فين الضمير العربي

يناير 6, 2009

بنت صغيرة و بسيطة جدا كل حلمها انها “ترجع البيت” عرفين مين دي دي البنت اللي بتيجي في اخر اغنية الضمير العربي , اة الاغنية اللي اكيد كلنا شفناها و اتاثرنا بيها اوي ثم ……..

اة انا داخل اكتب واقول ان انا معترض و ضد الظلم و الاحتلال و ادين واشجب ثم ……..

اة ناس كتير قبلي كتبو و ادانو و شجبو و اعترضو علي اللي بيحصل ثم ………….

اة ناس كتير بتعمل مظاهرات و بتقول احنا ضد الحرب و بيطلبو السلام ثم ……..

اة الناس كلها بتطلع و تقول في التلفزيون ان هي ضد الحرب و برضو بيطالبو بالسلام ثم …….

عرفين ثم اية ؟ ثم يبقي الوضع علي ماهو علية

لا لا لا اية السلبيات الكتير دي ثم في مساعدات دولية بتروح هناك

و……..

هي مش سلبيات لاكن هي اعتراف وبالمشكلة و محاولة تحديد اسبابها لبداية حلها حل عملي

طب ادي تحديد المشكلة اية الاسباب و اية الحل العملي ؟ …………

انا كتبت البوست دي بعد ما شفت اغنية الضمير العربي وزاي اي حد اتاثرت بيها جدا لاكن حاولت افكر اية اللي ممكن اقدمة بجد و يكون لية تئثير هل ادخل اكتب بوست كبير علي النت علي المجازر و المصايب اللي بتحصل لا لان البوستات دي موجودة و كتير و مش حاسس منها استفادة …… طب اعمل اية اطلع في مظاهرة ؟ برضو لا مهي هي هي و مفيش استفادة …….

كل الحجات دي بحس انها بتتعمل لتريح الضمير عشان الواحد مش يفضل حاسس بالزنب مجرد واحد بيقول بصوت عالي اللي جواة عشان يخلص منة ويعرف يستمر في حياتة لحد لما تحصل مصيبة تانية يطلع يقول برضو اللي جواة و بعدين تستمر الجياة

ثم……….

ياريت اعرف ثم اية ؟

Advertisements

6 تعليقات to “فين الضمير العربي”

  1. elhelm alaraby Says:

    u r realy wonderful u r realy right in evry word u said

    with my best wishes

  2. MeMe Says:

    سلام عليكم ورحمة الله وبركاته

    حضرتك الى حد ما عندك حق …
    موضوع البوستات والمظاهرات لوحدهم كدا …

    مابيفيدوش حاجة وهما فعلا راحة ضمير ..
    للبنى أدمين اللى بيعملوا كدا .. أحيانا .
    لكن كون انهم عايزين يحسوا براحة ضمير
    ويطلعوا اللى جواهم دى حاجة مش تدينهم .
    بس ساعات المظاهرات والبوستات والصور
    دول بيفوقوا ناس معينة ..
    من غيبوبة انسانية واقعين فيها
    وبعد كدا الناس دى بيبقى ليها دور مفيد.

    *الحاجة الفعلية بقى اللى ممكن حضرتك وانا وكلنا نعملها

    الدعاء … المقاطعة …. التبرع .

    وربنا ينصرهم …

    تقبل مرورى يافندم


  3. كلام جميل يااسلام بس خلينا مستنيين ثم إيه , خلينا نقدم اللى نقدر عليه الوقتى لحد مايحصل (ثم) اللى نفسنا فيه
    \\\
    الدعاء … المقاطعة …. التبرع .
    عجبنى رد البشمهندسه
    فعلا ده اللى نقدر نعمله حالا بالذات الدعاء والتبرع , عاوزين ندور على مكان نتبرع بيه بالدم لاخوااننا الفلسطينيين وكمان بالفلوس عشان المساعدات توصلهم

    ياريت ياجماعه حد يعرفلنا مكان نتبرع فيه ويقول عشان نعرف الناس كلها ونبدأ نعمل حاجه ايجابيه

  4. my fate Says:

    معلش كلنا تقريبا عايزين نعرف ثم ايه
    بس يعني موضوع المظاهرات ده المفروض يكون بيغير
    ما هو محدش يقنعني أن لو الشعب كله طلع فى مظاهرة عشان منع تصدير الغاز لإسرائيل وإتخاذ إجراء رسمي بكده وأن البلد دي تتحرك مفيش حاجة هتحصل؟؟
    أمال ازاى قبل كده المظاهرات غيرت حاجات؟؟
    المظاهرات مهمة بس لما كل الناس تمشى فيها من غير خوف
    أكيد فيه تغيير هيحصل
    أنا شايفة ان مشكلة اللى بتواجه بلدنا دلوقتي هى عبارة عن أن مفيش حد بيقول رأيه ويكون حواليه ناس كتيرة وبالتالي ده هيحصل
    بس مينفعش نتكتفي بالدعاء أو التبرع
    طب ما التبرعات كانت مش بتوصل أصلا لما المعبر كان مقفول
    يبقي ايه فايدتها؟؟
    بس الواحد هيفضل عنده أمل أن ثم دي تتعرف
    سلاااام


  5. يابشهندسه , لما حصل والناس اتجمعت اول امبارح فى مظاهره عشان غزه اللى حصل ايه؟؟؟؟
    اتقبض عليهم , هما اه اخوان مسلمين وقبضوا عليهم عشان قانون الطوارئ الى اتعودوا عليه , يعنى حتى التظاهر فى بلدنا مش نافع

    وكمان انا فاكر وانا فى تانيه اعدادى كانت الانتفاضه لسه بادئه تقريبا , طلعنا بعد المدرسه عملنا مظاهره والحمد لله اتروقنا , كلنا علقه زى الفل من الامن المركزى 😀 😀 😀

    يعنى كل اللى نقدر نعمله
    الدعاء … المقاطعة …. التبرع .
    على الاقل الفتره دى لحد مانعرف ثم ايه

  6. my fate Says:

    سورى بس مش مقتنعة بكده
    ما هو مش معقولة ككلام منطقي يعني أن لو الشعب ده خرج فى مظاهرة حد يوقفه!!
    ما هو نفس الشعب ده اللى عمل ثورة الظباط الاحرار وعمل كتير قبل كده
    أشممعني دلوقتي مش عارف يعمل حاجة؟؟؟؟
    يمكن الشعب ده محتاج قائد يمكن ساعتها الدنيا تبدأ تمشى صح
    وأكيد أكيد فلسطين هترجع تانى بإذن الله
    وبالنسبة للترويق أنا مشكلتي فى المظاهرات أنها ممكن تضر ناس بأحبهم ودي حاجة انا مش هأقدر أعملها للأسف الشديد
    مش عارفة الدنيا اسودت كده ليه
    عامة بعد كل ليل بيجي دائما نهار وربنا يستر
    سلااام وسورى على الكلام الكتير بس كان لازم يطلع 🙂


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: