Archive for the 'مصر' Category

وابتدا المشوار …

أكتوبر 23, 2010

السلام عليكم ورحمة الله 🙂

ايام كتير عدت و مكتبتش فيها لاسباب كتير مش دي المشكلة المهم ان انا ان شاء الله مستمر في الكتابة, و ابتدا المشاور …

المشوار المقصود هوا مشوار التجنيد -يارب اكرمني باعفاء- واليوم اول يوم في تسليم الورق علي الرغم من ان كان في مرحلة استخراج الاوراق عدت -بتستخرج الورق عشان ترجعة تاني!!- اليوم دة جة بعد معادين تروح يوم يديك معاد ليوم تاني تروح فية و اليوم كان طويل انهردة من اول الساعة الثامنة صباحا حتي الواحدة و نصف ظهرا

خمس ساعات ونصف انتظار و الجميل ان كل اللي بيحصل العسكري في القسم ياخد منك الورق يدبسة و قول تعالي يوم كذا اوك المهم ان اليوم خلص بكل اللي كان فية و لو حبيت اكتبة ممكن رحلة التجنيد تتعمل في كتاب

احلي شيء حصل ان ساعة ما العسكري قال “كدة خلاص شطبنا انهردة” انا اتاكدت ان امامي علي اقصى تقدير نصف ساعة و اسلم الورق و حصل

وبكدة ابتدا المشور و يارب ينتهي علي خير ادعولي 🙂

المتش شغال

نوفمبر 18, 2009

اة المتش شغال و انا مش بتفرج عليا

و اة انا والله العظيم مصري 😀 وكمان نفسي ان مصر تكسب

و لو مصر كسبت هفرح و لو خسرت مش هزعل

و دي النقطة: انا مش لازم حياتي تقف يوم ما المنتخب يلعب ولا لازم يجيلي اكتئاب لو خسر , لو ان شاء الله كسبنا هفرح بس لو خسرنا اذا hard luck

من نظري في مجموعة كبيرة كل معرفتها بالرياضة ان هيا تتفرج علي الكورة امال فين التنمية الزاتية و ان انا العب رياضة و محدش يقول مفيش وقت مهو الوقت موجود اهو عشان المتش ما تستغلة صح و تلعب انت بدل ما يتلعب ب اعصابك لمدة ساعة و نص

و  فين قدرة اناس و رغبتها علي الحلم الناس سلمت دماغها اللي صدت و انا اسف في اللفظ بس اة دة نوع من انواع الاعطال او الصداء اللي بيصيب الانسان ان قدرتة علي الحلم تروح و يكون طموحة و حلمة هوا حلم حد تاني

في حاجة الكورة مش من اهتماماتي اصلا بس كنت فرحان جدا لما فزنا المتش اللي فات بتاع الجزاير هنا في مصر لية ؟

عشان اصحابي كلهم فرحنين و جو عام من الانبساط طاقتة الايجابية عالية جدا كان جو ممتاز لان انا كنت عايز اغير الجو بتاعي

اة و مشيت في الشارع و اعد الف و اغني لحد لما كان صوتي رايخ تاني يوم في السكشن و مكنتش عارف اتكلم 😀 بس مش مشكلة انا اللي كنت عايز كدة

انما دة مش طبيعي انة يكون الوضع العام و العادي اعتقد ان دة نتيجة للكبت اللي عند الناس و كل واحد مسدئ وجد فرصة يزعق بصوت عالي و يعمل اللي هوا عيزة

انا مش بحاول احكم علي حد ولا ليا اصلا ان انا احكم علي اي حد

وكل واحد في الاخر دماغة مريحاه 😀

تحديث: للاسف دالوقتي خسرنا الماتش Hard luck لية جمبي حاليا 2 مكتئبين و حالتهم صعبة !!

المصري اللي علي حق يقول للغلط لا

أكتوبر 9, 2009

قطار المنصورة – اسكندرية 5:10 هوا دة الغلط

01المفروض ان الصورة دي صور الواقع للقطار اللي بيجي في التلفزيون في الاعلان بتاع “المصري اللي علي حق يقول للغلط لا

أقرأ باقي الموضوع »

كن ايجابيا

أغسطس 5, 2009

08052009

دي صورة انا مصورها من علي حيطة في الشارع و عجبتني جدا عشان الورقة اللي في وسط الصورة مكتوب عليها “كن إيجابيا” جديدة جدا الجملة دي في ورقة ملزوقة علي الحائط

بس واضح من شكل الورقة انها اديمة و ناس كتير حولت تشلها , بس بعيد عن اي حاجة انا عجبتني جدا كن ايجابيا في ورقة علي الحائط بعيد عن كل اليفط اللي متعودين عليها سواء الديني منها او الاعلنات اللي حلاص الواحد بقي حافظها لدرجة ان انت اول ما تقرا اول كلمة من الاعلان تعرف الباقي و منغير ما تقرا كمان لا انت تشوف شكلة من بعيد تعرفة علي طول اعلانات و كلام كتير مبقاش بيئثر من كتر ما اتعودنا علية و وجودة زاي عدمة

دي فعلا اعتقد انها اليفطة اللي محتجين منها كتير و محتجين الناس مش بس تقراها لا تنفزها محتجين نكون ايجابين كتر

اهم اهم اهم المصرين اهم

يونيو 19, 2009

اهم اهم اهم المصرين اهم

😀

اعتقد ان دي اول مرة تشوفو بوست عندي في البلوج بيتكلم عن الكورة

بس انهردة مصر غلبت ايطاليا يا عالم هاااااااااااااااااا

مش عارف ها لية وانا اصلا مش من مشجعي الكورة ولا من اهتماماتي اصلا بس

اهم اهم اهم المصرين اهم

اهم اهم اهم المصرين اهم

والله انا حسيت بالاعلان دة انهردة

وانهردة يوم عجيب اصلا لا عجيب جدا جدا و مش هنساة في حياتي قابلت شخصية مكنتش اتخيل اني اشفها اصلا

و دة موضوع عايز بوست تاني لوحدة ان شاء الله اكتب عنة

وفي الختام متنسوش كلو يشجع و يقول

اهم اهم اهم المصرين اهم

😀

خطاب باراك اوباما للعالم الاسلامي

يونيو 4, 2009

يوميات راكب قطار

مايو 18, 2009

البوست دي عن مغامرات و ايام الواحد شفها في القطر و هو بيسافر ومتقلقوش هي مش مغامرات سعيدة خالص

طب اية اللي خلاني اكتب عشان كلمة واحد صحبي وهو مسافر معايا و اتكلمنا عن الحجات اللي الواحد بيقبلها في الطار والكلام تطرق للكلام عن البلد و اللي بنشوفو و كدة وقال “انت عارف ان احسن حاجة عندنا ان عمر ما حد كان يعرف يعمل حاجة وحشة ادام الناس , عكس الدول التنية اللي ممكن تحصل اي حاجة في الشارع و محدش يتدخل” دي فعلا ميزة عندنا في شعب مصر لكن هل الموضوع دة قرب يختفي هقول الموقف و انتو احكمو

واحنا مسفرين انهردة ركبنا قطار ممل جدا بتاع 12:30 من المنصورة قطر رايح في داهية بس كنت عايز اروح البيت بدري بـ اي شكل انهردة المهم طبعا تعبنين من الامتحان شفوي و عملي عقبال عندكو و من السهر و كدة فـ نمنا احنا الاتنين , صحينا في مكان ما معرفش فين والله بس لسة موصلناش طنطا صحينا علي صوت ست كبيرة بتتكلم و تزعق و بتحكي ان في شب ضرب بنت كانت ركبة في القطار و تقريبا ميعرفهاش اصلا و هو كان “مبرشم” و محدش عمل حاجة !! والقطر دة كان راكب فية كمية طلبة شباب كبيرة هو اغلبو طلبة اصلا ومحدش عمل حاجة معاة !!!! هو القطر دة كان سيدات فقط ولا اية , كل الشباب دول ومعملوش حاجة دي بس لو زعئت هتلاقي ميت راجل ولا هم راحو فين تقريبا من بعد ما لبسو تي شرتات الـ playboy خلاص علية العوض , دة مش في وعيه اللي عمل كدة يعني شب واحد ولا اتنين بالكتير من اللي كانو موجدين ممكن يتكفلو بية لا تقربيا سبوة ينزل و محصلش حاجة ….

احكلكم موقف كمان

برضو انهردة و انا احنا مسفرين نزلنا طنطا و ركبنا قطر تاني بتاع 2:15 و بعد دمنهور بشوية في شوية شباب مرة وحدة لقيتهم بيزعئو و خناقة و بيضربو بعض انا شايف الموضوع من الاول طب كل دة عشان اية عشان هم شلتين شباب تيـــــــــت و معام بنتين تيـــــت بيهزرو و يـ تيـــــــت مع شلة منهم و الباقي لا , ازاي دة يحصل !! قام كل شب تيــــــــت من دول يتخانق مع التنين و الكومدي في الموضوع ان منهم كام واحد كان لابس تيشرتات الـ playboy وكل واحد فيهم عايز يعمل راجل طب كان واحد منكم يهز طوله في الاقطر الاولاني و يدافع عن البنت الغلبانة اللي الواحد ميعرفش حصلها اية دي , لاوالارخم ان هم قامو شدين فرامل الطوارق -دي ليها حكاية لوحدها- اللي في القطر و وقفوة عشان ينزلو يتخانقو تحت و اول ما نزلتلهم شرطة القطار كل واحد تيـــــــت من دول جرا زاي الـ  تيــــــت و قعد ولاتسمعلهم صوت

طب احكمو انتو دة يوم عادي جدا من السفر في القطار و ياما بنشوف

ايام وبنعشها

فبراير 7, 2009

ايام و بنعشها

  • وحشني البلوج
  • وحشني البيت
  • وحشني السرير
  • وحشني كبل اللان بتاعي
  • وحشتني اسكندرية
  • وحشني الاعدة علي البحر بالليل
  • وحشوني اهلي و اصحابي هناك

ايام و بنعشها

  • فرحان اني بكتب في البلوج
  • مبسوط بالاعدة هنا
  • مبسوط من التغير
  • برضو في كبل لان هنا
  • مبسوط بالكورس
  • تجديد الاعدة علي النيل (لو اعتبرناة نيل) جميلة برضو
  • تواصل اكتر مع اهلي اللي خارج اسكندرية و اصحابي اللي هنا

أقرأ باقي الموضوع »

عودة بعد غياب عن الانترنت

نوفمبر 5, 2008

disconnected

بعد غياب من يوم 17 اكتوبر مكتبتش حاجة لاكن كنت بـ انتظام اتابع البلوج حتي لو مش هكتب اصبح اساسي اني ادخل علي البلوج و اتابع الردود اللي بتتكتب و كدة , ولاكن نتيجة للرجوع للجامعة و السفر للمنصورة و المدينة الجامعية اصبح من الصعب الدخول بـ استمرار علي النت نتيجة للشبة الـ (تيـــــــت) من الويرلس في الجامعة و كمان مش كفاية ان الشبكة بتهيس و ممكن النت يفصل و يرجع كل 5 دقايق بدون مبالغة , لا كمان الكونكشن يكون مقطوع لمدة 3 ايام .

دي فترة انقطاع النت اللي ؤلت اني هكتب عنها في البوست اللي فات ايوة هم 3 ايام مش فترة طويلة لاكن اصبح من المستحيل ان الواحد يبعد عن النت اكتر من يوم او 2 بالكتير و في التلت ايام دول ممكن تحس ان انت معزول عن العالم كلو و متعرفش اخبار اي حاجة , ولا الاخبار بتاعت الحداث اللي بتحصل في البلد ولا حتي لـ اصحابك و كمان انا اخويا مسافر الخارج و بتواصل معاة اغلب الوقت من علي النت اذا انت معزل تماما بدون نت ولا حتي عن اخبار الكلية لان الكلية ليها منتدي و هو يعتبر المصدر الاساسي للاخبار , و في خلال الفترة دي تلاقي حجات كتير حصلت و انت متعرفش .

رغم ان انا بنفسي ابل كدة بعدت عن النت و عن الكمبيوتر حوالي اسبوع بـ اختياري عشان اجرب هل انا تحولت لمدمن انترنت ولا لا و دن كان بعد معرفت ان في امراكز علاج في اليبان من ادمان الانترنت !! , لاكن اكتشفت ان الموضوع عادي و ان الواحد فعلا سعات بيحتاج الفترة دي من البعد عن الكمبيوتر و اعادة ترتيب الافكار .

المشكلة ان الفترة بتاعت الـ 3 ايام دي كانت ايام صعبة لان فيها حجات كتير محتاجة تواصل و ان انا اكون اونلاين كل يوم بس الحمد لله الكونكشن رجع و اهو النت شغال و بيفصل زي العادة بتعتو و تمام .

انا كمان اللي بيخليني استغرب ان انا كنت قرات خبر عن ان اليبان اصبح فيها خط نت سرعتو 1 جيجا !! كان جالي الخبر دة علي الريدر و مش فاكر المصدر بصراحة بس هي حاجة تجنن لما هم يكون عندهم دة العادي و عندنا العادي خط الدايل اب اللي سرعتو بالكيلو 😦 يلا كلها بتاع 80 او 90 سنة عبال ما اللي في مصر يعرفو حاجة زي دي و يبدئو يفكرو يطبقوها في خلال 60 سنة تانية :)) و يسيبو الوصلة بتاعت السيبر

يلا كفاية كدة و ان شاء الله ارجع اكمل المواضيع اللي ناوي اكتبها بس ادعولي ان النت يفضل شغال و ميفصلش

سلام 🙂

21-9 يوم السلام العالمي

سبتمبر 21, 2008

لو كنتو خدتو بالكو من البوست اللي دة كنت اشرت فية ليوم 21-9 دة يوم مميز جدا في اكتر من حاجة

و الي ناوي اتكلم عنو انهردة هو ان 21-9 دة تاريخ يوم السلام العالمي

هذه دعوة للمشاركة الإيجابية في الفعاليات التي تقام حول العالم بمناسبة اليوم العالمي للسلام !
لنشارك نحن المدونون بطريقتنا وأسلوبنا .. و من خلال مدوناتنا و نوافذنا ..
لأن أوطاننا هي أكثر الأوطان حاجة لهذا السلام ..
لنكون إيجابيين .. و لنُعلِم العالم اهتمامنا بالسلام !

لنناقش معاً:

أقرأ باقي الموضوع »