احلا حاجة في الكلية دي ان مفيهاش بزر

أبريل 22, 2008

😀

حاسبات و معلومات جامعة المنصورة – مصر

ايون هي دي الكلية بتعتي و انا فخور بيها بصراحة . من مميزات الكلية الكتير طبعا ان انت ممكن تكون في اول الدراسة عايش حياتك تماما و لا اي حد يسئلك علي اي حاجة و لا يكون لازم تزاكر ولا اي حاجة خالص

بصراحة كل اصحابي بيحسدوني عليها لان ديما اكون انا فاضي و هم وراهم تسكات مثلا و شيتات و كلام من دة انما تلاقي ان اغلب اللي في كليتي فضيـــــن خالص , و حتي فترة امتحنات الميدتيرم عند الناس كلها احنا بنكون فضين ( سبحان الله ) و كل اللي اعرفهم بيكونو بيمتحنو و احنا لسة !!

لكن المفاجئات تبدا في التوالي خير اللهم اجعلة خير تلاقي دكتور داخلك محاضرة يؤلك المحاضرة اللي جاية امتحان !! ماشي و تطلع السكشن في نفس اليوم تلاقي المعيد/ه بيؤلو هات الشيت الاسبوع اللي جاي و سلم التسكات (انهي تسكات هو حد كان طلب حاجة و احنا ؤلنا لا ,لا بس هي كدة برضة ) و المشروع بتاع المادة ( الله سبحان الله هي الحجات دي بتطلع مرة واحدة ولااية ؟ )لازم تسلم كل دة في اسبوع واحد

و المشكلة اللي بجد تلاقي تاني يوم في محاضرة تانية لدكتور تاني بيؤل نفس الكلام طيب و علي كدة تلاقي ان عندك اخر اسبوعين قبل امتحنات الفاينال امتحنات بالهبل و تسليم حجات كتييـــــــــر و بعدين تاخر يومين راحة عشان تبدا الجولة التانية من مطش المصارعة مع المواد و تبداء تمتحن الفاينال

كل ما الامتحنات و الشيتات و التسكات تكتر فورصتك في اللسعان تكبر

وعجبي

الإعلانات

6 تعليقات to “احلا حاجة في الكلية دي ان مفيهاش بزر”

  1. MeMe Says:

    أمممممم ..
    والله ما حد هيتخيل اللحظة دى …حاااااالاا انا فيا ايه..(الله يكون فى عون الناس اللى معايا فى البيت)
    بس أقرب وصف .. انى بجد لسعت… ضحك هسترى وفى نفس ذات اوقت عياط ..
    طول اليوم ع الجهاز مابعملش حاجة…فاتحة البلوج بتاعتى.. وهموت وأكتب اى حاجة مش عارفة ..
    بجد انا مش عارفة … هو العيب فى الكلية ولا فينا ؟؟
    كنت بقول لماما يدوب .. من تلات ساعات …
    المشكلة انى لو سبت الكلية ..دلوقتى يعنى … هيبقى خمس سنين حرقة دم ع الفاضى (3 ثانوية عامة +2 حاسبات عامة ) ومش هيبقى معايا غير يافرحتى الشهادة الاعدادية …وربنا يستر …

    “”كل ما الامتحنات و الشيتات و التسكات تكتر فورصتك في اللسعان تكبر””

    انا ليه بشبه ع الجملة دى…؟؟:-?

    سلامز


  2. حبيبى يا إسلام , هههههههههههههه
    ضيف كمان عندك 3 امتحانات ميد تيرم فى 3 ايام متواليه , حد واتنين وتلات “كان أسبوع رخم” .

    بجد الواحد بيفضل مفضى دماغه طول الترم لكن تيجى فى الاخر تلاقى تاسكات وعملى وشفوى ومشاريع وميد تيرم ولما تخلصهم وتيجى تفوق شويه تلاقى الفاينال عليه اسبوع او اقل .
    ربنا معانا ونتخرج من الكليه دى واحنا لسه صالحين للحياه 😀

  3. Hunikal Says:

    $MeMe
    غالبا العيب في كولدير المياه

    “”كل ما الامتحنات و الشيتات و التسكات تكتر فورصتك في اللسعان تكبر””
    انا ليه بشبه ع الجملة دى…؟؟

    لا لا هي مش جملتي دة انا حطتها في تاج اقتباس هي جملتك انا بحافظ علي حقوق الطبع و التوزيع و الملكية الفكرية 😀

    $soul_of_darkness
    ربنا يستر و يسهلهلنا و نتخرج واحنا لسة سولام

  4. senioreta Says:

    اه كليتناااا
    هو انتو لية بس بتجيبو السيرة دى خلى كلامنا خفيف عليها
    بس انا لاحظت انك نسيت حاجة مهمة اوى ان عندنا معيد مكبر الموضوع ومكبر
    دماغة وهيضيعنا فى الاحتمالات (دة انا نسيت المادة يا ناس)
    حد يلحقنا بقا قبل منموت من الكلية دى
    والله بجد انا زهقت منها جدا هما بس مبسوطين اوى بالمبنى الجديد واحنا نولع بجاز
    يلا ربنا يستر

  5. هوندا Says:

    تقريبا هيا ماركة مسجله فى جامعه المنصورة لان ده نفس الى بيحصل معايا فى الكلية بتاعتى والى انا فيه حاليا حسبى الله ونعم الوكيل


  6. […] حاسبات تتحدي الملل ديسمبر 29, 2009 انا قلت قبل كدة احلي حاجة في الكلية دي ان مفهاش بزر […]


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: