نقطة تحول في الشخصية

Yes man || No man

دول اختيارين في الحياة او اسلوبين ممكن الانسان يختار واحد فيهم و يعيش بية ومش هنكر ان انا كنت بستخدم او كنت عايش بـ اسلوب No man اكتر من التاني و كنت غالبا برفض التغير و اغلب الحجات الجديدة مكنتش بهتم بيها و مش ببص للفرص اللي بتكون موجودة

لاكن اكتشفت ان انا كدة غلط و في حجات كتير انا موقف نفسي عنها عشان مجرد المبداء الاساسي عندي كان هو الرفض بس جه الوقت اللي اتحولت فية و انا اللي فرضت التحول دة و قررت و التزمت بـ ان انا اكون Yes man بتوضيح اكتر انسان متفتح مقبل علي التحديات و التغير و موافق علية و بتفح عني علي الفرص و احاول استغلها و اقول “اه” اكتر و ابعد عن الرفض

لحد لما جت مرحلة اكتشفت ان انا بوافق علي حجات كتير فعلا و اكتر من اللازم , هي مش حجات غلط بس حجات صح كتير و كترها ضرر اكتر منة منفعة , ولو حد شاف فلم yes man هيفهم انا اصدي اية بس الحمد لله مكنتش وصلت للمستوي اللي في الفلم دة سواء في yes او no

وبعد الفترة دي وضحت لي الرسالة اللي في اخر الفلم ان الانسان المفروض يكون متزن و ينظر للفرص المفيدة  لان مش كل فرصة مفيدة , و من وقتها و انا قررت ان اكون

Quitter

و الكلمة دي لو حد حب يترجمها ممكن تطلع الترجمة “انهزامي” لاكن لا المقصود غير كدة المقصود : محاولة التخلي عن الفرص او المشارع الي قيمتها معدومة و التركيز اكتر علي الاستفادة .

و دة المقصود او الهدف ان الواحد يكون بين الانسان المنغلق و الرافض لكل فرصة او شيئ جديد , و بين الانسان اللي يقبل كل شيئ جديد و عدم التركيز علي قيمة الفرصة

توضيح زائد : دة جزء توضيحي اكتر لوجهة النظر دي لان في بعض الاحيان و انا بحاول اوضحها لمجموعة من اصدقائي وجدت ان ردودهم بتبعد كل البعد الهدف و الفكرة الرئيسية للموضوع و بيتخليلو ان الشخص بيتحول لشخص “انتهازي” او “استغلالي” و دة بعيد كل البعد عن المقصود و عشان اوضح المقصد هستخدم امثله ومواقف حصلت معايا توضح النقطة دي

عندنا في الجامعة و في الكلية بتيجي شركات كتير و تقد عروض و تخفيضات علي كورس معين بشكل رهيب و شركات تانية مش بتقدم نفس التخفيض , ادام اي حد التخفيض دة فرصة و الـ No man هيرفض العروض كلها و الـ Yes man هيقبل اول عرض يقابلة انما اللي بتكلم علية شخصية الـ Quitter هيركز و يختار الكورس المناسب و الوقت المناسب و مش لازم اصلا العرض الرخيص جدا يكون فرصة كويسة لان بالفعل بعد التفكير العرض التاني احسن بكتير من حيث المكان و المحاضر و المادة العلمية و الحمد لله اللي وفق الواحد للاختيار دة

دة المقصود ان الانسان يكون عاقل و متزن في تعاملة مع الفرص و المواقف اللي حولة, ان شاء الله هكتب تاني في موضوع الـ Quitter دة قريب و هوضح اكتر ازاي الواحد ممكن يحاول يستفيد من الفرص اللي حوالية و اللي هو فيها منغير ما يضر نفسة , اتمني ان تكون وجهة نظري وضحت ,للكلام بقية …

سلام 🙂