دي مناظر !!

أبريل 16, 2008

موضوع لفت نظري كتيـــر اليومين دول

المناظر VS الشخصية

ياترى الواحد بيحكم علي الناس ازاي بالمنظر و اللبس ولا بالشخصية والتفكير , طبعا منكرش ان كل الحجات دي مهما لاكن اية اساس الحكم

طب نفرض موقف و نحطم علية : بما اني في الجامعة نفرض ان انت مثلا واحد معاك في السكشن\الكلية\الجامعة كل اللي بتشوفة من الانسان دة شكلة و مثلا لو في موقف خلاه يرد او يتكلم في السكشن(انا مبحضرش محاضرات 😀 ) فـ برضة كل اللي نعرفة دالواتي شكلة و صوتة و مثلا اسلوبة في الرد

* يوم جة الواحد دة يوم مثلا و كان مهيس و عايش حياتة مع اصحابة و ماضي اليوم دحك و لعب و هزار مع الناس كلها

الحكم : دة واحد لعبي و واخد الحياة هزار و مبيعملش حاجة ليها فيدة …..

* يوم تاني جة نفس الواحد برضة بس كان في موقف معين او حاجة في دماغة شغلة تفكيرة و اعد ساكت و لوحدة ولا بيكلم حد من الشلة و لا بيعمل اي حاجة

الحكم : لا دة شكلة انطوائي و معئد و ملوش لزمة ابعد عنة احسن …….

اعتقد ان في اليومين دول نفس الانسان هو هو و اخد حكمين مختلفين تماما !! لو مثلا انسان تاني كانت دي اول مرة هيشوفة هيكون حكمة علية غالبا حاجة من الاتنين دول , رغم ان انا مثلا معرفش الانسان اللي ادامي دة لاكن ممكن احكم علية حكم قاسي زاي دة بمجرد شكلة في وقت معين

ايوة انا مبنكرش ان المنظر و الانطباع الاول للانسان ليهم جزء كبير في الحكم علية لاكن كلنا مبنفكرش ان كل واحد فينا بيمر بـ ايام زي دي و ممكن يلاقي اللي يقول علية نفس الكلام سبحان الله !!

انا اللي بتكلم علية ان انا مش بحط قرار نهائي علي انسان منغير ما اتكلم معاة , اشوف كلامة او اي حاجة تدل علي اسلوب تفكيرة لان دي فعلا ممكن تفسر كتير جدا من اللي الواحد بيشوفة و مش عارف يفهمة او بيفسرة غلط و بجد في ناس خسرت كتير جدا من مجرد الاحكام المتسرعة علي البشر

و اللي يوضح الكلام دة لو عرفت فعلا رائي الناس فيك او في اي حد انت تعرفة معرفة وثيقة(حلوة “وثيقة” دي 😀 ) و تكون عارف اسلوب تفكيرة او فاهمة كويس و تجد ان في ناس اطلقت علية احكام بمجرد مشهد او موقف هم مشفهمينة !!

اكيد موقف معين ولازم يكون واضح ممكن يخليك تغير رائيك عن شخص لاكن لازم الموقف دة يكون واضح لك من كل ابعادة

انا فعلا قررت اراجع اسلوبي في الحكم علي البشر و علي اي حد بتعامل معاة و كل انسان فعلا المفروض ان هو يكون ادامة فرصة للتفسير ( رغم ان هو غير مطالب بالتفسير دة ) و توضيح اسلوب تفكيرة .

و ان شاء الله هرجع اكتب في موضوع ان الانسان مطالب بتفسر ولا لا

بس ياريت الواحد يبص علي الاحكام اللي اطلقها بتسرع و لو وجد ان هو صح اذا استمر ولو غلط ياريت نراجع نفسنا 🙂

Advertisements

8 تعليقات to “دي مناظر !!”

  1. BooDy Says:

    كان في موضوع في منتديات نور الهدى اسمه (عيوبي) …. لو فاكره يعني
    انا كنت كتبت في الموضوع ده ان التسرع في الحكم على الناس هو عيب فيا

    بس الحمد لله بقيت بستنى كتير على الناس على ما احكم عليهم

    بس برضه منكرش ان العيب ده اكيد لسه فيه جزء موجود فيا … بس على الأقل اتخلصت من جزء كبير منه 🙂

    موضوع جميل جدا يا واد

    سلام

  2. akeed Says:

    سلام عليكم
    طبعا المفروض محدش يحكم على حد من مجرد المنظر اكيد التعامل معاه هيفرق ويوضح حاجات كتير المنظر لوحده ميحكمش عليها
    وممكن طريقة تفكيره تخليه اما يعلى فى نظرك او يسقط تماما من نظرك
    وبجد طريقة التفكير والتعامل مع الناس بتوضح كتير جداااا
    وفعلا الموضوع ده صح اوى ممكن اخد انطباع عن حد ومعين ولما اتعامل معاهم بتفرق جااامد وبتعرف ان الشكل لوحده مش كفاية خالص
    وممكن كمان حد بيقولك كلام عن الشخصية دى فانت اكيد بتفكر كتير قبل ما تتعامل معاه ده على اساس انك سامع عليه كلام بس مش لازم يكون الكلام ده صح ممكن يكون كلام من وجهة نظر اللى قاله بس انما مش حاجة اساسية فى شخصية الشخص ده
    يارب اكون قدرت اوصل وجهة نظرى دى
    والموضوع حلو وعايز ناخد بالنا منه شوية ومنحكمش على حد الا من خلال تعامله معانا احنااااااا مش من كلام حد ولا من شكله الخارجى

  3. Gdedouy Says:

    طريقة الملبس أو الشكل لا يعبر عن الانسان
    ونحن لا نستطيع الحكم على اي انسان من خلالهما فقط

  4. senioreta Says:

    انا شدنى اوى الموضوع دة
    لانى وقعت فى كذا مرة انى حكمت على ناس من شكلهم لكن بيكون حكمى عليهم غلط
    وفعلا الشخصية ليست بالمظاهر فقط
    وعرفت برضو انها مش لازم تكون بالمعاملة فقط لانك بعد فترة ممكن تكتشف فيهم حاجات مكنت شايفها تخليك تغير فكرك عنهم وبتكون فترة كبيرة اوى كمان

  5. Hunikal Says:

    $BooDy
    اكيد فاكرة يا مان و دي حاجة تتنسى 😀
    فعلا لازم الانسان يعرف فين عيوبة و يحاول يصلحها

    $akeed

    والموضوع حلو وعايز ناخد بالنا منه شوية ومنحكمش على حد الا من خلال تعامله معانا احنااااااا مش من كلام حد ولا من شكله الخارجى

    فعلا دة اللي بتكلم علية و كلام حد تاني عن اي انسان مش مقياس ولا يمثل قرارا نهائي

    $senioreta

    وعرفت برضو انها مش لازم تكون بالمعاملة فقط لانك بعد فترة ممكن تكتشف فيهم حاجات مكنت شايفها تخليك تغير فكرك عنهم وبتكون فترة كبيرة اوى كمان

    بس اعتقد ان المعاملة بتمثل جزء كبير جدا من اسباب الحكم علي الشخص و فعلا الانسان بيتغير مع الوقت اذا الحكم لازم يتغير و تكون في عملية اعادة تقيم للموقف

  6. girl Says:

    موضوع جميل واحييك عليه
    انا عن نفسى ساعات بحكم على حد من منظهره اللى ادامى
    بس دا مش ف كل الاوقات دا بس مع الناس وخاصه البنات اللى اللى بتبقى لابسه حاجات غريبه كده
    وساعات بيحصل انى اتعامل مع اى حد فيهم وبطلع كنت غلطانه ف حكمى عليها

    وبرده من الحاجات اللى بلاحظ اننا بتسرع ف الحكم عليهم بسرعه من ناحيه المناظر
    الاهل
    ساعات نحكم عن اهل انسان انهم مش كويسين ومش عرفو يربوه
    كل دا لان الانسان دا مش محترم
    على الرغم والله من ان الاهل ببقو طالع عينهم ف تربيته بس هوه اللى طلع فلته
    ولوجينا نشوف نلاقى له اخوات ماشاء الله ويكون هوه اللى طلع شيطانى كده فيهم
    فنروح نحكم حكم الجاهليه على الاهل وهما والله مش قصرو ف حاجه ولا لهم اى ذنب
    كل ذنبهم انهم خلفو واحد او واحده زى دا

    حاجه كمان بقى ف الولاد
    سورى ف التعبير اللى عاملين شيوخ وعارفين الدين
    وهما ولا يعرفو حاجه
    نجى نبص نلاقيهم بيرحو يصلو ومش بيسيبو ولا فرض
    ويتكلم ف الدين والمبادىء والقيم والاخلاق
    وتجى تبص له بقى تلاقيه لما تتعامل معاه انه شخصيه متناقضه تماما
    يعنى مثلا المفروض عم الشيخ دا عامل لى فيها متين بقى وتلاقيه بيتكلم مع بنت وبيحبها وعايش معاها قصه حب
    وبيقول لها كلام حب
    بجد انا بحتقر الشخصيات ديه من الولاد وللاسف دول الناس اللى اسأ للاسلام
    ياااه انا طولت بغباء معلشى
    كلمتين كنت عايزه اطلعهم

  7. Hunikal Says:

    $girl
    انت عندك حق في الامثلة اللي قولتيها
    وكمان انت فتحتيلي جزء مكنتش واخد بالي منة
    -حكم الناس المتسرع علي الجيل عموما نتيجة لمشاهدة قللة فاسدة و دة للاسف الشديد 😦


  8. […] بـ المناظر و انا كنت اتكلمت عن الموضوع دة قبل كدة في تدونة سابقة و لو الواحد وصل لمرحلة يصعب فيها التواصل اعتقد ان الرد […]


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: