة اعتقد حان وقت الحساب اذا نظرت خلفي ماذا ساجد في العام الماضي ؟ حل حققت اهدافي او جزء منها

انا فاكرالسنة الماضية كتبت بوست في نفس الوقت دة تقريبا عن 2008,2009 و ماهى الاهداف التي انوي تحقيقها في عام 2009 و الحمد لله عندما رجعت لتلك التدوينة وجت نفسي حققت اغلب اذا لم يكن كل الاهداف التي كتبتها ودة بفضل الله

و الحمد لله حققت مجموعة من الاهداف التي لم اكتبتها او اخدت خطوات اجابية في سبيل تحقيق اهدافي طويلة المدى اتمني من الله التوفيق و تقبل ما مضي و مساعدتي علي ما هوا قادم

الان ماذا عنك ؟ مش بطلب من اي شخص انة يرد باهدافة لا دة مش الهدف انما المقصود هوا ان يراجع كل شخص نفسة و انا قبل الجميع

اعجبت جدا بموقع 43things و الامكانية التي قدمها في صفحتة الرئيسية عن تحديد ماذا تنوي ان تفعل في عام 2010 مجرد عداد تنازلي عن عدد الايام الباقية في عام 2009 و سؤال واحد “what do you want to do in 2010?” و  يترك لك الموقع الحرية في الاجابة

و الان سوف اقوم ان شاء الله بمراجعة اهداف السنة الماضية مرة اخري و تقيم و تعديل الاهداف المستقبلية وتحديد مدي قربي منها و ان شاء الله تحديد قائمة اهداف 2010 و اتمني ان يعينني و يقدم الله لي الخير من اهدافي

التمني للجميع عام سعيد

🙂

كل عام و انتم بخير

نوفمبر 24, 2009

السلام عليكم ورحمة الله وبركاته إن لم تطف بالبيت لأنه عنك بعيد فلتقصد رب البيت أقرب إليك من حبل الوريد وإن لم تسعى بين الصفا والمروة فلتسعى في الخير أينما تجده وإن لم تقف بعرفه فلتقم لله بحقه الذي عرفه وإن لم ترجم إبليس بالجمرات فلترجمه بفعل الخيرات وترك المنكرات وإن لم تذبح هديك بمنى فلتذبح هواك هنا فتبلغ المنى وكل عام وأنتم بخير وتقبل الله منا ومنكم

المتش شغال

نوفمبر 18, 2009

اة المتش شغال و انا مش بتفرج عليا

و اة انا والله العظيم مصري 😀 وكمان نفسي ان مصر تكسب

و لو مصر كسبت هفرح و لو خسرت مش هزعل

و دي النقطة: انا مش لازم حياتي تقف يوم ما المنتخب يلعب ولا لازم يجيلي اكتئاب لو خسر , لو ان شاء الله كسبنا هفرح بس لو خسرنا اذا hard luck

من نظري في مجموعة كبيرة كل معرفتها بالرياضة ان هيا تتفرج علي الكورة امال فين التنمية الزاتية و ان انا العب رياضة و محدش يقول مفيش وقت مهو الوقت موجود اهو عشان المتش ما تستغلة صح و تلعب انت بدل ما يتلعب ب اعصابك لمدة ساعة و نص

و  فين قدرة اناس و رغبتها علي الحلم الناس سلمت دماغها اللي صدت و انا اسف في اللفظ بس اة دة نوع من انواع الاعطال او الصداء اللي بيصيب الانسان ان قدرتة علي الحلم تروح و يكون طموحة و حلمة هوا حلم حد تاني

في حاجة الكورة مش من اهتماماتي اصلا بس كنت فرحان جدا لما فزنا المتش اللي فات بتاع الجزاير هنا في مصر لية ؟

عشان اصحابي كلهم فرحنين و جو عام من الانبساط طاقتة الايجابية عالية جدا كان جو ممتاز لان انا كنت عايز اغير الجو بتاعي

اة و مشيت في الشارع و اعد الف و اغني لحد لما كان صوتي رايخ تاني يوم في السكشن و مكنتش عارف اتكلم 😀 بس مش مشكلة انا اللي كنت عايز كدة

انما دة مش طبيعي انة يكون الوضع العام و العادي اعتقد ان دة نتيجة للكبت اللي عند الناس و كل واحد مسدئ وجد فرصة يزعق بصوت عالي و يعمل اللي هوا عيزة

انا مش بحاول احكم علي حد ولا ليا اصلا ان انا احكم علي اي حد

وكل واحد في الاخر دماغة مريحاه 😀

تحديث: للاسف دالوقتي خسرنا الماتش Hard luck لية جمبي حاليا 2 مكتئبين و حالتهم صعبة !!

عيد سعيد كل سنة و انتو طيبين :)

سبتمبر 19, 2009

كل سنة و انتو طيبين و ان شاء الله يكون عيد سعيد عليكم جميعا

و عيد سعيد خاص جدا لشعب الحاسوباتين برضو :D عشان خاطر كل اصحبنا اللي كانو في 4 السنة اللي فاتت و اتخرجو وبقو مهندسين

وكل سنة و انتو بخير و في تقدم ان شاء الله