صباح الخير

سبتمبر 26, 2008

صباح الخير 😀

  • في البداية عشان نكون متفقين انا مش فرقة معايا صباح الخير” ولا “مساء الخير” لية بقى ؟ لان انا لسة منمتش 🙂 ايون لسة منمتش من امبارح
  • طب و اية الجديد يعني ما احنا مش بنام يومين و دي كتير ولا نسيت ايام الامتحنات و و السفر و التطبيق
  • لا منستش بس المشكلة في الاسبوع دة ان انا منمتش ولا يوم بالليل
  • برضو عادي بتحصل شكلك نسيت برضو الكائنات الليلية 😀
  • لا برضو منستش يا عم الرزل انت وئفلي علي الوحدة لية كدة , ياسيدي بص انا اقولك الحكاية ان الاسبوع دة انا سافرت فية بتاع مرتين و طبعا عشان نسافر الفجر لازم منمش و افضل صاحي و برضو باقي اليوم هناك صاحي , و اصلا انا معاد نومي بيكون علي 7 الصبح كل يوم
  • طيب يا مان ما كلنا بنسهر و انت العادي بتاعك السهر اية الجديد اة و بعدين “هناك” فين ؟ 😀
  • انت مالك “هناك” فين !! علي العموم هريحك هناك في المنصورة وما حولها , المهم الجديد يا سيدي انا تئريبا دالوئتي مليش معاد نوم اصلا يعني لا متحددا بنام الصبح ولا بالليل و علي فكرة الموضوع دة مرهق جدا النوم اللي مش مظبط و الحوار دة
  • يا سيدي انت فاكر نفسك بس اللي كدة لا دة احنا كتير اوي
  • اة يا حبيبي منا عارف ان احنا كتير بس احنا كتير و كلنا غلطانين , هو اة السهر حلو و لما بيكون معاك اصحابك و تهييس و كدة او لو لوحدك و مئضيها تفكير و تشغيل دماغ برضو وقت هايل للتركيز
  • طب اشطة منت كلامك حلو اهو
  • يا عم استنة اسمع كلامي للاخر
  • قول يا سيدي سمعني غنيي و سمعني
  • هسمعك , فاكر البوست اللي كنت كتبتة الترم اللي فات عن البرنامج الي جة في التليفزين عن اضرار السهر و كدة اللي كان اسمة we must sleep كان فية كلام زي الفل عن الموضوع دة ارجع شوفو تاني
  • ايوة يا مان فكرو و اية الجديد
  • برضو هيؤلي اية الجديد الجديد ان انا عايز اظبت النوم بتاعي خلاص زهئت من الموال دة و ان شاء الله هظبت موضوع النوم دة
  • طب يا مان ربنا معاك و ان شاء الله يتظبت بدام انت ناوي و بتشتغل في كدة , و عقبالي انا كمان
  • اة واضح ان انا هيست اوي انت ناسي ان انا و انت واحد 😀 !
  • اة واضح ان السهر بداء مفعولو طب متقوم تنام ولا اي حاجة
  • ربنا يسهل , سلام
  • سلام
Advertisements

5 تعليقات to “صباح الخير”

  1. my fate Says:

    أحلى حاجة فى الموضوع ده
    أن طلع فيه ناس تانية بتكلم نفسها عادي
    😀 😀
    وربنا يكرمك وترجع تنام تانى بمواعيد عشان الكلية قربت والواحد لازم يلتزم بقي عشان يتبهدل بنفس
    سلام

  2. elahlawy Says:

    hahahahahha
    It is very Beautiful post ya man

    Weba3deen Enta neset walla eh ??

    If we are in mans … No sleeping
    😀

    Nam ya 3am bera7tak … we 7amdella 3ala el-salama

    Happy Dreams ya smsm
    😀

  3. eng smsma Says:

    اولا بوست مميز جدا
    ثانيا السهر من اسوء العادات اللى بنتعود عليها
    وبيبان تعبها فى فترة الدراسة اكتر المسائلة بتكون متعبة جدا
    بس ان شاء الله حضرتك تقدر ترجع تنام تانى بمواعيد عشان الدراسة
    سلام

  4. Hunikal Says:

    $my fate
    ههههه لا متئلئيش انا بلكم نفسي كتير و كان في كام بوست ابل كدة نفس اللسعان برضو عادي 😀

    $elahlawy
    شكرا يا مان بس المشكلة ان انا مش بنام هنا ولا هنام هناك 😦 ربنا يستر علينا

    $eng semsema
    ربنا يسهل و يتظبت معاد النوم ان شاء الله شكرا علي الرد

  5. BooDy Says:

    5alas ya man … law shoftak da5el mt2a55ar tany 3al mail hazen 3aleek l7ad ma tnam 😀
    aw tezha2 w t2fel el mail …. mesh far2a kteer 😀 😀


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: