اجمل يوم 4-6-2008

يونيو 6, 2008

اتاخرت اوي في كتابة البوست دي بس بجد كان اجمل يوم

انا بتكلم عن يوم اخر امتحان في الترم دة و يعتبر اول يوم في الاجازة بجد يوم ميتنسيش

بداية اليوم بتبتدي بـ ان اصحى الساعة 6 الصبح عشان الحق قطر 7:10 و الحمد لله لحئت وركبت ومجموعة من اصحابنا الاسكندرانية اللي معايا في الكلية و الحمد لله وصلنا بالسلامة و اليوم كان حر جدا جدا جدا و رحنا المدينة و سلمنا علي صحابنا اللي مشهنشوفهم تاني و بعدين رحنا الكلية بس انا كنت مهيس جدا و دة طبيعي لان

الحر + الشمس + الصحيان بدري + السفر + منغير اكل + امتحان = انا مهيس جدا

بس كان ختامها مسك و الامتحان كان حلو جدا بعيد عن امرائبة اللي كان في لجنتنا واحدة غريبة جدا ماعلينا منها

بعد ما خلصنا امتحان و نئدر نؤل ان رسميا خدنا الاجازة هاااااااااااااااااااا اتلمينا كلنا انا و شلتنا كلها و سلمنا علي الناس كلها و وصلنا اصحابنا اللي هيسافرو و متعرفش طلبت لية -مين دي اللي طلبت ؟- دماغنا 😀 طلبت لعب كورة فـ دبسنا ضياء انة يجروح يجيب الكورة الواد راح و جة جري-بطل- و اعدنا نلعب و طبعا كنا اخر ناس ماشين من كليتنا و لعبنا كورة لحد لما متنا كلنا و لعبنا مع العمال الي بيبنو المبني بتاعنا و لغلبناهم اكيد 🙂

بعد اللعب ؤلنا هناكل لازم -انا لسة مكلتش من الصبح- بعد نقاش كبير اتفئنا ان هناكل في كوك دوور و كمان كان في مناسبة مئجلنها هي عيد ميلاد ميتو و كان يوم ميتنسيش في المطعم طبعا دخلنا طلبنا تربيزة كبيـــــرة عشان تاخد الناس دي كلها و الاعدة اتظبطت و الهياس بداء و الاكل وصل و كلة تمام و محدش بقى عارف يتحرك من الاكل اللي اكلة -كلنا انتخنا 😀 – خرجنا بعد ما حولنا نتحرك و ئدرنا الحمد لله

و بدائت الرحلة الكبيرة في المشي الكتيـــــــــــــر و كنا بنسيب اي ضحية تقع مننا -ندالة بقي- اللي كان بيعد يريح كنا بنسيبة و نكمل و بعدين يجي يحصلنا و كان معانا كام ضحيا لحد لما وصلنا لخط النهايا اللي انا مش عارف هو كان فين بس كان بعيـــــد و طبعا الشباب كلها عاشت طفولتها و جبنا غزل البنات -فكرينة اللي بيتاكل دة بتاع العيال 😀 – مش كلنا بس كنت شوية حجات متتنسيش

و احتفالا بـ و صولنا لخط النهايا شربنا عصير و رحنا اعدنا عند الكبري اللي جام الهابي لاند و طبعا كنا هلكانين جدا لاكن علي مين برضة فضلنا مصممين ان اليوم لازم يستمر و مننا ناس نامت -عرفين مين …. بلاش فضايح- و بعدين ؤلنا هندخل الهابي لاند دخلنا و اعدنا نلعب كورة برضة شوية و بعدين اعدنا لعبنا “سبين بوتيل” او بالعربي الصراحة و اعدنا نحكي شوية و كان وقت جميل جدا و قت ميتنسيش بصراحة و بعديها اعدنا نعمل شوية حركات علي حبة break dance و طبعا الكثير من الوقوع و ناس كتير معاها اصابات بس بجد متعة تاريبا الوقت دالواتي حسب التوقيت المحللي لساعتنا كان 2 بالليل 🙂

ؤلنا نروح بقي طبعا اهل المنصورة كل واحد روح علي بيتهم و انا و الناس اللي بتسافر رحنا المدينة الجامعة و لاول مرة ادخلها بعد متخلص الامتحنات المهم نمنا شويا و صحينا بدري حوالي 7:30 عشان نركب قطار 9:10 و كويس ان احنا صحينا بدري لان ركبنا مواصلات غلط و القطار كان هيفوتنا و هو فات واحد صحبنا – بلاش برضة نقول مين عشان الفضايح :)) هو عارف نفسة – بس اطمنا علية انة وصل بالسلامة

حاجة وحدة بس هي اللي بجد كان نفسي اعملها او علي الاقل معناها يوصل كان نفسي اقول “see you later”

يعني اكشن و لعب و هزار و اصحاب و هياس و يوم من اجمل ايام اللي اضيتها في المنصورة في السنتين اللي فاتو

🙂

6 تعليقات إلى “اجمل يوم 4-6-2008”

  1. noorelhoda Says:

    فعلا والله يبنى كان يوم روووعه جدااااااا
    واحلى حاجه فيه ان كلنا كنا مع بعض
    وحمدالله على سلامتك يا حبيبى
    عقبااال بقى التجمع الكبيير
    ههههه اكيد انت عااارفه
    يالا سلامعزة

  2. Hia Says:

    ربنا يديم الايام الحلوة …

  3. sad_doura Says:

    اصلا اصلا المنصورة دي فيها حبايبا كلنا وطبيعي انك تبسط
    ثانيا
    انا هقعد احسد فيك لحد ما اخد الاجازة انا كمان اخر الشهر
    بيعذبونا

    يا سلام فكرتني بايام زمان ايام ما كان عندي صحاب وشلل
    ومش عارفة ايه حكاية كوك دور وسوبر كرانشي بالذات الي بينزل ع الصحاب ما عليييييييييييييييييييييينا
    تحياتي

  4. BooDy Says:

    لالا … اليوم ده لازم يتسجل في التاريخ عشان يظهر بعد كده في برنامج “في مثل هذا اليوم”

    و آثار اليوم لسه معلمة عليا من قرص ناموس و تكسير جسم و كله
    تصدق اني مكنتش عارف انام يومها بسبب وجع رجليا 😆

    بس بصراحة كان متعة برضه 😀

    اشوفكم على خير

    سلام

  5. 3ABED Says:

    كان يوم معــــــــــــــــدى والله يا رب ايامنا كده على طووول

  6. elahlawy Says:

    انا عارف اني إتأخرت في الرد …

    بس انت عارف بقى …

    بجد اليوم ده ميتنسيش … كان يوم جامد فعلا

    سلااااام يا صاحبي

    😀


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: