مميزات ان انت تبقي سنجل في الفلانتين

فبراير 14, 2010

مميزات انك تبقى سينجل فى الفالنتين  زاي ما وصلتني هنقلهلكم

1-توفير للفلوس بكافه انواعها (عزايم – هدايا – رصيد تليفون -…….. الخ ) .
2- مش هاتضطر تلبس احمر وهو اساسا مش لايق عليك
3-تبقى قاعد مأنتخ فى البيت وياعينى المأنتمين برة فى الشمس والحر والتراب او السقعه والشتا ودور البرد
4-بدل الهدية والكلام الفاضى هاتجيب لنفسك جزمه بدل اللى اتخرمت وصباعك خرج منها دى
5- هاتحس بنشوة الاختلاف ان انت بتعمل حاجة غير اللى بيعملها عامة الشعب من لبس احمر وهدايا وخلافه
6-هاتختلف كمان مع الناس فى نوع الاغانى اللى بتسمعها يعنى مثلا كل الناس تلاقيها بتسمع اغانى حب ورومانسية وكدة وانت تضرب شريط حسن الاسمر ابو اتنين جنية ونص وتفضل تسمع فيه طول النهار ولو زهقت شغل مصطفى كامل
7- فى اليوم دة هاتتقرب لربنا اكتر لانك هاتفضل تصلى طول النهار وتدعى من قلبك ان اى واحده تعبرك بدل مانت عمال تحقد وتحسد عالناس لحد مابقيت شبه اللمونه
8- كمان لما تبقى سينجل ربنا هايكفيك شر الخناقات فى الشوارع لو حد عاكس المزة اللى معاك وخلافه وطبعا كلنا عارفين ان انت مع اول قلم هاتسيبهالهم وتجرى
9- لو اتجننت وحبيت تخرج فى اليوم ده هاتنزل مع اصحابك السناجل برضو وتفضلوا تكروزوا بالعربيه طول النهار بدل ماتترمى تقعد فى كازينو او كافيه انت والمزة وتبقى فرجه لكل البنى ادمين
واخيرا كون انك سينجل هايعفيك بقى من انك تسمع الكلام اللى ولا يودى ولا يجيب اللى دايما بيتقال فى اليوم دة

  • -امتى بقى يا حبيبى هاتيجى تقابل بابا
  • -نفسى يا حبيبى الفالنتين الجاى نكون سوا فى بيتنا
  • -انا ماما امبارح قالتلى هاتفضلى كدة لحد امتى
  • – انا بنت اخو عم خال مرات اخو جارنا اتخطبت امبارح مش ناوي بقى تخطبنى زيها

ومتنسوش Happy valentine day 🙂

Advertisements

23 تعليق to “مميزات ان انت تبقي سنجل في الفلانتين”

  1. elahlawy Says:

    اممممممممم كنت متوقع انك هتعملها
    😆
    مش عارف ليه ؟
    يمكن علشان اعرفك بقالي 4 سنين
    ؟؟
    عموما يا صاحبي افتكر الكلام اللي قولتهولك قبل كدا
    😉
    Happy valentine Day
    😀

    • Hunikal Says:

      Happy valentine يا سيدي و بعدين انت اية اللي دخلك في البوست دي انت مالك و مال كلام السنجلز دالوقتي 😉 😛

  2. عابد Says:

    لو انت اللى مألف الكلام يبقى انت وصلت وعلى فكره فى مميزات تانيه
    انك تقعد زى حلاتى كده تلعب لعب هاكينج بس من اللى بجد مش لعب عيال
    وانك تفضل صاحى لحد دلوقتى تكتب والاوضه ضالمه لان لو كنت مرتبط كان زمانك صاحى عمال ترغى فى التايفون ومش هتقعد تلعن فى نجيب ساويرس ولا فودافون عشان الشبكه قطعت وانت بتتكلم ده الى جانب انك هترحم نفسك من اسأله اخواتك الصغيرين الكارتونه اللى جوه دى فيها ايه ولما ترجع الكارتونه راحت فين وايه الكيس ده؟؟
    وهتنام فى السرير لوحدك لانك طبعا هتجيب دبدوب غبى يقعد معاك فى السرير لحد ما يروح لصاحبته ولو انت مش معرف حد مش هتتكبد عناء انك تخفى الهديه اللى جايلك ولا ان حد يقفشك بيها مثلا والى جانب انك هتحمى نفسك من اعراض ما بعد الفلانتين
    الا وهى عماد جاب لسعاد خاتم دهب فى الفلانتين ما معناه يا تافه ياللى جايب دبدوب وبرضه عدم وجود هديه ولو حصل وارتبطت هنبقى بعد الفلانتين يعنى هتقل هديه وده يقلل الزحمه اللى هتشيلها عشان ترميها فى وشها لما تفركشوا ممكن كمان نقول انك هتكون الوحيد اللى قاعد ساكت تانى يوم الفلانتين وبناء عليه هتبقى اعقل واحد فى اللى قاعدين لان كل واحد بيحكى هو عمل ايه اليوم اللى قبلها وكمان هتنام براحتك ما فيش مواعيد بقى تنزل تصيع مع امثالك ما هو مفيش ورانا حاجه بقى وانك توصل لمرحله التهييس اللى انا فيها لدرجه انك ترد على موضوع بموضوع اطول تقريبا
    سلام يا كبييييير وموضوع معدى


  3. Happy Valentine to all singles 😀

    el singles bs el nas el matrbyeeen elly mabydsosh 3ala 7ad 😀

    احنا كدا فى السليم … بزمتك متخيل نفسك جايب دبدوب احمر وماشى بيه فى الشارع ؟؟؟

  4. AlexMidooo Says:

    ههههههههههههههه جاااااااامده يا ماااااااااان
    فلاتين قاااااااال .. على راى عزت ابو عووف
    فلاتنين ايه يا روووح النونه 🙂

    happy Valentine to all singles

  5. waleedamin Says:

    احنا كل ممكن نحتفل بعيد الحب السناجل ومش السناجل
    تصحى الصبح تقل لممتك هابى فالنتين داى وتبوسها عل خدها بوسه وتديلها ورده.
    تخش عل ابوك تقله هابى فالنتين داى هيضرببك بالبوكس علطول
    تخش عل اخوك تقله هابى فالنتين داى وتديله نفس الورده اللى ممتك اخدتها خلاص اللى هى رمتها عل الارض فهيرد عليك انا عايز حقى خام .
    وبكده تكون استمعت بعيد الحب من غير دباديب ولا حاجات حمره ولا حاجات صفره.

  6. SimbaGirl Says:

    Happy Valntine Day For Every One
    والله أنا معنديش رد على كلامك ده !!
    غير أن الحب نعمه من نعم ربنا علينا …
    أجمل احساس فى الدنيا …
    وبرده مره تانيه
    هاااااااااابى فالنتين

    • Hunikal Says:

      قابلوا يا رجالة لسة بنقول مميزات انك تبقي سنجلز و الاقي الحب اجمل احساس في الدنيا – طب حد يشغل “ياني ياني ياني مش هعمل كدة تاني” و يعلي الصوت و يعمل دوشة كمان 😛

      • SimbaGirl Says:

        والله !!!
        هيا بقت كده … :((
        طب الحب نعمه واجمل احساااااااااااااااس
        الحب هوا الحياااااااه
        هوا الامل فى بكره …….
        هوا حلم بين اتنين …
        هوا غريزه زرعها ربنا جوانا …
        هوا امل واحساس …. هوا حياه طيور بتحلم ببكره …
        🙂 سلام يا اسلام
        وهابى فالنتين مره تانيه

  7. bingorabbit Says:

    I was happy to see a topic that is some how is talking about the Anti-Valentine thing, but not about “7alal” aw “7aram” and I should admit, I laughed while reading most of the reasons and some of the comments 🙂

    The whole thing is that whatever you might feel as a single, cannot be as good as being with someone you “truly” love, and a flower in the morning is really amazing than any other gift that you might receive.

    You feel happy while doing stuff you mentioned above, especially that it makes your couple happy too. It’s just another smile you see on that day and for no specific reason, you just like it.

    I should also mentioned something that might feel strange, but I love to give my mother a gift on this day too, so it’s not only about couples, it about whom do you love 🙂

    So, Singles beyshaga3o :D, we7na mosh ma3ahom :D, ah and btw, you don’t have to wear red on that day 😀

    Happy love day guys 🙂

  8. BooDy Says:

    سنجلز اه ..

    احنا هنضحك على بعض يابني انت وهوا؟

    كل ده عشان الحسد ولا ايه؟
    😛 😛

  9. My Fate Says:

    مميزات للكآبة ومميزات أنك تبقي سنجل
    واضح ان الناس بتطلع مميزات فى كل حاجة 😀
    بس موضوع ظريف جداا
    والردود كمان ظريفة 😀
    سلاااام 🙂

  10. Mido Says:

    hhhhhhhhhhhh
    gamda ya eslam


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: