لحظة سعادة

سبتمبر 15, 2008

في لحظات معينة الواحد بيحس فيها بالسعادة

مش اي سعادة لا السعادة اللي الواحد بيتمناها و ممكن يكون السبب بسيط جدا و بالنسبة لاي حد تاني لا يمثل اي شيئ

و انا بعترف ان السبب ممكن يكون للناس كلها هايف بس بجد كان لازم اسجل اللحظة دي , طب هو اية اللي حصل ؟

اللي حصل ان انا من بعد اذان الفجر انهردة و انا بحاول اعمل صفحت ويب و بستعمل مكتة من الجافا السكربت ولاكن المشكلة ان الفنكشن مش راضية تشتغل !! وكانت الصدمة و اعدت ادور و الف في المواقع علي الامثة و التوتوريلات مشلاقي حل !! ولا حتي في الموقع الرسمي التوتوريل الاساسي مش شغال ؟! ايون التوتوريل اللي علي الموقع طب انا اعمل اية … بعد الف ة الدوران في الاسكربت فضلت وراة لحد لما الحمد لله اتحلت و الصفحة اشتغلت 🙂 و المفروض ان مش دي اول مرة اعمل صفحة كدة لاكن اول مرة تقف معايا كدة !! و دة اللي كان منرفزني شوية و مديني طاقة اني اكمل و ادور و احلها لو كنت هفضل صاحي لحد تاني يوم 😀 دة انا اعدت اجرب لحد لما شكيت ان في حاجة غلط فيا انا و خليت واحد صحبي يجربها عندو الحمد لله انة كان صاحي هو كمان 😀 و برضو مشتغلتش عندو و طلع في حاجة نقصة في التوتوريل في الموقع الرسمي

بس بجد الاحساس بعد ما الصفحة اشتغل انا كنت اربت اعيط 😀 من الفرح ههههههههههه انا عارف ان في ناس كتير بتدحك دالوئتي من اللي انا كتبة دة انما مش مشكلة انا كمان فرحان و بدحك و ممكن ادخل انام دالوئتي

حبيت اسجل اللحظة دي

سلام

Advertisements

7 تعليقات to “لحظة سعادة”

  1. Falcon Says:

    والله من ساعة ما وصفتلي احساسك يبني وانا فرحانلك اوي

    ممكن زي ما انت بتقول تكون حاجة بسيطة

    بس زي ما قولتلك الحاجات دي والله لحظات لا تتعوض

    خصوصا ان ان شاء الله في المستقبل هتفتكر الحاجات دي وهتبقي هي احسن لحظات بترجعك لورا …………. للحظات انت عشتها وكانت احسن لحظات ساعتها هتخليلك لحظاتك اللي انتي عايشها احسن لحظات بردو

    ^_^

    go on as you can

    🙂 __ 🙂

  2. angel Says:

    فعلا دى من اجمل اللحظات احساس جميل اوى لما احس انى
    عملت حاجه او وقعت فى مشكله وعرفت احلها انا مجربه
    الاحساس ده قبل كده بس المشكله انه مش بيتكرر كتير

  3. my fate Says:

    هههههههههههه
    فعلا لحظة بتبقي تجنن
    لأ والأحسن من كده لما برنامج كده يكون مش راضى يشتغل معاك وتفضل تحاول معاه لحد ما يشتغل الواحد بيحس أنه هيطير من الفرحة
    والله حاسبات دي فيها الخير
    وربنا يكتر لحظات السعادة عندنا
    سلام

  4. Roody Says:

    والله اللحظات دى بتبقى لحظات لا تنسى ابداااا
    انا مرة وانا فى اولى ثانوى كان فى امتحان كيمياء والاستاذ حاطط فيه مسألة وقال محدش حلها فى اى مجموعة تانية وانها فرقت فى الدرجات عند كل الطلبة
    انا بقى كنت هتجنن واحلها روحت بيتنا وعيطت جااامد انى عرفاها ومش قادرة اوصل للحل بس ماما هديتنى شوية وقالت لى بالراحة كده وهتتحل
    والله والله لما هديت وفكرت بالراحة اتحلت معايا ورحت إديتها للاستاذ بقى وطلعت صح الحمد لله
    وساعات فعلا الواحد بيتحدى نفسه انه يوصل للحاجة اللى عايز يحققها حتى لو بسيطة
    الموضوع ده خلى الذكريات تطلع تانى 🙂
    والحمد لله ان حضرتك وصلت للى عايزه
    وعقبالى لما اوصل للى بدور عليه ياااااااااااارب
    هتجنن بجد لو ملقيتهاش 😦

  5. Hunikal Says:

    شكرا علي المشاركة
    وربنا يكتر لحظات السعادة و تفضل الزكري موجودة علي طول
    $Roody
    يارب توصلي للي بتدوري علية

  6. Che Ahmad Says:

    عندك حق اوقات كتير بتعدي لحظات زي دي بس غالبا بنساها بسرعة اصل الحزن غلاب علي رأي معرفش مين
    دايما اكتر حاجة تفرح الواحد انه يشوف ناتج حاجة تعب فيها مهما كانت صغيره في عين غيره هي عنده كبيرة اوي

    ربنا يوفقك دايما

  7. sandy Says:

    ايوه ايوه فعلاا حصلتلي قبل كده مكنتش جافا كان بي اتش بي
    كلها اسكريبتات 🙂
    وفعلاا لفيت وطلعت ونزلت بس طلعت الغلطه مني انا بس اهم حاجه فرحتي بجد كانت كبيره اوووي
    كان نفسي انادي علي كل اللي في البيت واقلهم اشتغلت والله اشتغلت
    اكيد ساعتها كنت هروح مستشفي المجانين علي اول طياره 🙂


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: