عودة بعد غياب عن الانترنت

نوفمبر 5, 2008

disconnected

بعد غياب من يوم 17 اكتوبر مكتبتش حاجة لاكن كنت بـ انتظام اتابع البلوج حتي لو مش هكتب اصبح اساسي اني ادخل علي البلوج و اتابع الردود اللي بتتكتب و كدة , ولاكن نتيجة للرجوع للجامعة و السفر للمنصورة و المدينة الجامعية اصبح من الصعب الدخول بـ استمرار علي النت نتيجة للشبة الـ (تيـــــــت) من الويرلس في الجامعة و كمان مش كفاية ان الشبكة بتهيس و ممكن النت يفصل و يرجع كل 5 دقايق بدون مبالغة , لا كمان الكونكشن يكون مقطوع لمدة 3 ايام .

دي فترة انقطاع النت اللي ؤلت اني هكتب عنها في البوست اللي فات ايوة هم 3 ايام مش فترة طويلة لاكن اصبح من المستحيل ان الواحد يبعد عن النت اكتر من يوم او 2 بالكتير و في التلت ايام دول ممكن تحس ان انت معزول عن العالم كلو و متعرفش اخبار اي حاجة , ولا الاخبار بتاعت الحداث اللي بتحصل في البلد ولا حتي لـ اصحابك و كمان انا اخويا مسافر الخارج و بتواصل معاة اغلب الوقت من علي النت اذا انت معزل تماما بدون نت ولا حتي عن اخبار الكلية لان الكلية ليها منتدي و هو يعتبر المصدر الاساسي للاخبار , و في خلال الفترة دي تلاقي حجات كتير حصلت و انت متعرفش .

رغم ان انا بنفسي ابل كدة بعدت عن النت و عن الكمبيوتر حوالي اسبوع بـ اختياري عشان اجرب هل انا تحولت لمدمن انترنت ولا لا و دن كان بعد معرفت ان في امراكز علاج في اليبان من ادمان الانترنت !! , لاكن اكتشفت ان الموضوع عادي و ان الواحد فعلا سعات بيحتاج الفترة دي من البعد عن الكمبيوتر و اعادة ترتيب الافكار .

المشكلة ان الفترة بتاعت الـ 3 ايام دي كانت ايام صعبة لان فيها حجات كتير محتاجة تواصل و ان انا اكون اونلاين كل يوم بس الحمد لله الكونكشن رجع و اهو النت شغال و بيفصل زي العادة بتعتو و تمام .

انا كمان اللي بيخليني استغرب ان انا كنت قرات خبر عن ان اليبان اصبح فيها خط نت سرعتو 1 جيجا !! كان جالي الخبر دة علي الريدر و مش فاكر المصدر بصراحة بس هي حاجة تجنن لما هم يكون عندهم دة العادي و عندنا العادي خط الدايل اب اللي سرعتو بالكيلو 😦 يلا كلها بتاع 80 او 90 سنة عبال ما اللي في مصر يعرفو حاجة زي دي و يبدئو يفكرو يطبقوها في خلال 60 سنة تانية :)) و يسيبو الوصلة بتاعت السيبر

يلا كفاية كدة و ان شاء الله ارجع اكمل المواضيع اللي ناوي اكتبها بس ادعولي ان النت يفضل شغال و ميفصلش

سلام 🙂

Advertisements

8 تعليقات to “عودة بعد غياب عن الانترنت”

  1. MeMe Says:

    فعلا كما قال الشاعر
    النت مفصول ..اذن انا معزول ..
    منهم لله الناس الـ(تيــــت) اللى بيتسببوا فى فصله
    حمد الله على سلامة النت..
    وربنا يديمها نعمة ويحفظها من قطع الارسال
    😀
    حلوة اوى صورة البوست
    تقبل مرورى
    🙂

  2. Hunikal Says:

    مرورك مشرف ليا 🙂
    وفعلا : “النت مفصول ..اذن انا معزول ..” 😦

  3. ahmedeleven Says:

    welcome back our wireless connection !!!!!!!!!

    فعلا كان يوم عيد لما رجع هو أه ماكنش بيكمل 3 دقايق شغال و قعدت نص ساعة أبعت email بس فعلا كنا في قمة السعادة و أول ما شفنا google فاتح كنا حنعمل حفلة 😀 …

  4. dragonmm2010 Says:

    اكيد الدراسة لها عامل كبير لبعد الانسان نوعا ما عن الانترنت
    مبروك رجوعك

  5. my fate Says:

    مبرووووووووووك
    وربنا ما يكتب على حد فينااا 😀
    سلام

  6. eng smsma Says:

    مبروك عودة النت
    بس عموما فى فترة الدراسة بيقل تواجد الناس ع النت
    والصور الى فى البوست حلوة اوى
    تقبل مرورى

  7. Teva Says:

    أﻷف حمد لله على السلامة 🙂

    طيب ما تشوفوا حل لمشكلة النت في المدينة دي
    كتير قوي من زمايلي برضو بيشتكوا منها ..
    لازم تقفوا وقفة رجل واحد عشان متاخدوش على …. لامؤاخذة يعني :))

    بالتوفيق إن شاء الله
    وربنا معاك 🙂

  8. Hunikal Says:

    $eng smsma
    مرورك شرف ليا 🙂 , و الصورة فعلا بتعبر عن معني الانقطاع و العزلة 😦

    شكرا للناس كلها علي المشاركة و يرب ما يقطعلكو وصلت نت 😀


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: