الثقة !! ….
مش عارف الموضوع دة في دماغي لية اليومين دول بس هو انا كنت لسة متكلم في الموضوع دة ع حد اعرفة و المشكلة ان الانسان دة حسيت انة فقد ثقتة في الناس كلها ممكن ميكنوش كلهم لكن الاغلبية او القعدة العامة ان الثقة مش موجودة ! طب لية ؟
الحكاية دي حصلت بعد اعتقد انة مجموعة من المواقف او نئدر نؤل انها ازمات طب اية الي حصل …
انا مش هحكي اية المواقف عشان الانسان دة ميتعرفش بس الموضوع من بعيد انة حصلت مجموعة من الازمات الي بتحتاج فيها لصديق بجد يشيل سرك و يسعدك ولكن الانسان دة ديما او القدر كان بيوقعة في الاشخاص الغلط
هو الموضوع اكثر تعقيدا من كدة شوية بس مش هعرف اوضح اكتر عشان ميتعرفش علي الاقل بين اصحابي
بس هنا الموضوع يخلينا نبص علي حاجة تنية هي هل الانسان فعلا اصبح يجب ان لا يضع ثقتة في احد ؟
مش عارف بس انا معتقدش ان دة يجب انة يحصل نهائيا بس مش معنى كدة ان الانسان يبوح بكل اسرارة لا مش دة الي اصدي علية لكن برضة لازم ان للانسان اصحاب ياتمنهم علي سرة
لكن هنا العيب في مين ؟ في الانسان الي بيعامل الناس بصدق فيستضم بالخداع و الكذب
ام في الناس التي بتعامل الانسان الطيب او نئدر نؤل النقي القلب علي انة سهل استغلالة
دالواتي المشكلة في ان الصنف التاني من الناس هم الاغلبية !! طبعا للاسف دة واقع فهل هنا الغلط يكون واقع علي الانسان الاول علي انة هو الي بيتعامل بطبيعتة !!
لا برضة انا مش مع ان الناس كلها تتعامل بالاسلوب التاني لكن علي الانسان انة يتعلم من اخطائة ويستفيد من تلك الاختبارات ليعلم كيف ان يختار اهل الثقة لديه .
