اللغة العربية

يونيو 19, 2008

هو فين العربي دة اصلا اللي بتكلم علي ؟

في حجات كتير دالواتي بتثبت ان العربي شارف علي الانتهاء لولا تمسك بعض الناس بية , و تاريبا العربي عندي باظ هو مش باظ اوي لاكن ممكن يكون في طريقة للانتهاء طب اية الاسباب

  1. من بداية التعليم مفيش حد من المدرسين خلاني احبة
  2. في الجامعة الدراسة بالانجليزي
  3. اهتمامي بالكمبيوتر غالبا و ان العربي فية قليل او مش موجود في بعض المجالات
  4. معنديش الاهتمام اني اتعلمة اوي

العربي اللي احنا فية دة اللي بنتكلم بية مش دة العربي بتعنا لا دي اللغة العامية مش دة اصل اللغة انا مش بؤل انا ناوي اتكلم بالفصحه لا مش للدرجادي لاكن اختار اوسط الحلول

لاكن اكتشفت المشكلة اللي انا و ناس كتير موجدين فيها دالواتي ان اللغة الغربية لغتي الاصلية بدئت افقدها – مشكلة كبيرة – انا مش هتكلم علي الغزو الثقافي و الكلام دة لا انا هاخد الموضوع من وجهة النظر الشخصية و المجتمع و العوامل اللي فية بالنسبالي

مثلا : اللغات الحديثة المستخدمة في الكتابة و الحديث بدل العربي او الفصحة

  • الفرانكو (بكتب ب حروف انجليزي و تقراء عربي)
  • العامية (اللي انا للاسف بكتب بيها بكتب علي حسب النطق للعامية)

طب انا دالواتي عرفت المشكلة و حدت اسبابها,اعمل اية بقي عشان احلها ؟

  • ارجع اقراء اكتر حجات بالعربي
  • يا اكتب عربي يا انجليزي و ابعد عن الفرانكو تماما لانة مش حاجة اصلا
  • احاول احسن من اسلوب كتابتي بالعربي

ان شاء الله بجد احاول اكتر في الموضوع دة و ياريت كلنا نرجع نفكر تاني ,هل العربي لغتنا الام موجودة ولا احنا سبب تدميرها؟

الإعلانات

5 تعليقات to “اللغة العربية”

  1. Roody Says:

    السلام عليكم
    فعلا حضرتك عندك حق
    والله الموضوع بجد ماما دايما تقول عليه مع انها مش مدرسة عربى ولا حاجة
    بس مش بيعجبها كلام العامية ده خااااااااالص

    ووالله عندها حق اللغة العربية اصلا جميلة جداا
    وانا عن نفسى بجد مش بحب الفرانكو ده خالص
    ولما بشوف كلام كتير فرانكو بكسل اقرأها
    ومش بحب اكتب فرانكو الا لما يكون مافيش عربى على الجهاز وبحس انى مضطرة
    بس مرة اتكلمت على الايميل انجليزى عشان بتخنق من الفرانكو جاااااامد

    شكرا على الموضوع الجميل ده

  2. baby Says:

    هوا فعلا حضرتك حضرتك عندك حق …
    وانا برضو مش بحب الفرانكو ده ابداااا … وزى ما رضوى قالت .. لما بلاقى موضوع او رد بالفرانكو بكسل أقراه
    والحل فعلا حضرتك قلت عليه .. يا نكتب عربي يا انجليزي و نبعد عن الفرانكو تماما لانة مش حاجة اصلا .. بس وده رأيي

  3. angel Says:

    بدايه هو موضوع جميل اشكر حضرتك عليه
    وفعلا (المفروض) ان اللغه العربيه افضل لغه فى العالم
    لانها لغه القران الكريم ,لكن لالاسف لالاسباب اللى حضرتك قولت
    عليها فوق انا بجب اللغه الانجليزيه اكتر وده غصب عنى بجد
    وبصراحه برضه مفيش نيه انى اتعلم لغه عربيه صح

    وبالنسبه لحكايه الفرانكو : الموضوع واضح هى حكايه وباء
    وانتشر ومعظم الناس دلوقتى بقت حبه الموضوع ده
    وبالنسبالى بقى انا اكتر حاجه بكرها الحروف اللى داخله فى موضوع الفرانكو ,بس هو خلاص قدر واتفرض علينا
    وعلى فكره من السهل جداااا على الناس انها تحدد يااما تكتب
    عربى يااما تكتب انجليزى ,ياله ربنا يساعدهم ويساعدنا نفهم اللى بيكتبوه.
    ســـــــــــــلام

  4. my fate Says:

    أكيد حضرتك عندك حق ويا ريت فعلا تستمر وتبدا ناس تانية كمان تفكر جديا فى الموضوع ده وانا اساسا مش باعرف أقرأ الفرانكوا ده بتخنق منه ويا ريت برضه تبدأ تكتب بالعربي برضه او على الأقل بلاش تكتب زى ما بتنطق فى العامى (مجرد نصيحة )
    بجد ألف شكر على الموضوع وربنا يكرمك
    سلاااااام

  5. BooDy Says:

    انا معاك في الحكاية دي بجد
    و ان الفرانكو رخم والله وانا مبقتش أكتب بيه كتير زي الأول (ماعدا في الايميل)

    بس الحكاية كلها ان كتابتي بالفرانكو أسرع منها في العربي .. فبستسهل أتكللم فرانكو

    و مش كل كتابتي انجليزي برضه عشان محدش يزهق من كتابتي ولا يقول بتمنظر بالانجليزي بتاعي ولا حاجة

    و أخيرا .. كويس اوي انك كتبت في النقطة دي عشان باظت عند معظمنا

    سلام


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: