مطر :)

نوفمبر 7, 2008

مثل ما كتبت عن المطر قبل كدة في بوست قديمة, انا فعلا بحب المطر 🙂 , بجد مش عارف هل الاحساس دة طبيعي ولا هو اية بس لما رجعت عشان اكتب عن المطر و رجعت للبوست الاديمة دي وجدت ان احساسي هو هو من وقتها لم يتغير نفس الحب للمطر و الاحاسيس المتضاربة اللي بيولدها عندي …. جميل 🙂 .

دي برضو بوست المفروض انها تتكتب من زمان و انا كنت مئجلها لظروف كتبت عنها المهم ان الفرصة دالوقتي عشان ارجع و احس نفس الاحساس تاني

كنت في اول الشتاء مستني المطر و نتيجة للدراسة في المنصورة اصحابي اتصلو بيا من اسكندرية عشان عرفين ان انا بحب المطر و قالولي انها بتمطر هناك 😦 والله كنت عايز اسافر بس مينفعش المهم في اخر الاسبوع نزلت الاجازة و يوم ما رجعت اسكندرية كان في مطر في المنصورة و دمنهور و حتت كتير لاكن اسكندرية لا :(( والله انا مش عارف اعد فين طيب , و حتي لما رجعت المنصورة اليوم اللي شتت فيه كتير و كان تلج مكنتش في الشارع كنت لسة راجع المدينة و كنت تعبان و مش قادر اتحرك

لاكن الحمد لله كان في مطر في يوم و انا في الشارع هو مكنش كتير ولا كان خفيف هو كان بالظبت اللي انا بحبة , محدش يعرف المتعة اللي انا كنت فيها غير اللي بيحب المطر بالاسلوب دة

مش هعرف اوصف احساسي غير بنفس الكلمات اللي كتبتها قبل كدة

انا اعشق المطر و وجودي تحت المطر
عندما انظر لقطرات المطر
اجدها …. اعجز عن وصف الحساس
دائما ما يصل بي المطر الي احساس جمل و احيانا احساس مخيف
لكن في اي حالة انا اعشق المطر
الا تشاركوني الراي في جمال المطر
عند التواجد في الشارع اثناء المطر و هو يتساقط علي
ارى الجمال…
النقاء
الطهارة
القوة
الحرية
الخوف
الوحدة
الشفافية
الحب
الامان
الغضب
و الهدوء
كل تلك الاحاسيس و اكثر
رغم تناقض الاحاسيس لكنة احساس قلة من يستطيعو الوصول لة
و اود ان اقتبس جزء من كتابة رولا في تدوينتها

شكرا لكي يا قطرات

على نقلي للحظات

لحظات خالية من الآهات

———————–

تلك كانت قطرات ذوبتني و أخرجت مني كلمات

شعور لن انساة

الإعلانات

12 تعليق to “مطر :)”

  1. ahmedeleven Says:

    و أنا بحب الشمس جدا 😛

    لما أشوف الشمس بحس ب:

    الحرية
    الصفاء
    الوضوح
    التحمل
    النشاط

    😀

  2. MeMe Says:

    “اعشق المطر ..
    عند التواجد في الشارع اثناء المطر و هو يتساقط علي
    ارى الجمال…
    النقاء
    الطهارة
    القوة
    الحرية
    الخوف
    الوحدة
    الشفافية
    الحب
    الامان
    الغضب
    و الهدوء
    كل تلك الاحاسيس و اكثر”
    moi aussi
    🙂 🙂
    يارب الدنيا تمطـــــر

  3. my fate Says:

    بالضبط كدااااااا
    بس حضرتك نسيت الإحساس بتاع بعد المطر ما يخلص
    وتبص كدا للسما تلاقيها صاااااافية
    وكمان ريحة الشتا دى حاجة تانية
    وأنا بقي هأموت والدنيا تشتى عليا وأنا واقفة قدام بحر
    ندعي بقي أن الدنيا تشتى قررريب 😀
    سلام

  4. Hunikal Says:

    بس حضرتك نسيت الإحساس بتاع بعد المطر ما يخلص
    وتبص كدا للسما تلاقيها صاااااافية
    وكمان ريحة الشتا دى حاجة تانية

    يااااااااه انت جبتي تئريبا الجزء اللي كان نائص عندي
    بجد يارب الدنيا تشتي بس منغير بهدلة كتير 😀

  5. key of life Says:

    زي ما قالت my fate
    ريحه الجو بعد المطر والشوارع المغسوله
    وتحس كأن الواحد بقي أنقي داخليا وصااااااااافي زى الجو بعد المطر
    انا كمان بعشق المطر والجري والتنطيط تحته
    ياااااااااااااااا رب الدنيا تشتى بكرا عليناااااا
    موضوع راااائع
    شكرا, سلام

  6. Hunikal Says:

    هااااااااااااااااااا
    الدنيا بتشتي دالوئتي حالا في الاسكندرية وانا برضو في الاسكندرية هاااااااااااااااا احب اشكر كل اللي قال يارب الدنيا تشتي 😀
    حبيت اسجل اللحظة التاريخية دي انا دالوئتي مبسوط جدا 🙂

  7. my fate Says:

    اشمعني هناك؟؟؟؟
    هنا مفيش مطر خااالص ولا نقطة صغيرة حتي
    احنا لما دعينا قلنا تشتي علينا مش علي حضرتك لوحدك
    وأنا مالي بقي ؟؟؟ 🙂

  8. Hunikal Says:

    هههههههههههه اية الحقد دة 😀
    لا متقلقيش انا بدعي عشان هنا و هناك
    🙂

  9. my fate Says:

    خلاص لا حقد ولا حاجة أنا بس عايزة الدنيا تشتى عندنا احنا كمان
    وياااا رب الدنيا تشتى فى اسكندرية
    أنا هأموت وأجرب إحساس أن الدنيا تشتى عليا وأنا قدام البحر هيبقوا هو إحتمال كبير أني أموت بإلتهاب رئوي بس مش مشكلةأصل كدا هيبقي أحلي حاجتين فى الدنيا بيحصلوا ليا فى نفس الوقت
    ابقي ادعي بكداااا 😦
    سلام

  10. صفا Says:

    وباضم صوتى لكل اللى بيدعى ان الدنيا تشتى لانى باعشق المطر جداااااا
    يا رب الدنيا تشتى 😀

  11. rola Says:

    lمشكور على الكلام الجميل
    و شكرا لانك اقتبست القليل من كلماتي
    شكرا لكي يا قطرات

    على نقلي للحظات

    لحظات خالية من الآهات

    ———————–

    تلك كانت قطرات ذوبتني و أخرجت مني كلمات


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: