Archive for ديسمبر, 2008

Life

ديسمبر 31, 2008

Life is ending at ?????? so whatever you must do do it now

كل عام و انتم بخير

ديسمبر 29, 2008

كل عام و انتم بخير بمناسبة العام الهجري الجديد

🙂

Goodbye 2008 & Welcome 2009

ديسمبر 26, 2008

Goodbye 2008 and welcome 2009

2009-agenda

سنة عدت و سنة جاية و الحياة بتستمر وعمرها ما هتقف و لو الانسان بص حوالية هيلاقي كل حاجة بتلف و تتغير خلال التغير اللي في العالم دة كلو لو الشخص فضل ثابت مكانة دة هيكون انسان مش عاقل ابدا

2008 خلاص بتودع و هنستقبل 2009 ان شاء الله قريبا

لاكن خلال 2008 الواحد عمل اية جديد اية اللاستفادة اية الاهداف اللي كان حطتها و حققها و زاي ما كنا في محاضرة و الدكتور بتعنا سئل سؤال : “مين حقق حاجة في السنة الي فاتت دي ؟” يعني مين عمل حاجة مفيدة او حقق احد اهدافة ؟ , و العجيب ان مفيش حد رد هل لان

  • مفيش حد حقق حاجة
  • الناس مشبتفكر في الموضوع دة اصلا
  • الكسوف او من الكلام علي الاهداف ادام الناس عشان محدش يقول ان دة هدف عبيط او اي حاجة تانية
  • الناس مش بتدي اهمية للاهدافها او مش بتحس بقيمتها

عموما مش موضوعي الناس التانية دالوئتي انا جاي اتكلم عن نفسي انا حققت اية السنة اللي فاتت 2008 و ناوي علي اية في السنة اللي جاية ان شاء الله2009

أقرأ باقي الموضوع »

Anonymous

ديسمبر 25, 2008

دي بوست جد شويا مع اني كنت ناوي اكتب بوست عن السنة دي و هي في نهايتها لاكن هئجلو و اكتب دي الاول لان الموضوع لفت نظري جدا

anonymousوصف عام : احنا في الكلية لينا منتدين بنشتغل فيهم بيضمو مواضيع عن الدراسة و المجال شغلنا عموما و حوار عام انا متابع واحد فيهم هو اللي انا شغال فية اكتر الي هو منتدي نور الهدي و طبعا المنتدي لية قوانين اللي محددها الادمن بتاع المنتدي و من ضمن القوانين دي ان الكلام في المواضيع اللي بتمس الشباب و الفتيات و علاقتهم ببعض سواء زمالة او صداقة او حب او جواز الي اخرة دة مش هنقول ممنوع انما فية حساسية عليا جدا

الموضوع بدقة : في ناس علي المنتدي بيرفضو و بشدة الكلام في المواضيع دي لاكن تخرج بره المنتدي تلاقي الناس دي عيشة في مجتمع افتراضي تاني علي النت وبيتكلمو بمنتهي الحرية و الانفتاح و بيدخلو في نقاشات حادة و حفيفة في جميع الجوانب السابق زكرها !! علي الرغم من رفضهم للكلام في المواضيع دي داخل المنتدي ؟

مقارنة : لو حبينا نقارن بين مجتمع المنتدي و المجتمع التاني الاول المنتدي نعرف بعض كلنا من اكتر من سنتين و تئريبا الكل يعرف بعض يعني نعرف كل مستخدم هو/هي مين في الحقيقة , بالنسبة للمجتمع التاني محدش يعرف التاني خالص غير من البيانات المكتوبة و نسبة المصداقية فيها اعتقد انها ضعيفة جدا

تحليل الموقف : اعتقد ان دة اية !! بصراحة مش عارف احلل الموقف بعد النظر لان الشخص بيتكسف يقول افكارة و يتناقش فيها امام الناس اللي يعرفها و بيجاهر بيها في اي مكان تاني هو مجهول الهوية فية !!. اعتقد ان دة نتيجة لان الناس منكتر اعدتها امام الكمبيوتر خلقو لنفسهم شخصية ثانوية متحررة مجهولة علي النت فـ بسبب انهم معرفين في المنتدي و الحقيقة اذا بيهربو لمجتمع هم غير معروفين فية عشان يحسو بحريتهم

انهاية : نفسي اعرف احدد دول اسمهم اية او وصفهم اية , يعني لية الانسان ممكن يعمل كدة ؟ لية الشخص يعيش في ازدواجية بين الحياة الفتراضية علي النت وبين ارض الواقع ؟ انا رافض الموضوع دة في النهاية , و مع ان انا هو انا سواء اونلاين او في الواقع و هحاول افضل مطبق المبداء دة ان شاء الله

Me.Refresh();

ديسمبر 17, 2008

Me.Refresh();

دة اللي انا محتاجة دالوقتي بالظبت ميثود اعمل بيها رفرش للمود و لنفسي في حجات كتير ,

فعلا زاي ما واحد صحبي لسة كتبها علي البلوج عندو ان الواحد دماغو خلاص بئت متبرمجة لوحدها و اصبح الكمبيوتر داخل في كل تفكيرو ما عليا مش دة الموضوع , امال اية الموضوع ؟ الموضوع ان في حاجة غريبة اليومين دول مش عارف هو احساس عام غريب مش عارف احددة !!

اوصل الحالة بمواقف احسنممكن حد يفهم و يوضحلي 😀

مثلا امبارح انا كنت في الكلية الاول نازل بدري علي سكشن غلط !! و بعديها لئيت السكشن الصح  و طلع ان انا حضرتو يوم التلات !! طيب هعد اعمل اية في الكلية اعدت مع محمود جمال في كورس الجافا اهي حاجة مفيدة اعملها و استفيد , طيب كويس اعدت و بعدين طلعت اخدت سكشن و خلصتو و كدة مفيش حاجة  وراية تاني في الجامعة اطلع علي المدينة ؟ لا , طب لية مش عارف مليش مزاج خالص ولا مود اعدنا خلصنا المشروع انا و التيم بتعنا وبعديها رحت كملت كورس بتاع محمود جمال طيب خلص الكورس و الناس مروحين اروح معاهم منا هعد اعمل اية لائيت واحد صحبي اعد في الكلية اعدت معاة و كل واحد حاطت ابنة علي رجلية (اللابتوب) و اعدنا كل واحد شغال في حاجة و برضو مش عايز اروح !! المهم فضلنا علي كدة تئرييبا لحد لما الكلية مفضلش فيها حد المهم اكيد كان لازم اطلع علي المدينة اهو روحت و خلاص و انا مش عايز اروح خالص !!

مش عارف هل دي اعراض ماقبل الامتحان ولا اية ؟ لاكن ممكن ….

الموقف التاني : دالوئتي حالا الساعة 8 و انا صاحي يعني بدري جدا , لا لا انا منمتش اصلا المفروض انام و جاسس اني تعبان لاكن برضو مش جيلي نوم ولا نفس انام هو فية ايه ؟ و عندي سكشن الساعة 11 يعني هفضل صاحي و الرجالة كلها نيمة اهه جمبي وانا بس اللي صاحي

انا دخلت اكتب البوست اهو يمكن حد يقدر يفهم حاجة و يفهمني

سلام 🙂

المستقبل مشكلة و حل

ديسمبر 14, 2008

انا كنت عايز اتكلم علي موضوع مهم جدا بالنسبالي اليومين دول “المستقبل” هو مش مهم ليا انا بس لا لكل الناس

المشكلة :

ناس كتير بتفكر في المستقبل البعيد و هعمل اية في المستقبل و كدة و الحياة بعد التخرج و الشغل و الكلام دة كلو و بينسو اهم حاجة و هي اللي هتحقق المستقبل دة (ان شاء الله) هي “الحاضر” ايون الحاجة اللي ناس ككتير بتنساها في كل زحمة و سرعت الدنيا دي هي الحاضر انا هعمل اة انهردة عشان احضر للمستقبل اللي بفكر فية .

نقطة كمان في المشكلة ان ناس كتي و انا منهم سعات بيجهدو نفسهم في التفكير الكتير في مشكلة او موضوع و بيحللو الموضوع اكتر من الازم و طبيعي بيحصل تئخر في القرار هو اة ممكن نوصل للحل الامثل لاكن ممكن نوصل متاخر.

الحل :

بالنسبة للنقطة الاولانية اعتقد ان الحل بسيط و واضح ان نهتم بالحاضر اللي هو يعتبر المستقبل القريب و دة فترة بتمتد من ساعة في المستقبل الي سنة لازم الواحد يهتم ب الجزء دة والا بعد سنة هنفضل نحضر للخمس سنين اللي بعديها و نسيب سن ة ونحضر لل5 اللي بعديها و مش هنعمل حاجة في الاخر

بالنسبة للنقطة التانية الحل السحري و السهل جدا let it come to you خلي الحاجة تحصل مش لازم انت اللي تعملها و تحضر الموضوع كلو لا سيب المواضيع تمشي بطبيعتها و في الوسط اقف و قيم الموضوع و عدل لو محتاج و سعتها هتوصل لاصح حل ب اسرع طريق , طبعا مش بتكلم عن التسرع لا لا انما عدم التاخر مثال انا كنت سمعت مرة في حلقة لدكتور ابراهيم الفقي ان في مقابلة سئلو تئريبا صاحب شركة كبيرة علي مستوي العالم ازاي بياخد قراراتة لانها قرارات كبيرة بالملاين و مسؤليات كبيرة جدا قال “مش اكتر من 10 دقائق ” و تفسيرة انة لازم يقرر بسرعة لاكن بيقف و يعدل و يقيم القرار كل شوية و دة بيخلي حتي لو في اخطاء الموضوع تتصلح و برضو بسرعة

اعتقد ان دي مشكلة بتقابل ناس كتير لو انا حطيت حل غلت الموضوع مفتوح للنقاش لان الموضوع نسبي و مفتوح للنقاش
سلام 🙂

You Go Served

ديسمبر 14, 2008

عرفين العنوان دة You Go Served طب و دة step up the streets طب استنو استنو دة عرفينو stomp the yard اية ولا دة بجد اللي ميعرفش التلاتة دول اذا هو ميعرفش افلام اجنبي هرجع اتكلم عنهم بعدين في بوست تاني

سلام 🙂

عزاء واجب

ديسمبر 8, 2008

السلام عليكم

انهردة كان عندنا حالت وفاه , في بدايت اليوم بعد صلاة العيد يتم الاتي بنروح انا و بابا نعيد علي اخويا في بيتة و نعيد علي ولاد اخويا ثم نروح نعيد علي اختي و ولدها في بتها وبعدين نرجع , لاكن و احنا عند اختي وصل تليفون ان زوج عمتي توفاة الله -البقاء لله- رحنا طبعا نزلين و رحنا هناك من الغسل للدفن و العزاء ماعلينا من التفاصيل

انا كاتب البوست عشان اقول لكل حد يقرئها يدعيلو دعوة بظهر الغيب لعلها تصيبة برحمة او مغفرة لانزكي علي الله احد لاكن بجد الراجل دة من القلة القليلة الباقية من الزمن الجميل من اهل القيم و الاخلاق و الاحترام و الجميع يشهد له

كل اللي بتمناة من اللي يقرا البوست دي انة يدعيلة بالمغفرة و الجنة و يدعي لاهلة بالصبر والثبات

اللهم اغفر له و ارحمة و ادخلة فسيح جناتك

اللهم ثبت اهلة و الهمهم الصبر

سلام : )

العيد فرحة ماااااااااء

ديسمبر 8, 2008

اية دة هي الناس كلها راحت تاكل اللحمة ولا اية 😀 متئلوش في اللحمة عشان عندنا امتحنات بعد العيد مش بعيدة و مش نئصين هياس :))

مش عارف مالي طلبة معايا كتابة اوي في البلوج بس خير ,طب هتقول اية المرادي ؟ هتكلم عن اللي حصل امبارح …..

امبارح في السهرة في ليلة العيد حصل كلام حاجة معجبونيش منهم

  • الساعة بتعتي اتكسرت
  • الدنيا مطرت وانا ماخدتش بالي رغم اني كنت في الشارع لاكن دخلت مول الف شويا و اشوف المحلات و خرجت لئيت الدنيا مطرت و وقفت 😦
  • ابو كمال كان قافل ودة يعتبر المصدر الاساسي لينا في العشا

بس مع مبداء التفائل اللي بحاول اتبعة اليومين دول و ناوي استمر علية لازم اقول علي الاقل 6 حجات حصلت كويسة في المقابل مع الحجات اللي فوق دي نشوف

  • الدنيا مطرت و الجو اتحسن
  • خرجت انا و اصحابي اللي بقالي كتير مكنتش شفتهم
  • شفت واحد صحبي انتمي في اسكندرسة مكنتش شفتو بقالي كتير
  • لعبنا و هزرنا و هيسنا كتيييييييير
  • اتمشيت علي البحر و اعدت هناك الاعدة اللي بتعمل دماغ دي
  • صليت العيد 🙂

دول كفاية تمام كدة في توازن في الموضوع يلا اشفكم البوست اللي جاي ان شاء الله

وحشني اوي

ديسمبر 6, 2008
  • هو مين دة اللي وحشك اوي ولا اصدك وحشاك اوي ؟
  • لا لا متفهمنيش صح هههههههه انا بتكلم عن البلوج
  • اة
  • شفت انت اللي نيتك وحشة ازاي 😀

فعلا البلوج وحشني اوي زاي ما واحد صحبي اهلاوي جدا سئلني -اصل الاستات بتعتي علي الميل كانت “تاني بوست تم ولسة …… ولسة” – وقالي ولسة يعني في كمان قولت اة اللي يظهر انو وحشك اوي قولتة جداوالدليل ان دي البوست رقم 3 علي التوالي اللي بكتبها

كنت عايز اكتب عن كام حاجة صغننين كدة

سبايس توون قناة شباب المستقبل في حد فيكم بيتبعها 🙂 اة سؤال محرج بس انا عادي بتفرج عليها و كتير كمان بسبب ولاد اخواني كل مايجو يتفرجو عليها و برضو بعترف ان لسة بتفرج و بدحك , بس الواحد لما يرجع و يفتكر كرتون بتاع ايام زمان بتعنا كان مختلف والله اة كان اهبل اويـــــــــــي بس برضو كان جامد

الحاجة التانية جنت عايز اقول جملة واحدة ياريت الناس تقرب من الايجابية و المبادرة و تبحث عن السعادة لانها هي وسيلت النجاح

سلام 🙂