العيب في مين ؟

يونيو 11, 2008

Dont give up, Just be you, Because life is too short to be anybody else

دي جملة سمعتها في فلم بس بصراحة هي جسدت مبداء انا مقتنع بية , مش مشكلة الجملة جت منين بس نحللها الاول ناخدها جزء جزء

Dont give up

اعتقد ان دة مبداء كويس جدا ( متستسلمش , لا تستسلم , مش تستسلم ) شيء جيد في حياة الانسان انة يصر و يثابر علي هدف و يحاول رغم الصعوبات و رغم كل حاجة

Just be you

بالمعني اللي انا فهمة عبر عن نفسك فقد , باسلوب ابسط متحاولش تقلد حد يعني الانسان المفروض انة يعبر عن نفسة هو و رؤيتة و افكارة فـ لكل انسان شخصيتة المميزة لية لا يمكن ان يكون اي شخص اخر ,لكن بالطبع ممكن ان تاخذ قدوى او مثال اعلي لك في الحياة لكن مع ذالك لا يجب ان تلغي شخصيتك

Because life is too short to be anybody else

اعتقد ان دة حل او مفتاح الموضوع كله , الحياة قصيرة جدا لان ادعي اني اي شخص اخر و في النهاية ستكتشف انك لم تعش حياتك بحرية وفي نفس الوقت لم تكن الشخص الاخر اذا فقد اهدرت حياتك , هدفنا جميعا من الحياة غير التقدم و النجاح و بالطبع السعادة الهدف الابعد هو الجنة.

طب نيجي للموضوع المهم العيب في مين ؟

اوضح انا بتكلم علي اية , الاصل في الموضوع ان انا بحاول اعيش حياتي انا بمعني اني بتصرف بـ اسلوبي , تفكيري , طريقتي الشخصية علي شرط انها تكون صحيحة .

طب دة اعتقد انة شيء مش وحش , الفكرة في الناس اللي حواليك و تفكرهم هم طبعا لان احنا اتفقنا ان كل انسان لية اسلوبة و تفكيرة يقابلك ناس كتير اقتناعهم الشخصي بتفكرهم فقط و اي شخص مختلف اذا هو خطء !!

دة حتي في الدين اذا اختلف 2 شيوخ علي مسئلة في بعض الاحيان الاتنين بيكونو صح لكن كل واحد لية تفكيرة و رؤيتة المختلفة للموضوع !! اذا الاختلاف موجود .

مثلا انا بعمل شيء معين بـ تفكير و وجهة نظر الناس مش شيفها فيحصل اللي بتكلم علية ان كل واحد يحلل الموقف من وجهة نظرة هو و محدش يفكر يسئل او يستوضح الفكرة بتعتي فـ يبني قصة تانية و يضيف من عندة اضافاتة الشخصية و ينتشر الموقف ب معني و تفسير تاني مختلف كل الاختلاف عن الفكرة الاصلية , و الامثلة علي ذلك كثيرة و اعتقد ان كل منا تعرض لمثل تلك المواقف .

طب انا سؤالي هنا العيب في مين ؟ فيا انا ان انا بعمل حاجة و معتقد الخير في الناس || الناس الي بتئلف روايات و قصص و بتعزب غيرها منغير ما تحط اعتبار لنواتج افعالها

طب انا هفترض ان العيب فيا , هل معني ذلك ان انا المفروض قبل ما اقوم ب اي فعل احسب حساب كل انسان و احاول ارضي كل شخص اعتقد ان اي حد يحاول يعمل كدة هيوصل للجنون بسرعة رهيبة لان من المستحيل ارضاء كل الناس !!

طب نفترض ان العيب في الناس , طب لية مفيش حد بيعمل حساب للمواقف اللي الانسان بيقع فيها

  • ممكن اكون مرغم او مجبر علي حاجة معينة يعني ممكن الموضوع ميكونش بيدي
  • زاوية النظر للموضوع مغلقة جدا لان الانسان اللي بعيد عن الموقف ميعرفش كل الموضوع فـ حكمة علية هيكون منغلق علي وجهة نظر واحدة
  • حجات تنية كتير …….

و في الاخر هرجع اسئل العيب في مين ؟ لو فيا ياريت حد يؤلي بجد ياريت ….

الإعلانات

5 تعليقات to “العيب في مين ؟”

  1. (Mohamed Ahmed) Mohamed001 Says:

    موضوع جامد يا اسلام
    ولو عاوز تعرف العيب فى مين العيب فينا كلنا محدش فينا صح على طول

    بس اقلك حاجة بدل انت بتعمل حاجة ومقتنع بيها اعملها حتى لو الناس هيقلولوا اية مع ان الناس بتحب تحرف حاجات كتير ومن حاجة صغيرة تلقيهم عملين قصة كبييييييييرة ملهاش لزمة وكلها كذب ومحصلتش انت عارف طبعا احنا شعب بنحب الشائعات والفضايح

    نيجى بقى على موضوع خطير جدا المثل البيقول اية (كل اليعجبك والبس اليعجب الناس ) طبعا دا مثل فاشل فاشل فاشل من وجهة نظرى وعمرى ما بصتلة وعمرى ما فكرت فية عشان انا بلبس الحاجة الحس ان مرتاح فيها مثلا مش عشان الناس البس حاجة تانية وخد المثل دا فى حاجات كتير زى انى اعمل حاجة معينة وكدا مش البس بس
    انا مبقللش من قيمة راى الناس لا بس ساعات الناس بتبقى مبالغة شوية
    ولو عاوز نصايح تعمل دا ولا لا مفيش غير والدك ووالدتك واخواتك فقط

    انا كتبت موضوع تعبير معلش بقى

  2. simsima84 Says:

    السلام عليكم

    تقريبا دي اول مره أشارك في بلوج حضرتك
    ورجاءا تقبل مروري ووجهة نظري المتواضعه جدا 🙂
    الموضوع مهم جدا ..
    و كل حد فينا بيتعرضله في حياته

    – (( كـــلام النــاس )) –

    صعب جدا إرضاء النفس البشريه علي وجه الخصوص
    وإرضاء الناس كلها علي وجه العموم
    عشان كده مش لازم أبدا تعمل حساب للناس من حواليك
    في اي حاجه بتعملها .. لأنهم مهما عملت عمرك ما هترضيهم
    لأنها ببساطه دي طبيعة البشر ..
    يعني عملت حاجه حلوه , عملت حاجه وحشه كده كده هيكون فيه كلام
    طيب اتفقنا علي عدم قدرتنا علي ارضاء الناس بتصرفاتنا
    نيجي لأهم نقطه أحب اوصلها من كلامي وهي :-

    – (( أهم حاجه انك ترضي ربنا في تصرفاتك )) –

    يعني محور اهتمامك الاساسي يبقي ربنا مش الناس خالص
    عيش حياتك بتفكيرك وأسلوبك الي اخترته لنفسك
    طالما مش بتعمل اي حاجه تغضب ربنا عليك

    طولت أوي معلش بس خلاصة كلامي كله بيتلخص في الحديث الشريف ده :

    عن جابر بن عبدالله قال :
    قال رسول الله(ص): ((من اسخط الله فى رضى الناس سخط الله عليه واسخط عليه من ارضاه فى سخطه ،من ارضى الله فى سخط الناس رضى الله عنه وارضا عنه من اسخطه فى رضاه، حتى يزينه ويزين قوله وعمله فى عينه))

    صدق رسول الله صلي الله عليه وسلم

    سلام عليكم

  3. noorelhoda Says:

    سبحان الله يا اسلااام انا قرات موضوعك ده
    وحاطت فى دماغى انى هرد عليك رد انت ممكن تكون سمعته منى كتير
    معرفش انت سمعته ولا لا
    بس البشمهندسه سمسه سبقتنى
    كتبت كل كلمه المفروووض ان انا كنت هقولهااا
    حتى الحديث
    فعلاا حل المشكله ديه كلها والاجابه على السؤال
    بيتلخص فى الحديث ده

    عن جابر بن عبدالله قال :
    قال رسول الله(ص): ((من اسخط الله فى رضى الناس سخط الله عليه واسخط عليه من ارضاه فى سخطه ،من ارضى الله فى سخط الناس رضى الله عنه وارضا عنه من اسخطه فى رضاه، حتى يزينه ويزين قوله وعمله فى عينه))

    صدق رسول الله صلي الله عليه وسلم

    فكر فيه كويس هتعرف ان الحل سهل جداا
    وشكرا على الموضوع المهم ده
    سلام عليكم

  4. MeMe Says:

    اراء الناس اللى قبلى بالضبط اللى كنت عايزة أقوله ..
    أولا انت مش على طول صح … وكمان الناس ..عمرهم مابيكونوا غلط على طول ..
    ثانيا .. انت طالما ماشى بما يرضى الله … مايهمكش بقى من أى حد لان انت عمـــرك ماهترضى كل الناس .. ودى فعلا طبيعة بشرية …
    وربنا يســتر
    تقبل مرورى ..
    سلااامز

  5. miro Says:

    طبعا الاختلاف موجود فى كل شىءكما قال الله سبحانه وتعالى فى كتابه العزيز ولا يزالون مختلفين الا من رحم ربك ولذلك خلقهم صدق الله العظيم واجد ايضا ان الانسان لا بد ان يلزم الصمت طالما انه لا يجد ما يتحدث فيه مع غيره لان الكلام هو منبع الخلاف


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: