يوميات راكب قطار

مايو 18, 2009

البوست دي عن مغامرات و ايام الواحد شفها في القطر و هو بيسافر ومتقلقوش هي مش مغامرات سعيدة خالص

طب اية اللي خلاني اكتب عشان كلمة واحد صحبي وهو مسافر معايا و اتكلمنا عن الحجات اللي الواحد بيقبلها في الطار والكلام تطرق للكلام عن البلد و اللي بنشوفو و كدة وقال “انت عارف ان احسن حاجة عندنا ان عمر ما حد كان يعرف يعمل حاجة وحشة ادام الناس , عكس الدول التنية اللي ممكن تحصل اي حاجة في الشارع و محدش يتدخل” دي فعلا ميزة عندنا في شعب مصر لكن هل الموضوع دة قرب يختفي هقول الموقف و انتو احكمو

واحنا مسفرين انهردة ركبنا قطار ممل جدا بتاع 12:30 من المنصورة قطر رايح في داهية بس كنت عايز اروح البيت بدري بـ اي شكل انهردة المهم طبعا تعبنين من الامتحان شفوي و عملي عقبال عندكو و من السهر و كدة فـ نمنا احنا الاتنين , صحينا في مكان ما معرفش فين والله بس لسة موصلناش طنطا صحينا علي صوت ست كبيرة بتتكلم و تزعق و بتحكي ان في شب ضرب بنت كانت ركبة في القطار و تقريبا ميعرفهاش اصلا و هو كان “مبرشم” و محدش عمل حاجة !! والقطر دة كان راكب فية كمية طلبة شباب كبيرة هو اغلبو طلبة اصلا ومحدش عمل حاجة معاة !!!! هو القطر دة كان سيدات فقط ولا اية , كل الشباب دول ومعملوش حاجة دي بس لو زعئت هتلاقي ميت راجل ولا هم راحو فين تقريبا من بعد ما لبسو تي شرتات الـ playboy خلاص علية العوض , دة مش في وعيه اللي عمل كدة يعني شب واحد ولا اتنين بالكتير من اللي كانو موجدين ممكن يتكفلو بية لا تقربيا سبوة ينزل و محصلش حاجة ….

احكلكم موقف كمان

برضو انهردة و انا احنا مسفرين نزلنا طنطا و ركبنا قطر تاني بتاع 2:15 و بعد دمنهور بشوية في شوية شباب مرة وحدة لقيتهم بيزعئو و خناقة و بيضربو بعض انا شايف الموضوع من الاول طب كل دة عشان اية عشان هم شلتين شباب تيـــــــــت و معام بنتين تيـــــت بيهزرو و يـ تيـــــــت مع شلة منهم و الباقي لا , ازاي دة يحصل !! قام كل شب تيــــــــت من دول يتخانق مع التنين و الكومدي في الموضوع ان منهم كام واحد كان لابس تيشرتات الـ playboy وكل واحد فيهم عايز يعمل راجل طب كان واحد منكم يهز طوله في الاقطر الاولاني و يدافع عن البنت الغلبانة اللي الواحد ميعرفش حصلها اية دي , لاوالارخم ان هم قامو شدين فرامل الطوارق -دي ليها حكاية لوحدها- اللي في القطر و وقفوة عشان ينزلو يتخانقو تحت و اول ما نزلتلهم شرطة القطار كل واحد تيـــــــت من دول جرا زاي الـ  تيــــــت و قعد ولاتسمعلهم صوت

طب احكمو انتو دة يوم عادي جدا من السفر في القطار و ياما بنشوف

Advertisements

8 تعليقات to “يوميات راكب قطار”

  1. my fate Says:

    لا حول ولا قوة الا بالله العلي العظيم
    أنا تقريبا اخر مرة شفت حد أتدخل فيها لحد كانت من قرووون مضت تقريبااا
    نفسي أعرف ايه السبب؟؟
    ليه الناس فجأة بطلت تقف مع بعضها ولما تشوف حد بيتظلم تحاول تساعده؟؟؟
    يعني السبب فى ايه؟؟ ايه اللى اتغير؟؟
    لينااا ربنااا وبجد ربنا يكون فى عون البنت دي وميكونش حصلت ليها مشكلة كبيرة 😦
    سلاااااام

  2. elahlawy Says:

    يا راجل .. كل ده حصل النهاردة
    ؟
    ومحدش رفع شماعة يدافع بيها عن البيت دي
    رجالة تييييت صحيح
    😆
    المهم حمدالله على سلامتك يا جميل
    🙂

  3. BooDy Says:

    ياراجل
    يعني اللي انا شفته يوم ماسافرت بالقطر كان طبيعي!!! 😀

    ربنا يعينكوا على البهدلة دي بجد 🙂

    و بعدين الرجالة التيييت طغوا على البلد …

    و الكويسين مستخبيين

  4. SimbaGirl Says:

    يلا اللى يعيش يا ما يشوف
    افتكر وانا فى تالته ثانوى دافعت عن ولد زميلنا كان البنات مسكاه مستضعفاه بقى وشغاليين فى شتيمه وجو زى العسل

    سيبك الرجوله مش باللى مكتوب فى البطاقه
    😀

  5. MeMe Says:

    😀

    والله يافندم زى ما “التـــــيت” اللى انتشروا فى البلد دول موجودين …

    فالحمد لله ..

    الـ “رجالة “.. ..موجوديـــــن وبشدة …
    و دليل على كدا.. بوست حضرتك الناتج من استفزاز المواقف ديت ليك ..
    إذن الأمل مش مفقوووود …
    وربنا بس يهدى التيت دول …. ويهدينا جميعا …
    وربنا يستر.


  6. ربنا معاك يا صحبى فى جو القطارات دى

    الراجل الصدغ فى وقت الشدة
    بيس

  7. Amss Eliel Says:

    عااااااادى بس كان لازم 12 ونص
    يلا حصل خير


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: