ناس و ناس 1

سبتمبر 21, 2008

ناس وناس فعلا الناس كلها مختلفة عن بعض

انا عايز اتكلم عن نموزج معين و اعتقد ان السلسلة دي هتكمل بنمازج كتير الواحد بيقبلها و يعيش معاها

النموزج اللي هتكلم عنو انهردة هو نموزج مش عارف اوصفة ب اية لاكن هو نموزج الشخص اللي لابس النظارة  السلبية و بيبص منها علي الحياة

شخص صادف ان انا اضيت معاة يومين ورا بعض و كان فيهم نقاش تئريبا في كل حاجة من المستقبل و الشغل و الجواز و الشباب و البلد و المستقبل و الماضي و كل حاجة

واللي لفت نظري ان كلامة كلو سلبي يعني مفيش اي توقع ان المستقبل يكون حلو و برضو الماضي مكنش كويس !! و مفيش امل في الشباب و الجيل الجديد و كل الكلام دة و برضو مفيش امل في الجواز ولا حتي لو في جواز هيكون في سعادة

بصراحة ليا رد ةاحد فقط طب انت عايش لية اية هدف استمرارك في الحياة هل هو ابنك طب انت برضو مستمر لية بدام مستقبلو هيكون وحش اوي زي ما انت بتقول هل هو ماضيك برضو نظرت الشخص دة للماضي علي ان كان فية اخطاء كتير مش هتخلية حافز ابدا طب مستقبل البلد برضو مش شايف امل لا في البلد ولا الجيل الجديد اللي هيمسكها !!

هي اكيد حاة من اتنين

  • عشان الدين حرم الانتحار
  • او بسبب ان هو تكيف تماما مع الوضع السلبي دة و مش بيحاول تغيرة او علي الاقل يتوقع انة ممكن في يوم من الايام انة يتغير و اصبح دة هو الحياة الطبيعية

ولو السبب هو الاول فـ ربنا معاة لان كدة هو هيكون عايش في معاناة كبيرة, لو السبب هو التاني ف ياريت ميحولش ينشر الفكر السلبي دة علي الناس و بالتالي يئثر تئثير سلبي لا يفيد بل يضر او بمعني ادق يقتل بـ بطئ

علي الرغم من انا بوصف نفسي بالمتفائل ديما بعد اليومين من الاكتئاب المتواصل الخارج من الشخص دة اكتشفت ان انا حالتي النفسية اتغيرت في اليوم التاني لان انا مكنتش مركز في كم الرسايل السلبية اللي الواحد بيستقبلها فـ حاولت اطبق كل اللي اعرفو في اتركيز علي الافكار الايجابية و التحكم في الاحاسيس و افكر نفسي بكل الايجابيات

انا اتكلمت علي النموزج دة عشان اوضح خطر التعامل مع الاشخاص من النوع دة و ان الانسان لازم يراقب افكارو و احاسيسة هتودية لفين

احب اقتبس مقولة في النهاية “راقب احاسيسك لانها ستصبح افكارك ,  و راقب افكارك لانها ستصبح افعالك و راقب افعالك لانها ستصبع عاداتك , و راقب عاداتك لأ نها ستصبح طباعك , و راقب طباعك لأنها ستصبح مصيرك

Advertisements

رد واحد to “ناس و ناس 1”

  1. my fate Says:

    سبحان الله
    الناس دي بتبقي غريبة جداااا
    يعنى أنا بس هأقول كلمة واحدة للناس اللى من النوع ده
    طول ما خالق الكون موجود يبقي مفيش مستحيل يعنى سبحان الله الذى يحي ويميت وبيده كل شيئ وأكيد ربنا بيحبنا كلنا طول ما احنا مؤمنين بيه يبقي ازاى بقي أبص لحياتي بنظرة سلبية
    أصل يعنى أكيد كل حاجة بتحصل للواحد هى خير حتى لو أنت مش شايف كده
    وإذا لم تكن راضى بحياتك فاخرج من تحت سماء الله
    ويا رب الناس تبطل تبص للنص الفاضى من الكوباية
    وشكرا على البوست
    سلام


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: