المستقبل مشكلة و حل

ديسمبر 14, 2008

انا كنت عايز اتكلم علي موضوع مهم جدا بالنسبالي اليومين دول “المستقبل” هو مش مهم ليا انا بس لا لكل الناس

المشكلة :

ناس كتير بتفكر في المستقبل البعيد و هعمل اية في المستقبل و كدة و الحياة بعد التخرج و الشغل و الكلام دة كلو و بينسو اهم حاجة و هي اللي هتحقق المستقبل دة (ان شاء الله) هي “الحاضر” ايون الحاجة اللي ناس ككتير بتنساها في كل زحمة و سرعت الدنيا دي هي الحاضر انا هعمل اة انهردة عشان احضر للمستقبل اللي بفكر فية .

نقطة كمان في المشكلة ان ناس كتي و انا منهم سعات بيجهدو نفسهم في التفكير الكتير في مشكلة او موضوع و بيحللو الموضوع اكتر من الازم و طبيعي بيحصل تئخر في القرار هو اة ممكن نوصل للحل الامثل لاكن ممكن نوصل متاخر.

الحل :

بالنسبة للنقطة الاولانية اعتقد ان الحل بسيط و واضح ان نهتم بالحاضر اللي هو يعتبر المستقبل القريب و دة فترة بتمتد من ساعة في المستقبل الي سنة لازم الواحد يهتم ب الجزء دة والا بعد سنة هنفضل نحضر للخمس سنين اللي بعديها و نسيب سن ة ونحضر لل5 اللي بعديها و مش هنعمل حاجة في الاخر

بالنسبة للنقطة التانية الحل السحري و السهل جدا let it come to you خلي الحاجة تحصل مش لازم انت اللي تعملها و تحضر الموضوع كلو لا سيب المواضيع تمشي بطبيعتها و في الوسط اقف و قيم الموضوع و عدل لو محتاج و سعتها هتوصل لاصح حل ب اسرع طريق , طبعا مش بتكلم عن التسرع لا لا انما عدم التاخر مثال انا كنت سمعت مرة في حلقة لدكتور ابراهيم الفقي ان في مقابلة سئلو تئريبا صاحب شركة كبيرة علي مستوي العالم ازاي بياخد قراراتة لانها قرارات كبيرة بالملاين و مسؤليات كبيرة جدا قال “مش اكتر من 10 دقائق ” و تفسيرة انة لازم يقرر بسرعة لاكن بيقف و يعدل و يقيم القرار كل شوية و دة بيخلي حتي لو في اخطاء الموضوع تتصلح و برضو بسرعة

اعتقد ان دي مشكلة بتقابل ناس كتير لو انا حطيت حل غلت الموضوع مفتوح للنقاش لان الموضوع نسبي و مفتوح للنقاش
سلام 🙂
الإعلانات

4 تعليقات to “المستقبل مشكلة و حل”

  1. BooDy Says:

    هوا زي مانت قلت … ممكن نفكر في المستقبل اه .. بس منضيعش وقت من الحاضر على حساب المستقبل
    يعني ممكن الواحد يفكر في المستقبل وهو بيعمل للحاضر

    بس بشرط انه مايشتتش نفسه بالتفكير ده

  2. my fate Says:

    هو الموضوع حلو جدااا
    وأنا أكيد من الناس اللى بتفكر اكتر فى المستقبل بأفكر فى الحاضر دائما قبل ما أنام
    بس للأسف انا متسرعة فى قرارتي ما بأحبش أقعد أفكر فى الحاجة كتير الإ إذا كانت مصيرية يعني
    بس هو أهم حاجة ان الواحد يقسم مشكلته لأجزاء بأسبابها والحلول اللى ممكن يعلمها والوقت اللى هياخده فى ده كله بحيث ما يطولش فى موضوع
    وعامة الواحد بيفكر ويخطط بس مش شرط أن الحاجات دي تحقق يبقي المفروض يبطل تفكير كتير
    نفسي فى حل أن الواحد يبطل تفكير شوية
    بس فعلا موضوع حلو ومهم
    سلاام بقي

  3. MeMe Says:

    سلام عليكم

    عادة الكلام سهل ياباشمهندس …
    انما فعليا بقى …
    القرارات السريعة …مش فى كل حاجة ينفع تتاخد كدا ..
    انا شخصيا أصلاا .. فى حاجات كتير تعتبر بسيطة …بقعد أفكر .. ست سنين واجيبه من كل جوانبه وانحاءه..
    وأحيانا بفضل أفكر لحد ما الموضوع اللى مفروض
    هاخد قرار فيه دا ..بيكون انتهى ..
    أنا عارفة انها حاجة تخنق
    ونفسى اتخلص من دا جداا …
    بس مش عارفة ممكن ازاى .فعليا؟؟
    شكـــراع الموضوع حلو جدا
    ومستنية أراء الناس
    ان شاء الله
    تقبل مرورى يافندم

    🙂

  4. elhelm elaraby Says:

    جميل ان الانسان يفكر فى المستقبل ولكن لاينسى ان يفكر اولا فى الحاضر بس المستقبل دايما فى الحقيقة شاغل تفكيرنا ؤالموضوع دخ رائع جدااااااا


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: