the best thing about life .. that u don’t know what is going to happen..

يناير 7, 2010

the best thing about life .. that u don’t know what is going to happen..

هقتبس الكلام دة من الرد في البوست اللي فات لان فعلا عجبتني الجملة دي جدا جدا و حستها اليومين اللي فاتو احكلكو حكاية مش طويلة اوي بس هيا حكايتي في الاسبوعين اللي فاتو ب اختصار شديد

الاسبوع اللي فات كان كل اللي نفسي فية ان مواعيد الامتحنات تتظبط عشان اعرف احضر الفرح يوم 4-1 الاتنين اللي فات الفرح اللي كتبت عنة لان كنت عايز اغير جو بشكل فظيع و كان نفسي افرح فعلا

المهم المواعيد اتظبتط و لقيت نفسي حعرف احضر الفرح الحمد لله و تيجي المفاجئات متتالية وفاة خالتي يوم الحد 3-1 ثم وفاة جوز عمتي يوم الاتين 4-1 الله يرحمهم و دول اللي خلوني اكتشف ان كل اللي كنت حاسس بية الفترة اللي فاتت ملوش اي لزمة و كنت بفكر ب اسلوب غلط او مش غلط هوا كان تفكير من منظور معين يومين ورا بعد اشارك في دفن و اروح المقابر و الواحد يشوف الموت بالشكل دة احساس عجيب

اليوم التالت امبارح التلات 5-1 عملت حدثة و انا راكب المشروع و انا رايح اجيب ماما , الحمد لله انا سليم محصلش حاجة بس بجد موضوع غريب يومين ورا بعض حالات وفاة و تالت يوم اعمل حدثة !!

في الحياة الواحد عمرة ما هيعرف اية اللي ممكن يحصل , عمري ما كنت اتخيل ان دة يكون سنريو لتلت ايام امر بيهم

و من اللي حصل دة كله الواحد يطلع ب حجات جديدة خالص

انا بكتب الكلام دة عشان افكر نفسي بية لان انا ديما برجع تدوينات الاديمة اللي بكتبها و لعل حد يكون بيقرا يستفيد

سلام 🙂

Advertisements

13 تعليق to “the best thing about life .. that u don’t know what is going to happen..”

  1. la principessa Says:

    الحمد لله انها جت سليمة
    وباذن الله دا يكون اختبار من ربنا وان شاء الله ربنا يصبرك وموّفق فية باذن الله

    ربنا معاك يارب

  2. My Fate Says:

    الحمدلله على سلامتك
    وفعلا الحاجات اللى زي دي بتخلي الواحد يفكر فى الدنيا بطريقة مختلفة شويتين
    المهم أن الواحد طول ما هو عايش يستفيد بالخبرات اللى بيمر بيها
    بس بصراحة عن نفسي ساعات كتيرة بأبقي عاوزة أعرف هيحصل ايه بكرة ومابحبش أستني لما حاجة تحصل عشان أظبط أموري بأبقي عاوزة كل حاجة واضحة وصريحة
    عشان تعرف أنت هتعمل ايه وهتعمله ازاى
    بأحب قوي أرتب أموري كلها بس مش دائما بينفع
    الحياة كلها مفاجات وحاجات كتيرة غير متوقعة بتحصل للإنسان في حياته
    ربنا معانا كلنا
    والحمد لله أن الأيام دي عدت
    سلام 🙂

  3. BooDy Says:

    الحمد لله انك سليم!!

  4. Cis.Angel Says:

    الحمد لله ع كل حال
    وكل ده اكيد خير ان شاء الله
    ربنا معاك وان شاء الله الجاى احسن

  5. jfalconcs Says:

    قول الحمد لله ،، ربنا بيحبك بكل الابتلاءات دي 🙂
    والحمد لله انك سليم ،، ربنا يوفقك 🙂

  6. taitos7 Says:

    الحمد لله

  7. Amany Says:

    حمدالله على سلامتك يابشمهندس
    والحمدلله ان الايام دى عدت على خير

    باذن الله اللى جاى يكون أحسن 🙂

  8. emanD Says:

    🙂
    الحمد لله ان حضرتك طالع من كل الاحداث دي بشعور ايجابي…
    حمد الله على سلامتك يابشمهندس…

  9. elahlawy Says:

    ايه ده .. ايه ده ؟؟
    كل دا وانا معرفش !!
    الحمد لله انها جات سليمة يا معلمي .. وقول
    “الحمد لله على كل شئ” .. الحمد لله الذي ﻻ يحمد على مكروه سواه
    وكويس انك طلعت بأحاسيس ايجابية .. ومعملتش زي واحد كره 2009
    فاكر 😀
    هو ابنك الكبير رجع من الصيانة ؟؟

  10. SimbaGirl Says:

    الحمد لله انها جت سليمه


  11. الحمد لله يا صديقى … والبقاء لله
    وانا قلتلك انت ملكش غير المنصورة خليك هنا يا عم وسط عزوتك

  12. Nedaa Says:

    ألف سلامه.والحمد لله أنك بخير..وأكيد ربنا كان عايز يعلمك حكمه بس بطريقه صعبه شوية بس خرجت منها أكيد أحسن من الأول.حمدلله ع السلامه

  13. Rana Says:

    حمد الله على سلامه حضرتك 🙂


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: