انا جبت كتاب “البنات عايزة ايه”

مايو 28, 2009

فكرين التوبك دة كتبتو يوم 6-يناير-2009

كتبت عن كتاب “البنات عيزة ايه” وكنت معجب جدا بفكرته

و انهردة الحمد لله 28-مايو-2009  جبت الكتاب هاااااااااااا

انا اول ما قريت عن الخبر بتاع ان الكتاب هينزل في مكتبة Books & Beans و هيكون في حفل توقع ان شاء الله يوم 5-يونيو-2009 فرحت جدا لان انا حاولت اجيب الكتاب حتي من القاهرة لما كان في المعرض ومعرفتش و دورت علية في اسكندرية و معرفتش اجيبة برضو : ( وعرفت انة لسة منزلش عندنا في الاسكندرية

وتشاء الظروف ان انا اعرف اجيبة من هنا من المنصورة 😀

رغم ان عندي امتحان يوم الحد اللي جاي و المفروض ان انا اعد ازاكر لكن كدة كدة بيكون في وقت ضايع و اخترت ان اروح اسئل علي الكتاب ولقيتة و جبت نسختي منة , لما نشوف هم عيزين ايه 😀

39

41

بالمناسبة ان شاء الله هيكون حفل التوقيع الثاني في مكتبة Books & Beans
يوم الجمعة 5 يونيو من الساعة 6 الى 9 – فى المنصورة
7-ش جزيره الورد المشايه السفليه امام نادي الجزيره
التفاصيل هنا
http://www.facebook.com/event.php?eid=90412301575&ref=nf

Advertisements

19 تعليق to “انا جبت كتاب “البنات عايزة ايه””

  1. BooDy Says:

    اخييرا لقيته!! 😀

    مبروك يا سيدي

    بس لما تعرف هما عيزين ايه ابقى قولي 🙂

  2. elahlawy Says:

    مبرووووووووووووك يا باشا
    انا كنت معاه على فكرة
    😆
    كلنا هنقرا الكتاب علشان نعرف هما عايزين ايه ؟؟
    كفاية كده احسن شكلي هنضرب
    😆

  3. my fate Says:

    🙂
    أكيد احنا عايزين كل خير يعني 🙂
    “وتشاء الظروف ان انا اعرف اجيبة من هنا من المنصورة”
    اهااا فايدة المنصورة بتطلع ساعات أهي 🙂
    وأغنية انا من البلد ادي تشتغل وكده 🙂
    إن شاء الله هأجيبه انا بأحب المكتبة دي أصلا
    وبأحب شكلها تحسها مريحة 🙂
    شكرا على الخبر
    سلااااام

  4. baby Says:

    نبقى نشوفنا عايزين ايه !! 😀

  5. هوندا Says:

    loooooooooooooooooool
    ايه الاهتمام الفزيع ده
    انا مقرأتوش ولا جبته بس خلى بالك انه مهما كان الى كاتبه فئه من البنات يعنى مش شرط الكلام يعمم فاهمنى
    خصوصاً انهم مش خبراء فمتخدش الكلام مسلمات

    • Hunikal Says:

      اكيد فهمك و عمر ما في كلمة ممكن تتقال تمشي علي الناس كلها دة اكيد
      بس انا مهتم بية لان فكرتو و الاسلوب عجبوني جدا

  6. Alex Midooo Says:

    ابقى قووووولى عايزين ايه يا اسلام علشان خاطرى
    ههههه لحسن الواحد تعب 🙂
    مبروك عليك الكتاب سلااام


  7. عايزين فلوس
    بس

  8. SimbaGirl Says:

    مبرووووك على الكتاب
    اقلك انا بقى هما عايزين ايه ؟
    عايزين الحب والاحترام والتفاهم
    ومش كلهم بيفكروا فى الفلوس
    اه الناحيه الماديه مهمه بس مش هيا كل حاجه
    عايزين حد يحسسهم ان لهم كيان مش مجرد حاجه مكمله ديكور له
    يعنى شكل جمالى المدام وخلاص
    حد يكون بيفهم فى سيكولوجيه المرأه اللى عامله زى موج البحر
    بس
    سلام


    • لكل قاعدة شواز …. لكن معظم البنات لو اتحطت ادام اختيارين فلوس وحب هاتختار الفلوس
      اسالينى انا

      يلا عشان البنات متقلبش عليا انا هاجرى بقا

      • SimbaGirl Says:

        وهنقلب ليه عليك ؟
        اختلاف الرأى لا يفسد للود قضيه
        موضوع الفلوس مهم جداا عند كل البنات فعلا
        لكن على حسب البنت تيجى ال periority بتاع الفلوس
        بس
        لكن انا بتكلم عامه البنات كلها عايزه حب واحترام
        وده اكيد بيكون رقم واحد
        وبرده زى ما انت قلت لكل قاعده شواذ
        سلام

        • Rana Says:

          معلش لان الرد بره الموضوع الاساسي .. بس

          الحب >>> اساس
          الفلوس >>> ضروره
          بمعنى لازم يكون في حب … عشان يبقى في اسره

          و لازم يكون في فلوس … عشان تعيش الاسره دي
          فلوس بس >>> يبقى بيع و شرا
          حب بس >>> حيشحتوا

          ” الاتنين لازم يكونوا مع بعض ”
          و ده طبعا .. رأيي الشخصي 🙂

      • Hunikal Says:

        بترد و تهرب يا …. 😀


        • لا انا جيت اهو مهربتش

          كنت باخد دش بس
          المهم
          ==============
          فلوس بس >>> يبقى بيع و شرا
          حب بس >>> حيشحتوا
          ==============
          رائيك كويس وعلى راسى
          بس ناو لو حطيتى بنت ادام حب وهايجى فلوس لكن هاتستناها شوية مش كتير تقولك لا
          مع انها ممكن تستناهم لمليونيرقادم هايرجع من بولاق معاه فلوس

          البنت الوقتى بقت عايزة فلوس والحب هايجى بعد شوية لكن العكس معدش بيحصل
          يعنى اللى فى المقام الاول للبنت هى الفلوس الفلوس لا غير وبعدها الخير هايجى

          زى كدا
          الزواج الوقتى بقا صلونات وانا ده مش بقتنع بيه لانه بقا سوق معدش جواز
          الام: يا بت ده معاه فلوس وعنده وعنده واهى فى فترة خطوبة واكيد مع النحنحة هاتحبو بعض
          البنت: انتى شايفة كدا؟؟؟!!! .. طيب موافقة

          هاتيلى عيلة فى البلد الحوار ده مبيدورش فيها

          وتحت كدا نقول لكل قاعدة شواز

          سلاام

  9. SimbaGirl Says:

    اللى دخلنا فى الموضوع ده
    اعتقاد من البعض ان كل البنات اهم شىء عندها الفلوس
    فحبينا بس ندافع عن نفسنا
    ونبين وجهه النظر الحقيقيه
    من غير عنف 😀
    يلا سلام
    وتمنياتى بالتوفيق للجميع غداا

  10. my fate Says:

    معلش يعني على الخروج عن البوست بس
    فيه مثل سورى يعني بيقولك ايه
    “يا واخد القرد على ماله يروح المال ويفضل القرد على حاله” مثل معبر جدااا
    أصل الفلوس بتروح وبتيجي لكن استحالة حب بجد يروح
    هاخد حد مابحبوش عشان فلوس وبعدين!!!!
    كده الواحد فقد إحترامه لنفسه قبل أى حاجة تانية
    لأن ببساطة من غير حب مفيش حاجة هتمشى
    وحتى فى القران أهم حاجة أنها تبقي سكن له ويبقي فيه مودة ورحمة
    مفيش سيرة للفلوس فى الموضوع
    بس عارف بقي حضرتك اللى ايه بيخلي الفلوس مهمة عند الاهل أنه يقولك ما هو أنا لو سهلت الامور قوي
    هيقول عليا رامي بنتي وهيبهدلها!!!
    مع أن يعني الإسلام ماقلش يخلوا الراجل يدفع دم قلبه عشان يعرف يجيب ويجيب ويجيب
    هو الموضوع ده مشكلة فى المجتمع ككل قبل ما تبقي مجرد مشكلة فى البنات أنها عاوزة فلوس ومش عاوزة حب وأصلا ده عكس طبيعة البنت
    سورى مرة كمان اني خرجت عن الموضوع -ايموشن مكسوف- بس ماقدرتش أسكت وما اعترضش 🙂
    سلاااام

  11. SimbaGirl Says:

    السلام عليكم
    فى حديث بيقول
    قال رسول الله صلى الله على وسلم
    “تنكح المرأه لثلاث مالها وجمالها ونسبها واظفر بذات الدين”
    صدق رسول الله صلى الله عليه وسلم
    فى الحديث الشريف قال الاسباب اللى تنكح المرأه علشانها وفى موقف حصل قبل كده يوم امتحان شفوى الالكترونيات الترم اللى فات لما دكتور احمد شعبان قال الحديث وقال مفيش مانع يكون فيها كله خير وبكره
    فمابلكم بقى بالرجل اللى ربنا معطيه شرط القوامه بما انفق
    يعنى الفلوس والناحيه الماديه مهمه واتذكرت فى القران
    ولكن برده مع الحب
    وفى واقعه حصلت قبل كده ايام الرسول انا بالظبط مش فاكره تفاصيلها بتقول الراحه والناحيه الماديه مع بعض مهمين
    وصدقونى لو كانت كل ام بتدور على عريس كويس لبنتها اكيد مش بتدور على الفلوس وبس
    وبرده انا بتكلم عن تجربه
    وسلامى للجميع

  12. واحدة وخلاص Says:

    اتخطبت 5سنين واستحملته عشان ممعهوش فلوس وساعدته بالفلوس وسافر فى النهاية وتجوزنا وخلفناوكانت مريضة ومحتاجة للفلوس ومن يومها كلمنا كله عن الفلوس رغم ان كان حلمى من البداية اكون واحدة وخلاص


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: