ايام العزاب مع الوندوز

ايام العزاب مع الوندوز لن تنتهي !! و دة كلو بسبب الفيروسات 😦 بجد حاجة تجنن

في الاول انا مش من النوع اللي بيتضايق من الفيروسات يعني انا مقتنع تماما ان بما ان نظام التشغيل دة وندوز اذا لازم يتفيرس و احيان كتير مبستعملش انتي فيرس ولا حاجة خالص لحد لما الوندوز يقع

او ممكن اعرف ان في فيرس بس بيعمل حاجة معينة و مش مدايقني ممكن اتعايش معا ة عادي و اسيبو و انا عارف انة موجود

لاكن اللي جنني نوعية الفيروسات اللي كنت بتعامل معاها الفترة اللي فاتت زاي فيروس جايلي مخصوص و اللي عملو مش بيحب الجافا خالص كل مهمتة في الحياة انة يمسح ملفات الجافا من الجهاز و دة جالي متزامن مع كورس الجافا اللي بخدو يعني توقيت عسل عسل

وفيرس بجح جدا اللي بيعمل disable task manager و لما تيجي تفتح الـ Task manager يقولك

“task manager has been disabled by your administrator”

شوفو البجاحة بيقولي ان في ادمنستراتور علي جهازي غيري …. دة فيرس جاي يطبق المثل العربي الفصيح “البيت بيت ابونا و الغرب يطردونا ” وعجبي

وكمان كام فيرس بيعملو شويت حجات غريبة كدة ولا يخلو الجهاز من الـ autorun الرخم دة

وكل دة وانا ساكت لحد لما جبت اخري و بمساعدة الـ AVG حبيبي و برنامج تاني تم تنظيف الجهاز من كل العك اللي فية ده و اعتقد انة بقي نظيف دالوئتي مع انة وندوز وانا مش مطمنلو

وللاسف انا مش بستعمل اللينوكس عشان خط النت بتاعي عامل مشاكل و مش عارف احلها هناك و انا كمان لعب في نسخة الـ ubuntu 8.04 اللي عندي  و كنت محتاج نت ضروري جدا اوي خالص و اهو اديني نزلت ubuntu 9.04 و ان شاء الله المشاكل تتحل

Ubuntu i miss you

ومتنسوش كل واحد قراء البوست دي ياخد نسخة الـ Ubuntu 9.04 بتعتو هدية و هو خارج

سلام