Archive for يناير, 2010

I don`t give a dam

يناير 31, 2010

when some one reach the “I don`t give a dam” level expect any thing, Peace no harm

Advertisements

مبسوطه يا مصر ؟

يناير 30, 2010

ايام امتحنات و فضين !! خلص تاني كتاب علي التوالي

الكتاب دة الاهلاوي هوا اللي جايبة كتاب “مبسوطه يا مصر ؟ من الواقع الساخر” للكاتب/ اشرف توفيق

التقيم العام للكتاب جيد جدا بالنسبة لنوع المحتوي

بالنسبة للمقارنة مع الكتاب اللي فات “كابتن مصر” اللي كتبت عنه كتاب “كابتن مصر” احسن -رائي شخصي-

image from el-ahlawy blog

كابتن مصر

يناير 29, 2010

كابتن مصر” دة اسم كتاب للكاتب و الشاعر:/عمر طاهر

كتاب جميل اشتريتة انهردة -مبروك لمصر بالمناسبة- وخلصتة انهردة برضه

بصراحة انا تقريبا مستخسر انام عشان اليوم دة ميخلصش فسهرت اخلص الكتاب

احنا في وسط الامتحنات و الامتحنات يوم و يوم يعني تجي في يوم تقول انا كان عندي امتحان امبارح و عندي امتحان بكرة !! احساس شبة واحد بيتلطشله بالاقلام و ورة بعض و بسرعة مش بيلحق يفوق من قلم غير و يلاقي التاني …أي 😦

اخدنا اليوم انهردة شبة اجازة خرجت و لعبت بنج بونج -رغم ان انا مكنتش بحبة بس بقيت بلعب- و مصر كسبت و عملت حجات كتير غير المزاكرة 😀

بس الكتاب تحفه

يا الصوت يكون عالي يا الصوت يكون واطي

يناير 25, 2010

اة يا اللي بيتكلموا في اللجنة عندنا يا يعلوا الصوت و نسمع كلنا بالمرة او يوطوا صوتهم عشان نعرف نركز في الحل موضوع بسيط !!

واللي بتراقب علي اللجنة كل اللي ربنا قدرها علية انها تقول “الصوت” بصيغة نهي و البنات برضو بتتكلم… كمان شويا تقول “بطلو كلام يا للي ورا” يا سلام !!دة اللي ربنا قدرها علية

ربنا يسهل في الامتحان اللي جاي X-(

كل سنة وانتو طيبين

2010 first term exams

يناير 25, 2010

دي الورقة اللي بتتعلق علي باب الغرفة زاي كل ترم

بالمناسبة انا نسيت اقول ان 513 بقي ليها

A Day Off

يناير 18, 2010

Relax دة الاحساس دالوقتي بعد فترة ما يعلم بيها الا ربنا كويس ان انا مكتبش اي بوست الفترة اللي فاتت دي

the best thing about life .. that u don’t know what is going to happen..

يناير 7, 2010

the best thing about life .. that u don’t know what is going to happen..

هقتبس الكلام دة من الرد في البوست اللي فات لان فعلا عجبتني الجملة دي جدا جدا و حستها اليومين اللي فاتو احكلكو حكاية مش طويلة اوي بس هيا حكايتي في الاسبوعين اللي فاتو ب اختصار شديد

الاسبوع اللي فات كان كل اللي نفسي فية ان مواعيد الامتحنات تتظبط عشان اعرف احضر الفرح يوم 4-1 الاتنين اللي فات الفرح اللي كتبت عنة لان كنت عايز اغير جو بشكل فظيع و كان نفسي افرح فعلا

المهم المواعيد اتظبتط و لقيت نفسي حعرف احضر الفرح الحمد لله و تيجي المفاجئات متتالية وفاة خالتي يوم الحد 3-1 ثم وفاة جوز عمتي يوم الاتين 4-1 الله يرحمهم و دول اللي خلوني اكتشف ان كل اللي كنت حاسس بية الفترة اللي فاتت ملوش اي لزمة و كنت بفكر ب اسلوب غلط او مش غلط هوا كان تفكير من منظور معين يومين ورا بعد اشارك في دفن و اروح المقابر و الواحد يشوف الموت بالشكل دة احساس عجيب

اليوم التالت امبارح التلات 5-1 عملت حدثة و انا راكب المشروع و انا رايح اجيب ماما , الحمد لله انا سليم محصلش حاجة بس بجد موضوع غريب يومين ورا بعض حالات وفاة و تالت يوم اعمل حدثة !!

في الحياة الواحد عمرة ما هيعرف اية اللي ممكن يحصل , عمري ما كنت اتخيل ان دة يكون سنريو لتلت ايام امر بيهم

و من اللي حصل دة كله الواحد يطلع ب حجات جديدة خالص

انا بكتب الكلام دة عشان افكر نفسي بية لان انا ديما برجع تدوينات الاديمة اللي بكتبها و لعل حد يكون بيقرا يستفيد

سلام 🙂

Life is Good

يناير 5, 2010

Yes Life is Good and i isA will always say that “Life is Good” 🙂

في بداية عام جديد 2010 لم اتوقع ان يكون بعد اول بوست تدوينتان عن حالات وفاة لاكن هذا هوا قضاء الله و قدرة

بعيدا عن حالة الحزن التي حلت علي المدونة …………. اردت اليوم ان اقدم تهنئة مليئة بالحب و السعادة للعروسين “محمد” و “هدى” كان امبارح الفرح 1000 مليون مبروك ليهم و ان شاء الله يعيشو في سعادة و عقبالي و عقبال كل اللي عايز 🙂

و دة السبب اللي بيخليني اقول ان Life is Good الحياة مبتقفش عند حالة حزن و اللي خلاني اكتب البوست دي اكتر تعليقات زاي “السنة دي باينة من اولها فقر” !!

طب انتو اية رئيكو ؟

البقاء لله

يناير 4, 2010

السلام عليكم
بصراحة لم اكن متوقع ابدا ان اكتب نفس الموضوع يومين متتاليين
وبصراحة مش عارف اقول اية لاكن كل اللي يتقال في المواقف دي “الحمد لله”

اليوم انتقل الي رحمة الله تعالي احد اقاربي رجل نحسبة خير ولا نزكي علي الله احدا
ادعولة دعوي طيبة لعلها تصيبة برحمة او مغفرة
و ادعو للاهل بالصبر و الثبات
سلام

البقاء لله

يناير 3, 2010

السلام عليكم و رحمة الله وبركاتة

اليوم عندنا حالة وفاه انتقلت الي رحمة الله تعالى خالتي

اتمني من كل اللي يقرا البوست دي يدعلها دعوة بظهر الغيب لعلها تصيبها بالرحمة و المغفرة

و ادعو للاهل بالصبر و الثبات

اللهم اغفر لها و ارحمها و ادخلها فسيح جناتك

اللهم ثبت اهلها و الهمهم الصبر

سلام