Addicted to chat

أكتوبر 5, 2007

في البداية ………. مش عارف مش لائي بداية

نخش في الموضوع

 

انا لسة شايف تدوينة عن الشباب و ادمانهم للشات الموضوع خلاني افكر كتير فية بصراحة معرفتش ارد في سعتها

لكن في كام نئطة كدة في الموضوع يعني في شباب كتير ( لما بؤل شباب بئصد ولاد و بنات ) وصلو لدرجة ادمان الشات

بس المشكلة الاكبر في نوع الشات بالتحديد

– هل هو شات اصحاب ولاد مع بعض و بنات مع بعض ؟

– هل هو ادمان شات الولاد مع البنات ؟

-هل هو مجرد ادمان و خلاص ( يعني لازم تكون اديك علي الكيبورد و بتكلم حد! ) ؟

 

هو مبداينا ان موضوع الشات يوصل لمرحلة الادمان فـ دة شيئ مش مطلوب و خاطئ من وجهة نظري

نجي لانواع الي اتكلمنا عليها النوع الاولاني : في ناس كتير فعلا انا اعرفها ادمنت شات يعني وصلو لدرجة ان الشات دة شيئ اساسي في الحياة يعني اليوم بيكون فية اكل و شرب و نوم و ابل كل دة شات !!

طب هو بعد المرحلة دي الواحد بيوصل لئية او بتكون الاستفادة اية؟ اعتقد ان دة السؤال الي المفروض يتسئل -صح-

انما النوع التاني بئه دة حكاية : اعتقد ان هو ممكن نئسة نوعين ( ناس تعرف بعض في الحقيقة – ناس متعرفش بعض خالص )

خلونا في الناس التنية الاول – دول اعتقد ان الموضوع مش صح من الاساس … طب لية ؟

هو في شباب كتير بيدخلو اوض الشات مجرد انهم يتعرفو علي بعض و الموضوع بيبدا بـ ” ازيك يا … ممكن نتعرف 🙂 “و يبدا الكلام مبين اتنين كل الي يعرفوة عن بعض ان هو الاسم المستعار بتاعة كذا و هي كذا و كل واحد حاطط صورة ممثل هو بيحبة و لائي الاتنين بدئو في الكلام معبعض و بدئو يتعرفو علي بعض ( طبعا ماعلينة من مصداقية المعلومات لان معتقدش ان هي بتكون صح اساسا ) و الكلام يبدا يكبر و يكون بصورة يومية ويتحول لادمان بجد و المواضيع تبدا تتغير و الحدود تبدا تتراجع و الكل دة علي اساس ان الاتنين محدش فيهم يعرف التاني – طب وبعدين اية الهدف – و تبدا الاحاسيس تتواجد و الاعجاب فـ التعلق ممكن يكون بعدية حب – ممكن مش ممكن لية – لكن هنا المصيبة ان في اتنين مشفوش بعض ابل كدة ميعرفوش اي حاجة عن بعض غير ممكن التوقيع في المنتدي !! الاتنين دول بدئو يحبو بعض او حتي واحد فيهم *** تعتقدو الن العيب فين انا اعتقد انة ممكن يكون في الانسان الي بيسمح لنفسة من الاول انة يتعلق او ممكن يكون من ابل كدة كمان من الانسان الي سمح بتغير خطوطة الحمرة في الكلام من الاول ***

في ناس تنية معانة من الاول فكرنهم – الي يعرفو بعض في الحقيقة اة دول ايه ظروفهم ؟

اعتقد ان المشكلة هنا مش في الكلام او بدايتة لان اتنين يعرفو بعض من الطبعيي ان هم يتكلمو لان اعتقد كونك بتشوف الانسان في الواقع و تعلم تصرفاتة تراة فـ بالتالي ان يكون عندك القدرة علي الحكم و التقيم لاكن برضة المشكلة ان النسان نرجع نؤل بيتعلق بالاخر اعتقد ان دة شيء طبيعي بس هنا الكلام هيختلف لاختلاف مفهوم و معني التعلق بالنسبة للناس لان في تعلق ان انت تحب تعرف اخبارالانسان مثلا في حد انت عرفة و عايز تطمن علية دة شيء ممكن \ انما في انواع من التعلق الي تودي بعد كدة لكل حاجة مش مطلوبة لكن برضة لو فكرنة في الموضوع دة ممكن يتحل ازاي يعني مستقبلا هل التعلق ( خلينا نؤل اهتمام ) يتحول بعد كدة الي تعلق ثم حب فـ ارتباط و جواز اعتقد ان هنا ممكن يكون الموضوع اعقل من النوع الي فات ………………. لكن فلنترك موضوع دة خلينا في نقطة ان يكون في مثلا كلام بين اتنين يعرفو بعض في اهتمام بينهم لكن الموضوع يرفض عند وجود الادمان الي احنا عملين نتكلم علية من الاول

على فكرة فاضل معانه نوع شات كمان متكلماش فية ( ادمان و خلاص ) ؟

اعتقد ان النوع دة واضح و مش محتاج كلام خالص عموا هو ديما بيكون يجمع بين النوعين الي فاتو بث اعتقد ان النوع دة مرفوض بكل اشكالة ليه ؟ اصل غالبا تلائي الشب من دول مجرد اعد علي النت مش بيعمل اي حاجة تنية غير انة فاتح الـ messenger و عمال يتكلم مع الناس او حتي مستني اي حد يدخل online عشان يكلمة ! طب هنا مفيش اي نوع من انواع الستفادة خالص زيرو استفادة ! طب الهدف اية ؟

و الكلام دة مجرد وجهة نظر خاصة

كفاية كلام كدة

سلام

Advertisements

2 تعليقان to “Addicted to chat”

  1. asr1r Says:

    يعطيك ألف عافيه ولا تحرمنا من جديدك

  2. المغرب Says:

    khhh


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: