المصري اللي علي حق يقول للغلط لا

قطار المنصورة – اسكندرية 5:10 هوا دة الغلط

المفروض ان الصورة دي صور الواقع للقطار اللي بيجي في التلفزيون في الاعلان بتاع “المصري اللي علي حق يقول للغلط لا“

فكرين الاعلان دة كان ديما بيجي في الاجازة و انا كل ما اتفرج علية دمي يتحرق عشان عارف ان مش دة الواقع و ارجع و اقول لما نرجع نسافرهنشوف اذا كان فعلا في تجديد في القطارات ولا لا

وطبعا لا هوا هوا نفس القطر اللي الواحد بيتعامل معاه من 3 سنين مفيش تغير غير ان في بعض الجرارات اتجددت بصراحة ومع ذلك برضة سعات كتير بيوصل متاخر

فكرين الاعلان و الواد اللي كان بيتشعلق في الرف بتاع الشنط و بيقلك في الاعلان المفروض تقول له لا , اصلا الرف مش موجود تقريبا عشان الواد ميبوظوش !!

كان نفسي احط الاعلان كمان عشان الناس تشوف الفرق بجد لو حد عندو لنك للاعلان ياريت يبعت

عرفين كمان المشكلة مش في الناس بس… لا  و الادارة كمان

مرة كان في اتنين مسافرين من اسكندرية لطنطا ركبين القطار المفروض باين ان التسكرة في جدود 6.50جنية طي كويس يبقي الاثنين بـ 13 جنية تلاقي الكمسري ياخد 10 جنية بس و يقلهم “مش انتو طلبة طيب تعدي” و ميدهمش تسكرة اذا الفلوس دي راحت فين فيجيبة هوا شخصيا

دة كمان نوع من انواع الغلط اللي لازم يتقال اصادة “لا” , انا محطتش صورة الشبابيك المكسرة ولا الببان اللي منغير اكره عرفين الاكرة فين مع عمو اللي بيبيع شاي في القطر!! هوا بس اللي معاة الاكرة بتاعت الباب يعني لو الباب اتقفل مش هتعرف تروح من عربية لعربية غير لما عمو بتاع الشاي يفتحلك !؟

طب البوست دي لية ؟ عشان احنا لازم نعترف بالمشكلة الاول عشان نعرف نحلها لازم الناس تعيش علي ارض الواقع عشان تشوف الحقيقة و نقدر نتحسن