Open Mind

ديسمبر 7, 2007

 هل في حاجة اسمها ” زمالة & صداقة & اخوة ” بين ولد و بنت ؟

ياريت الناس تؤلي اية رائيها هل فعلا في حاجة زي كدة

يعني هل الـ 3 موجدين ولا مش كلهم ولا ولا وحدة

 

Advertisements

13 تعليق to “Open Mind”

  1. taitos7 Says:

    لا طبعا

    انا مقتنع ان ده ممكن يحصل

    بس تقدر تقول للناس كلها ان ده ممكن يحصل

    الناس تفكيرها “” بلاك “”

    يعني بتفتكر الغلط بس مش بتشوف الصح كمان

    يعني اعتمد على اصدقاء ولاد وخلاص وكبر دماغك

  2. BooDy Says:

    زمالة … أكيد موجودة

    صداقة … طبعا لو بنت غريبة عنك (مش من قرايبك يعني) يبقى مفيش
    انما انت ممكن تعتبر واحدة من قرايبك صديقتك و تكللمها عادي

    اخوة … أكيد اي بنت مسلمة زيك تبقى اختك ..

    بس طبعا كله ليه حدوده

  3. Hunikal Says:

    شكرا علي الرد
    “بس طبعا كله ليه حدوده”
    دة شيئ اكيد

  4. eng-MiDo Says:

    التلاته موجودين بس بصور واشكال مختلفة
    الزمالة موجوده فعلا زي مابتكون بينك وبين واحده ف الكليه
    دي زمالة عاديه انكوا ف نفس المجال
    حكايه الصداقه دي مش عارف انا مستغربها شويه بس ممكن يبقى
    فيه نوع من الصداقه ولكن في حكم الاداب العامة والمتعارفه
    بينا كشرقيين لينا عاداتنا وتقاليدنا
    الاخوه انا شايف ان دي انسب واحده م التلاته للعلاقه بين
    الولد والبنت انك تعتبرها زي اختك يعني تخاف عليها زي اختك
    تعاملها زي اختك شوف انت بتعامل اختك ازاااي وعاملها كده
    واححسن كماااان

  5. mohamed emam Says:

    بص يا باشا …
    انت كلمتنى فى الموضوع ده قبل كده و انا قولتلك رأيى. ولكن ….
    المشكله فى الثلاث حاجات دول انك “هتقرب جامد من بنت” بس …
    بمنتهى البساطه هسألك شوية اسأله :-
    * هل انت شايف نفسك امين على البنتدى “وده طبعا علشان ذى مقولتلك ان البنات هبله و سهل السيطره عليهم” ؟
    * هل انت ترضى ان اختك او اى واحده قربتك او البنت اللى انت بتحبها و عايز تتجوزها …. الخ انها تصاحب او تزامل او تآخى ولد؟
    هل انت عايز تعمل برأى فيهم بس من جواك ضميرك ضدك فيه؟
    لو انت لقيت حل للأسئله دى ببساطه هتلاقى اجابتك و على فكره انا عندى اسأله تانى بس مش عايز اطول فى الرد لأنى بزهأ من الكيبورد لأنها بتقيدنى بس لما هشوفك ان شاء الله لينا قعده فى الحوار ده.
    سلام

  6. Hunikal Says:

    ايوة يا محمد احنا اتكلمنا ابل كدة
    و بالنسبة لاسئلتك

    * هل انا امين عليها ؟ اعتقد ان مش انا الي هجاوب علي دة لا هي الي هتكون شيفاني ادمها و تئضر تحكم عليا هل انا امين عليها ولا لا لاكن بالنسبالي اعتقد ان انا بؤل اخوة و اعتقد ان دي قمة الامانة ( انا مش مع انهم هبل و سهل السيطرة عليهم )

    * المشكلة في السؤال التاني اختلاف في تعريف الكلمات دي يعني انا معتقدش ان انا هكون انسان عاقل لو قولت لمراتي انها متزملش زميلها في العمل الي هم في بينهم كدة كدة كلام بل الزمالة دي بتفرض قيود اكبر علي الانسان

    * اة انا بصراحة موافق علي الحجات دي لكن طبعا كل حاجة بحدودها زي مكتب eng-mido و ضميري مش ضدي

    و شكرا جدا علي الصراحة في رايك

  7. elahlawy Says:

    بص يا صاحبي …

    رايي ولا واحدة من دول هتنفع معاهم …

    يبني والله البعد عنهم مكسب لينا …

    ولا زمالة … ولا صداقة … ولا اخوة … !!!

    بالنسبة ليا …. انا مش عايز ولا واحدة منهم …

    افرض ان حياتك لو كانت متوقفة على واحدة وبعدين بكل بساطة تمشي وتسيبك … يبقى حياتك كلها تنهار علشان واحدة …

    شوفت بقى … بقولك وبقول للناس كلها ابعدوا عن التلاتة دوووووول …

  8. BooDy Says:

    معلش يا اهلاوي انا مش معاك خالص في ردك ده

    ركز معايا كده …
    انت لو زي ما بتقول بعدت خالص عن البنات ولا بصيت في وشهم اصلا و لا عرفت هما مين .. طيب .. اتصاحبت على صاحب كويس .. قلتله عن كل أسرار حياتك .. و بقيت متعلق بيه خالص يعني …
    افرض انه اتخانق معاك لسبب من الاسباب و قرر ميعبركش تاني
    مش ده برضه نفس اللي ممكن يحصل لو كانت بنت؟

    يبقى مش هتفرق كتير في النقطة اللي انت بتتكلم فيها دي

    سلام يا حبايبي 🙂

  9. الخواجة المصرى Says:

    اكيد ممكن التلاتة اشياء تطبقى موجودة بس بتختلف من شخص الى شخص ففى بعض البنات تريد اخ وصديق وزميل ليها من اجل ان تشكى له ما بداخلها واى شىء يحزنها او مثل هذه الاشياء بس اهم شىء يكون الولد ليه نيه صافيه من ناحية هذا الموضوع فقط

  10. elahlawy Says:

    للاسف يا بوودي … انت مش هتحب الولد زي ما حبيت البنت …:(

    يالا ربنا يسامحها بقى … 😦

    يا جماعة نصيحة ابعدوا عن التلاتة دوووول … واسألوا مجرب … 😦

  11. funny funky Says:

    دلوقتى هو ينفع يكون فى زمالة لكن بحدود بماانهم فى نفس المجال وبالتالى هيكون فيه اخوة انها هتكون اكتر من اخت ، انمااااااا صداقة اعقتد دى على طول ودون ارداة من حد فيهم بتتقلب لحب
    بالنسبة بقى ان البنات هبل وسهل السيطرة عليهم انا معتقدش كده خاااااالص ممكن يكون عندهم طيبة زايدة ولما بيحبوا بيحبوا اووووى وبيصدقوا وبيثقوا فى اللى بيكلمهم اه انما مش هبل ،
    بالنسبة بقى للى ممكن يتعلق ببنت وياته تتوقف عليها وتتنتهى لو سابته بجد دى تبقى مكنتش بتحبه او هو فهم مشاعرها غلط وفى الاخر تسيبه بصوا هى لو بتحبه هتفضل تحبه وربنا يوفق الجميع فى انه يلاقى شريك حياته اللى يناسبه ويقدر يكمل معااااااااااه
    سلام

  12. seammahn Says:

    بسم الله الرحمن الرحيم
    “ولا متخذات اخدان” صدق الله العظيم
    اول حاجه ربنا قال ان مينفعش لبنت صاحب ولد
    لكن اكيد فى بينهم تعامل ممكن تكون زماله
    وممكن تكون اخوه
    لكن زى ماحضراتكم قلتم بحدود
    لكن …… هل دايما الحدود بتلتزم؟؟؟؟
    مش دايما … وده لطبيعه النفس البشريه
    لكن اهم حاجه بجد ….. انه يكون الطرفين محترمين بعض اوووى وده فى حد ذاته بيرسم شكل العلاقه بينهم.
    اما بالنسبه للاخ اللى قال البنات هبله وسهل السيطره عليها ؟؟؟؟؟
    انا مش معاه …. خـــــــــــــــــالص
    وفى حكمه بتقول
    الشيطان تلميذ للمرأه وأستاذ للرجل
    يعنى البنت اقوى من الولد … بل بالعكس من وجهه نظرى ان الولد سهل السيطره عليه اكتر من البنت.
    وبالتالى اوافق على وجود اخوه و زماله
    ولا اوافق على وجود صــــــداقـه

  13. Hunikal Says:

    شكرا علي الرد يا seammahn
    لكن انا ممكن اكون مختلف في نقطة اي من الجنسين اضعف او سهل السيطرة علية ؟
    اعتقد ان دي غالبا بتكون معتمدة علي شخصية الانسان يعني لو في راجل ضعيف الشخصية و كانت في فتاة اقوي منة في الشخصية اعتقد ان النتيجة معروفة و العكس صحيح
    و الامثلة من الاتجاهين كثيرة في المجتمع


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: