ايام و بنعشها

أكتوبر 5, 2008

“ايام و بنعشها هنعمل اية يا قلبى فى ناس ماهماش ناس مفيش احساس

الموضوع طويل و لو عايز تختصر اقرا المشهد رقم 4

المشهد رقم 0 : بداية التفكير في السفر للمنصورة عشان استلام المدينة الجامعية و اتفقنا علي ان هنسافر يوم السبت 4-10-2008 و نكون هناك بدري يعني في حدود 9 الصبح مثلا , بعد مراجعت جدول القطار اللي حفظينو طبعا من السفر الكتير 😀 لئيت ان معاد 7و10 الصبح مش مناسب لانة هيوصلني طنطا الساعة 9 و منها للمنصورة بتاع ساعة و نص و برصو معاد 6و10 مش هينفع لانة برضو هيوصلني الساعة 9 طنطا :)) , و تم الاستقرار علي معاد 4:45  الفجر لانة يعتبر الوحيد اللي ممكن يوصلني بدري

المشهد رقم 1 : النزول الساعة 4:15 من البيت و طبعا من غير نوم غير ساعتين بعد المغرب و رحت انا و واحد صحبي للمحطة و استنينا القطار و كان في ناس كتير في المحطة !! و كان برضو في شباب كتير ولاد و بنات مستنين القطر و كلهم معاهم شنط و مسافرين -واضح انهم ريحين المدينة هم كمان – المهم ركبنا القطر و ئبلنا واحد صحبنا تاني كنا متفقين معاة و بدئت رحلت الـ …. , المهم وصلنا طنطا الساعة كام مش فاكر بس كان بدري حوالي 7 و شوية و لئينا قطار تاني رايح المنصورة موجود وللاسف ركبناة -طلع اشاش :(( – المهم وصلنا المنصورة بعد معاناة شديدة مع القطر دة

المشهد رقم 2 : الناس سحبت ورقت كشف طبي عشان المدينة و رحنا السنتر عشان الكشف -هو مشكشف اصلا هو يعتبر ان الدكتور بيشوفك معاك ورقة من دول يمضيلك عليها و تروح تاخد حقنة كدة ضد البلاوي اللي في الاكل بتاعت المدينة – و طبعا اليوم دة الناس كلها بتكشف وما ادراك الزحمة اللي كانت هناك :(( و زيادة علي الحمة ان مفيش حد فاهم حاجة من الدكترة و محدش عارف الكشف فين ,كان في موظف بياخد اسامي الناس ويجي واحد عبقري يؤل للموظف امشي مش شغالين انهردة و يسيب الورق اللي كان مجمعو من الطلاب و يهرب تبرع واحد صحبي و وقف ينادي علي الورق بالاسامي بدل ما الورق يتبهدل او يتئطع و يضيع و بعدين رجع كمل شغلو الراجل الحمد لله ,  رحت انا و واحد من اللي كانو معايا وقفنا في طابور مش عرفين هو بتاع اية ادام غرفة وخلاص و كل شويا يجي حد يؤل الكشف في الغرفة الفلانية تلاقي ناس تمشي و انا متئكد ان مفيد حد عارف هو رايح فين لان الحقن كانت موجودة في الغرفة اللي قدامنا 😀 فضلت مستني لحد لما بئيت اول واحد في الطبور الطويـــــل دةلحد لما خلصنا الحمد لله.

المشهد رقم 3 : -اصعب مشهد- رجعنا المدينة تاني عشان نخلص الورق و نسكن و خلصنا الورق الحمد لله , دالوئتي مش فاضل غير اخر مرحلة هي ان احنا الاربعة نجمع الورق بتعنا و نروح لموظف في المبني اللي عيزين نكون فية و نختار غرفة و خلاص -لاكن الموضوع مش بالبساطة دي- رحنا للمبني اللي عيزينو اللي هو كنا سكنين فية المرة اللي فاتت لانة يعتبر احسن مبني المهم تطلع الدور الاول هتلاقي الموظف في غرفة و في تجمهر طلابي غير عادي ادام المكتب !! و طبعا النظام دي كلمة اتشالت من دماغ كل الطلاب اللي موجدين , خلينا واحد مننا احنا الاربعة يروح هوة يحارب وصت الجماهير دي عشان يحاول و طبعا كل ما تتاخر فرصتك في الاختيار تقل و ممكن يجي في الاخر يؤلك الاوض خلصت , المشكلة ان صاحبنا دة اتئخر في وسط الزحمة و احنا مش عرفين عنو حاجة و اذ فجئة نلاقية طالع بنقولو خلصت ؟ يقول لا !! امال طالع لية , اصل الموظف العبقري تقريبا يعرف الموظف العبقري بتاع الكشف اقترح ان التسكين يكون من تحت امام المبني !! طب اية الفرق الله اعلم ؟

ننزل جري احنا و باقي الطلاب لتحت يقوم العبقري دة منزل مكتب كبير و سادد بية المدخل و قاعد و والله متعرف تشوف المكتب و لا الراجل من الزحمة اللي علي الباب و برضو كلمت نظام لسة مش موجودة في دماع كل الطلاب , مع ان والله لو كنا وقفين في طبور كنا خلصنا في نص ساعة لا ازاي نخلص بسرعة لازم نتلطع و نتبهدل امال رجالة ازاي , طب سؤال هو فين مثلا العمال اللي موجدين عشان نظمو الطلاب لو هم مش نظمين تدور علي العامل تلاقية اعد علي كورسي ورا المكتب اموت و اعرف هو بيعمل اية هناك ؟

دخل واحد صحبنا تاني غير الاولاني يحارب وصت الزحمة اللي موجودة دي لان الاولاني تعب بصراحة في اول ومرة المهم المحاولات تستمر للوصول للباب او للمكتب بتاع الراجل لاكن مستحيل 😦 طب و الحل , نسيب فكرة السكن في المبني دة و نروح نشوف مبني تاني اقل منو في المستوي بس نخلص انهردة , تجد المفاجئة ان نفس الزحام و نفس الاسلوب الغير حضاري ولا ادمي في التعامل و موظفين  عباقرة برضو هم اللي بيشتغلو

المشهد رقم 4 : -الحرب- اذا هو دة الحل الحرب حتي الموت دون استسلام علي ان نكون في المبني اللي عيزينو جه دوري انا و والرابع اللي معانا علي ان ندخل نحارب بعد موت الاتنين الاولانين ,اكتشفنا ان واحد لوحدو في الحرب دي مينفعش رحنت انا و صحبي بعد التخلي عن ( الساعة و المحفظة و الموبيل و النظارة و كل حاجة في جيبك او معاك غير الورق ) و دخلنا الحرب و الحمد لله قدرنا نوصل لئدام المكتب -منغير ما اقول اية اللي مرينا بية ولا شكل التيشرتات اللي كنا ليسنها بقي عامل ازاي بسبب الـ…….. الحمد لله ان انا كنت عامل حسابي في هدوم تانية – واديت الورق لصحبي لان لازم واحد بس هو اللي بيقدم

بعد وقت طويل و سط الزحمة و الحرب اللي كنا فيها  نلاقي واحد راجل كدة كبير في السن داخل هو و اربع شباب و راة و ماسك في ادية ورق زي بتعنا فـ احنا كلنا فهمين ان دة ورق تسكين , يدخل الراجل دة و سط الشباب اللي وقفين كلهم و يعدي و يدخل ورا المكتب و يروح للموظفين متجاهل كل انواع النظام و الترتيب و ناوي يسكن الطلاب دول قبلنا و احنا متبهدلين البهدلة دي كلها عشان هو يجي يسكن الطلاب دول كدة بالبساطة دي

لازم نتكلم و نزعق و نقف المهزلة دي طبعا كلنا اتكلمنا -مش اقصد كل الطلبة اللي وقفين لا احنا الاربعة بس و دة هيجنني – طبعا زعئنا و عيزين نفهم دة بيعمل اية و ازاي الناس دي تسكن بالشكل دة ادمنا كلنا و الغريب الن الطلبة كلها موجدين بس سكتين اذاي شيفين حقهم بيتاخد كدة و سكتين لا واللي واقف جمبي لما جة يتكلم وانا بقولهم اذاي سكتين علي اللي بيحصل دة و كلام كتير كدة قالي يعني هنعمل اية يعني , و اعدنا نقول ان المفروض دول يقفو في الطابور زينا -رغم ان مكنش في طابور- يجي واحد عبقري يؤلك دة رئيس مبني تاني ازاي تقول كدة (يعني الموضوع شغال معارف و علني كمان) اية الحلاوة دي . مفيش حد من الموظفين اللي موجدين قدر يتكلم معانا و كمان كان في واحد من حرس الجامعة و محدش عمل حاجة لان احنا كنا بندور علي حقنا غير انهم بدئو ينظمو الالناس شويا  , انا كنت هتجنن من ان الطلاب اللي وقفين دول كلها و عملين رجالة علي بعض و يضربو بعض لما حد يجي يعدي عشان يقدم ورقو فضلو وقفين سكتين لما قلو ان دة رئيس مبني و جي يسكن معارف !! اذا كان 4 اتكلمو خلو العملية تتنظم شويا مابالك لو الناس كلها اتكلمت و طلبت حقها .


المشهد رقم 5 : -الفرحة- الفرحة ساعت ما صحبنا اللي كان وسط الناس دة طلع و قال خلاص اخدنا ؤضة هاااااااااااااااااا,رحنا بسرعة اخدنا المفاتيح و دخلنا حطينا حجتنا جوة الؤضة و نزلنا الجامعة فرحنين و مهدودين جدا لدرجة ان كان في محاضرة محضرنهاش و سفرنا و طبعا كد البهدلة بتاعت السكن و اللف و الدوران دة كلو من غير اكل خالص يدوب واحد كنز و باكو بسكوت بعد الهده دي كلها

المشهد رقم 6 : اربع شباب نيمين في القطار من التعب و البهدلة نصحي كل محطة نشوف وصلنا لفين لحد لما روحنا الحمد لله ثم نوم عميق حتي تاني يوم

The End

الإعلانات

5 تعليقات to “ايام و بنعشها”

  1. MeMe Says:

    ومازالت الكوسة فى جميع المصالح المصرية ..قائمة بكل أشكالها
    وزيادة على كدا طبعا ..النظام والتحضر الزائد عن الحد من كل البشر ماشاء الله ربنا يخلصنا منهم
    والحمد لله ان الاوضة اتاخدت بعد كل المهاذل دى ..
    “مبروك ” وربنا يستر
    تقبل مرورى

  2. BooDy Says:

    ديل الـ(تيييييت) عمره ما يتعدل

    يابني انت نسيت بلدك ولا ايه؟!!

    شكلك منزلتش من البيت بقالك كام يوم ولا حاجة

    اصل انا مبنساش بلدي أبدا
    عشان بنزل كل يوم … و لازم لازم بشوف حاجة تدل على اني لسه في مصر!
    و والله حتى لو منزلتش … تقريبا كل يوم الساعة 11 و نص الصبح بيبقى في خناقة في الشارع

    اهي دي الحاجة الوحيدة المنظمة عندنا هنا

  3. e_emy Says:

    عمار يا مــصر

    مبرووك ع الاوضة وحمدلله على سلامتكم

  4. my fate Says:

    عادي جداااا
    هى دي مصر
    بس أنا اتنرفزت من الناس اللى كانت واقفة وساكتة على أن الراجل يعدي
    هى الناس دي مالها؟؟؟؟؟ هى البلد دي مش هتتكلم أبدا؟؟؟
    أفقد الأمل وخلاص ولا ايه؟؟
    حسبي الله ونعم الوكيل
    وتقريبا مصر مش عايزة تغير النظام ده لأنه بيخليك تفتكر ربنا وتؤمن بيه أكتر وأكتر وفى الزنقة دي تفضل تدعي كده لحد ما ربنا ينصرك 😀
    يللا المهم أنكوا وصلتوا فى النهاية
    ومبروك عليكم
    سلاااام

  5. elahlawy Says:

    ههههههههههههههههههههه

    يا راجل تصدق اني لسه شايف الموضوع دلوقتي … سبحان الله

    مش دا برضه كان يوم السبت اللي كان فيه …. يااااااه 😀

    وتلاقي واحد يطلعك من الطابور ويقعد يزق فيك لغاية اما تطلع

    وبعد اما تطلع تكلمه .. يقولك منتا مش واقف في الصف .. سبحان الله .. طب هاتلي صف اقف فيه .. يقولك منتو اللي مش متنظمين

    طب زقيتني ليه وطلعتني من الطابور … يجي واحد تاني يقولك دا رئيس المدينة

    طب يا فرحتي .. رئيس المدينة ايه اللي جابك هنا ؟؟

    متعرفش … ياااااه يا راجل … ايااام بقى
    😀


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: