مش عارف اكتب اي حاجة احساس غريب
!!
العيب في مين ؟
Dont give up, Just be you, Because life is too short to be anybody else
اجمل يوم 4-6-2008
اتاخرت اوي في كتابة البوست دي بس بجد كان اجمل يوم
انا بتكلم عن يوم اخر امتحان في الترم دة و يعتبر اول يوم في الاجازة بجد يوم ميتنسيش
بداية اليوم بتبتدي بـ ان اصحى الساعة 6 الصبح عشان الحق قطر 7:10 و الحمد لله لحئت وركبت ومجموعة من اصحابنا الاسكندرانية اللي معايا في الكلية و الحمد لله وصلنا بالسلامة و اليوم كان حر جدا جدا جدا و رحنا المدينة و سلمنا علي صحابنا اللي مشهنشوفهم تاني و بعدين رحنا الكلية بس انا كنت مهيس جدا و دة طبيعي لان
الحر + الشمس + الصحيان بدري + السفر + منغير اكل + امتحان = انا مهيس جدا
بس كان ختامها مسك و الامتحان كان حلو جدا بعيد عن امرائبة اللي كان في لجنتنا واحدة غريبة جدا ماعلينا منها
بعد ما خلصنا امتحان و نئدر نؤل ان رسميا خدنا الاجازة هاااااااااااااااااااا اتلمينا كلنا انا و شلتنا كلها و سلمنا علي الناس كلها و وصلنا اصحابنا اللي هيسافرو و متعرفش طلبت لية -مين دي اللي طلبت ؟- دماغنا 
طلبت لعب كورة فـ دبسنا ضياء انة يجروح يجيب الكورة الواد راح و جة جري-بطل- و اعدنا نلعب و طبعا كنا اخر ناس ماشين من كليتنا و لعبنا كورة لحد لما متنا كلنا و لعبنا مع العمال الي بيبنو المبني بتاعنا و لغلبناهم اكيد 
بعد اللعب ؤلنا هناكل لازم -انا لسة مكلتش من الصبح- بعد نقاش كبير اتفئنا ان هناكل في كوك دوور و كمان كان في مناسبة مئجلنها هي عيد ميلاد ميتو و كان يوم ميتنسيش في المطعم طبعا دخلنا طلبنا تربيزة كبيـــــرة عشان تاخد الناس دي كلها و الاعدة اتظبطت و الهياس بداء و الاكل وصل و كلة تمام و محدش بقى عارف يتحرك من الاكل اللي اكلة -كلنا انتخنا - خرجنا بعد ما حولنا نتحرك و ئدرنا الحمد لله
و بدائت الرحلة الكبيرة في المشي الكتيـــــــــــــر و كنا بنسيب اي ضحية تقع مننا -ندالة بقي- اللي كان بيعد يريح كنا بنسيبة و نكمل و بعدين يجي يحصلنا و كان معانا كام ضحيا لحد لما وصلنا لخط النهايا اللي انا مش عارف هو كان فين بس كان بعيـــــد و طبعا الشباب كلها عاشت طفولتها و جبنا غزل البنات -فكرينة اللي بيتاكل دة بتاع العيال - مش كلنا بس كنت شوية حجات متتنسيش
و احتفالا بـ و صولنا لخط النهايا شربنا عصير و رحنا اعدنا عند الكبري اللي جام الهابي لاند و طبعا كنا هلكانين جدا لاكن علي مين برضة فضلنا مصممين ان اليوم لازم يستمر و مننا ناس نامت -عرفين مين …. بلاش فضايح- و بعدين ؤلنا هندخل الهابي لاند دخلنا و اعدنا نلعب كورة برضة شوية و بعدين اعدنا لعبنا “سبين بوتيل” او بالعربي الصراحة و اعدنا نحكي شوية و كان وقت جميل جدا و قت ميتنسيش بصراحة و بعديها اعدنا نعمل شوية حركات علي حبة break dance و طبعا الكثير من الوقوع و ناس كتير معاها اصابات بس بجد متعة تاريبا الوقت دالواتي حسب التوقيت المحللي لساعتنا كان 2 بالليل
ؤلنا نروح بقي طبعا اهل المنصورة كل واحد روح علي بيتهم و انا و الناس اللي بتسافر رحنا المدينة الجامعة و لاول مرة ادخلها بعد متخلص الامتحنات المهم نمنا شويا و صحينا بدري حوالي 7:30 عشان نركب قطار 9:10 و كويس ان احنا صحينا بدري لان ركبنا مواصلات غلط و القطار كان هيفوتنا و هو فات واحد صحبنا - بلاش برضة نقول مين عشان الفضايح :)) هو عارف نفسة - بس اطمنا علية انة وصل بالسلامة
حاجة وحدة بس هي اللي بجد كان نفسي اعملها او علي الاقل معناها يوصل كان نفسي اقول “see you later”
يعني اكشن و لعب و هزار و اصحاب و هياس و يوم من اجمل ايام اللي اضيتها في المنصورة في السنتين اللي فاتو
خلاصة يومين
اليومين الي فاتو دول حصل فيهم شوية حجات
هم يومين بين الامتحان قبل الاخير و الامتحان الاخير بتاع بكرة
- استلمت طرد نسخة الـ Ubuntu 8.04
- النت قطع و للاسف رجعت للـ Dailup
- شوفت ولاد اختي “علي و محمود” -ربنا يخليهم يارب- مكنتش شوفتهم من قبل بداء الامتحنات
- عرفت شوية حجات جديدة في الـ PHP
- النت رجع تاني و الحمد لله
- حاولت ازاكر عشان الامتحان العجيب بتاع بكرة دة
مش عارف انا دخلت كتبت الحجات دي لية بس يظهر ان البلوج بيكون احلى فترة الامتحنات و ممكن عشان مش فاضل غير مادة واحدة فـ احساس ان الامتحنات خلصت خلاص
يلا علي العموم خير و ربنا يسهل في الامتحان بتاع بكرة بتاع “الجريمة لا تفيد”
No for (Dialup)
خلاااااااااااااااااص
مش مستحمل انا انهرة ؤمت الصبح و خير اللهم اجعلة خير الاقي النت مفصول عندي no dsl
و بعد محاولات كتير اللي وصلت كلها لطريق مسدود النت مش راضي يجي :((
رجعت للاسف لاقدم الطرق اتصالا بالنت(بالنسبالي) وهي الـ Dialup
وطبعا بعاني من اول اليوم من البطء الشديد
ان شاء الله النت يتصلح عشان انا كدة مش عارف اعمل اي حاجة خالص
يارب
طيب … زي ما تيجي تيجي
الزمان : دالواتي.. يوم ما يعلم بيه الا ربنا
ليلة امتحان الجرافكس
المكان : ؤضة في المدينة الجامعية
في المنصورة
الاشخاص : مجموعة من الطلاب في كلية الحاسبات و المعلومات
مهتمين بالمصادر المفتوحة
الحدث :
ليلة امتحان الجرافكس-وما ادراك ما الجرفكس- و مش فاهمين اي حاجة تاريبا كل واحد فاهم كلمة و والله حاولت ازاكر و ملئناش ورق نزاكر منة, برضة الاصرار موجود جبنا ورق في المادة و لمينا السكاشن اللي كنا بنحضرها -ههههههه هم كام سكشن- برضة حاولنا نزاكر ,وربضة منفعش اكتشفت اني او برضة ان احنا كلنا مش عارفين نزاكر ….لية ؟ لان مكنش في محاضرات نزاكر منها و لما كنت بحضر محاضرات ايام زمااااان مفهمتش حاجة ! و برضة السكاشن مكنش ليها لزمة اوي .
الحالة :
انا شخصيا حالتي دالواتي تيييييييييييييييت -منع للرقابة- او بمعني تاني مخنوء , زهئان , بحاول مدخلش في اكتئاب لاكن الاكيد ان انا محبط من المادة دي بشكل كبير !! للاسف كنت بحاول ابعد عن الاحساس دة لاكن …. الحمد لله علي كل شيئ و اللي يجيبة ربنا كويس .
كمان بئالي كتير مروحتش بيتنا و من اول الامتحنات و انا موجود في غرفة واحدة في المدينة الجامعية و اكبر مسافة بـ ابتعدها عن الغرفة هي ان انا انزل اروح الامتحان و ارجع تاني اعد في الؤضة !! تاريبا بئالي كتير مشوفتش الشارع ولا عملت اي حاجة مختلفة , روتين قاااااااااااااتل .
الحالة العامة :
الجو حر و انا زهئان في ناس بتحاول تزاكر , و ناس نامت و فقدت الامل , في اللي ساب المكان و مشي خالص , حبة اعصبهم تعبت و بدئو يزعئو علي اي حاجة , واحد فاضي عمال يخبط في الباب , شوية اعدين علي الكمبيوتر بيظبتو في اللينوكس .كل دة في ؤضة المفروض ان هي لـ 4 اشخاص فقط !!!
الحل :
- اتصلت بـ اهلي ؤلتلهم الوضع اللي انا فية كله و حاولت اطلع شوية من اللي جواية
- دخلت اكتب البوست دي و برضة بحاول اخرج جزء من اللي جوايا بدل ما انفجر
- اقوم اخد دش ساقع و اصللي ركعتين عشان ربنا يكرمنا ان شاء الله
- احاول اكمل مزاكرة عشان انقذ ما يمكن انقاذة من المادة دي
في الاخر :
ادعولنا كلنا
بعد اول امتحان : communication !!
انا ؤلت ان الامتحنات دي هتشوف بوستات كتير و انا مسدئتش
انا مش داخل اكتب يومياتي ولا حاجة لا بس هي حالة الامتحنات بتكون فيها مواقف و حجات كتيـــر
الحمد لله انهرضة الامتحان كان حلو
كان امتحان مادة communication بس هي علي الكتاب اسمها Data&computer مش عارف لية !! بس ماشي …
بس سيبكوم من الامتحان نفسة و شوفو اللي حصل في الامتحان
تاريبا دة تاني امتحان انا اعد اضحك في اللجنة بالشكل دة بس مسكت نفسي الحمد للهبدل ما اهيس و سعتها كان ممكن معرفش اكمل امتحان طب هو اية اللي حصل لـ دة كل للي ماعانا في الكلية يسئلو اصحابهم الي في اول لجنة هههههههههههههه
و للي من برة الكلية متئلئوش يا جماعة انا في حاسبات المنصورة يعني اي حاجة ممكن تحصل و بلاش عشان الناس اللي عندها الضغط ميتعبوش
بس بصراحة في اصحابي كتير كانو بيعانو من الشمس لان اليوم كان صعب جدا و كان مكانهم شمس جدا ربنا معاهم باقي الامتحنات
و بعد الامتحان قدينا يوم علي طريقة 513
و اليوم لم ينتهي بعد و مازال الهياس مستمر
سلام
قبل اول امتحان !!
!!
انا عندي امتحان كمان 12 ساعة
مكنتش متوقع ان انا هدخل اكتب اي بوست في الوقت دة ؟
انا تاريبا كنت ناوي اخد فترة اجازة بمناسبة الامتحنات و مكنت هكتب حاجة بعد تدوينة الحافز
غير ان جه الخبر و عرفت ان المدونة هديل انتقلت الي رحمة الله
بس هو احساس غريب و السمعات دالواتي علي وداني و الاغاني شغالة و زميلي في المدينة اهم …..
اعدت ادور بين مواقع النت اللي انا متابعها و دخلت علي الريدر بتاعت جووجل
لائيت برضة زميلة من الكلية دخله تكتب و برضة عندها امتحان معانا بكرة !!
و ناس تنية دخلة ترد واضح ان الناس كلها ؤنلاين دالواتي و دي حاله عامة عند كل الحسوباتين
واضح ان فترة الامتحنات دي حتلائي بوستات كتير مني و مش زي ما انا كنت متوقع خالص
يلا خير اشوفكوم بعد الامتحان انا حبيت بس اسجل الاحساس دة دالواتي .
البقاء لله “هديل محمد الحضيف”
البقاء لله
توفت صباح اليوم المدونة “هديل محمد الحضيف”
صاحبة مدونة “باب الجنة“
انا لا اعرفها لاكن تابعت مدونتها
عرفت انها تعبت و كانت في المستشفى
حاربت المرض و كنا نتمني لها الشفاء لاكن امر الله نافز
لا تنسوها بالدعاء
الله يرحمك ياهديل ويغفر لك ويسكنك فسيج جناته
يارب اغفر لها و ارحمها
يارب اغفر لها و ارحمها
يارب اغفر لها و ارحمها
……….
الحافز
هل عندك حلم ,امل او هدف في المستقبل تعمل علي تحقيقة ؟
غالبا ان الجميع لهم اهداف و احلام يودون تحقيقها ,لكن ما الذي يجعل الي واحد منا يستمر في العمل حتى يحقق حلمة او هدفة ؟
اعتقد ان “الحافز” او “الدافع” هو الذي يجعل الاناس يستمر في العمل و البذل من اجل هدفة مهما كانت الصعوبات ,لكن وحدة الحافز الصحيح هو الذي يجعل الاناس يستمر وليس اي حافز يجد ان يكون الحافز
- قوي
- مرتبط بالهدف
- لا يكون سبب في قتل الهدف
الفرق بين من يحقق هدفة ومن لا يحققة هو الاستمرار و الاصرار علي الهدف و يكون خلف ذالك الدافع الذي اتحدث عنة .
اذا ما الدافع لدي اي منا وراء ما يفعلة الان ام هي مجرد افعلا جوفاء لا معني ولا غايا منها ,اذا كانت هكذا اذا فهي اشياء الانسان يقوم بها حتى لا يقتلة الملل ,وفي نفس الوقت قد قتل هو حلمة .
منذ ان كنا صغار و الكل يحلم و ثم يكبر الانسان قليلا لتتحول تلك الاحلام الي اهداف و يري الانسان منها ما هو صالح لة و مناسب و يسعى خلفة ,لذالك اعتقد انك اذا اردت ان تقتل حلم اي شخص فلتقتل بداخلة الدافع الذي يستمد منة قوتة ,لذالك علي اي شخص معرفة الدوافع وراء افعالة و يتوقع المتغيرات التي من الممكن ان تحدث ويضع احتمالات ثانية و يضح حلول للمشاكل التي يتوقعها واذا تغير هذا الحافز علي سبيل المثال :
لو كان الانسان في مرحلة حب و كان هذا الحب هو دافعة للعمل و للبذل من اجل تحسين كل ظروفة و علي اسوء الفروض اذا اختفى هذا الحب هل يفقد الانسان اهتمامة بالتقدم و يفقد اقبالة علي العمل ,ام يجعل نفسة هي الدافع للتقدم و لتحسين زاتة ؟
اعتقد انة يجب علينا ان نراجع دوافعنا هل هي فعلا مناسبة للنا و للاهداف ,ام تلك الدوافع هي بالفعل ما يعطلنا عن تحقيق الاهداف
