Archive for يونيو, 2009

الماضي و الحاضر و المستقبل

يونيو 29, 2009

3663252278_c263b05f13

الماضي : هو تجارب و خبرات يتعلمها الانسان في حياتة , تستطيق ان تنظف الماضي حتي لو كان فية تحديات او سلبات لان الماضي راح و انتهى  اسئل نفسك “ما الذي تعلمتة من الماضي ؟ لو رجعت بالزمان كيف ستتغير تصرفاتي ؟” اكتب المهارات التي تعلمتها فالماضي ما هو الا مهارات و قوة

الحاضر : عشة ايجابيا بكامل معانية عيشه بحب لله سبحانة و تعالى , عيش كل لحظة كانها اخر لحظة في حياتك ,عيش بالصبر ,عيش بالايمان وقدر قيمة الحياه ,لاتعيش علي احاسيس سلبية من الماضي لان الماضي خلاص راح و انتهى , ولا تنظر لمستقبل من الممكن ان لا ياتي وتنس الحاضر وهو عبارة عن الطريق للمستقبل, اجعل مستقبلك رؤية من الامل

المستقبل : اسئل نفسك هذة الاسئلة , “ما هو اسوا شيء يمكن ان يحدث لي ؟ ما هو افضل شيء يمكن ان يحدث لي ؟” واعلم ان لا يوجد شيء اسمة فشل بل هناك نتائج مختلفة ,اذا كنت غير راضي عن النتائج غير الاسلوب و الخطة و ضعهم في الفعل و استمر في التقيم و التعديل حتي تصل لهدفك

مستوحي من كتاب “قوة التفكير” لـ د. ابراهيم الفقي

كشف حساب 2

يونيو 28, 2009

زاي ما قلت ابل كدة استمرار للفضايح و التدبيس العلني دة كشف حساب رقم 2 😀

  • tech
    • PHP
      • ارفع اول بروجكت خلص فاضل نحجز الهوست و الدومين
      • اخلص بروجكت تاني في خلال شهر ابتداء من انهردة 13-6-2009 PAUSE
      • اخلص الشغل اللي ورايا في depiak
    • Java
      • اراجع كورس الجافا اللي اخدتة راجعت جزء كبير منة الحمد لله
      • اخلص بروجكت بية في خلال شهر من انهردة 13-6-2009
  • Health
    • العب رياضة علي الاقل 3 مرات في الاسبوع ينفع تتحسب ان كنت بمشي 3 سعات لمدة 5 ايام
  • اتعلم السواقة

النتيجة

يونيو 24, 2009

الحمد لله طلعت النتيجة و الحمد لله كلة تمام

بس فكرين بوست بتاع الحجات الغريبة اللي بتحصل في الامتحنات اة انا دالوقتي بس عرفت اجابة السؤال بتاعي

لية كان في وحدة زميلتنا معاها برجل و كانت بتستعملو في امتحان الـ fuzzy ؟؟

اة السؤال دة فكرينة الاجابة “عشان انا عبيط” : ))

ايون المادة دي و بعون الله انا كنت ناوي اجيب فيها اقل حاجة جيد جدا او امتياز و دة العادي لية لانها مادة سهلة و مفهومة بالنسبالي جدا الحمد لله و بحب الحجات اللي من النوع دة المفاجئة ان انا جبت فيها مقبول وكمان علي 57% يا حلاوة دي اصلا المادة اللي كنت ناوي ارفع بيها تقديري الترم دة

بشكل عام انا موضوع التقدير مش فارق معايا كتير منكرش ان بهتم بيه بس مش اوي انما انا استحالة اكون استاهل الدرجة دي , غالبا عشان مكنش معايا برجل : ))

انا بهزر بموضوع البرجل دة لاكن بجد انا مش مسدق الدرجة دي لا دي مش بتعتي !! عموما حصل خير و قدر الله وما شاء فعل اكيد احسن بكتير ما الاقي نفسي شايل مادة ولا حاجة

كشف حساب 1

يونيو 22, 2009

دة كشف حساب علي الحجات اللي انا قلت هعملها في الصيف

ودة الاولاني وان شاء الله كل اسبوع هبعت واحد و المفروض ان انا كنت هبعتة يوم السبت بس حصل ظروف و سافرت المنصورة و واخد دور برد تعبني جدا

انا اصلا كتبت الحجات دي علنا في البلوج عشان ادبس نفسي اذا برضو الحساب يبقي علني زيادة في الفضايح نوع من انواع الحوافز عشان ما اكسلش و انجز اكتر

  • tech
    • اخلص موضوع التدريب الصيفي Done
    • PHP
      • ارفع اول بروجكت خلص – بضيف شوية تعديلات بسطة قبل الرفع
      • اخلص بروجكت تاني في خلال شهر ابتداء من انهردة 13-6-2009 خلصت 80% الـ frontend
      • اخلص الشغل اللي ورايا في depiak – مش فاهم حاجة من اللي بتحصل في Depiak دالوئتي
    • Java
      • اراجع كورس الجافا اللي اخدتة
      • اخلص بروجكت بية في خلال شهر من انهردة 13-6-2009
  • Health
    • العب رياضة علي الاقل 3 مرات في الاسبوع – وفيت بوعدي الاسبوع الاولاني
  • اتعلم السواقة

اهم اهم اهم المصرين اهم

يونيو 19, 2009

اهم اهم اهم المصرين اهم

😀

اعتقد ان دي اول مرة تشوفو بوست عندي في البلوج بيتكلم عن الكورة

بس انهردة مصر غلبت ايطاليا يا عالم هاااااااااااااااااا

مش عارف ها لية وانا اصلا مش من مشجعي الكورة ولا من اهتماماتي اصلا بس

اهم اهم اهم المصرين اهم

اهم اهم اهم المصرين اهم

والله انا حسيت بالاعلان دة انهردة

وانهردة يوم عجيب اصلا لا عجيب جدا جدا و مش هنساة في حياتي قابلت شخصية مكنتش اتخيل اني اشفها اصلا

و دة موضوع عايز بوست تاني لوحدة ان شاء الله اكتب عنة

وفي الختام متنسوش كلو يشجع و يقول

اهم اهم اهم المصرين اهم

😀

اجندة الصيف

يونيو 13, 2009

الحمد لله بدائت الاجازة و خلصت الامتحنات

واجازة الصيف دة ليها عندي مكان خاص و ناوي فيها ان شاء الله علي حجات معينة

وعشان الاجازة دي معديش علي الفاضي انا ناوي احدد الحجات اللي المفروض اعملها

  • tech
    • اخلص موضوع التدريب الصيفي
    • PHP
      • ارفع اول بروجكت خلص
      • اخلص بروجكت تاني في خلال شهر ابتداء من انهردة 13-6-2009
      • اخلص الشغل اللي ورايا في depiak
    • Java
      • اراجع كورس الجافا اللي اخدتة
      • اخلص بروجكت بية في خلال شهر من انهردة 13-6-2009
  • Health
    • العب رياضة علي الاقل 3 مرات في الاسبوع
  • اتعلم السواقة

عموما دي الحجات الاساسية و انا كتبت الحجات دي علي البلوج وعلني عشان تبقي تدبيس لنفسي و مكسلش عن حاجة فيهم

و ان شاء الله في اخر كل اسبوع هكتب اية التطورات اللي  حصلت في الحجات دي

خطاب باراك اوباما للعالم الاسلامي

يونيو 4, 2009

حجات غريبة بتحصل في الامتحانات

يونيو 3, 2009

prod_901 سبكم من ان الامتحانات الاتلاتة الاولنين كانو عزاب

والامتحان الرابع كان قرب يجيلي حول من كتر الارقام العشرية اللي كتبتها

كل اللي فات دة عادي و بتحصل في كل الكليات لاكن سؤال صغنن بس….

لية كان في وحدة زميلتنا معاها برجل و كانت بتستعملو في امتحان الـ fuzzy ؟؟

طبعا دي حرية شخصية بيكفلها القانون لكل شخص انة يشيل برجل بس انا نفسي افهم الخدعة اللي في الموضوع !! لان انا للاسف لما شفت المشهد دة اعدت اقلب في ورقتي رايح جاي شمال و يمين مش لاقي حاجة ممكن استعمل فيها البرجل كان هيجيلي اكتئاب جوة اللجنة !!

اعتقد ان الاجابة بسيطة جدا “وانا مالي :D”

بؤلكم اية انا جاي من السفر و تعبان و هدخل اريح شوية سلام