عيد سعيد

كل سنة و انتو طيبين و ان شاء الله يكون عيد سعيد عليكم جميعا

و عيد سعيد خاصة جدا لشعب الحاسوباتين برضو 😀

وكل سنة و انتو بخير

Advertisements

صباح الخير

صباح الخير 😀

• في البداية عشان نكون متفقين انا مش فرقة معايا صباح الخير” ولا “مساء الخير” لية بقى ؟ لان انا لسة منمتش 🙂 ايون لسة منمتش من امبارح
• طب و اية الجديد يعني ما احنا مش بنام يومين و دي كتير ولا نسيت ايام الامتحنات و و السفر و التطبيق
• لا منستش بس المشكلة في الاسبوع دة ان انا منمتش ولا يوم بالليل
• برضو عادي بتحصل شكلك نسيت برضو الكائنات الليلية 😀
• لا برضو منستش يا عم الرزل انت وئفلي علي الوحدة لية كدة , ياسيدي بص انا اقولك الحكاية ان الاسبوع دة انا سافرت فية بتاع مرتين و طبعا عشان نسافر الفجر لازم منمش و افضل صاحي و برضو باقي اليوم هناك صاحي , و اصلا انا معاد نومي بيكون علي 7 الصبح كل يوم
• طيب يا مان ما كلنا بنسهر و انت العادي بتاعك السهر اية الجديد اة و بعدين “هناك” فين ؟ 😀
• انت مالك “هناك” فين !! علي العموم هريحك هناك في المنصورة وما حولها , المهم الجديد يا سيدي انا تئريبا دالوئتي مليش معاد نوم اصلا يعني لا متحددا بنام الصبح ولا بالليل و علي فكرة الموضوع دة مرهق جدا النوم اللي مش مظبط و الحوار دة
• يا سيدي انت فاكر نفسك بس اللي كدة لا دة احنا كتير اوي
• اة يا حبيبي منا عارف ان احنا كتير بس احنا كتير و كلنا غلطانين , هو اة السهر حلو و لما بيكون معاك اصحابك و تهييس و كدة او لو لوحدك و مئضيها تفكير و تشغيل دماغ برضو وقت هايل للتركيز
• طب اشطة منت كلامك حلو اهو
• يا عم استنة اسمع كلامي للاخر
• قول يا سيدي سمعني غنيي و سمعني
• هسمعك , فاكر البوست اللي كنت كتبتة الترم اللي فات عن البرنامج الي جة في التليفزين عن اضرار السهر و كدة اللي كان اسمة we must sleep كان فية كلام زي الفل عن الموضوع دة ارجع شوفو تاني
• ايوة يا مان فكرو و اية الجديد
• برضو هيؤلي اية الجديد الجديد ان انا عايز اظبت النوم بتاعي خلاص زهئت من الموال دة و ان شاء الله هظبت موضوع النوم دة
• طب يا مان ربنا معاك و ان شاء الله يتظبت بدام انت ناوي و بتشتغل في كدة , و عقبالي انا كمان
• اة واضح ان انا هيست اوي انت ناسي ان انا و انت واحد 😀 !
• اة واضح ان السهر بداء مفعولو طب متقوم تنام ولا اي حاجة
• ربنا يسهل , سلام
• سلام

ناس و ناس 2

بعد النجاح الساحق للجزء الاول من الموضوع “ناس و ناس 1” قررت استكمال الاجزاء كما و عدتكم في سلسلة “ناس و ناس”

ههههههههههههههه اية المقدمة دي بتفكرني بـ مخرجي الافلام 😀

ماعلينا المهم انا هكمل كتابة المواضيع دي عن الناس و الشخصيات اللي الواحد بيقابلها

الشخصية بتاعت المرادي افضل وصف ليها هو الصورة دي الانسان المتفائل السعيد رغم كل اللي حولو من ناس و احباط

انا حبيت يكون كل شخصية سيئة هتكلم عنها اتكلم عن المناقد ليها وبشرط انة يكون مثال حي موجود في مجتمعنا و اخترت الدكتور ابراهيم الفقي 🙂 ليمثل الجانب الجيد في هذا الموضوع

من هو الدكتور ابراهيم الفقي ؟

• مؤسس ورئيس مجلس إدارة المركز الكندي للتنمية البشرية (CTCHD).
• مؤسس ورئيس مجلس إدارة المركز الكندي للبرمجة اللغوية العصبية(CTCNLP) .
• مؤسس ورئيس مجلس إدارة شركة كيوبس العالمية(CIS) .
• دكتور في علم الميتافيزيقا من جامعة لوس أنجلوس بالولايات المتحدة الأمريكية
• د. إبراهيم الفقي هو المؤلف لعلم Neuro Conditioning Dynamics (NDC) .
• مؤسس علم قوة الطاقة البشرية Power Human Energy (PHE) .
• متخصص ومدرس متقدم في التنويم بالإيحاء من المؤسسة الأمريكية للتنويم بالإيحاء
• والأكاديمية الأمريكية للتنويم بالإيحاء والمعهد الأمريكي بنيويورك في التنويم بالإيحاء
• والمؤسسة الكندية للتنويم بالإيحاء.

بعيدا عن الالقاب و المناصب العلمية هو انسان ايجابي بكل معني الكلمة , لم يقف عن حد ايجابيتة لاكن اصبح ينشر و يعلم الناس الايجابية و طرق الوصول لها و كيفية تحقيق السعادة.

انا مش هتكلم عن تئثير الدكتور عليا شخصيا لان لة يد في مساعدتي كثيرا

لة الكثير من الكتب و المحاضرات الصوتية و المرئية ومن الكثر الكتب اللي قرئتها و استمتعت بها كتاب “قوة التفكير” فعلا كتاب مميز و لمعرفة ما الذي اتحدث عنة اتمني ان يشاهد الجميع محاضراتة و ان لم تتمكن لكم الحضور المباشر هناك الكثير من المصادر على النت عن محاضراتة و youtube يحمل الكثير منها

فعلا هو خير مثال يقف امام الشخصية السلبية المتشائمة اللي اتكلمت عنها المرة اللي فاتت

في النهاية احب اقتبس جملة الدكتور الشهيرة التي يختم بها اغلب احاديثة

“تذكر دائما عش كل لحظة وكأنها اخر لحظة في حياتك , عش بحبك و ارتباطك بالله عز و جل , عش بالتطبع بأخلاق الرسول علية الصلاة  والسلام , عش بالامل , عش بالكفاح و الإقدام و الصبر وعش بالحب , و قدر قيمة الحياة “

🙂

الطريق الصح

شيل الدين من الدنيا هتتحول في ثوانى لغابة
بس ازاي الناس هتقرب لو شايفينوا كئابة
عارف ليه بيجلنا امل ودايما بيروح كالعادة
فاكرين الطريق الصح مفيهوش سعادة
نار او جنة الدنيا تعشها انت بتختار بإرادتك
لو ربنا قال لك ده غلط قالها علشان مصلحتك
اللي بيضحك للدنيا الدنيا هتضحك له زيادة
حب وخلي الكل يحب يا ناس ده الحب عبادة
!ايوه إكره أي غلط ومتكرهش الغلطان
كان ممكن تبقي انت مكانه، تكون في التوبة طمعان
او تايه ومحدش دله الصح طريقه إزاي
ادعيله ربنا يهديه، ويغير عمره الجاي!
عارف ليه بيجلنا امل ودايما بيروح كالعادة
فكرين الطريق الصح مفيهوش سعادة

ناس و ناس 1

ناس وناس فعلا الناس كلها مختلفة عن بعض

انا عايز اتكلم عن نموزج معين و اعتقد ان السلسلة دي هتكمل بنمازج كتير الواحد بيقبلها و يعيش معاها

النموزج اللي هتكلم عنو انهردة هو نموزج مش عارف اوصفة ب اية لاكن هو نموزج الشخص اللي لابس النظارة  السلبية و بيبص منها علي الحياة

شخص صادف ان انا اضيت معاة يومين ورا بعض و كان فيهم نقاش تئريبا في كل حاجة من المستقبل و الشغل و الجواز و الشباب و البلد و المستقبل و الماضي و كل حاجة

واللي لفت نظري ان كلامة كلو سلبي يعني مفيش اي توقع ان المستقبل يكون حلو و برضو الماضي مكنش كويس !! و مفيش امل في الشباب و الجيل الجديد و كل الكلام دة و برضو مفيش امل في الجواز ولا حتي لو في جواز هيكون في سعادة

بصراحة ليا رد ةاحد فقط طب انت عايش لية اية هدف استمرارك في الحياة هل هو ابنك طب انت برضو مستمر لية بدام مستقبلو هيكون وحش اوي زي ما انت بتقول هل هو ماضيك برضو نظرت الشخص دة للماضي علي ان كان فية اخطاء كتير مش هتخلية حافز ابدا طب مستقبل البلد برضو مش شايف امل لا في البلد ولا الجيل الجديد اللي هيمسكها !!

هي اكيد حاة من اتنين

21-9 يوم السلام العالمي

لو كنتو خدتو بالكو من البوست اللي دة كنت اشرت فية ليوم 21-9 دة يوم مميز جدا في اكتر من حاجة

و الي ناوي اتكلم عنو انهردة هو ان 21-9 دة تاريخ يوم السلام العالمي

هذه دعوة للمشاركة الإيجابية في الفعاليات التي تقام حول العالم بمناسبة اليوم العالمي للسلام !
لنشارك نحن المدونون بطريقتنا وأسلوبنا .. و من خلال مدوناتنا و نوافذنا ..
لأن أوطاننا هي أكثر الأوطان حاجة لهذا السلام ..
لنكون إيجابيين .. و لنُعلِم العالم اهتمامنا بالسلام !

لنناقش معاً:

back to school

اليوم العالمي للسلام – International Day of Peace 21-9

لنكن ايجابيين ولنشارك في هذا اليوم.

لحظة سعادة

في لحظات معينة الواحد بيحس فيها بالسعادة

مش اي سعادة لا السعادة اللي الواحد بيتمناها و ممكن يكون السبب بسيط جدا و بالنسبة لاي حد تاني لا يمثل اي شيئ

و انا بعترف ان السبب ممكن يكون للناس كلها هايف بس بجد كان لازم اسجل اللحظة دي , طب هو اية اللي حصل ؟

اللي حصل ان انا من بعد اذان الفجر انهردة و انا بحاول اعمل صفحت ويب و بستعمل مكتة من الجافا السكربت ولاكن المشكلة ان الفنكشن مش راضية تشتغل !! وكانت الصدمة و اعدت ادور و الف في المواقع علي الامثة و التوتوريلات مشلاقي حل !! ولا حتي في الموقع الرسمي التوتوريل الاساسي مش شغال ؟! ايون التوتوريل اللي علي الموقع طب انا اعمل اية … بعد الف ة الدوران في الاسكربت فضلت وراة لحد لما الحمد لله اتحلت و الصفحة اشتغلت 🙂 و المفروض ان مش دي اول مرة اعمل صفحة كدة لاكن اول مرة تقف معايا كدة !! و دة اللي كان منرفزني شوية و مديني طاقة اني اكمل و ادور و احلها لو كنت هفضل صاحي لحد تاني يوم 😀 دة انا اعدت اجرب لحد لما شكيت ان في حاجة غلط فيا انا و خليت واحد صحبي يجربها عندو الحمد لله انة كان صاحي هو كمان 😀 و برضو مشتغلتش عندو و طلع في حاجة نقصة في التوتوريل في الموقع الرسمي

بس بجد الاحساس بعد ما الصفحة اشتغل انا كنت اربت اعيط 😀 من الفرح ههههههههههه انا عارف ان في ناس كتير بتدحك دالوئتي من اللي انا كتبة دة انما مش مشكلة انا كمان فرحان و بدحك و ممكن ادخل انام دالوئتي

حبيت اسجل اللحظة دي

سلام

حملة 10 مليون مدخن ” أشعل أملا بإطفائها ”

مثل حملة شواطء الاسكندرية ضد التدخين التي كتبت عنها

هدف الحملة لإيصال رسالتها لأكثر من 10 مليون مستخدم عربي خلال فترة الحملة للاستفادة من شهر رمضان لمساعدة المدخنين للإقلاع عن التدخين والتوعية المجتمعات العربية والشباب بصفة خاصة بمضار التدخين وأخطاره .

تبدأ الحملة في بداية شهر رمضان المبارك برعاية الجمعية الخيرية لمكافحة التدخين في الرياض وتنظيم وتنفيذ عالم التطوع العربي ومشاركة أكثر من 250 موقع إلكتروني عربي , وذلك لنشرها والتوعية بمخاطر التدخين وطرق الإقلاع عنها وإستغلال شهر رمضان المبارك لإطفاء آخر سجارة .

تعتبر الحملة أكبر حملة عربية تستهدف التوعية بأضرار التدخين في العالم العربي , يشرف ويشارك في الحملة عشرات المتطوعين النبلاء الذين إتخذوا من مكافحة التدخين رسالة لهم وهدف ليسهموا في خدمة مجتمعاتهم , لنشاركهم ولندعمهم جميعا, لكي تصل الرسالة إلى كل مدخن

إنها دعوة لك أخي المدخن ، أختي المدخنة ، لاتخاذ القرار السليم ، في الوقت السليم ، فلنتوقف الان

المصدر