just say yes

أبريل 5, 2008

امبارح في احد حالات الروئان و برضة و انا جالس علي البحر في الاسكندرية

كنت اعد علي البحر انا و BooDee صحبي حوالي الساعة 12 بالليل

( وقت تحفة بجد )
و اذ الكلام بدا علي موضوع الجواز و المستقبل و الحجات دي …

وبرضة اذ مرة وحدة في وصت الكلام الائي الواد بيقولي

“تعرف ان البنت مش مطلوب منها غير انها تحب واحد بس و متعملش اي حاجة تنية “

انا مش مسدئ نفسي الكلام دة بجد ولا بحئ و حئيئي !!

تسدئو انة فعلا صح ههههههههههههههههههههه

ههههههههههههههههههههههههههههههههههههههههههههههه

انا فضلت ادحك علي الموضوع دة بعد لما سمعت السطر دة يجي 10 دقائق متواصلة

فعلا هي مش مطلوب من البنت انها تعمل اي حاجة تنية !!

الواد هو اللي بيتنيل علي عينة يحب بنت و لو هي حبتة اذا هيكون طاير من الفرحة و علي استعداد انة يعمل اي حاجة عشانها سبحان الله فعلا صح بعد ميلائي نفسة بيحبها و هي بتحبة يبدا المشوار الازلي اللي اتكتب علي كل راجل

مبدائيا لازم يكون مجهز نفسة ماديا للجواز او يجهز نفسة بـ منتهي السرعة

ويكون متخرج و بيشتغل شغلانة محترمة و يكون مرتبة مشعارف = كتيـــــر

و يجهز الشقة طبعا

ويجي اهل العروسة يعدو يتشرطو علية و يؤلولو لازم كذا و كذا

و يسئلو علي اهلة و فصلة ولا كئنة داخل الكلية الحربية

سيبك ياسيدي من كل دة

مثلا هي وفئت علية و اهلها وفئو اذا

هو اللي هيدفع كل حاجة ( محدش يؤلي ان العروسة عليها حجات مهو والدها او اخوها هو الي بيدفع مش هي اذا برضة هو الراجل ) بلاش بيدفع ابل الجواز لا وكمان بعد الجواز هو اللي بيشتغل و يصرف طبعا مش مطلوب من الزوجة ان هي اللي تشتغل خالص دة ناتج من تقاليد المجتمع (ماعلينا يلاش سيرة العادات و التقاليد دي عشان دة موضوع كبير )

في النهاية كلنا اتئكدنا ان اللي مطلوب من البنت بس ان هي تحب واحد و هو هيعمل المستحيل عشانها

و في بعض الحالات مش تحبة لاكن تقول “اة موافقة علية” بث 😀

بصراحة اعتقد ان كل الرجالة بيتمنو اليوم اللي يلائو فية حد يحبهم و هم هيبذلو المستحيل مقابل الحب دة

وعجبي

🙂

Advertisements

18 تعليق to “just say yes”

  1. adel mody Says:

    والله عندك حق يا واد بس هى تقول اة وسيب الباقى علينا

  2. Hunikal Says:

    والله الموضوع مش اصدي فيه الفلوس بس لا
    بص لما الواحد بيحب بيعد يجري وراها و هي تتقل علية و يلف السبع دوخات لحد لما يطلع عينة
    و عيب التقل صنعة برضة 😀
    ولية طيب؟ عشان تكون غالية عندة
    طب لية التعب دة بس يظهر ان احنا اللي بنحب نتعب
    🙂

  3. metoofci Says:

    هههههههههههههههههههههههههههههههههههههههههه
    تصدق اه

  4. BooDy Says:

    تصدق اه!!!!!!!!!!!!!

    والله صاحبك ده بيقول كلام زي الفل!!

    قوله يجيب من ده كتير يا عم 😀

  5. Ahmed Samir Says:

    اه والله
    الواد ده بيقول كلام زي الفل
    هو احنا كدهو مظلومين على طوووول
    انا عن نفسي هدخل بمجهووودي بس D:
    جتنا نيلة ف حظنا البتنجااااااااااااان

  6. adel mody Says:

    يارجالة احنا عاوزين احنا اللى نتقل عليهم وندوخهم السبع دوخات على شان يعرفو قيمتنا :S

    وفى الحالة دى تقدر تقول التأل صنعة :d

  7. adel mody Says:

    والنعمة انتو غاوين وجع الدماغ فيها اية اما الواحد يعد كدة فى البيت و البت تجيلو تقولو بحبك وكلام من اللى بنشوفو فى الافلام دة !!!!!!!1

  8. Hunikal Says:

    “البت تجيلو تقولو بحبك”
    في ناس كتير بتحلم باللي انت بتؤل علية دة
    😀 هههههههه

  9. Alex Midooo Says:

    هههههههههههههههههههه

    مظبووووووووط فعلاااا والله

    هى تقوووووووول بسسسس وسيب الباقى علينا احنا بقى

    وربنا يسسسسسسسسستر يا خبى

  10. 3abed Says:

    كلام مظبووووووووووووط وهى دى سنه الحياه
    المشكله يا اسلام انهم بيطلعوا عين اهلينا وكل واحده فاكره نفسها
    انجلينا جولى :(( يالا يا رب كلنا
    نتأهل بسلام دون اى خساير فى الاراوح
    سلام

  11. Jasmine Says:

    ههههههههههههههه
    بصراحه انا نفسي مش قادرة اسكت من الضحك
    بس بيني و بينك كلام سليم بس تاقص
    مش بس تحبه لازم كمان تفهمه و تبقي عارفه طريقة تفكيره
    و قادرة تفهم هو بيفكر ازاي


  12. هههههههههههههههههههههههههههههههههههههههههه
    موضوع جامد ياإسلام بس هى مفيش حاجه هاتتغير كل حاجه زى ماهى للأبد 😀

    بس انا متهيألى انكم ناسيين حاجه مهمه : احم احم

    الجييييييييييييييييييييييييييييييييييييييييييييييييييييييييش
    الجييييييييييييييييييييييييييييييييييييييييييييييييييييييييش
    الجييييييييييييييييييييييييييييييييييييييييييييييييييييييييش

    يلا قولت افكركم بئا بالمره

  13. Hunikal Says:

    $Jasmine
    فعلا ان هي تفهمة و تعرف طريقة تفكيرة دي مهمة جدا جدا بس على اقل الفروض لو هي بس قالت “اة”||”موافقة” هيكون هو مش حاسس غير بالسعادة بس هيكون احساس مؤقت منغير الحب و التفاهم طبعا منئضرش نتخلى عنهم

    $Soul of Darkness
    اة اهلا يا حبيبي مين اللي جاب سيرة الجيش دالواتي لا لا كدة هتزعلني منك 😀

  14. 7ad we 5'alas Says:

    ياجماعة مهما كان برضو بس هى مش هتقول اااه على اى حد
    لا لالالا
    لازم يكون حد كويس ومناسب ليها ولتفكيرها
    وساعاتها هتقول ااه وهيكون الشخص ده مبسوط لانه حبها حب حقيقى
    وصدقونى هيكون فرحان وهى كمان فرحانة لما بس يلاقوا نفسهم متوافقين فى حاجات كتير مش على اد انها تقول ااه وبس
    لا فى حسابات تانية كتير
    وبرضو لما ربنا يوفقهم بتشاركه فى كل حاجة وبيساعدوا بعض عشان يبنوا حياة جميلة ليهم
    فالموضوع عايزة نظرة عامة شوية مش على انها تقول ااه وبس
    وربنا يوفقكوا كلكوا

  15. fatosha Says:

    طيب شو بدكن يعني نجي نحنا ونخطبكن!!!!!!!!!!!!!!!!

  16. Hunikal Says:

    $fatosha
    لا والله انا اعتقد ان كل الشباب الي ردو هنا
    مستنين ان “هي” تقول اة بس و يكون الحب و التفاهم موجود و هم علي استعداد انهم يعملو كل حاجة عشانها و كمان يعملو كدا و هم حسيين بالسعادة
    بس لو “هي” اللي هتيجي تخطب اي حد فيهم معتقدش هيكون في مانع 😀

  17. Hunikal Says:

    $7ad we 5’alas
    فعلا اة دي اكيد مش لئي حد لازم يكون بينهم تفاهم و يكونو مناسبين لبعض
    و اعتقد ان التفاهم دة مشهيجي غير لما يتكلمو مع بعض و كل منهم يعرف تفكير التاني و سعتها هيعرف يحدد اذا كانو مناسبين لبعض ولا لا معتقدش ان دة عمرة هيجي بالصمط
    و كما قال الشاعر الكبير Enrique Iglesias في قصيدة Do You Know

    How can I love you
    If you just don’t talk to me.

    🙂

  18. elahlawy Says:

    بص يبني … انا مش عايزها تقول اه …

    انا عايزها بس تشاور براسها وتقول موافقة … بس … 🙂

    على فكرة انا عايز اقول حاجة صغيرة جداا …

    هيا ” متعرفش ” ايه اللي بيحصل للولد لما بتقول موافقة …

    دا بيتحول الى انسان تاني خااااااالص … كله نشاط .. وعنده دفعة قوية انه هيحقق هدفه …

    وهيا كمان ” متعرفش ” انها … اغلى حاجة عنده … وهو مستعد يعمل علشانها اي حاجة هتطلبها …

    هيا لما هتقول موافقة .. او مستعدة انها تكمل المشوار معاه … وتديله الوقت انه يخلص جيش حتى … علشان عمرو ميزعلش …

    فطبيعي انه هيبذل اقصى جهد عنده علشان يقدر يوصلها … ويخطبها …

    مش كده ولا ايه ؟؟؟

    عرفتوا كلمة (اه) … او (موافقة) دي بتعمل ايه ؟؟؟

    يااااااااااااااااااااااه …

    يارب ينول كل واحد مننا اللي في باله يااااارب …


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: