احلى دماغ

سبتمبر 7, 2007

 

يااااااااااااه

انهرضة مش عارف اقول اية انهرضة انا عملت احلي دماغ انا عملتها في حياتي

محدش يتخض انا مشربتش حاجة الحمد لله انا مليش في الحجات دي

هتئلولي طب ازاي …

الاجابة الي ممكن يؤلها اي اسكندراني و بسرعة كمان 🙂 شط اسكندرية

انهردة انا رحت بعد الغروب علي طول اعت علي البحر الله علي الاعدة هناك في الوقت دة

تنزل من البيت و انت شارب كباية النسكفية تمام و مظبط دماغك و تروح علي البحر في المعاد دة بالظبط

انا مش بتكلم علي نزول المية و الكلام الفاضي دة لا لا لا انت تنزل تروح تعد علي سور البحر بعد سانستيفانو بشوية او عند كوبرس ستالي

المكان هناك جامد و كمان الوقت دة ممتع جدا في المنظر بتكون الشمس راحت و مفيش غيرك انت و البحر و السما و دماغك

سدؤني الواحد مبيحسش باي حاجة خالص حولية لا ناس و لا عربيات ولا اي حاجة

بجد الواحد بيكون عامل دماغ بس اية مش اي دماغ لا دي دماغ و انت مفوق تماما و بتحس ان انت نشيط جدا

و الهوا بتاع البحر كمان بيعمل شغلة بشكل غريب تلائي نفسك زهنك فاضي بتفكر و انت في احسن حالاتك

الواحد سعتها بيطلع افكار زي العسل انا بصراحة كل محس ان انا زهئان او مخنوء اروح اعد هناك شوية ارجع احسن من الاول الحمد لله

دة السر لو اي حد عايز يعمل دماغ سيبك من اي حاجة و جرب الشط هنا

دمااااااااااااااغ

 

 

رد واحد إلى “احلى دماغ”

  1. elahlawy Says:

    كوووووووووووووول يا مااااااااااان …


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: