Archive for مايو, 2008

طيب … زي ما تيجي تيجي

مايو 28, 2008

الزمان : دالواتي.. يوم ما يعلم بيه الا ربنا

ليلة امتحان الجرافكس

المكان : ؤضة في المدينة الجامعية

في المنصورة

الاشخاص : مجموعة من الطلاب في كلية الحاسبات و المعلومات

مهتمين بالمصادر المفتوحة

الحدث :

ليلة امتحان الجرافكس-وما ادراك ما الجرفكس- و مش فاهمين اي حاجة تاريبا كل واحد فاهم كلمة و والله حاولت ازاكر و ملئناش ورق نزاكر منة, برضة الاصرار موجود جبنا ورق في المادة و لمينا السكاشن اللي كنا بنحضرها -ههههههه هم كام سكشن- برضة حاولنا نزاكر ,وربضة منفعش اكتشفت اني او برضة ان احنا كلنا مش عارفين نزاكر ….لية ؟ لان مكنش في محاضرات نزاكر منها و لما كنت بحضر محاضرات ايام زمااااان مفهمتش حاجة ! و برضة السكاشن مكنش ليها لزمة اوي .

الحالة :

انا شخصيا حالتي دالواتي تيييييييييييييييت -منع للرقابة- او بمعني تاني مخنوء , زهئان , بحاول مدخلش في اكتئاب لاكن الاكيد ان انا محبط من المادة دي بشكل كبير !! للاسف كنت بحاول ابعد عن الاحساس دة لاكن …. الحمد لله علي كل شيئ و اللي يجيبة ربنا كويس .

كمان بئالي كتير مروحتش بيتنا و من اول الامتحنات و انا موجود في غرفة واحدة في المدينة الجامعية و اكبر مسافة بـ ابتعدها عن الغرفة هي ان انا انزل اروح الامتحان و ارجع تاني اعد في الؤضة !! تاريبا بئالي كتير مشوفتش الشارع ولا عملت اي حاجة مختلفة , روتين قاااااااااااااتل .

الحالة العامة :

الجو حر و انا زهئان في ناس بتحاول تزاكر , و ناس نامت و فقدت الامل , في اللي ساب المكان و مشي خالص , حبة اعصبهم تعبت و بدئو يزعئو علي اي حاجة , واحد فاضي عمال يخبط في الباب , شوية اعدين علي الكمبيوتر بيظبتو في اللينوكس .كل دة في ؤضة المفروض ان هي لـ 4 اشخاص فقط !!!

الحل :

  • اتصلت بـ اهلي ؤلتلهم الوضع اللي انا فية كله و حاولت اطلع شوية من اللي جواية
  • دخلت اكتب البوست دي و برضة بحاول اخرج جزء من اللي جوايا بدل ما انفجر
  • اقوم اخد دش ساقع و اصللي ركعتين عشان ربنا يكرمنا ان شاء الله
  • احاول اكمل مزاكرة عشان انقذ ما يمكن انقاذة من المادة دي

في الاخر :

ادعولنا كلنا

Advertisements

بعد اول امتحان : communication !!

مايو 19, 2008

انا ؤلت ان الامتحنات دي هتشوف بوستات كتير و انا مسدئتش

انا مش داخل اكتب يومياتي ولا حاجة لا بس هي حالة الامتحنات بتكون فيها مواقف و حجات كتيـــر

الحمد لله انهرضة الامتحان كان حلو

كان امتحان مادة communication بس هي علي الكتاب اسمها Data&computer مش عارف لية !! بس ماشي …

بس سيبكوم من الامتحان نفسة و شوفو اللي حصل في الامتحان

تاريبا دة تاني امتحان انا اعد اضحك في اللجنة بالشكل دة بس مسكت نفسي الحمد للهبدل ما اهيس و سعتها كان ممكن معرفش اكمل امتحان طب هو اية اللي حصل لـ دة كل للي ماعانا في الكلية يسئلو اصحابهم الي في اول لجنة هههههههههههههه

و للي من برة الكلية متئلئوش يا جماعة انا في حاسبات المنصورة يعني اي حاجة ممكن تحصل و بلاش عشان الناس اللي عندها الضغط ميتعبوش

بس بصراحة في اصحابي كتير كانو بيعانو من الشمس لان اليوم كان صعب جدا و كان مكانهم شمس جدا ربنا معاهم باقي الامتحنات

و بعد الامتحان قدينا يوم علي طريقة 513 😀

و اليوم لم ينتهي بعد و مازال الهياس مستمر

سلام

🙂

قبل اول امتحان !!

مايو 18, 2008

!!

انا عندي امتحان كمان 12 ساعة

مكنتش متوقع ان انا هدخل اكتب اي بوست في الوقت دة ؟

انا تاريبا كنت ناوي اخد فترة اجازة بمناسبة الامتحنات و مكنت هكتب حاجة بعد تدوينة الحافز

غير ان جه الخبر و عرفت ان المدونة هديل انتقلت الي رحمة الله

بس هو احساس غريب و السمعات دالواتي علي وداني و الاغاني شغالة و زميلي في المدينة اهم …..

اعدت ادور بين مواقع النت اللي انا متابعها و دخلت علي الريدر بتاعت جووجل

لائيت برضة زميلة من الكلية دخله تكتب و برضة عندها امتحان معانا بكرة 😀 !!

و ناس تنية دخلة ترد واضح ان الناس كلها ؤنلاين دالواتي و دي حاله عامة عند كل الحسوباتين

واضح ان فترة الامتحنات دي حتلائي بوستات كتير مني و مش زي ما انا كنت متوقع خالص

يلا خير اشوفكوم بعد الامتحان انا حبيت بس اسجل الاحساس دة دالواتي .

البقاء لله “هديل محمد الحضيف”

مايو 16, 2008

البقاء لله

توفت صباح اليوم المدونة “هديل محمد الحضيف”

صاحبة مدونة “باب الجنة

انا لا اعرفها لاكن تابعت مدونتها

عرفت انها تعبت و كانت في المستشفى

حاربت المرض و كنا نتمني لها الشفاء لاكن امر الله نافز

لا تنسوها بالدعاء

الله يرحمك ياهديل ويغفر لك ويسكنك فسيج جناته

يارب اغفر لها و ارحمها

يارب اغفر لها و ارحمها

يارب اغفر لها و ارحمها

……….

الحافز

مايو 16, 2008

هل عندك حلم ,امل او هدف في المستقبل تعمل علي تحقيقة ؟

غالبا ان الجميع لهم اهداف و احلام يودون تحقيقها ,لكن ما الذي يجعل الي واحد منا يستمر في العمل حتى يحقق حلمة او هدفة ؟

اعتقد ان “الحافز” او “الدافع” هو الذي يجعل الاناس يستمر في العمل و البذل من اجل هدفة مهما كانت الصعوبات ,لكن وحدة الحافز الصحيح هو الذي يجعل الاناس يستمر وليس اي حافز يجد ان يكون الحافز

  • قوي
  • مرتبط بالهدف
  • لا يكون سبب في قتل الهدف

الفرق بين من يحقق هدفة ومن لا يحققة هو الاستمرار و الاصرار علي الهدف و يكون خلف ذالك الدافع الذي اتحدث عنة .

اذا ما الدافع لدي اي منا وراء ما يفعلة الان ام هي مجرد افعلا جوفاء لا معني ولا غايا منها ,اذا كانت هكذا اذا فهي اشياء الانسان يقوم بها حتى لا يقتلة الملل ,وفي نفس الوقت قد قتل هو حلمة .

منذ ان كنا صغار و الكل يحلم و ثم يكبر الانسان قليلا لتتحول تلك الاحلام الي اهداف و يري الانسان منها ما هو صالح لة و مناسب و يسعى خلفة ,لذالك اعتقد انك اذا اردت ان تقتل حلم اي شخص فلتقتل بداخلة الدافع الذي يستمد منة قوتة ,لذالك علي اي شخص معرفة الدوافع وراء افعالة و يتوقع المتغيرات التي من الممكن ان تحدث ويضع احتمالات ثانية و يضح حلول للمشاكل التي يتوقعها واذا تغير هذا الحافز علي سبيل المثال :

لو كان الانسان في مرحلة حب و كان هذا الحب هو دافعة للعمل و للبذل من اجل تحسين كل ظروفة و علي اسوء الفروض اذا اختفى هذا الحب هل يفقد الانسان اهتمامة بالتقدم و يفقد اقبالة علي العمل ,ام يجعل نفسة هي الدافع للتقدم و لتحسين زاتة ؟

اعتقد انة يجب علينا ان نراجع دوافعنا هل هي فعلا مناسبة للنا و للاهداف ,ام تلك الدوافع هي بالفعل ما يعطلنا عن تحقيق الاهداف

صدفة

مايو 8, 2008

“عشان انا عيزة ان انا اكون كويسة”

دي مش جملتي يا جماعة دي جملة انا سمعتها من بنت في التلفزيون كانت بترد علي المزيعة في البرنامج و كان السؤال : طب اية اللي خلاكي كويسة ؟. نجيب القصة من الاول

كنت اعد بتفرج علي برنامج في التلفزيون و كان في برنامج بيتكلمو فية علي الشباب و البنات و الجواز العرفي و الحجات دي كلها و كانو بيستضيفة شباب و بنات و يسئلوهم عن هل يعرفو حد متجوز عرفي ولا لا .

المهم كان في مداخلات تلفونية للبرنامج و منهم المداخلة اللي صحبتها قالت الجملة دي (الجملة اللي خلتني افكر بجد) “عشان انا عيزة ان انا اكون كويسة” كانت البنت بتتكلم علي نفسها و علي ان الظروف مهما كانت صعبة فهي مش شماعة تعلق عليها الاخطاء ولا تدفع الشباب للتصرفات الخطء المهم البنت قالت ان هي :

ابويها توفو من و هي صغيرة و عاشت مع جدتها شوية و بعدين مع خالتها و (علي قول البنت) خالتها طردها بالزوق و بعدين عاشت مع عمتها و البنت دي دالواتي بتدرس و بتشتغل شغلانة في غير مجالها و تعتمد علي نفسها .

الفكرة في ان المزيعة قالتلها

-طب لية انتي طلعتي كويسة في ظل الظروف دي؟

-و كانت الاجابة عشان انا عيزة اكون كويسة

يعني الدافع شخصي و داخلي من الفتاه رغم كل العقبات و هي تتحدث عن نفسها صوتها كان فية احساس بالسعادة النسبية و قالت جملة برضة صغيرة لاكن معبرة “انا عيشة حياه حلوه” رغم كل الصعوبات اللي بتواجها .

اد اية فعلا الجملتين اللي البنت دي قالتهم خلو الواحد يفكر و يحمد الله علي كل النعم اللي الواحد فيها و ممكن مكنش حاسس بيها قبل كدة و كن معتبرها من المسلمات

فعلا دي كانت صدفة ان انا اتفرج علي البرنامج انهردة و اسمع الكلمتين دول لكن اعتقد ان دي صدفة سابت اثر كبير و زي ما زميلة ليا في الكلية اتكلمت في موضوع الصدف و هل ممكن تسيب اثر او تتسبب في تغير في الاشخاص انا بعد الموقف دة متاكد ان فعلا ممكن صدفة تكون السبب في ترك اثر كبير

اكتب OR اكتئاب

مايو 6, 2008

stress

بئالي كتيـــر مكتبتش مع ان انا كنت متابع و كنت بدخل علي البلوج بـ شكل شبه يومي

بس المشكلة انا في فترة امتحانات لاكن مش زي الطلاب العادين لا دي فترة امتحانات في كلية حاسبات و معلومات جامعة المنصورة وما ادراك من الكلية دي

المشكلة مش ان الامتحانت صعبة لا والله في امتحانات بتكون سهلة جدا

لكن تبص مثلا علي الضغط النفسي اللي بتسببة الكلية بالامتحانات ان انت مرة وحدة تعرف ان انت عندك امتحان كمان يومين , طلع منين الامتحان دة متعرفش طب هنمتحن في اية بالظبط في المادة متعرفش !! هههههههههههههه

والله الواحد يدحك احسن ما يعيط

لا وتلاقي ان الامتحنات دي عندنا موضة مثلا متعرفش يعني مثلا من يومين كان عندنا امتحان شفوي و تسليم شيت و شوية حجات كدة تسئل الامتحان فين تلاقي الناس محتارة و محدش عارف طب هنمتحن في اية برضة محدش عارف و اللي يؤلك انا سمعت الدكتور بيقول في كذا و اللي تؤل ان هي اتصلت بالدكتور و قال لا هنمتحن في كذا ( “كذا” تاني خالص غير الـ “كذا” الاولاني )

ماعلينة مش مشكلة احنا برضة خدنا علي التعب و هندور علي الدكتور و هنزاكر كل حاجة تيجي يوم الامتحان تلاقية اتلغى مع ان انا اصلا مش من المنصورة و كنت اعد هناك بقالي كتير و نفسي اروح مهو انا مش اعد في السجن و الا في الجيش يعني المفروض ان انا اتحرك براحتي لا يجي الامتحان يتاجل و لازم تترمى هناك ولا تتحرك ولا حد يعمل اعتبار ليك علي اساس ان انت مش انسان اصلا  طب تبزل كل المجهودات الممكنة و تتحايل علي الدكتور ان انت تمتحن يومها و الحمد لله يوافق و تمتحن و تقول اخيرا الدنيا هتكون حلوة و هشوف البيت اللي انا نسيت شكلة اصلا

يجي دكتور تاني يؤلنا ان عندكم امتحان كمان 4 ايام

تاقريبا هم حلفين ان انا مشوفش البيت و نوين ان اهلي ينسو شكلي اذا مكنوش نسيوه اصلا 😦

و رغم كدة اتحايل علي المواعيد كلها و الاقي يومين اروح فيهم الحمد لله الحياة بدئت تكون حلوة تاني اهو لا لية تكون حلوة انت لازم تفضل تتفرم علي طول ادخل علي منتدي الكلية و الاقي الخبر السعيد ان في امتحان كمان يومين يعني انا لازم اسافر بكرة انا مش عارف هل هم متفقين ان انا معودش في البيت اكتر من 48 ساعة ولا اية ؟

و زي ما عنوان الموضوع بيئول ان انا يا امة كنت اكتب البوست دي يا امة كان هيجيلي اكتئاب

في شوية حجات كانت بتساعد الواحد زي مبادئ و نظريات 513

و النظرية الشهيرة لينا

“فيه امتحان السبت… هو النهاردة الجمعة؟؟ .. لا .. يبقى لسة مافيش امتحان … D