اكتب OR اكتئاب

مايو 6, 2008

stress

بئالي كتيـــر مكتبتش مع ان انا كنت متابع و كنت بدخل علي البلوج بـ شكل شبه يومي

بس المشكلة انا في فترة امتحانات لاكن مش زي الطلاب العادين لا دي فترة امتحانات في كلية حاسبات و معلومات جامعة المنصورة وما ادراك من الكلية دي

المشكلة مش ان الامتحانت صعبة لا والله في امتحانات بتكون سهلة جدا

لكن تبص مثلا علي الضغط النفسي اللي بتسببة الكلية بالامتحانات ان انت مرة وحدة تعرف ان انت عندك امتحان كمان يومين , طلع منين الامتحان دة متعرفش طب هنمتحن في اية بالظبط في المادة متعرفش !! هههههههههههههه

والله الواحد يدحك احسن ما يعيط

لا وتلاقي ان الامتحنات دي عندنا موضة مثلا متعرفش يعني مثلا من يومين كان عندنا امتحان شفوي و تسليم شيت و شوية حجات كدة تسئل الامتحان فين تلاقي الناس محتارة و محدش عارف طب هنمتحن في اية برضة محدش عارف و اللي يؤلك انا سمعت الدكتور بيقول في كذا و اللي تؤل ان هي اتصلت بالدكتور و قال لا هنمتحن في كذا ( “كذا” تاني خالص غير الـ “كذا” الاولاني )

ماعلينة مش مشكلة احنا برضة خدنا علي التعب و هندور علي الدكتور و هنزاكر كل حاجة تيجي يوم الامتحان تلاقية اتلغى مع ان انا اصلا مش من المنصورة و كنت اعد هناك بقالي كتير و نفسي اروح مهو انا مش اعد في السجن و الا في الجيش يعني المفروض ان انا اتحرك براحتي لا يجي الامتحان يتاجل و لازم تترمى هناك ولا تتحرك ولا حد يعمل اعتبار ليك علي اساس ان انت مش انسان اصلا  طب تبزل كل المجهودات الممكنة و تتحايل علي الدكتور ان انت تمتحن يومها و الحمد لله يوافق و تمتحن و تقول اخيرا الدنيا هتكون حلوة و هشوف البيت اللي انا نسيت شكلة اصلا

يجي دكتور تاني يؤلنا ان عندكم امتحان كمان 4 ايام

تاقريبا هم حلفين ان انا مشوفش البيت و نوين ان اهلي ينسو شكلي اذا مكنوش نسيوه اصلا 😦

و رغم كدة اتحايل علي المواعيد كلها و الاقي يومين اروح فيهم الحمد لله الحياة بدئت تكون حلوة تاني اهو لا لية تكون حلوة انت لازم تفضل تتفرم علي طول ادخل علي منتدي الكلية و الاقي الخبر السعيد ان في امتحان كمان يومين يعني انا لازم اسافر بكرة انا مش عارف هل هم متفقين ان انا معودش في البيت اكتر من 48 ساعة ولا اية ؟

و زي ما عنوان الموضوع بيئول ان انا يا امة كنت اكتب البوست دي يا امة كان هيجيلي اكتئاب

في شوية حجات كانت بتساعد الواحد زي مبادئ و نظريات 513

و النظرية الشهيرة لينا

“فيه امتحان السبت… هو النهاردة الجمعة؟؟ .. لا .. يبقى لسة مافيش امتحان … D

الإعلانات

6 تعليقات to “اكتب OR اكتئاب”

  1. senioreta Says:

    يااااااااااااااااااة دة الى يشوف بلاوى الناس تهون علية بلوتة
    والله بجد الناس كلها جلها اكتئاب من الكلية دى لدرجة انى كنت بعيط امبارحبسبب الامتحانات والهم الى احنا فية دة معلش بقا قدرنا ولازم نتعايش معاة
    انا نفسى احاول اكبر دماغى علشان ميحصليش حاجة لان مهما عملنا فأحنا هنفضل فيها كمان سنتين يعنى لامفر
    المهم ان احنا لازم نشيل المواضيع دى من دماغنا ونفكر فى المزاكرة عشان نعدى على خير ان شاء الله
    سلاااااااااااام

  2. angel Says:

    “ان الامتحانات دي عندنا موضة”

    ده فعلا احسن تعبير عن ذوق الدكاتره بتوعنا “مش عارفه ليه حاسه ان الدكاتره بتغير من بعضها” اشمعن الدكتور كذا يعطى امتحان شفوى وانا لاء
    يبقى المفروض اعمل ايه؟ انتحرهم شفوى زيه

    بس مهما يعملوا برضه كله على قلبى زى الفراوله
    مش عارفه ايه كميه التفاؤل اللى عندى دى غير كل الناس خالص

    وعجبى

  3. metoofci Says:

    اسلام انت عارف احنا بنبقى عاملين ازاى ايام الامتحانات
    بجد احنا تحولنا اشباح مش بنام نحس اننا سكارة بس من غير اى حاجة مسكرة
    تحس اننا تحولنا الكلب بتاع التاكسى اللى كان راكب فيع بتاع ميلودى
    بجد

    رغم انها احسن سنة عديت عليا لكنها اسوء سنة عدت علياا
    عادى منا مجنون محدش يفسر الجملة

    عادى جداا يا اسلام احنا فى حاسبات مش اى كلية يا ابنى

  4. 7ad we 5'alas Says:

    والله ربنا معانا كلنا وربنا يعدى السنتين دول بقى على خير
    وبعدين يعنى بجد مش عارفه اقول ايه
    فى حاجات كتير بقت غريبة اوى فى الكلية دى
    كل شوية امتحان يتأجل
    ونتمرمط جامد اوى يعنى
    وكله ده عادى اوى كده ولا بيهمهم حد
    ومن من كلية لكلية عشان نلاقى مكان نمتحن فيه او ناخد فى محاضرة
    واخر مرمطة والله يعنى
    والله لينا ربنا فى الكلية دى
    ربنا معانا كلنا والله

  5. BooDy Says:

    ya man “OR” aslan ma3naha Oom Rawa7

    w b3deen 3la fekra t2reban homa by3melo m3ana keda fel kolya 3shan lamma net5arag yeb2a 3andena mana3a men el 7arakat el ar3a de

    enta mesh lwa7dak ya man
    el dof3a kollaha keda!!
    7atta emshy fel gam3a keda … lamma tla2y wa7ed ma5no2 a 7a6e6 wesho fel ard e3rf eno taba3na

    kfaya kalam b2a 3shan youm el 5amees fe emt7an … w bokra el 5amees
    ezan fe emte7an 😦

    (note: ew3a ta5od 3any fekra eny raye7 azaker … lalala .. ana da5el anam ya 3am)

    salam

  6. Hunikal Says:

    شكرا علي المساندة دي يا جماعة
    🙂


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: