اعترف بصراحة (حوار بيني و بين نفسي)

أبريل 12, 2008

محدش متخيل مقدار الصعوبة اللي انا بواجها دالواتي و انا بكتب البوست دي

تاريبا دي 3 مرة اكتب و امسح اللي كتبتة كلة

انا عشت انهردة يوم صعب جدا معرفش لية !

بجد كنت داخل في دور حزن رهيب مع ان دة عكس تماما الايام اللي فاتت يعني اليومين اللي فاتو انا كنت عايش ايام بجد جميلة جدا و كنت فرحان و سعيد و بعمل كل حاجة تيجي فـ دماغي يعني يومين من الاخر

لاكن جيت من امبارح بالليل و المود بداء يتغير معايا خالص !!

احساس بـ ملل رهيب .. , مخنوء .. , زهئان من كل حاجة .. , حاولت اخرج اغير جو و اعمل اي حاجة تخرجني من الاحساس دة لاكن برضة احساس الملل و الروتين جالي من كل الاماكن اللي بخرجلها ! و الحل البسيط جدا رجعت البيت منغير معمل اي حاجة

و قائمة المواضيع اللي ممكن تساعد علي الاكتئاب بدئت تكبر و الموضوع كان هيبوظ مني خالص و الجملة السحرية اللي كل ما حد يسئلك مالك تؤلو “مشعارف والله زهئان ” طب من اية “مشعارف”

لاكن لا انا من رئيي ان كل واحد فينا عارف اية اللي مدايئة او اية اللي بيدايئة الموضوع مش محتاج غير انك تعد معنفسك اعدة صراحة وتدور جواك علي اسباب الموضوع سعتها بس هتعرف اية اللي مدايئك و هتكون اول خطوة عشان الموضوع يتحل

انا فعلا حاولت اطبق الكلام دة عليا و عرفت احدد اية اللي كان مسببلي الحالة دي ..(بس مش هؤلوكم هنا) و اعتقد ان الموضوع كدة اصبح ابسط و اوصح كتيـــــــــــر

و ممكن اي حد فينا يحتاج انة يجلس مع نفسة عشان يوصل لحاجة جواة بس مش واضحة ادامة

بس اهم حاجة ان الواحد يوفر لنفسة الجو المناسب يعني مثلا

  • منغير مقاطعة من اي حد
  • جو هادى بدون ضوضاء او تشتيت
  • ممكن في ناس تحب تعمل الحوار مع نفسها بصوت عالي (بس خاللي بالك محدش يسمعك عشان ميؤلوش الواد/البنت اتجنن) عادي دة انا دخلت عملت حوار معايا علي البلوج (او ممكن الواحد يكون فعلا لسع خلاص)
  • اعتقد ان اهم حاجة الصراحة (انت بتكلم نفسك هتتكسف من اية)
  • ممكن مثلا تخلي معاك ورقة و قلم و تكتب شوية افكار (سدئوني هتكون مفيدة)
  • اي حاجة تنية توصلك للجو المناسب…..

ياريت فعلا اي حد يستفيد من الموضوع دة و نخرج خارج ديرة “معرفش ماللي”و نواجة نفسنا بصدق

و ياريت انا استفيد منة و اخرج من الحالة دي بسرعة (دة احنى دخلين علي امتحنات)

يلا كفاية كلام

سلام

Advertisements

6 تعليقات to “اعترف بصراحة (حوار بيني و بين نفسي)”

  1. BooDy Says:

    ya man kabbar el (G) w rawwa2 el (D)

    akeed kol moshkela leha 7al
    w as3ab moshkela t2ablak w mesh 3aref t7ellaha ed3y rabena ysa3dak fe 7allaha

    w isA n3mel b nase7tak lamma nkon ma5no2een 🙂

    thanQ

    salam

  2. elahlawy Says:

    اه … يااااااني …

    ليه كده يبني … دا احنا داخلين على ايام مفترجة (ايام الامتحانات) …

    بس تسدق هو دور الاكتئاب اللي بيجي ايام الامتحانات كل ترم في نفس المعاد …

    استر يا رب … الواحد مش ناقص … 😦

  3. MeMe Says:

    انا كمان عشان ابعت فضلت امسح كتير ..
    بس اللى انا استغربت له .. هو ليه كلنا فى نفس ذات الوقت بيحصل لنا كدا..؟؟ دا طبيعى يعنى ..باعتبارنا بنمر بنفس الظروف… فى نفس ذات الفترة ؟ولا ايه السبب فيه؟
    وبرضه هو ليه…. فجأة بنكتئب؟؟ يعنى بقينا قابلين للاكتئاب فى أى لحظة …واللى يغيظ اكتر انه لو دورنا ع السبب..اللى عمل كدا فجأة هنلاقى سبب هايف لكن المشكلة فى الاساس بقى..
    فى حاجات جامدة جوانا …ساعات بتستخبى .. لكن مع اى حاجة ممكن تكون هايفة بتروح طالعة تانى …وتكون سبب فى اللى احنا بنبقى فيه…

    فياريت .. اننا نحل الحاجات الكبيرة دى … مش نخبيها وبس…
    عشان هى فعلا الاساس … وفعلا على فكرة موضوع ورقة وقلم ده تمام جداا…
    ويارب يعدى الايام الجاية على خير …
    ويخرجنا كلنا من أى حاجة مش تمام…
    … وياريت كل حد فينا يدعى لكلنا …
    معلش هى فضفضة سريعة وطويلة.. بس… جت فيكم بقى ..
    سلاااااااااامز

  4. 7ad we 5'alas Says:

    احم احم
    ممكن اقول حاجة
    ع فكرة الاكتئاب بيجى فى وقت واحد والله ، وأنا كمان برضو الاكتئاب موجود موجود ياجماعة متقلقوش .
    بس بالنسبة لى
    ساعات الواحد بيبقى مضايق من حاجة ومش عايز اصلا يفتكرها خـــالص
    فلو قعد مع نفسه مع انه اصلا عارفها وعارفه ايه اللى مضديقه بس مش عايزة يفتكره وبيحاول ينسى ويعدى عشان يعرف يعيش
    بس ياريته بيعرف يعيش بالعكس بيضحك على نفسه ويقول مافيش حاجة لكل الناس بس يمكن جواه حاجات كتير محدش هيقدر يفهمها .
    وهو كمان مش هيبقى عايزة يفتكرها عشان تعبه ميزدش تانى ويقدر ينسى كل اللى مضايقه
    وربنا يفك عننا كلنا

  5. Hunikal Says:

    $BooDy
    فعلا يا مان الواحد مبيستريحش غير لما يدعي , سعتها كل حاجة هتتحل

    $elahlawy
    فعلا الدور دة بيجي في نفس المعاد انما المشكلة ان الاسباب مش هي هي لا بتختلف و بتطلع مشاكل جديدة علي شوية قديمة , بس الحمد لله علي كل شيئ

    $MeMe
    ممكن يكون التزامن بينا كلنا دة طبيعي لان احنا بنشترك في حجات كتير و في نفس الضغوط تاريبا , و فعلا من اسوء الحجات ان الواحد يحاول يهرب من المشاكل انا مع ان الواحد لازم يواجها دايا , يارب ساعدنا كلنا

    $7ad we 5’alas
    بصراحة اعتقد ان حكاية في حاجة الواحد مش عايز يفتكرها دي بتفكرة بيها زيادة و دي بتعمل مشكلة , انا مش مع ان الواحد يحاول ينسي لا لازم يواجة و يحل كل المشكلة (لوكانت مشكلة) , و مشكلة تنية ان فعلا بيكون في حجات كتير داخل الانسان مش عارف يطلعها (الموضوع دة بيدايئني جدا) و كمان محدش عارف يفهمة فـ دة بيزود الضيق اكثر

    شكرا لكل الناس اللي حست بيا
    “وربنا يفك عننا كلنا”

  6. 3abed Says:

    normaaaaaaaaaaaal ya man
    bs good step 3la fekra elly enta 2ayloh dah
    bs a2olak ISA hatfok ya rayes
    we hatb2a 100/100
    salam


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: