Archive for يونيو, 2008

التغير للافضل :)

يونيو 26, 2008

نعم التغير مفيد جدا , تم التغير الحمد لله في الجهاز عندي هو ليس بتغير جزري لاكن تغير في الشكل و الالوان , رغم حبي للالوان الداكنة و كل اصحابي فكرين الجهاز شكلة و الالوان من الداخل طبعا ليس بشكل جنونو لاكن بما يناسب

تم تغبر

  • خلفية سطح المكتب
  • لون الثيم العام للجهاز
  • شاشة الدخول

و جميع التغيرات الي الالوان الفاتحة ,اذا كنت من محبي الالوان الداكنة اذا لما التغير ؟

التغير فوائدة كثيرة اعتقد ان

  • الراحة النفسية للون الابيض
  • عدم الملل
  • كسر حلقة الروتين

ياريت الناس كلها تجرب التغير مثلا من شكل سطح المكتب فهو يعطي احساس بالنشاط و التجديد انا استفدت من الموضوع دة ان شاء الله تستفيدو منة.

Advertisements

فوايد السفر

يونيو 24, 2008

انا بصراحة مش فاكر اية هم الفوايد دول لاكن اللي متاكد منة ان انت تتعرف علي ناس جديدة دي من اهم الفوايد اللي ممكن تخدها من السفر ,

و زي ما انتو عرفينا انا اصلا من اسكندرية و الكلية بتعتي في المنصورة و الحمد لله ان ربنا وفقني و اتعرفت علي ناس كتير في المنصوة من اهلها و من برة المنصورة و فعلا اتعرفت علي ناس كويسة جدا انا مش هتكلم علي كل واحد فيهم لا انا بس عايز اقول ان فعلا في رجالة انا اتعرفت عليهم و هم عرفين انا بتكلم علي مين , مش هتكلم علي انهم سعدوني في اوقات ولا وئفو جمبي و لا هتكلم عن كل الحجات دي لان صعب تتكتب هي تتحس بس .

رجالة و اصحاب لى و اضينا مع بعض اوقات زي الفل منها الكويس و منها الصعب لاكن في النهاية كان المهم ان احنا مع بعض و رغم ان ممكن اكون انا بعيد عن المنصورة لاكن لازم نتقابل و علي الاقل موجدين اونلاين

اة و انا بكتب دالواتي لائيت الابيات دي


تغرب عن الأوطان في طلب العلى***وسافر ففي الأسفار خمس فوائد
تفرج هم واكتساب معيشة***وعلم وآداب وصحبة ماجد
فإن قيل في الأسفار ذل ومحنة***وقطع الفيافي وارتكاب الشدائد
فموت الفتى خير له من معاشه***بدار هوان بين واش وحاسد

اللغة العربية

يونيو 19, 2008

هو فين العربي دة اصلا اللي بتكلم علي ؟

في حجات كتير دالواتي بتثبت ان العربي شارف علي الانتهاء لولا تمسك بعض الناس بية , و تاريبا العربي عندي باظ هو مش باظ اوي لاكن ممكن يكون في طريقة للانتهاء طب اية الاسباب

  1. من بداية التعليم مفيش حد من المدرسين خلاني احبة
  2. في الجامعة الدراسة بالانجليزي
  3. اهتمامي بالكمبيوتر غالبا و ان العربي فية قليل او مش موجود في بعض المجالات
  4. معنديش الاهتمام اني اتعلمة اوي

العربي اللي احنا فية دة اللي بنتكلم بية مش دة العربي بتعنا لا دي اللغة العامية مش دة اصل اللغة انا مش بؤل انا ناوي اتكلم بالفصحه لا مش للدرجادي لاكن اختار اوسط الحلول

لاكن اكتشفت المشكلة اللي انا و ناس كتير موجدين فيها دالواتي ان اللغة الغربية لغتي الاصلية بدئت افقدها – مشكلة كبيرة – انا مش هتكلم علي الغزو الثقافي و الكلام دة لا انا هاخد الموضوع من وجهة النظر الشخصية و المجتمع و العوامل اللي فية بالنسبالي

مثلا : اللغات الحديثة المستخدمة في الكتابة و الحديث بدل العربي او الفصحة

  • الفرانكو (بكتب ب حروف انجليزي و تقراء عربي)
  • العامية (اللي انا للاسف بكتب بيها بكتب علي حسب النطق للعامية)

طب انا دالواتي عرفت المشكلة و حدت اسبابها,اعمل اية بقي عشان احلها ؟

  • ارجع اقراء اكتر حجات بالعربي
  • يا اكتب عربي يا انجليزي و ابعد عن الفرانكو تماما لانة مش حاجة اصلا
  • احاول احسن من اسلوب كتابتي بالعربي

ان شاء الله بجد احاول اكتر في الموضوع دة و ياريت كلنا نرجع نفكر تاني ,هل العربي لغتنا الام موجودة ولا احنا سبب تدميرها؟

مشكلة الكتابة ؟

يونيو 18, 2008

اية البوست الغريبة اللي انا كتبتها اخر مرة دي ؟

هو فعلا كان في حجات كتير في دماغي لدرجة ان انا مش عارف اركز اكتب عن اي حاجة فيهم , هي احيانا بتكون مشكلة ان انا افتح البلوج و افتح الصفحة بتاعت كتابة البوست الجديدة و اكتب شوية وامسح اللي انا كتبتة و مكملش لية ؟

انا عامل البلوج دة عشان اكتب فية و عشان يكون زي موقع شخصي اذا المفروض ان انا اكتب مش اجي اقول مش عارف اكتب !! عشان كدة انا ؤلت الحل للمشكلة هو اقتحام المشكلة نفسها -انا قراءت السطر دة فين ابل كدة-

و كان القرار ان انا اكمل كتابة برضة و استمر ان شاء الله و كان في كام موضوع كدة هتكلم عنهم بالترتيب بعدين

لان محتاج اراجع الدرفتات اللي عندي لان متخزن فيها مواضيع كتير هرتبها و ارجع اكتب ان شاء الله .

Post

يونيو 17, 2008

مش عارف اكتب اي حاجة احساس غريب

!!

العيب في مين ؟

يونيو 11, 2008

Dont give up, Just be you, Because life is too short to be anybody else

أقرأ باقي الموضوع »

اجمل يوم 4-6-2008

يونيو 6, 2008

اتاخرت اوي في كتابة البوست دي بس بجد كان اجمل يوم

انا بتكلم عن يوم اخر امتحان في الترم دة و يعتبر اول يوم في الاجازة بجد يوم ميتنسيش

بداية اليوم بتبتدي بـ ان اصحى الساعة 6 الصبح عشان الحق قطر 7:10 و الحمد لله لحئت وركبت ومجموعة من اصحابنا الاسكندرانية اللي معايا في الكلية و الحمد لله وصلنا بالسلامة و اليوم كان حر جدا جدا جدا و رحنا المدينة و سلمنا علي صحابنا اللي مشهنشوفهم تاني و بعدين رحنا الكلية بس انا كنت مهيس جدا و دة طبيعي لان

الحر + الشمس + الصحيان بدري + السفر + منغير اكل + امتحان = انا مهيس جدا

بس كان ختامها مسك و الامتحان كان حلو جدا بعيد عن امرائبة اللي كان في لجنتنا واحدة غريبة جدا ماعلينا منها

بعد ما خلصنا امتحان و نئدر نؤل ان رسميا خدنا الاجازة هاااااااااااااااااااا اتلمينا كلنا انا و شلتنا كلها و سلمنا علي الناس كلها و وصلنا اصحابنا اللي هيسافرو و متعرفش طلبت لية -مين دي اللي طلبت ؟- دماغنا 😀 طلبت لعب كورة فـ دبسنا ضياء انة يجروح يجيب الكورة الواد راح و جة جري-بطل- و اعدنا نلعب و طبعا كنا اخر ناس ماشين من كليتنا و لعبنا كورة لحد لما متنا كلنا و لعبنا مع العمال الي بيبنو المبني بتاعنا و لغلبناهم اكيد 🙂

بعد اللعب ؤلنا هناكل لازم -انا لسة مكلتش من الصبح- بعد نقاش كبير اتفئنا ان هناكل في كوك دوور و كمان كان في مناسبة مئجلنها هي عيد ميلاد ميتو و كان يوم ميتنسيش في المطعم طبعا دخلنا طلبنا تربيزة كبيـــــرة عشان تاخد الناس دي كلها و الاعدة اتظبطت و الهياس بداء و الاكل وصل و كلة تمام و محدش بقى عارف يتحرك من الاكل اللي اكلة -كلنا انتخنا 😀 – خرجنا بعد ما حولنا نتحرك و ئدرنا الحمد لله

و بدائت الرحلة الكبيرة في المشي الكتيـــــــــــــر و كنا بنسيب اي ضحية تقع مننا -ندالة بقي- اللي كان بيعد يريح كنا بنسيبة و نكمل و بعدين يجي يحصلنا و كان معانا كام ضحيا لحد لما وصلنا لخط النهايا اللي انا مش عارف هو كان فين بس كان بعيـــــد و طبعا الشباب كلها عاشت طفولتها و جبنا غزل البنات -فكرينة اللي بيتاكل دة بتاع العيال 😀 – مش كلنا بس كنت شوية حجات متتنسيش

و احتفالا بـ و صولنا لخط النهايا شربنا عصير و رحنا اعدنا عند الكبري اللي جام الهابي لاند و طبعا كنا هلكانين جدا لاكن علي مين برضة فضلنا مصممين ان اليوم لازم يستمر و مننا ناس نامت -عرفين مين …. بلاش فضايح- و بعدين ؤلنا هندخل الهابي لاند دخلنا و اعدنا نلعب كورة برضة شوية و بعدين اعدنا لعبنا “سبين بوتيل” او بالعربي الصراحة و اعدنا نحكي شوية و كان وقت جميل جدا و قت ميتنسيش بصراحة و بعديها اعدنا نعمل شوية حركات علي حبة break dance و طبعا الكثير من الوقوع و ناس كتير معاها اصابات بس بجد متعة تاريبا الوقت دالواتي حسب التوقيت المحللي لساعتنا كان 2 بالليل 🙂

ؤلنا نروح بقي طبعا اهل المنصورة كل واحد روح علي بيتهم و انا و الناس اللي بتسافر رحنا المدينة الجامعة و لاول مرة ادخلها بعد متخلص الامتحنات المهم نمنا شويا و صحينا بدري حوالي 7:30 عشان نركب قطار 9:10 و كويس ان احنا صحينا بدري لان ركبنا مواصلات غلط و القطار كان هيفوتنا و هو فات واحد صحبنا – بلاش برضة نقول مين عشان الفضايح :)) هو عارف نفسة – بس اطمنا علية انة وصل بالسلامة

حاجة وحدة بس هي اللي بجد كان نفسي اعملها او علي الاقل معناها يوصل كان نفسي اقول “see you later”

يعني اكشن و لعب و هزار و اصحاب و هياس و يوم من اجمل ايام اللي اضيتها في المنصورة في السنتين اللي فاتو

🙂

خلاصة يومين

يونيو 4, 2008

اليومين الي فاتو دول حصل فيهم شوية حجات

هم يومين بين الامتحان قبل الاخير و الامتحان الاخير بتاع بكرة

  • استلمت طرد نسخة الـ Ubuntu 8.04
  • النت قطع و للاسف رجعت للـ Dailup
  • شوفت ولاد اختي “علي و محمود” -ربنا يخليهم يارب- مكنتش شوفتهم من قبل بداء الامتحنات
  • عرفت شوية حجات جديدة في الـ PHP
  • النت رجع تاني و الحمد لله
  • حاولت ازاكر عشان الامتحان العجيب بتاع بكرة دة

مش عارف انا دخلت كتبت الحجات دي لية بس يظهر ان البلوج بيكون احلى فترة الامتحنات و ممكن عشان مش فاضل غير مادة واحدة فـ احساس ان الامتحنات خلصت خلاص

يلا علي العموم خير و ربنا يسهل في الامتحان بتاع بكرة بتاع “الجريمة لا تفيد” 😀

No for (Dialup)

يونيو 3, 2008

خلاااااااااااااااااص

مش مستحمل انا انهرة ؤمت الصبح و خير اللهم اجعلة خير الاقي النت مفصول عندي no dsl

و بعد محاولات كتير اللي وصلت كلها لطريق مسدود النت مش راضي يجي :((

رجعت للاسف لاقدم الطرق اتصالا بالنت(بالنسبالي) وهي الـ Dialup

وطبعا بعاني من اول اليوم من البطء الشديد

ان شاء الله النت يتصلح عشان انا كدة مش عارف اعمل اي حاجة خالص

يارب