وداعا hunikal.wordpress.com مرحبا hunikal.com > eslam.me

نوفمبر 22, 2010

البداية كانت في 31/7/2007

واليوم 22/11/2010 مش النهاية دي بداية جديده بعد مرحلة مهمة عشت مع البلوج دة فترة طويلة شاف زكريات كتير مش هقفلة لكن هنتقل لموقعي الشخصي hunikal.com و تكون الكتابة علي البلوج هناك من الان.

البلوج الجديد سوف يحتوي علي مواضيع شخصية بعض المواضيع التي تتحدث عن البساطة و السعادة افكار و تجارب متعلقة بهم و بعض المواضيع عن تطوير المواقع و مشاريعي الشخصية.

يمكن متابعة البلوج من خلال RSS or Twitter

تحديث: انتقل الموقع الشخصي مرة اخري الي eslam.me

Advertisements

عيد سعيد كل عام وانتم بخير :)

نوفمبر 15, 2010

السلام عليكم ورحمة الله وبركاته كل سنة وانتم بخير ان شاء الله يكون عيد سعيد علينا جميعا يارب 🙂

إن لم تطف بالبيت لأنه عنك بعيد فلتقصد رب البيت أقرب إليك من حبل الوريد وإن لم تسعى بين الصفا والمروة فلتسعى في الخير أينما تجده وإن لم تقف بعرفه فلتقم لله بحقه الذي عرفه وإن لم ترجم إبليس بالجمرات فلترجمه بفعل الخيرات وترك المنكرات وإن لم تذبح هديك بمنى فلتذبح هواك هنا فتبلغ المنى وكل عام وأنتم بخير وتقبل الله منا ومنكم


وابتدا المشوار …

أكتوبر 23, 2010

السلام عليكم ورحمة الله 🙂

ايام كتير عدت و مكتبتش فيها لاسباب كتير مش دي المشكلة المهم ان انا ان شاء الله مستمر في الكتابة, و ابتدا المشاور …

المشوار المقصود هوا مشوار التجنيد -يارب اكرمني باعفاء- واليوم اول يوم في تسليم الورق علي الرغم من ان كان في مرحلة استخراج الاوراق عدت -بتستخرج الورق عشان ترجعة تاني!!- اليوم دة جة بعد معادين تروح يوم يديك معاد ليوم تاني تروح فية و اليوم كان طويل انهردة من اول الساعة الثامنة صباحا حتي الواحدة و نصف ظهرا

خمس ساعات ونصف انتظار و الجميل ان كل اللي بيحصل العسكري في القسم ياخد منك الورق يدبسة و قول تعالي يوم كذا اوك المهم ان اليوم خلص بكل اللي كان فية و لو حبيت اكتبة ممكن رحلة التجنيد تتعمل في كتاب

احلي شيء حصل ان ساعة ما العسكري قال “كدة خلاص شطبنا انهردة” انا اتاكدت ان امامي علي اقصى تقدير نصف ساعة و اسلم الورق و حصل

وبكدة ابتدا المشور و يارب ينتهي علي خير ادعولي 🙂


اجازة بدون تقنية

أكتوبر 2, 2010

السلام عليكم

اليومين اللي فاتو كنت واخد اجازة بعيد عن التقنية بعيد عن اللاب و بعيد عن الكمبيوتر مفيش انترنت مع العيلة وبس اقصي ارتباط بيني و بين التكنولوجيا كان التليفون ومكنتش انا اللي بتصل كنت وخدة معايا عشان بس لو في حاجة مهمة جدا

كانو يومين تحفة بعد ما خلصت اخر حاجة كنت شغال فيها موقع Digg instant سافرت علي طول ولسة راجع من شويا ارجع بقي ارد علي الميل و اشوف اية الجديد

سلام 🙂

الصورة من موقع فلكر

تطوير موقع كوميدي شوز

سبتمبر 9, 2010

الحمد لله تم تطوير موقع كوميدي شوز Comedy Shoes هوا موقع يعتمد علي وردبرس تم تعديل الشكل و بعض خصائص الثيم لتتناسب مع الموقع و الاهتمام بمجموعة الاضافات في الموقع و عملية استمثال محركات البحث او ما يعرف بـSearch Engine Optimization-SEO

لزيارة الموقع


كل عام وانتم بخير عيد سعيد

سبتمبر 9, 2010

كل سنة ويارب الجميع يكون بخير و في سعادة عيد سعيد علينا جميعا ان شاء الله

كنت قبل كدة بقدم التدوينة دي لطلبة حاسبات و دفعتي العزيزة دالوقتي التدوينة دي لخريجي حاسبات برضو دفعتي العزيزة 😀

وكل سنة و انتوا بخير  🙂


هل تعلم

سبتمبر 4, 2010

هل تعلم ان…

الخطط العفوية المبدعة: موقع يتحدث عن الإنتاج والإبداع  والتعلم الذاتي, والعقل والتفكير,  والاعتدال وعدم المبالغة, وأمور أخرى في الحياة. لكاتبته سوزان سليم, من المملكة العربية السعودية, تدرس في الجامعة علم المعلومات. تقدم محتوي مميز باسلوب شيق و مفيد

عبد الرحمن الزنكي: هوا اصغر مبادر عربي عمره 14 عام فقط من الكويت صاحب لعبة الأي فون Doodle Destroy التي حققت ٨٠٠،٠٠٠ تحميل, لا اجروء ان اقول علية انة طفل, يتعلم تطوير المواقع منذ كان عمره 11 عام وهذه ليست اللعبة الوحيدة التي طورها عبد الرحمن بل هناك المزيد

شرطة الفيسبوك المصرية الان واقع: أسست سلطات الأمن المصرية قسماً جديداً لتعقب الناشطين السياسيين على الموقع الاجتماعي الشهير ‘فيسبوك’، لمواجهة انتشار المجموعات على المواقع المناهضة للحكومة والحزب ‘الوطني الديمقراطي’ الحاكم والرئيس حسني مبارك ونجله جمال.

تحياتي 🙂


العقل المبدع يستمر في العطاء

أغسطس 22, 2010

بسم الله الرحمن الرحيم

كم عدد الفكار التي تمر علي ذهن الفرد في اليوم الواحد؟… الكثيــــــــــر

نعم الكثير و من هذا المنطلق تاتي فكرة الموضوع ان العقل المبدع يستمر في العطاء ولا يتوقف, كلنا تمر على اذهاننا افكار كثيرة كل يوم.

هناك من تاتي له فكرة و يتحمس لها كثيرا و يبداء في التنفيز لكن قد تواجهه العقبات او يفشل فيها او تسرق منة او يتراجع لاي سبب من الاسباب و يظن ان هذة هي نهاية العالم فيصاب بالاحباط لكن بالفعل ان هذا العقل المبدع الذي جاء بتلك الفكرة لن يتوقف عن العمل فهو يستمر في العطاء و كل ما علينا هوا الاصغاء جيدا لما يقول و الايمان بقدراتة

لذلك دائما تزكر العقل المبدع يستمر في العطاء


Happy birthday to me :D

أغسطس 17, 2010

سلام عليكم 🙂

انهردة زاي العادة و لرابع سنة علي التوالي الحمد لله بقول لنفسي كل سنة وانا طيب بمناسبة عيد ميلادي والسنه دي عيد ميلادي الـ 21 واو برضو تدوينة بنفس العنوان و نفس الصورة 🙂

لاكن الاحساس مختلف كل مرة بس الحمد لله لو الاحاسيس كلها بتنقسم تحت فرعين اساسين حلو و وحش اذا انا في النص الحلو و السعيد ان شاء الله

بس جديدة عليا ان عيد ميلادي يبقي في رمضان و السنة اللي فاتت كان قبل رمضان و احتفلت مع اصحابي كلهم الشباب ن المنصورة و شباب اسكندرية هنا في البيت, بس المراة دي في رمضان الوضع مختلف

كان نفسي في تورتة و شمع عشان اتمني امنيه واحدة بس هي مش واحدة بس اللي انا عيزها بس دي اهمهم واللي تفتح الطريق لتحقيق باقي الاماني, بس مش هقولكم عليها عشان المفروض تفضل سر و متتقلش عشان تتحقق

بكرة هيكون يوم مختلف يارب اجعلة يوم سعيد 🙂


رمضان كريم

أغسطس 11, 2010

رمضان كريم ان شاء الله علينا و علي الجميع 🙂