لو فضلنا نحلم نموت !!

فبراير 13, 2010

ايون “لو فضلنا نحلم نموت” و دة اللي انا عايزة يوصل مع كل تقديري للكنج محمد منير لما قال “لو بطلنا نحلم نموت” انا كنت من الناس اللي بتشجع و نتشرالجملة دي جدا و كنت من اشد المعجبين بيها بس دالوقتي اتبلورت في دماغي ان لازم الجملة تكون “لو فضلنا نحلم نموت”

اوضح لية بقي: الجديد دالوقتي عن الوقت اللي فات ان في ناس كتير من اللي اقتنعو بالجملة دي -مش كلهم طبعا- بينفزوها بالحرف يعني حفظين مش فهمين بيحلموا بس !! اة بيحلموا بس و سبحان الله مستنين الاحلام تتحقق لوحدها طب ازاي ؟

الاحلام بالنسبة لبعض الناس اصبحت كـ، المخدرات تغيبة عن الواقع و تقربة من اللي هوا عايزه بس لما يفوق لارض الواقع و يجد ان التحقيق صعب و محتاج مجهود يرجع تاني لاحلامة و مجرد احلام و هتفضل كدة  الناس دي فضلت تحلم لدرجة ان هيا بقت بتحلم و هيا صحيا و عاشت حلمها لدرجة لم تعد تميز بين الواقع و الحلم, عيزين امثلة

1- الشاب الجميل اللي نفسة يبقي غني و عندة عربية و يلف بيها في الشارع و يفضل عايش كدة بقي فعلا عايش كدة بس كدة دي عالي علي بابا و ماما و طول اليوم في الشارع مش بيلف بالعربية لا ساند علي عربية شبة اللي هوا نفسة فيها و غرق في الحلم و سدق ان العربية دي بتعتة باين !!

2- الراجل اللي نفسة يشوف البلد دي احسن بلد و بيحلم بكدة طول الوقت بس عاش في الحلم و برضو مش بيعمل اي حاجة تساعد البلد او علي الاقل يساعد نفسة و بالتالي البلد هتتحسن لا فكر ازاي يحسن دخلة ولا ازاي يعلم ابنة الحفاظ علي نظافة الشارع و مستني البلد تتحسن لوحدها !!

ما علينا ان هدف و حلم الشاب الاول كان غلط بس رغم كدة مش بيحاول يسعي لتحقيقة طب الراجل اللي هدفة او حلمة كبير و سامي بيعمل اية عشان تحقيق الحلم دة ولا حاجة

عشان كدة لو فضلنا نحلم نموت لازم نعدي المرحلة بتاعت الحلم و نوصل للفعل

ياريت كل واحد يراجع نفسة و حلمه و يشوف هل هوا غرقان في الحلم و مش بيحاول يصحى ولو كدة يحاول يفوق و يبدا تحقيق حلمة قبل ما يقتلة , لو فعلا بيسعي لتحقيق حلمة يحمد ربنا و يستمر و يحاول ياخد بيد اي حد حوالية غرقان في الاحلام

Advertisements

5 تعليقات to “لو فضلنا نحلم نموت !!”

  1. Cis.Angel Says:

    الفكره دى بالضبط فى دماغى بقالها اسبوع 😀
    بس فيه حاجه فيه ناس كتير نفسهم يطبقوا حلمهم وبيحاولوا بس فيه حاجات كتير بتمنعهم ورغم كده برضه بيحاولوا يكملوا طريقهم بس برضه بيجى العقبه اللى بعدها تقف ف طريقهم وف النهايه 90% منهم بيستسلموا وعمتا الناس كل ما تكبر ومخها يكبر بتعرف ان الجمل التحمسيه بتاعه الاشعار والكلام ده مالوش لازمه وكميه الاكتئاب والاستسلام بتزيد

  2. Muhammad Al-Emam Says:

    هممم … فى جملة اتقالت فى فيلم “فتح عينيك”.

    “هما بيحلموا عشان يحققوا احلامهم و احنا بنحلم عشان نهرب من الواقع”.

    وطبعا كان يقصد ب “هما” الغرب و امريكا.

  3. SimbaGirl Says:

    هههههههههههه
    والله فكره البوست جاامده جدااا !!!
    يعنى عندك أنا مثلا مشكلتى فى حياتى ان احلامى كبيره أوووى وطموحى كبير أووووى أوووى يمكن المشكله فى احلامى دى انى بفكر احققها ازاى ؟؟ قبل ما بفكر فى النهارده !!
    يعنى بشوف بكره قبل النهارده !!
    زمان المدرب بتاع الكاراتيه بتاعى قال عليا انى مندفعه واندفاعى ده فى كل حاه حتى فى احلامى ….
    بس الحمد لله انا حاسه انى بدأت اظبط حياتى كتير ..
    بحلم وبرتب حياتى وبشوف خطواتى الجايه هتكون ازاى ؟؟
    يمكن لسه بكره شاغلنى اكتر من النهارده … بس ده عادى كل اللى عندهم طموح بتكون دى حاالتهم

    أما بالنسبه لموضوع الهروب من الواقع
    ففى حل ممكن بدل ما نهرب من الواقع نحاول نعدل الواقع نحلم ونسعى علشان نخلى الواقع جميل
    بس لو بطلنا نحلم هنموت …
    لان الحلم بدايه الواقع ………
    لازم كلنا نفهم ده مش هنقضيها احلام على طوول
    ولا هنقضيها واقع على طوول ……
    احلم واسعى علشان حلمك … احلم احلام كبيره علشان توصل ليها
    احلم النهارده علشان تبنى بكره …..

    فكره البوست جاامده
    سلام يا اسلام

  4. My Fate Says:

    نفس اللى حاولت أقوله لما اتكلمت عن تفائل ابتسم طب وبعدين
    لازم الواحد عشان يحقق أى حلم يشوف ايه الخطوات اللى توصل ويقوم ينفذها عشان يوصل لحلمه
    وصل أو ما وصلش بقي مش مهم
    هو عمل اللى عليه
    المفروض نخلي الجملة
    لو بطلنا نحلم ونحاول ننفذ حلمنا نموت
    😀
    حلو كده؟:)
    بوست جميل 🙂

  5. sad_princss Says:

    الكلام جميل بس العنوان مش عاجبنى
    لاننا لو بطلنا نحلم يبقى نموت بجد
    اولا : لو هنتكلم عن الحلم اللى هو حاجه نفسنا نحقهها فأحنا اللى فرضناها على واقعنا وعقلنا (” زى اهدفنا وتصورتنا للحياه فى المستقبل إلخ “)
    اها احنا منغرقش فى احلامنا دى وفى نفس الوقت منغرقش فى الواقع لانه مرير وعمره ما هيدفعنا لحاجه (” غير لو شخصية معينه ممكن الظروف دى تدفعها لقدام”)
    ثانيا : الحلم اللى قصده مى برنس منير
    او اللى قال الجمله اساسا هو الحلم اللى يخرجك من الواقع اللى انت فيه وقتها العقل الباطن بتاعك بيخرج كل رغباته المكبوته قبل لما تتخنق بيها ودا كان المقصود بيه الاحلام الاحلام (” واحنا نايمين يعنى”) دا المصريين القدماء كانوا بيعتقدوا أن الأحلام إيحاء مقدس وكانوا يسمونها الرسل الغامضة إلى النائم للإنذار بالعقاب أو المواساة والتعزية والتبصير، وكانوا مفسرين بعض الاحلام بتاعتهم فى بعض البرديات منها بردية شستر بيتي قبل الميلاد ودى كانت تعتبر أول محاولة من نوعها في التاريخ

    فى ناس هتقول طيب ما احلمنا التانيه دى ممكن نحلم بيها اقولهم ياريت لو صلنا للدرجه دى وقتها هنقدر نطلع الارداه اللى جوانا اللى تدفعنا لتحقيق الحلم دا لانك شوفت نفسك وانت فى المكانه او وحياتك كدا دى هتبقى عامل ازاى وقتها هتقدر تطلع كل اللى جواك علشان توصل لدا

    علشان كدا قمه العظمه (“مجرد وصف العظمه لله وحده”) والنجاح اننا نقدر نجمع بين الخيايل والواقع
    لو قدرنا نعمل دا وقتها هنقدر نحقق كل اللى بنحلم بيه ونكون بجد the first

    الكلام فى الموضوع دا كتير وانا جعانه تصبحوا على خير

    وتسلم الايادى على التوبك يابشمهندس


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: