Archive for أغسطس, 2008

رمضان كريم

أغسطس 30, 2008

كل عام و انتم بخير بما ان رمضان علي الابواب احب اهنئ كل الناس بـ هذا الشهر العزيز علينا كلنا

و طبعا بمناسبة رمضان اعلانات المسلسلات بقت كتيـــــــــر جدا و اعتقد ان دة ملحوظ من الجميع و عرفت ان هم تقريبا 80 مسلسل في الشهر دة اذا من يريد يتابعهم محتاج 80 ساعة في اليوم و اليوم مجرد 24 ساعة فقط !!

و علي الرغم من كدة لو حبيت تسيبك من المسلسلات و تختم القران و مثلا كل يوم جزء اعتقد ان الجزء لن ياخذ اكثر من ساعة و باقي اليوم لك

و كل سنة و انتو طيبين 😀

Advertisements

اسف علي الازعاج

أغسطس 26, 2008

فلم لازم تشوفوة بجد فلم تحفة

بعد اجمل اربع ايام في الاجازة ياجمالك يا شرم الشيخ

أغسطس 26, 2008

ياااااااااااااااااااااااااااااه

اربع ايام من اجمل ايام اضتها في الاجازة دي

ايام كلها تجديد و اهم حاجة ان انا كنت بعيـــــــــــــــــــد عن الاب توب و الموبيل و و بالتحديد الانترنت

اربع ايام الواحد اضاهم هناك كانو تحفة تحفة بجد

من السفاري في الجبال و البحر و السمك الغريب اللي الواحد شافو دة لا و محدش ينسا العوم مع السمك في عرض البحر لا و الحفلات كمان حاجة …………. 😛 و محدش يفهمني صح

حجات متتحكيش تتجرب بس 😀

بجد الرحلة دي متتنسيش و متتوصفش لازم تتجرب

انا راجع من السفر و في حجات كتيـــــــــر عايز اكتب عنها في اكتر من موضوع

اشفكو في البوست اللي بعدة

اجازة في الاجازة

أغسطس 20, 2008

سبحان الله عمروكو شفتو واحد ياخد اجازة في الاجازة

انا ناوي اخد 4 ايام اجازة

لما ارجع اكلمكو عليها

سلام

🙂

اسكندريــــــــــــــــــة

أغسطس 19, 2008

اسكندريــــــــــــــــــة

يا اسكندريــــــة

بحرك عجايـــــب

ياريت ينوبنى م الحب جانـــب

تحدفنى موجــــه

على صدر موجــــه

والبحر هوجـــة

والصيد مطايــــب

أغسل هدومى

وأنشر همومى

على شمسه طالعه

وأنا فيها دايب
أقرأ باقي الموضوع »

Happy birthday to me :D

أغسطس 17, 2008

انا مش عارف اكتب ايه !! انهردة عيد ملادي الـ 19 كل سنة و انا طيب 😀 والله انا اعد دالوئتي مش عارف اكتب اية بس بجد فرحت لما لئيت ناس افتكرت عيد ميلادي منغير ما انا اقول حاجة و بعتولي رسايل و كلموني:)

وانا اعد دالوئتي و مشغل اغاني سبحان الله تيجي اغنية “مدرسة الحياة” لـ محمد عدوية و تاكي و فيها السطر دة ” ولله و الايام عدت اوام ياما شفنا سوا و كبرنا اوام بتعدي بينا و تلف بينا ايام “

انا فاكر زي انهردة السنة اللي فاتت برضة بعت بوست علي البلوج بعنوان Happy birthday to me : D بجد كان يوم جميل و بحاول افتكر من السنة اللي فاتت للسنة دي انا غيرت اية فنفسي للاحسن و عملت اية مفيد و اللي بجد فرحت ليه ان في حاجات انا عملتها اعتقد ان هي كويسة و بحاول ابص ادام السنة اللي جية انا عايز اكون وصلت لفين 🙂 ان شاء الله ربنا يقدم اللي فية الخير

و انا فرحان برضة ان انا لسة محتفل بعيد ميلاد البلوج بتاعي قريب و في كام مناسبة كويسين يارب ديم علينا المنسبات و الايام السعيدة و خلي زكريتها موجودة امين يارب

مجموعة مواضيع مؤجلة

أغسطس 16, 2008

في مجموعة مواضيع كنت اود ان اكتب عنها لاكن الفترة السابقة كنت بعيد و غير منتظم في الكتابة و ان شاء الله ممكن ارجع اكتب فيهم كل موضوع بشكل مفصل اكتر

08-08-08

افتتاح ؤلمبيات 2008 كان بجد ابداع و حدث جميل جدا انا شفت ملف فديو بيلخص الافتتاح كان في اجزاء رائعة بجد و واضح فية جدا المجهود و زي ما صوت المعلق في الملف كان بيؤل ان الناس دي كانت بتتدرب منذ اكتر من سنة للحدث دة و في اكتر من 16000 فرد شاركو في الاستعراض , الفديوهات موجودة علي youtube و في التورنت لـ كل اللي يحب يشاهد الحدث اللي اكتر من ثلثي العالم شاهدة .

الدكتور البراهيم الفقي

المحاضر العالمي و المفكر و الكاتب الكبير دكتور ابراهيم الفقي ,احد ابرز الشخصيات في العالم العربي و مؤلفاتة لها كل احترام و تقدير هو مؤسس علم “ديناميكية التكيف العصبي ” محاضر عالمي في مهارات التنمية البشرية بجد انصح اي حد انة يقتني كتاب من كتبة المفيدة جدا

الاستضافات المجانية

حل مثالي للتجارب و الاختبارات المبدئية علي بعض المواقع الصغيرة لاكن انا كنت بعاني مع احد تلك الاستضافات في ان لوحة التحكم لا اتمكن من الوصول لها فـ عنوان الصفحة يعيد توجيهي الي صفحة اخري لا يوجد بها اي شيئ مفيد و كانت المشكلة عندي انا بس !! كل اللي ؤلتلهم يجربو العنوان قالو انة سليم ؟! محدش يعرف استضافة تدعم الـ PHP و تكون جيدة ؟

عيد ميلاد سعيد

أغسطس 9, 2008

Happy BirthDay

انا نسيت ان عيد ميلاد البلوج بتاعي عدا كان يوم 31-7

ازاي انسا كدة ازاي انسا البلوج و تاريخ ميلادة البلوج دة اللي شاف ايام حلوة و ايام وحشة و تغيرات كتير معايا

شاف زكريات و مواقف شهد علي حجات كتير

Happy BirthDay to my Blog 😀