السعادة

مايو 7, 2009

laughing-cutie_feb_
“ياللي بتسئل علي السعادة ياللس بتسئل علي الحياة الشعادة مش في منصب او فلوس كتير و جاه , السعادة في ابتسامة طفل لسة الخير جواة ,او احساس واحد بيغرق و بترميلو طوق نجاه ,متعش تفكر في ماضي اوعي تيئس وابقي راضي حتي لوحلمك بعيد هتوصلو دة اكيد هتعيش بسيط هتموت سعيد , اياك تستسلم لو وحيد اوعك تقول انا مش مميز اكيد جواك في شيئ فريد ,عيش الدنيا واوعي هي تعيشك يوم افضل احلم لو وئعت اكيد هتقوم اوعي تيئس لو مهموم , لية هترضا تعيش مظلوم , الكلام دة اكيد مفهوم”

كريم نجيب- السعادة

عرفين احساس السعادة المطلق اللي هو ان الواحد يكون فعلا فعلا سعيد , سعات كتير بندور علي الاحساس دة و مبنكونش عرفين نوصله و نكون مدايقين او اي حاجة تانية

المشكلة ان في الموقف الصعب بندورعلي حاجة كبيرة نعملها تخرجنا من الموقف و ترجعلنا احساس السعادة , و الغلطة هنا ان احنا بندور علي حاجة كبيرة و في نفس الوقت الحجات اللي بتحسسنا بالسعادة حجات صغيرة خالص لدرجة ان انت مش بتحس بيها

يعني لو هتكلم عن نفسي

  • اعد علي البحر في اسكندرية بالليل
  • اعد العب مع اي حد من ولاد اخواتي الصغيرين و اشوف علي وشة ابتسامة
  • تشوف ابتسامة علي وش حد بتحبة….
  • جو معين كدة الساعة 5 تقريبا
  • اعد اتكلم مع اي حد من اصحابي علي البحر او النيل
  • …………

شوية حجات ممكن تكون بسيطة و انا اتكلمت في الموضوع دة ابل كدة اكتر من مرة بس مش هبطل كتابة و هحاول افكر نفسي ديما

و انتو اية ابسط حاجة بتحسسكو بالسعادة , ياريت كل واحد يجاوب مع نفسو لنفسو 🙂

سلام

Advertisements

6 تعليقات to “السعادة”

  1. Mr MetoOo Says:

    mashi
    ya ba5tk be eskndriaaaaaa

    lazim aro7 tany

  2. SimbaGirl Says:

    السلام عليكم
    أبسط حاجه بتحسسنى بالسعاده انى احس انى محبوبه من اللى حوليا أحسها بقلبى وبعقلى
    ممكن أحس بالسعاده فى لحظه هزار مع اخواتى اللذاذ
    ممكن أحس بالسعاده لما أكون مع أصحابى وقت تهييس عالى
    ممكن أحس بالسعاده لما أكتب حاجه وحد يقولى دى جميله أووووى
    ممكن أحس بالسعاده لما الاهلى يكسب 🙂

    قلتها قبل كده ما يستهلش يعيش فى الدنيا دى اللى ميستمتعش بكل لحظه فيها …….. بس للأسف باب النجار مخلع D:

  3. BooDy Says:

    لما أخلص حاجة كنت تعبان فيها بقالي فترة

    لما أكون مع صحابي و نهيس مع بعض … في أي مكان .. بس اهم حاجة التجمع

    لما أقابل حد بحبه و بقالي كتير ماشفتوش

    لما بشوف حد بينصح التاني بطريقة كويسة

    لما ألاقي حد يقوللي على حاجة غلط أنا عملتها بدال ما يزعل و مايقوليش

    لما ألاقي الناس بتقول عليا كلام حلو من ورايا أو في وشي كده 🙂

    النقطة الأخيرة بقى … و دي بجد مش مجاملة ….
    لما أشوف بوست جديد في البلوج بتاعك 🙂

    ربنا يكرمك يا صاحبي 🙂

  4. Rana Says:

    ” السعاده اصلها الرضى ”

    شكرااا 🙂

  5. hoda Says:

    السعاده كلمه جميله جداااااااااااااااااااااااا
    يارب ينعم علينا ربنا بنعمه السعاده دايمااااااااااا

    انا ببقى سعيده لما اقف بالليل قدام القمر واقعد ابص له
    واتذكر حاجات تسعدنى

    لما بكون مع اصحابى

    لما ببقى طول اليوم بعمل فى حاجه فى مشروع او بزاكر واطلع بنتيجه بحس انى فرحانه جداااااا

    يااارب كلنا نبقى سعداء

  6. alaaaaaaaaa Says:

    السعاده انك تكون راضى عن نفسك راضى عن ال بتعمله انك ترسم الابتسامه على كل شفايف اصحابك انك تكون محبوب من كل الناس واهم حاجه اصحابك .السعاده انك لما تغيب تحس ان فى ناس بتسأل عليك ومهتميه بيك زالسعاده احساس فوق مستوى مشاعرنا بيخلينا فوق طايرين انا عن نفسى ببقى سعيده لما اكون فى حضن ماما وتلعبلى فى شعرى لما اقعد اناكف فيها ببقى سعيده جدا هيه عن نفسها لما تلاقينى ساكته بتحاول تتضايقنى عشان اناكف فيها زبردك بكون سعيده لما اشوف ابتسامة اصحابى لما احس ان فى حد بيحبنى بيخاف عليه واهم حاجه انك ترضى نفسك وكل اصحابك ومتعملش حاجه غلط ولا ايه…


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: